ኒውካስል የኢላንጋን ዝውውር በምን መልኩ ይፋ አደረገ ?

ኒውካስል ዩናይትድ አንቶኒ ኢላንጋን ማስፈረሙን ይፋ ያደረገው ለየት ባለ መልኩ የአንድ ህፃን ደጋፊ ገጠመኝ በመግለፅ ነበር።

የክለቡ ደጋፊ ህፃን በተለቀቀው ተንቀሳቃሽ ምስል ባለፈው የውድድር አመት ስለገጠመው ገጠመኝ ተናግሯል።

የህፃኑ ገጠመኝ ምን ነበር ?

በቪዲዮው የታየው ህፃን ኒውካስል ባለፈው የውድድር አመት ከአርሰናል ጋር በሚጫወትበት ዕለት ህመም አጋጥሞኛል በማለት ከትምህርት ቤት ቀርቶ ነበር።

ኒውካስል ዩናይትድ ግብ ባስቆጠረበት ወቅት ህፃኑ በደስታ ሲጨፍር በቀጥታ ስርጭት በቴሌቪዥን መስኮት ታይቷል።

የትምህርት ቤቱ ርዕሰ መምህር በበኩላቸው ህፃኑን በቴሌቪዥን ቀጥታ ስርጭት ተመልክተውት እንደነበር ተገልጿል።

የትምህርት ቤቱ ሀላፊዎችም " ልጁን ኳስ ሲከታተል እና ሲጨፍር አይተነዋል በጉዳዩ ላይ መነጋገር እንፈልጋለን " የሚል መልዕክት ለወላጆቹ መላካቸው ተነግሯል።

ኒውካስል ዩናይትድም የልጁን ገጠመኝ የአንቶኒ ኢላንጋን ዝውውር ይፋ ሲያደርጉ አስተዋውቀውታል።

@tikvahethsport     @kidusyoftahe