📚 2025-yil 25-aprel kuni institutimiz tomonidan "Muhandislik oyligi” doirasida “Ijtimoiy va iqtisodiy sohalarni innovatsion rivojlantirishda yosh tadqiqotchilarning roli” mavzusidagi talabalar xalqaro ilmiy-amaliy konferensiyasi o‘tkazildi. Konferensiyada yosh tadqiqotchilarning innovatsion rivojlanishdagi o‘rni va ilm-fan sohasidagi dolzarb masalalar muhokama qilindi.

🔖Tantanali ochilish marosimida Oliy ta’lim fan va innovatsiyalar vazirligi huzuridagi Innovatsion rivojlanish agentligi direktori Rajabbayev Sharof Raximberdiyevich, Toshkent menejment va iqtisodiyot instituti rektori Axmedov Xojiakbarxon Dilshatovich, IT Park Biznesni rivojlantirish departamenti direktori Rajabov Jahongir, “Milliy tiklanish” demokratik partiyasining Markaziy Kengashi Ijroiya qo‘mitasi devoni Yoshlarning ijtimoiy-siyosiy faolligini oshirish masalalari bo‘limi mutaxassisi Murodov Nodirbek Oybek o‘g‘li, Toshkent shahar yosh olimlar va o‘qituvchilar kengashi raisi Boymurodov Shohrux Maxmudovich kabi mehmonlar ishtirok etdilar.

🏆 Tadbir mobaynida "BRAINTECH" START-UP loyihalari tanlovi g‘oliblari:
1️⃣-o'rin – G'ulomov Husan
2️⃣-o'rin – Xamidullayev Zabixulloh
3️⃣-o'rin – Narimonov Farruh
pul mukofotlari, vaucherlar, maxsus sertifikatlar va esdalik sovg‘alari bilan taqdirlandilar.

🎓 Shuningdek, maktablararo "Matematika" va "Iqtisodiy bilim asoslari" fanlaridan o‘tkazilgan olimpiada g‘oliblarini taqdirlash marosimi o’tkazildi.

🔖 Bunday ilmiy tadbirlar yoshlarning innovatsion va ilmiy faolligini oshirishga xizmat qilmoqda.