ከሱዳን ጦርነት የምታተርፈው ግብፅ

የተባበሩት አረብ ኤምሬቶች ከሱዳኗ ፖርት ሱዳን ወደ ሃገሯ የሚደረጉ በረራዎችን ከከለከለች በኋላ የሱዳን የወርቅ ንግድ መዛባት ገጥሞታል።

የሱዳን ጦር ምንም እንኳን ኤምሬቶችን የፈጥኖ ደራሽ ኃይሉን ትደግፋለች ብሎ ቢወነጅልም፣ የውጪ ምንዛሬውን ያገኝ የነበረው ወደዚሁ ወደሚወነጅላት ሃገር ከሚልከው ወርቅ ነበር።

የተባበሩት አረብ ኤምሬቶች ባለፈው ነሐሴ ከፖርት ሱዳን ወደ ሃገሯ የሚደረግን ሁሉንም የንግድ በረራዎች የከለከለች ሲሆን ወደቧንም ለሱዳን ዝግ አድርጋለች።

ይህም የሱዳንን ህጋዊ የወርቅ የወጪ ንግድ ሲጎዳው መገበያያ ገንዘቧም ቀንሶ አንድ ዶላር ይሸጥበት ከነበረው 2200 ወደ 3600 የሱዳን ፓውንድ በመግባት 40 በመቶ ዋጋውን አጥቷል።

የተባበሩት አረብ ኤምሬቶች 90 በመቶ የሚሆነውን የሱዳን የወርቅ ገበያ ትይዝ የነበረ ሲሆን እስከ 2025 አጋማሽ ድረስ ብቻ 840 ሚሊየን ዶላር ዋጋ ያለው 8.8 ሚሊየን ቶን ወርቅ ከሱዳን አስገብታለች። ወደ ኤምሬቶች በህገወጥ የሚገባው ወርቅ ደግሞ ከዚህም በ4 እጥፍ ይልቃል።

የተባበሩት አረብ ኤምሬቶች የሱዳንን በረራ መከልከል ተከትሎ ግን ግብፅ ተጠቃሚ መሆን ጀምራለች።

የበረራ መከልከሉን ተከትሎ የሱዳን ወርቅ ወደ ግብፅ እየተላከ ሲሆን ግብፅም ከፍተኛ ጥቅም በማግኘት ወርቁን ወደ ተባበሩት አረብ ኤምሬቶች ዳግም ትልካለች።

የግብፅን ያህል ባይሆንም ኳታርና ኦማንም የሱዳን ወርቅ አልፎባቸው ወደ ኤምሬቶች የሚገቡባቸው ሃገራት ሆነዋል።

ዘገባው ከሮይተርስ የተገኘ ነው።

@TikvahethMagazine

ሙሉ ኮከብ ሪልሰቴት  በሲኤምሲ የሚገኝ ከ ስኩል ኦፍ ቱሞሮ ዝቅ ብሎ የሚገኝ እጅግ ዘመናዊ ና ጥራታቸውን የጠበቁ አፓርትመንት ቤቶች ይዘንሎት ቀርበናል
👉ግንባታቸው 100% የተጠናቀቁ  ቅንጡ አፓርታማ ቤቶች በተመጣጣኝ ዋጋ ከባለ 1 መኝታ እስከ ባለ 4 መኝታ የተለያዬ የካሬ አማራጭ የያዘ
👉60% የባንክ ብድር አማራጭ የተዘጋጀላቸው
👉ሙሉ በሙሉ የተጠናቀቁ እና በግንባታ ላይ ያሉ።
      
     🔸2 ሊፍት
      🔸️የከርሰ ምድር ውሃ
      🔸️backup ጀነኔተር
    🔸️የ ልጆች መጫወቻ እና አረንጓዴ ስፍራ የተሟላለት 3000 ካሬ ላይ ያረፈ ቅንጡ ኮምፓውንድ አፓርትመንት በኢትዮጵያ ብር ለሽያጭ አቅረበናል።

ባለ 1 መኝታ 82 ካሬ
ባለ 2 መኝታ 96,99, እና 105ካሬ
ባለ 3 መኝታ 120,124 እና 127 ካሬ
ባለ 4 መኝታ 181 ካሬ

60%ባንክ ብድር የተመቻቸላቸው ዲጅታል የተናጥል ካርታ የተዘጋጀላቸው

📣በ መሀል CMC መኖሪያ ቤቶን ይግዙ።

ለበለጠ መረጃ
💁‍♂📞 +2519-21-85-72-39
            +2519-48-74-31-71

ፕሬዚዳንት ትራምፕ ለግዙፉ የክሪፕቶከረንሲ መገበያያ ስርዓት ባይናንስ መስራች ቻንግፔንግ ዣኦ ምህረት አደረጉ።

ባይናንስ የተሰኘው ግዙፉን የክሪፕቶከረንሲ መገበያያ ተቋም የመሰረተው ዣኦ እሱ በመሰረተው ባይናንስ የገንዘብ ማጭበርበር እንዲደረግ አድርጓል በሚል ተከሶ አራት ወራትን በእስር እንዳሳለፈና ባይናንስም 4 ቢሊየን ዶላር ቅጣት እንዲከፍል ተወስኖ ነበር።

ዣኦ 50 ሚሊየን ዶላር ለመክፈል መስማማቱ የሚታወስ ሲሆን በዚሁ የተነሳም ከባይናንስ ኃላፊነቱም ለቋል።

የኋይት ሃውስ ቃለ አቀባይ ካሮሊን ሊያቪት ትራምፕ የምህረት ደብዳቤውን መፈረማቸውን አረጋግጠው " ዣኦ ምንም ጥፋት አልሰራም፤ የባይደን አስተዳደር ክሪፕቶከረንሲን ለማጥፋት የወሰነው ውሳኔ ነበር" ብለዋል።

አክለውም ውሳኔው አሜሪካ የቴክኖሎጂ እና ፈጠራ መሪ በመሆን የነበራትን ስም አጉድፏል በማለት የባይደን አስተዳደር በክሪፕቶ ላይ የነበረው ጦርነት አብቅቷልም ብለዋል።

ዣኦም ለውሳኔው ትራምፕን ሲያመሰግን የመሰረተው መገበያያ ባይናንስም ምስጋናውን አድርሷል።

የትራምፕ አስተዳደር ወደ ስልጣን ከተመለሰ በኋላ ለክሪፕቶከረንሲ ከፍተኛ ትኩረት የሰጠ ሲሆን አሜሪካንም በዘርፉ ቀዳሚ ለማድረግ እንደሚሰራ በተደጋጋሚ ተገልጿል።

መረጃው የተገኘው ከኤንቢሲ ነው።

@TikvahethMagazine

በሱዳን ከ30 ሚሊየን ሰዎች በላይ አስቸኳይ የሰብዓዊ ድጋፍ ያስፈልጋቸዋል ተባለ።

አለም አቀፉ የፍልሰተኞች ድርጅት፣ የተመድ የስደተኞች ኤጀንሲ፣ ዩኒሴፍ እና የአለም የምግብ ፕሮግራም ሱዳን በአለም ላይ ከባዱን የአስቸኳይ እርዳታ አጋጥሟታል ሲሉ 9.6 ሚሊየን የውስጥ ተፈናቃዮችን ጨምሮ 15 ሚሊየን ህፃናት ችግር ውስጥ ናቸው ብለዋል።

በሱዳን በተወሰነ መልኩ መረጋጋት ከታየ በኋላ 2.6 ሚሊየን ተፈናቃዮች ወደነበሩበት ቦታ ተመልሰዋል ሲባል በግጭቱ በርካታ ቤቶች እና አገልግሎቶች ወድመዋል ተብሏል።

በሱዳን የኮሌራና የወባ በሽታ ስርጭት አስጊ ነው ሲሉ ለትምህርት ከደረሱ 17 ሚሊየን ህፃናት መካከል 14 ሚሊየኑ ከትምህርት ገበታ ውጪ ሆነዋልም ተብሏል።

የፈጥኖ ደራሽ ኃይሉ በያዛት ኤልፋሸር ከ260 ሺህ በላይ ሰዎች ላለፉት 16 ወራት ከእርዳታ ተነጥለዋል ተብሏል።

መረጃው ከሚድል ኢስት ሞኒተር የተገኘ ነው።

@TikvahethMagazine

#እንድታውቁት

የአዲስ አበባ ከተማ አስተዳደር መሬት ልማትና አስተዳደር ቢሮ ያወጣው 7ኛ ዙር የመሬት ሊዝ ጨረታ ለተጨማሪ 10 ሥራ ቀናት (እስከ ጥቅምት 28/2018) መራዘሙን የመሬት ሊዝ ጨረታ አስፈጻሚ ኮሚቴ አስታውቋል።

የጨረታ ሰነዱን ለማግኘት https://landleasedocument.aalb.gov.et/

@TikvahethMagazine

#ማሳሰቢያ

የኢትዮጵያ ኤሌክትሪክ ኃይል የገናሌ ዳዋ 3ኛ የኃይል ማመንጫ ግድብ ውሃ በከፍተኛ ሁኔታ እየጨመረ መምጣቱን በመግለጽ የግድቡን ደህንነት ለማስጠበቅ ሲባል ውሃውን ከጥቅምት 18 ቀን 2018 ዓ.ም. ጀምሮ ላልተወሰኑ ቀናት እንደሚለቀቅ አስታውቋል።

በዚህም ምክንያት በሊበን እና መዳወላቡ ወረዳዎች ኮባዲ፣ ሚኤሳ፣ መዳ፣ ኦዳ ቦጂ፣ እና ቢድሬ ቀበሌዎች እና በአካባቢያቸው ያሉ ነዋሪዎች የሚለቀቀው ደራሽ ውሃ በሰውም ሆነ በእንሰሳት ላይ ጉዳት እንዳያደርስ ተገቢውን ጥንቃቄ እንዲያደርጉ አሳስቧል።

@TikvahethMagazine

ሙሉ ኮከብ ሪልሰቴት  በሲኤምሲ የሚገኝ ከ ስኩል ኦፍ ቱሞሮ ዝቅ ብሎ የሚገኝ እጅግ ዘመናዊ ና ጥራታቸውን የጠበቁ አፓርትመንት ቤቶች ይዘንሎት ቀርበናል
👉ግንባታቸው 100% የተጠናቀቁ  ቅንጡ አፓርታማ ቤቶች በተመጣጣኝ ዋጋ ከባለ 1 መኝታ እስከ ባለ 4 መኝታ የተለያዬ የካሬ አማራጭ የያዘ
👉60% የባንክ ብድር አማራጭ የተዘጋጀላቸው
👉ሙሉ በሙሉ የተጠናቀቁ እና በግንባታ ላይ ያሉ።
      
     🔸2 ሊፍት
      🔸️የከርሰ ምድር ውሃ
      🔸️backup ጀነኔተር
    🔸️የ ልጆች መጫወቻ እና አረንጓዴ ስፍራ የተሟላለት 3000 ካሬ ላይ ያረፈ ቅንጡ ኮምፓውንድ አፓርትመንት በኢትዮጵያ ብር ለሽያጭ አቅረበናል።

ባለ 1 መኝታ 82 ካሬ
ባለ 2 መኝታ 96,99, እና 105ካሬ
ባለ 3 መኝታ 120,124 እና 127 ካሬ
ባለ 4 መኝታ 181 ካሬ

60%ባንክ ብድር የተመቻቸላቸው ዲጅታል የተናጥል ካርታ የተዘጋጀላቸው

📣በ መሀል CMC መኖሪያ ቤቶን ይግዙ።

ለበለጠ መረጃ
💁‍♂📞 +2519-21-85-72-39
            +2519-48-74-31-71

ቢቢሲ ያጋለጠው የተባበሩት አረብ ኤምሬቶች ፕሮፓጋንዳ በአፍሪካ

በአፍሪካ ስለ ተባበሩት አረብ ኤምሬቶች በጎ ገፅታን ለማስረፅ እንደዚሁም የሱዳን የፈጥኖ ደራሽ ኃይልን የሚደግፉ ሀሳቦችን የሚያንፀባርቁ የበይነ መረብ ኔትዎርኮች መኖራቸውም በቢቢሲ ምርመራ ይፋ ሆኗል።

እነዚህ ኔትዎርኮች ከ100 በላይ ሃሰተኛ አካውንቶችን እንደ ኤክስ፣ ፌስቡክ እና ቲክቶክ ባሉ ማህበራዊ ሚዲያዎች የከፈቱ ሲሆን የሶማሊያ ሴቶችን እና ተፅዕኖ ፈጣሪዎችን በማስመሰል በቀጣናው ያሉ ተከታታዮች ስለ የተባበሩት አረብ ኤምሬቶች በጎ ገፅታ እንዲኖር ይሰራሉ።

በእነዚህ አካውንቶች ከጥር 2023- መስከረም 2025 ድረስ ከ47,000 በላይ ልጥፎች ተጋርተዋል እንደዚሁም ከ215 ሚሊየን በላይ ተጠቃሚዎች ጋር ልጥፎቹ ደርሰዋል።

ኔትዎርኮቹ እውነተኛ እና በሰው ሰራሽ አስተውህሎት የተፈጠሩ ምስሎችን በመጠቀም የተባበሩት አረብ ኤምሬቶች ሶማሊያን የምታግዝ በጎ ኃይል ነች ሲሉ የሱዳን ጦርን በማጣጣል የፈጥኖ ደራሽ ኃይሉን ያሞግሳሉ።

በርካታ የሶማሊ ሴቶችም ያለፈቃዳቸው ምስላቸው አገልግሎት ላይ እንደዋለ ለቢቢሲ አረጋግጠው እነሱን አስመስለው የሰሩትን ግን ምንም ሊያደርጓቸው እንደማይችሉ ተናግረዋል።

በእነዚህ ሃሰተኛ አካውንቶች የተለጠፉ ልጥፎች በአል ኦቤይድ ከተማ የሱዳን ጦር የጅምላ ግድያ መፈፀሙን ቢገልፁም እንደዚህ አይነት ጥቃት በቦታው ስለመፈፀሙ አልተረጋገጠም።

ባለሙያዎች እነዚህ አካውንቶች የተባበሩት አረብ ኤምሬቶችን የውጪ ፖሊሲ በአፍሪካ ለማስረፅ የሚሰሩ የፕሮፓጋንዳ አካላት ናቸው ሲሉ የሚሰሩትም የፖለቲካ ውል በፈፀሙ ድርጅቶች ስር ነው።

ሜታ እና ቲክቶክ ከዚህ ጋር በተያያዘ ሰዎችን የሚያስመስሉ በርካታ ሃሰተኛ አካውንቶችን ከመተግበሪያቸው ላይ ማጥፋታቸውን ገልፀዋል።

@TikvahethMagazine

ሁለት ሶስተኛ የሚሆኑት የደቡብ ሱዳን ህፃናት ለህፃናት የጉልበት ብዝበዛ ይዳረጋሉ ተብሏል።

በደቡብ ሱዳን በተደረገ የዳሰሳ ጥናት ከ5-17 ዓመት ካሉ ህፃናት 64 በመቶዎቹ ለጉልበት ብዝበዛ፣ ለግጭትና የወሲባዊ ጥቃት ይዳረጋሉ።

በአንዳንድ አካባቢዎች ከ10 ህፃናት ዘጠኙ ትምህርታቸውን በመከታተል ፈንታ በወርቅ ማውጣት እና በእንስሳት እርባታ ይሳተፋሉ ተብሏል።

በሃገሪቱ ያለው ግጭት እና በህፃንነት ወደ ጋብቻ መግባት ህፃናቱ ለጉልበት ብዝበዛ እንዲዳረጉ አድርጓቸዋልም ተብሏል።

በዳሰሳ ጥናቱ ከተሳተፉት መካከል 10 በመቶዎቹ ከታጣቂ ቡድኖች ጋር እንደሚሰሩ ሲገለፅ ወንዶች ከታጣቂዎች ጋር የመስራት ሴቶች ደግሞ የወሲብ ብዝበዛ እንደሚዳረጉ ተገልጿል።

በምስራቅ አፍሪካ የህፃናት ጉልበት ብዝበዛ ምጣኔ 30 በመቶ ነው ሲባል የደቡብ ሱዳን ከቀጣናው በእጥፍ የበለጠ ነው።

እንደ ዩኒሴፍ ዘገባ በአለም አቀፍ ደረጃ በ2024 ከ138 ሚሊየን በላይ ህፃናት ለጉልበት ብዝበዛ ሲዳረጉ አሳሳቢ ጉዳይም ሆኖ ቀጥሏል።

መረጃው የአልጀዚራ ነው።

@TikvahethMagazine

#BusinessTips

ቢዝነስ ማስተዳደር ፈተና እየሆነ ነው። እናም ከወትሮው በተለየ መንገድ አስብበት። የቻሌንጅ ዘመን ነው።

የቢዝነስ ዓላማ የደንበኞችን ችግር በመፍታት ገቢ እና ትርፍ ማግኘት ነው። ለደንበኞችህ ጥቅም ከሌለህ ገቢ አታገኝም። ይህ የቢዝነስ ሀ ሁ ነው።

የቢዝነስ አቡጊዳ ደግሞ ቢዝነስህን ትርፋማ አድርጎ መምራት ነው። የሽያጭ ገቢ ማግኘት ብቻውን ትርፋማ አያደርግም። ገቢህ ለትርፍ የሚያበቃ ገቢ ነው ወይ? ካልሆነ ልታስብበት የተገባ ነው። የግርድፍ ትርፍ መጠንህ ከ30% ካነሰ ልታስብበት የተገባ ነው።

በዚህ ዘመን ብክነቶችህን ልትቀንስና ብዙ ተጠቃሚዎች ጋ ልትደርስ አስፈላጊ ነው። የተዝናናው የቢዝነስ አሠራር ዘመን አልፏል።

በዚህ ዘመን ትርፋማ ሆነህ እንዴት ትኖራለህ?

#ፍተሻ: የውስጥ አሠራርህን ፈትሽ።

የውስጥ አሠራርህ እንዴት ነው? ብክነት አለው? የብክነቱ ምንጮች ምንድን ናቸው? ስንት አስገብተህ ስንት ታወጣለህ? ከአንድ ኩንታል ዱቄት ስንት ዳቦ ይወጣል? ከአንድ ኩንታል ጤፍ ስንት እንጀራ ይወጣል? ተወዳዳሪህ 900 እንጀራ እያወጣ አንተ 600 ካወጣህ ተበልተሃል! የውስጥ ችግርህን ፈትሽ። ንቃ!

#አስተካክል: ክፍተትህን አስተካክል።

ጉድለትና ክፍተትህን አስተካክል። ብክነትን ማወቅ ብቻ በቂ አይደለም። ክፍተትህን እንዴት እንደምትዘጋው እወቅ። ክፍተትን መዝጋት ቀላል አይደለም። ችግር ችግሩን በፈጠረው አዕምሮ አይፈታም። ሌላ ፈቺ ይፈልጋል። እርዳታ ጠይቅ።

አንዳንዱ ማስተካከያ ችግሩ ተፈትቶ ሲታይ ቀላል ይመስላል። ግን ቀላል ያደረገው የብዙ ዘመን ልምድ ይሆናልና ለልፋት ሳይሆን ለልምድ ዋጋ ስጥ። አንዳንዱ ማስተካከያ ደግሞ ጊዜ ይፈልጋልና መጠበቅን ተለማመድ። አንተ ስለቸኮልህ በ6 ወር ልጅ አይወለድምና አትቸኩል።

#ተባበር: አብረውህ ከሚሠሩት ጋር ተባበር።

አንተ የያዝከው ሸክም ብዙ መሆኑን አስተውል። The more you invest, the less you become free. ብዙ ኢንቨስት ባደረግህ ቁጥር ነጻነትህ ይቀንሳል። ከሸቀጥ ነጋዴው ይልቅ የባለፋብሪካው ነጻነት ያነሰ ነው።

ሌሎቹ ግድ ባይሰጣቸው አንተ ግን ግድ ሊሰጥህና ሌሎችን ልታግባባ ያስፈልግሃል። ብዙ ኢንቨስት አድርገህ ነጻነትህ እንዲጨምር ከፈለግህ ከሌሎች ጋር ተባበር። ከሠራተኞች፣ ከማኔጀሮች፣ ከአማካሪዎች፣ ከተቆጣጣሪዎች ጋር ተባብሮ ማሠራትን እወቅበት።

#ስርዓት: ሲስተምና መዋቅር ዘርጋ።

የምትፈልገው ቦታ ለመድረስ ግርግርና ተፍ ተፍ ማለት ብቻ ሳይሆን ሲስተምና መዋቅር ያስፈልግሃል። ሲስተም ከሌለህ የዛሬ ስኬት ነገ አይደገምም። እስኪ የሽያጭ ገቢህን ተመልከት። በየወሩ፣ በየሩብ ዓመቱ እያደገ ነው? ካልሆነ ችግር እየመጣ ነው። በጊዜ ንቃ!

#ኢንቨስት: ለአዳዲስ ሀሳብና አሠራሮች ዋጋ ክፈል።

ዘመኑ አዳዲስ አስተሳሰብ የሚፈልቅበትና አዳዲስ አሠራሮች የሚዘረጉበት ነው። AI እየናኘ ነው። ሮቦቶች እየመጡ ነው። አንተ ግን ያልፋል እያልክ በጥበቃ ላይ ነህ። አትሞኝ ንቃ! የድሮው እያለፈና እየተረሳ አዲሱ እየገነነ ነው።

የድሮው ስልክ ላይመለስ ሄዷል። ሞባይል ደግሞ አዲስ ደረጃ ላይ ደርሷል። እናም ለአዳዲስ ሀሳቦችና አሠራሮች ጊዜህን፣ ትኩረትህንና ገንዘብህን ክፈል፣ ያውም በደንብ ክፈል። ከፍለህም ባገኘህ።

#ለውጥ: ከለውጥ ጋር ተራመድ።

የባንክ አሠራር ላይ ለውጥ አለ። ታክስ አሰባሰብ ላይ ለውጥ አለ። ውድድር ላይ ለውጥ አለ። የአስተዳደር ወጪ ላይ ለውጥ አለ። የደንበኞች አስተሳሰብ ላይ ለውጥ አለ። አንተስ ጋ ለውጥ አለ? ከሌለ Watch Out! ዙሪያህ ሲለወጥ አንተ ከቆምህ የአደጋ ቀለበት ውስጥ ነህ።

#ፍጠን: አትቁም! ጊዜ አታባክን።

አማራጮችን ፈትሽ። ተነጋገር፣ ተመካከር፣ ወስን። አንተ ካልወሰንክ ሌሎች ይወስኑብሃል። ፍጠን!

#ማስታወሻ: ይህ ጹሑፍ Get Toughe Zer ፌስቡክ ገጽ የተወሰደ ሲሆን ለአቀራረብ እና ለሚዲያ እንዲመች ከዋናው ጹሑፍ መጠነኛ ማሻሻያዎች ተደርጎበታል።

@TikvahethMagazine

አሊኮ ዳንጎቴ 30 ቢሊየን ዶላር ሃብት ላይ የደረሰ የመጀመሪያው አፍሪካዊ ሆኗል።

በጥቅምት 2025 የዳንጎቴ ሃብት ከባለፈው ዓመት በ2.16 ቢሊየን ዶላር በመጨመር 30 ቢሊየን መድረሱ ሲነገር እዚህ ቁጥር ላይ የደረሰ የመጀመሪያው አፍሪካዊም ሆኗል።

ዳንጎቴ የነዳጅ ማጣሪያውን በናይጄሪያ ከገነባ በኋላ በ2024 ሃብቱ ከ13 ቢሊየን ዶላር ወደ 27 ቢሊየን ዶላር ጨምሯል።

ዳንጎቴ በአፍሪካ አሁንም በበርካታ ዘርፎቾ እየሰራ ሲሆን በኢትዮጵያም በተለያዩ የኢንቨስትመንት ዘርፎች እየሰራ መሆኑ ይታወቃል።

መረጃው የቢዝነስ ኢንሳይደር አፍሪካ ነው።

@TikvahethMagazine