#kitob #taqdimot #Oʻzbekiston
📝 “Siyosiy erkinliklar haqida jiddiy asar” – Hamid Sodiq tarjima qilgan “Qonunlar ruhi” kitobining taqdimoti bo‘lib o‘tdi

8-may kuni Toshkentdagi Ijtimoiy-siyosiy fanlar institutida siyosatshunos Hamid Sodiq tarjimonligida “Tirilish” nashriyoti tomonidan nashr qilingan “Qonunlar ruhi haqida” kitobining taqdimoti bo‘lib o‘tdi. Bu haqda Vatandosh TV muxbiri xabar berdi.

“Qonunlar ruhi haqida” asari – fransuz ma’rifatparvar faylasufi, tarix, huquq va davlat nazariyasi bilimdoni Sharl-Lui Monteskening markaziy asari hisoblanadi.

Ushbu asarning asosiy mavzusi va unda himoya qilinadigan asosiy qadriyat bu – siyosiy erkinlikdir. Bu erkinlikni ta’minlashning zaruriy sharti esa adolatli qonunlar va davlatchilikni to‘g‘ri tashkil etishdan iborat ekanligi ta’kidlanadi.

Taqdimotda dastlab kitob tarjimoni, siyosatshunos Hamid Sodiq so‘z olib, ilk bor o‘zbekchaga o‘girilgan kitobning bugungi o‘zbek jamiyati va davlatchiligi uchun zarurati haqida gapirdi. Jumladan, bugun taqdimoti o‘tayotgan asar qaysidir ma’noda, buyurtma berib tarjima qilinadigan kitob emas. Bu kitobni uning ahamiyatini tushunib yetgan professor o‘qituvchilar, siyosatshunoslikka, hokimiyat qoidalarini anglashga qiziqqan yoshlar undagi har bir so‘z ma’nosiga jiddiy qarab o‘qiydi. Bu juda jiddiy mas’uliyat talab qiladigan asar, – dedi u.

“Monteske yashagan davrda ham davlatchilik muammolari bo‘lgan. Uning o‘zi zodagonlar avlodidan bo‘lgani uchun 14 yil davlat organlarida ishlagan. U shu yillar davomida xulosa qilgan ediki, Versalga (1682—1789 yillarda Fransiya qirollarining qarorgohi – tahr) yaqinlashish unchalik yaxshi emas.

Monteskening, shuningdek, davlat xizmatida bo‘lib turib uning muammolariga yechim topishga ko‘zi yetmaydi va chetdan turib bu muammolarni jiddiy o‘rganish fikriga keladi.

Monteske Makiavelliga o‘xshab (“Hukmdor”) kimgadir kitob yozmagan. Yoki Toms Gobbsning “Leviafan”ni kabi asarini kimgadir murojaat bilan boshlamaydi”, – dedi tarjimon.

Batafsil

Obuna bo'ling👇
@vatandosh_tv