#prezident_maktabi
#soʻnggi_qoʻngʻiroq
#ilm_eng_buyuk_sharaf

⚡️Toshkent shahridagi Prezident maktabida “Ilm — eng buyuk sharaf” shiori ostida “So‘nggi qo‘ng‘iroq” bayram tadbiri bo‘lib o‘tdi.

Tadbir avvalida Cambridge Assessment Xalqaro ta'lim tashkiloti maslahatchisi Stiven King so‘zga chiqdi. U Prezident maktablari tashkil etilgan ilk davrlarni yodga olib, o‘shanda bildirilgan katta ishonch bugun o‘z samarasini berayotganini ta’kidladi. Shuningdek, Toshkent shahridagi Prezident maktabi o‘quvchilarining erishayotgan yutuqlari, muvaffaqiyatlari va zafarlari haqida so‘z yuritdi.

So‘ng bitiruvchilarga kelgusi hayot yo‘llarida ulkan zafarlar tilandi. 2024–2025-o‘quv yilida eng faol bo‘lgan o‘quvchilar maktab ma’muriyati tomonidan tashakkurnomalar bilan taqdirlandi.

Tadbirning badiiy qismida bitiruvchilarimiz tomonidan tayyorlangan sahna chiqishlari, she’r va qo‘shiqlar ijro etildi. Shuningdek, maktabimizda tashkil etilgan “Besh tashabbus” doirasidagi to‘garak a’zolari tomonidan tayyorlangan chiqishlar mehmonlarga ko‘tarinki kayfiyat ulashdi.

🏛Toshkent shahridagi Prezident maktabining rasmiy sahifalari:
🌐Telegram | 🌐Instagram | 🌐Facebook