በሜሪጆይ ኢትዮጵያ በሐዋሳ ከተማ የተገነባው የኩላሊት እጥበት ማዕከል ተመረቀ።

ሜሪጆይ ኢትዮጵያ  የኩላሊት እጥበት ማዕከል ሐዋሳ ቅርንጫፍ ከ29 ሚሊዬን ብር በላይ በፈጀ ወጪ ተገንብቶ ተመርቋል።

የክልሉ መንግስት 10 ሚሊዮን ብር እና አንድ አንቡላንስ መኪና ድጋፍ ሲያደርግ የሀዋሳ ከተማ አስተዳደር በበኩሉ የ5 ሚሊዮን ብር ድጋፍ ማድረጋቸውን ገልጸዋል።

ማዕከሉ 13 የእጥበት ማሽን ያለው ሲሆን፤ በአንድ ጊዜ 12 ህመምተኞችን ያስተናግዳል ሲባል 10ሺህ ዙር የኩላሊት እጥበት ማከናወን እንደሚችልም ተጠቁሟል።

@TikvahethMagazine

BYD ከ115,000 በላይ የኤሌክትሪክ መኪናዎች ላይ ማሻሻያ እንደሚያስፈልጋቸው ገለጸ።

የቻይናው ግዙፉ የኤሌትሪክ መኪኖች አምራች ቢ.ዋይ.ዲ በዲዛይንና በባትሪ ተከላ ችግር ምክንያት ከ115,000 በላይ መኪኖችን ለማሻሻያ ወደ ማምረቻ እንዲመለሱ ጥሪ አቅርቧል።

ይህ ችግር የተገኘባቸው ከ2015 እስከ 2017 የተመረቱ ከ44 ሺ በላይ የታንግ እና ከ2021 እስከ 2022 የተመረቱ ከ71ሺ በላይ የዩዋን ፕሮ ሞዴሎች ላይ መሆኑ ተገልጿል።

በዩዋን ፕሮ ሞዴሎች ላይ ያጋጠመው ችግር ባትሪውን ከውኃ እንዲሁም ሌሎች ቆሻሻዎች ለመሸፈን የተገጠመው መከላከያ (Sealing Gasket) በአግባቡ አለመጥበቁ መሆኑ ተገልጿል።

ይህም ውኃ ወይም ሌሎች ነገሮች ወደ ኤሌክትሪካል ሲስተሙ እንዲገቡ እና ተግባሩን ሊረብሹ ይችላሉ።

ተቋሙ በተደጋጋሚ በምርቶቹ ላይ የማሻሻያ ጥሪ ቢያቀርብም ይህኛው ከእስካሁኖቹ በመጠን ከፍ ያለ ነው ተብሏል።

ኩባንያው ፈጠረ ያለውን ችግሮች ከክፍያ ነፃ እንደሚያስተካክል ተናግሯል።

ተጨማሪ ማንበብ ለምትፈልጉ ምንጮች ከላይ ተያይዘዋል።

@TikvahethMagazine

#Oromia: የኦሮሚያ  ክልላዊ መንግስት በዛሬው ዕለት በሞጆ ከተማ በተካሄደው መርሐግብር በሴፍቲኔት ድጋፍ ስር ለቆዩ ዜጎች ከ200 ሚሊዮን ብር በላይ ወጪ የወጣባቸውን 1945 የውኃ ፖምፕ ሞተሮች ማስረከቡን የክልሉ ኮሚኒኬሽን ቢሮ ገልጿል።

@TikvahethMagazine

በፓሪስ ከሚገኝ ሙዚየም በእንቁዎች ያጌጡ ቅርሶች መሰረቃቸው ተገለጸ

ትናንት ማለዳ በፓሪስ ሉቨር ሙዚየም በዋጋ የማይተመኑ የተባሉ ጌጣ ጌጦች ተሰረቁ። የፓሪስ ፖሊስ የሌቦቹን ቡድን ለመያዝ አሰሳ እያደረገ መሆኑ ገልጿል።

የፈረንሳይ አገር ውስጥ ሚኒስትር ላውረንት ኑኔዝ እሁድ ዕለት ማለዳ ሙዚየሙ ለጎብኚዎች ክፍት በሆነ በደቂቃ ውስጥ ጭምብል ያጠለቁ ተጠርጣሪዎች ዘረፋውን ለመፈጸም ደቂቃዎች ብቻ እንደፈጀባቸው ተናግረዋል።

የዘራፊዎቹ ቡድን የሙዚየሙ የመጀመሪያ ፎቅ መስኮት ላይ ለመድረስ ከመኪና ላይ የተዘረጋ መሰላል መጠቀማቸው የተገለፀ ሲሆን፣ ጌጣጌጦቹን ለዕይታ ከተቀመጡበት ሰብረው በማውጣት በአነስተኛ ሞተር ሳይክል አምልጠዋል።

በዘራፊዎቹ የተወሰዱት ጌጣጌጦች የፈረንሳይ ንጉሣውያን ቤተሰቦች ይገለገሉባቸው የነበሩ ናቸው። ባለሥልጣናት ዘጠኝ ጌጣጌጦች መወሰዳቸውን ጨምረው አስታውቀዋል።

አራት ሰዎች በዘረፋው ላይ የተሳተፉ ሲሆን ሁለቱ ወደ ሕንጻው ከገቡ በኋላ ጠባቂዎችን ሲያስፈራሯቸው መሰላል የጫነ መኪና ወደ ሕንጻው የመጀመሪያ ፎቅ መስኮት በመጠጋት መሰላሉን መዘርጋቱን ተገልጿል።

እነዚህን የከበሩ ማዕድናትና የተዋቡ ጌጣ ጌጦችን ሙሉ በሙሉ ለመሸጥ መሞከር በቀላሉ ስለሚታወቅ ሊያጋልጣቸው ስለሚችል ወንጀለኞቹ በቀላሉ በታትኖ ለመሸጥ የሚያመቻቸውን ጌጣጌጦች መርጠዋል ነው የተባለው።

@TikvahethMagazine