Ўзбекистон миллий олимпия қўмитаси Бош котиби Ойбек Қосимовга Осиё олимпия кенгашининг энг нуфузли соврини – "Буюк хизматлари учун" ордени топширилди.

@tolipovorif

Франция президенти инсайдер Фабрицио Рамононинг нонини яримта қиляпти. Эммануэль Макрон "Реал Мадрид" ёзда Килиан Мбаппени Олимпия ўйинларига қўйиб юборишига умид билдиришини айтган.

Албатта ҳаммамиз Мбаппе Мадридга боришини билиб турибмиз, аммо барибир президентнинг фикри қизиқ кўринди.

Дарвоқе, Франциядаги олимпия ўйинларида Мбаппе иштирок этса, яна Месси келиши кутилаётган бўлса, ўта зўр турнир бўларкан-да!

@tolipovorif

Футбол тарихидаги энг яхши ярим ҳимоячилардан бири Андрес Иньеста бугун 40 ёшга тўлди.

@tolipovorif

Роналду минг уриниб, юз гол уриб чемпион бўлолмайдиган, Неймар бир ўйнаб, минг дам олиб чемпион бўладиган Саудия Арабистони чемпионати.

@tolipovorif

Eldor Shomurodov ayni paytda “Milan”ga qarshi o’yinda “Zulfizar” ismi tushirilgan futbolkada o’ynamoqda. “Xalqaro onalar kuni” munosabati bilan “Kalyari” o’z futbolchilariga onalarining ismi tushirilgan futbokalarda o’ynash imkoniyatini taqdim etdi. Avvalroq klub o’yin qaydnomasi va asosiy tarkibni ham shunday usulda e’lon qilgan edi. Ajoyib va kreativ yurish.

@sabitov_co

Жараён

Ўзбек клублар футболига мухлислар қайтмоқда. Ҳар ҳолда жараён бошлангандек кўринмоқда. Бу билан барчани табрикласак бўлар.

Қайтишнинг аввалида водий жамоалари турибди албатта. Андижон мухлислиги эса ҳозир Европа жамоалари фан клублари билан рақобатлашадиган даражага чиққан. Бошқа ҳудудларда, бошқа клубларда ҳам бу борада жонланиш сезилмоқда.

Асли бундан энг кўп клублар манфаатдор бўлиши керак. Мухлис ташрифи бу шунчаки чипта сотуви эмас, бу улкан тижорий юришларга йўл очадиган дастакдир. Бунинг ичига атрибутлар сотуви, стадион атрофидаги савдо, озиқ-овқат нуқталарига мижозлар оқими келиши, реклама истиқболининг очилиши кабилар киради.

Клубларга битта маслаҳат, бу жараённи тезлатадиган, тўғри ташкил қила оладиган, PRни тушунадиган, жараёндан максимал молиявий фойда чиқарадиган кадрларни ишга олинг, аллaқачон шундай кадрларингиз бўлса уларга ишонч билдиринг.

Жараён футболимиз мустақил йўлга тушиб олишига озгина умид бермоқда. Бу умидни ўлдириб қўймаслик, тўғри парваришлаш жуда муҳим.

@tolipovorif

19867 нафар томошабин кеча Фарғонадаги ўйинни стадиондан кузатган.

Менга бир неча андижонлик мухлислар чипта билан ўйингоҳга киролмаганлари ҳақида ёзишди, аммо бу қанчалик тўғри, текширолмадим.

Нима бўлганда ҳам юқорида айтганимдек, жараён бошланган ва энди тўғри, тартибли ёндашув билан уни сайқаллаш, парваришлаш мумкин.

@tolipovorif

Хайрулла ака ҳам стадионда эди. Менимча ўйин АПЛ ёки Бундеслига муҳитида шарҳланган. Мухлислар қайтиши шарҳда ҳам эътироф этилибди.

Ўзим параллел равишда ўтган Жиззахдаги ўйин ("Сўғдиёна"- "Навбаҳор") шарҳида эдим. Бу ўйин ҳам ёнди! Салкам 4000 томошабин тушибди стадионга.

@tolipovorif

Кўз ўнгимизда МЮ сингари буюк клуб ўртамиёна натижалар, ўртамиёна ўйинлар ва ўртамиёна футболчилар жамоасига айланиб қолгани бу мавсумнинг энг оғриқли ҳодисаларидан бўлди.

Кеча "Олд Траффорд" ўйингоҳининг томи сув қўйиб юборибди. Бу мавсумнинг рамзий изоҳига ўхшайди.

Юқоридаги гапимда муболаға кетган бўлса, узр сўрайман. Ҳа, жамоа ҳали Кубок финалида ўйнайди, балки келаси мавсум аллақайси еврокубокда иштирок этиши ҳам мумкин. Аммо МЮга бу натижалар жуда кам эканини, гап ҳатто натижалар эмас, жамоанинг мазмунсиз ўйинида эканини кўпчилик тушуниб турибди.

@tolipovorif

Нуқта вергулигача қўшиламан.

https://www.tg-me.com/Davron_Fayziev/10875

"Жирона" ва "Болонья" ўйнайдиган, МЮ ва "Челси" ўйнамайдиган ЧЛ мавсуми кутяпти бизни, масалан.

@tolipovorif

“Олтин қалам” ташкилотчиларига таклиф. Кейинги йиллардан ушбу мукофот номинациялари қаторига спорт журналистикасини ҳам қўшиш керак деб ўйлайман. Бу йўналиш энг фаол, оммавий, оператив, объективлардан бири ҳисобланади. Ҳамкасбларимнинг аудитория, тарғибот, таҳлил, танқид, активлик борасидаги ишини кузатувчилар доим эътироф этади. Спортда ва футболда ҳам ҳозир катта ўсиш даври. Бунда эса спорт журналистикасининг ўрни катта.

www.tg-me.com/Davron_Fayziev

Ҳоланд каттармоқда!)

Тарихдаги энг яхши футболчимиз, замонамизнинг номдор ва чапани мураббийларидан - Миржалол Қосимов!)

@tolipovorif

Видео манбаси

Тартибсизликка йўл қўйилмаса, мухлисларнинг ҳар қилиғини қабул қилиш мумкин албатта, аммо ўз жамоаси гол ўтказса хурсанд бўлишни кузатиш камида ғалати бўларкан.

"Яратганга шукр" кинофильмида кўзи ожиз инсон олдига бош қаҳрамон келиб, "тила тилагингни, бахтли қиламан" деса ўша одам "мен хоҳлардим-ки, бутун дунёдаги одамларнинг кўзи менга ўхшаб кўр бўлиб қолса" дейдиган саҳна ёдимга келди.

Ҳа, бу футбол. Унда балки бунақа тескари мухлислик ҳам нормалдир. Балки, шунчаки менга ғалати туюлгандир.

@tolipovorif