تراويني الشمر وتكلي هذا حسين
هذا حسينكم انه اعرف حسيني …

الشاعر عامر العيثاوي

اني لو عايش على گد احتياج
چان لـ هسة ما صاير سنة






عامر العيثاوي

ربي مسألة الگبور چبيرة
يا ربي علينة !
احنة عـ الدنيا الوسيعة نگول خنگة
شلون من انموت ننحط بـ گبر







عامر العيثاوي

جنت ما اثق بالشمع شفتك ضواي







مالك الباوي

راحت الله بالخير مني
وندهولي فدعة تعرف وني
يمكن سوديناتي اجني
شو صاحبي هوة لـكتلني








علي مالك الموسوي

ضيچة الداربين الي بالگبور
اليمشي اعلى طولة بس البخور
مكسور متعنيلي مكسور
ياخي رشيت ماي وماكو مشكور






علي مالك الموسوي

المطر فوك الحزن ، شاعر












سيف بيان

هسة اني خل افترض ايامي تنساهن
ماعندي يمك صور بالصدفة تلگاهن









حسين السعيدي

وگالتلي ما احب الحرب
چا ليش كل هاي الرتب
تتلالاة فوگ امتونها







علي حسن علوان

يمة ذولي اهل القصر ما لعبوني ..





كاظم خبط

بعد روحي گلتلك ، مو بعد روح !







ياسر التميمي

عاجبتني هواي نفسي
ما اناقش صار فتره
وما اصحح نظرة احد
خلي ياخذ غير نظرة
اسلوبي هذا مايعجبك ؟
گلي بي ،
"حتى اغيرك مو اغيرة"







- حسين السعيدي

نجمة ،وتبعني الفجر ماگول تبعوني
هيج اهلي ،وصوني ، ولا رخصت لوني







فاضل حسن

حديد انت ورجفت بساعة الضيج
وانة خشبة وكفت بوجه منشار ..!







الشهيد رحيم المالكي

گبل لا چتف واسبل ..اريد اسأل ؟
ليش ..اليخنگ احلامي
ويبوگ اعيوني ما يخجل اذا صلة ..!
واعرف بنية هل گد ما تحب وتخاف
من طاري الشمس تچفل .. گبل لا يصير عورة الصوت
اريد ام الشهيد بكيفه تهلهل ..
گبل لا اجلد الزاني اگلة اعشگ
وافهمه الله اليحب الناس ما يختل ..






ادهم عادل

وذاك من ذاك
اليحط گلبه اعلى چفه
ويمسح بأخر نزف وجه المدينه..!





عريان السيد خلف

‏⠀
نافست الورد
گد ما بروحي إحساس
ويم گلبي الگمر
ينشاف لون أسود.






احمد عاشور