Bekobod tumanida Guliston harbiy prokuraturasi, Toshkent harbiy okrugi, Yoshlar ittifoqi hamda boshqa tuzilmalar hamkorligida harbiy-vatanparvarlik karvoni o‘tkazildi.

Tadbir davomida yoshlarga yaratilayotgan imkoniyatlar va milliy armiyamizdagi islohotlar haqida ma’lumot berildi. Harbiy orkestr chiqishlari hamda qo‘l jangi ko‘rgazmalari bayramona kayfiyat ulashdi.

Ushbu festivalning ikkinchi qismida yoshlarimiz Mudofaa vazirligiga qarashli Shirin shahrida joylashgan harbiy qismning o‘quv-moddiy bazalari, FVVning yong‘in-qutqaruv texnikalari va chegara qo‘shinlarining qurollari bilan yaqindan tanishishdi.

Tadbir yakunida 1-oktabr — “Ustoz va murabbiylar kuni” munosabati bilan o‘qituvchilarga tashakkurnomalar, maktablarga kitoblar topshirildi.

Joriy yilning 21–26-sentabr kunlari Koreya Respublikasining Kongvando provinsiyasi Inje shahridagi Quruqlik qo‘shinlari Ilmiylashtirilgan mashg‘ulot markazida uchinchi marta Xalqaro ilmiy-jangovar tayyorgarlik musobaqasi bo‘lib o‘tdi. Unda Koreya, O‘zbekiston, AQSh, Yangi Zelandiya, Kambodja davlatlari hamda NATO qo‘shma guruhidan jami 16 ta jamoa va 500 ga yaqin harbiy xizmatchilar ishtirok etdi.

Toshkent harbiy okrugi tasarrufidagi Angren garnizonida joylashgan harbiy qismda navbatdagi muhim tadbir bo‘lib o‘tdi. Unda shahar aholisi hamda "Jasorat maktabi"ning 3-mavsum tinglovchilari ishtirok etdi. Sayyor qabul Toshkent viloyati ichki ishlar bosh boshqarmasi tomonidan tashkil etilib, unda yoshlarning muammolari, taklif va shikoyatlari tinglanib, bartaraf etildi.
Tadbir doirasida 5 nafar tinglovchiga shaxsni tasdiqlovchi ID kartalar tantanali tarzda topshirildi. Bundan tashqari, 10 nafardan ortiq nazoratda turgan yoshlar ro‘yxatdan chiqarildi.
So‘zga chiqqanlar yoshlarga kelgusida ulkan zafarlar tilab, xalq va armiya bir tanu, bir jon ekanligini alohida ta’kidladilar.