🔷Chirchiq garnizonidagi harbiy qismida Qo’mondon kubigi uchun “Jasorat maktabi” o’quv yig’ini ishtirokchilari o’rtasida “Zakovat” intellektual o’yini o’tkazildi. Unda o’quvchilarning bilim salohiyati hamda tezkorlik bilan savollarga javob topishlari sinovdan o’tkazildi.

Angren garnizonidagi harbiy qismda harbiy xizmatchilarning Vatanparvarlik tuyg‘usini kuchaytirish maqsadida Toshkent harbiy okrugi orkestri va ansambli tomonidan konsert dasturi o'tkazildi.

Tashkil etilgan konsert harbiy xizmatchilar hamda ularning oila a’zolari milliy va zamonaviy kuy-qo’shiqlardan iborat dasturdan o’zgacha zavq olishdi.Tadbir barchaga ko’tarinki ruh bag’ishlab, harbiy xizmatchilarga bayramona xush kayfiyat ulashdi.

Toshkent garnizoni yong'in nazorati inspeksiyasi, Toshkent harbiy okrugi Davlat texnik nazorati va texnika xavfsizligi boʻlimi hamda Mirzo Ulugʻbek tumani FVB bilan hamkorlikda Markaziy harbiy klinik gospitali va Harbiy tibbiyot Institutida Respublikamizda sodir bo‘layotgan yong‘inlar, ularning kelib chiqish sabablari va oqibatlari mavzusida mashgʻulot tashkillashtirildi. Tadbir davomida mashgʻulot qatnashchilariga yong‘in sodir bo‘lganda qanday choralar ko‘rishi, elektr va gaz jihozlaridan to‘g‘ri foydalanish, is gazidan zaharlanishni oldini olish va yong‘in xavfsizligini ta’minlash bo‘yicha muhim tavsiyalar taqdim etildi.