الهْوَه يَلْتَمّ عليَّ منِين ما ذكروك
وادِگ رَجلي واظَل بعَازه الخنگه
واغَصّ بريحتك ما گمت اغص بِالزَّاد
المَفارك، النَّسْمه العَابِره تَغرگه
مو بَس الصَّوَاب.. النَّفس هَمّ كِتَال
سَهْم يَمشِي الخرِيف بِنِيَّة الورگه
نِيّتك صَافيه وتَعرف شْلون تَروح
وتَندل يا حِلْم مِن ليْلِك تَشگه
صَحرَه بِعَيْنِ بدوي اتمنى رُوحِي أَتصير
عله حَرورة رملهه يَطگ عشب خلگه

لا تهَدّني
الوَطن حِيطانَه بَعِيدَة
وَما يَلِمّ اليِّنتچي..
إنه مِن تَغِيب
يَسْتَفْحِل على عيُونِي البَجِي
يا حَبيبي
شْلُون لو شَحَت مَكاتِيبك؟
الغَيم ما يوْدي حچي

وَإِذا أَتَتكَ مَذَمَّتِي مِن ناقص
فَهِيَ الشَّهَادَةُ لِي بِأَنِّي كَامِل

عـليّ رَشـم

مْن أَموت بَرودتك خَلّيه عالتَابّوت.

‌بَعِيده ولايتك، والصُدفه فَكّت باب أَجيت ومن لَگيتك، وجهك مَسركه... من عَده وعَرفت بنَشغت المَكتول

شتعوف الرُصاصه حَروره بالتفگه

...من أَموت برودتك خَلّيه عالتَابّوت، وبِيدَك كُون نَعش جِنَازتي تَطبّگه... وخَلّيلي دِمعتك عالگبّر نيشان

خاف بَِـجفن گبري دُموع ما تَلْگه... وخاف يَمُرّ وكت وتَزورني من بَعِيد تَدليك بِمكاني حَرورت الشَهگه.

مُتحي.

تَغَطّيت وَبَعدني اللَّيلة بَردان
لان مو انتَ يَمي فراشي بارد
وينك يا دَفُو يا جَمَر الاحزان؟
احِسّ بِدَمي بالشِّريان جامد
يا مِهر الصبّر ما كَضَّك اعنان
تَسمَع بَس صَهيلك وِين شَارد؟
گلساع وَتَعْتني اچْفوف بِطران
وَانا جِلْد العَلي اقْمَاشه بَايد
تعَال اوْزِن أَهْمومي وَجيب مِيزان
وَشوف أَشگد عَذاب الرُّوح زايد؟
اِنْسَحَبُوا مِن حَياتي أَهواي خَلّان
وَبَقِيت بهالزَّمان لوَحدي أَگابد

سَـواد اللـيل يَبْقَى وتَطفى الالْوَان
واعـيد بَذكريّاتك وَالمَشاهْد

٢٠١٣
اليسافِر للبّجي يَأخذ عيوني أمَتاع
عَـالجفني أولْلام چَاي مُخَيَّطَةالدمعه
اليّفارگني شبَر أبقه التِفتله سنين
وأتاني يا لْجَمه التَرجعه

۲۰۱٤
ألك جَنت التَّفَت وَأدْرِي أنَّتَ ما مَوْجُود
إِذَا ببَالِك حَرْف مِنْ إسْمِي عَدَيْته
بَعْدَ ما ألْـتَفت لَوْ سَمَا بظَهْري تطِيحْ
تَحْسِب لَك گبل لا كلبي جَويْته

١١.١١

هيَّ غربة
وليَلة صعبّة
وچَية المَشتاگ خوف
كاظم اسماعيل الكاطع

أَرْبَع مَواسم

ظَلّ خريفچ يجِي
طَاحَت مَلامح وَجهي
مثل الشجَر

كُل خطَوة ريَّه
الگاع تاخذ نفس
وانَه اختنَگ
لو مني جَدمچ عبّر

بشبَّاچ وجَهي
شگد رسَايل بقت؟
محد قرَانِي
وجنِت أَلُوم القَدَر
علـي رشم