ዩኒቨርሲቲዎች ከነገ ሰኔ 23/2017 ዓ.ም ጀምሮ የሚሰጠውን የ12ኛ ክፍል ብሔራዊ ፈተና የሚወስዱ ተፈታኞችን ዛሬ ተቀብለው ያጠናቅቃሉ፡፡

ተማሪዎች ከአርብ ሰኔ 20/2017 ዓ.ም ጀምሮ ወደየተመደቡበት ዩኒቨርሲቲ ሲገቡ ቆይተዋል። በዛሬው ዕለትም ገለጻ ተሰጥቷቸዋል።

የ2017 ዓ.ም የ12ኛ ክፍል ማጠናቀቂያ ብሔራዊ ፈተና ከሰኔ 23 እስከ ሐምሌ 08/2017 ዓ.ም እንደሚሰጥ ይታወቃል። በወጣው መርሐግብር መሰረት ነገ ሰኔ 23/2017 ዓ.ም የተፈጥሮ ሳይንስ ተማሪዎች ፈተና ይጀምራል፡፡

ምስል፦ የተለያዩ የመንግሥት ዩኒቨርሲቲዎች

@tikvahuniversity

ነገ ሰኔ 23/2017 ዓ.ም መሠጠት የሚጀምረውን ሀገር አቀፍ መልቀቂያ ፈተናን ለመውሰድ ወደ ዩኒቨርሲቲዎች ለገቡ የተፈጥሮ ሳይንስ ተማሪዎች የግንዛቤ ማስጨበጫ (Orientation) ተሰጥቷል።

የ12ኛ ክፍል ተፈታኝ ተማሪዎቹ የዩኒቨርሲቲ ቆይታቸው ሰላማዊና ስኬታማ የፈተና ግዚ እንዲኖራቸው የሚያግዛቸው ነው። በሆነ መንገድ በውጤት ያጠናቅቁ ዘንድ አጠር ያለ የግንዛቤ ማስጨበጫ ትምህርት ሰኔ 22/2017 ዓ.ም ተሰጥቷቸዋል፡፡

ተፈታኞቹ በዩኒቨርሲቲዎቹ በሚኖራቸው ቆይታ ስለሚያገኙት አገልግሎቶች (ምግብ፣ መኝታ፣ ጤና...) እና ሌሎች ቅድመ ሁኔታዎች ግንዛቤ እንዲያገኙ ተደርጓል።

በተጨማሪም በፈተና ወቅት ስለሚከተሏቸው ህግና ደንቦች እንዲሁም ተያያዥ ስለሆኑ የፈተና ሂደቶችና አተገባበሮችን በሚመለከት ገለጻ ተሰጥቷቸዋል።

ምስል፦ ጎንደር፣ መቅደላ አምባ፣ ቦንጋ፣ ወልድያ እና መቐለ ዩኒቨርሲቲዎች

@tikvahuniversity

በአዲስ አበባ ከተማ አስተዳደር የ2017 ዓ.ም የ12ኛ ክፍል መልቀቂያ ብሔራዊ ፈተናን በኦንላይን ለሚወስዱ የተፈጥሮ ሳይንስ የመጀመሪያ ዙር ተፈታኝ ተማሪዎች አጠቃላይ ገለጻ (Orientation) ተሰጥቷል፡፡

ምስል፦ በአብሮህት ቤተ መፃሕፍት እና በአድዋ ሙዚየም የፈተና ማዕከላት ፈተና ለሚፈስዱ ተፈታኞች የተሰጠ ገለጻ

@tikvahuniversity

የቴክኒክና ሙያ ስልጠና ኢንስቲትዩት የ12ኛ ክፍል መልቀቂያ ፈተና ለመፈተን ወደተቋሙ ለገቡ ተማሪዎች የግንዛቤ ማስጨበጪያ ሰጥቷል።

ተማሪዎቹ በተቋሙ በሚኖራቸው ቆይታ ማሟላት የሚገቧቸውን እና የሚያገኟቸውን አገልግሎቶች በተመለከተ ኦረንቴሽን ተሰጥቷል

በኢንስቲትዩቱ ከአራት ትምህርት ቤቶች የተመደቡ ከ800 በላይ ተማሪዎች እንደሚፈተኑ ተገልጿል።

@tikvahuniversity