ما حسبت يرجع منثلم ليـ يحب
يلا السيوف التنثلم هم ترهب !








ياسين كحيط

اعرف أحب وأحب حتى اليكرهوني
باجر يحبوني







فاضل حسن

خربت شروگيتي لان تتبغدد گبالي




صادق طلال

شايف ارموشك من تفز الصبح
المفروض ما تنشاف
لا تنشهگ
مالك شغل بالناس هل تنتقد
اكتبلي شيء يعجبك شعر عـ العشگ








رفعت الصافي

يعگدت شوگ ماتنفل بچيتك مو بچي البطران
مثل بچيي الگصب لو حن عله المنجل






ناظم السماوي

اذا تذكر چم مـرة تصادفنة
ولا وحدة اجـت صـدفة
بـ كلهن جـنت مـنتظرك








مرتضى الحمد

من گد ما اسـوي الـزين واشـمر بـي
عـرفـني الشـط








غزوان الغالبي

گلبي يحرگ هدومي … بس النار تطفيني








فاضل حسن

الرسامين من عدهم خذيت اطباع
ما يبينون عيب عيب الي يرسمونه







علي رحم

اذا مرسالي ما عدهم خلگ يقروه
بطران الحچي الـ بـ عيووني يقرونه







علي رحم

يخنگني شوگي الما رِضى يفُض
كِل ما يِنگال اسمك اغمض
ارد انسى بس الليش تِعرُض











علي مهدي

انة لو مارايدك ما عاتبك
الماخذك ما يسوة رفعة حاجبك










عصام كريم

انت من تشتاگلي عندك بديل
هاي اذا تشتاگلي











عصام كريم

وجنت ادري الرسايل تنشگ و وديت
وبررلك واكلك ردك أتأخر









حسين الحبتزي

المدلل بناته وفرهداه الموت
بناته تضل عمر تشتم خواجيه








الله الله
حسين الحبتري

ما مكتوبلي گالوا وگلت الگاع
تعرف فلاحها من الميلة
للـ بچتفة








احمد عاشور

اسولف بـ اسم غيرك
واسمك المقصود
اليعوفك تستحي من تجيب طاريه
مو بس عاشگك متعود امشي وياك
ويكتل يهجر اليحاجيك يومية
من نگطعت اخبارك
واني والدخان
انقلاب اعلى الهوا سوينة بالرية








رائد ابو فتيان

"شعر شعبي "

واخر كلامي الك
وي الحار حار انگلب
وي البارد ابرد بعد
طبعي القديم انتهى
قررت اصيرن ماي

-سمير صبيح

ياريت أچلب لي بسحابة
و بسطوحكم أنزل ربابة
و أغني يحبيب يَـيابة
حظة سعيد اللگه أحبابة



- عبد الكريم القصاب

شظاياي
أوراقَ شِعري
بقايا الليالي الحزينةِ تهَدَّمتُ
حقاً تَهدَّمتُ
لكنني في المكانِ الذي اخترتُ
مُمتلئاً بالحنانِ لنفسي و الحنين ...



- مظفر النواب