#Kun_yangiliklari

Vatanparvar yoshlarimiz xalqaro musobaqaga yo'l oldi

O‘zbekiston Respublikasi Mudofaa vazirligi huzuridagi "Vatan tayanchi" harbiy-vatanparvarlik harakati terma jamoasi a’zolari Markaziy Osiyoda, xususan Qozog‘iston Respublikasida joriy yilning 22-iyun kuni bo‘lib o‘tadigan “AYBIN-2025” xalqaro harbiy musobaqasida ishtirok etish uchun mamlakatimizdan jo‘nab ketdi.

Mazkur musobaqaga tayyorgarlik ishlari yuqori saviyada olib borildi. Respublika terma jamoasiga murabbiy sifatida Toshkent tumanidan kapitan Saidmuradov Shuhrat Alisherovich jalb etilgan. U xalqaro maydonda yurtimiz sharafini munosib himoya qilishga bel bog‘lagan, respublika umumta’lim maktablarining iqtidorli o‘quvchilaridan saralab olingan 15 nafar yoshlarni musobaqaga tayyorladi.

Quvonarlisi, ushbu 15 nafar yoshlardan Toshkent tumanidan ikki nafar vakil –Miravzal Mirzokirov va Asadbek Rixsiboyev – terma jamoa tarkibida qatnashmoqda. Ular 9-sonli umumta’lim maktab qoshida faoliyat yuritayotgan "BURGUT" harbiy-sport to‘garagi a’zolari bo‘lib, yuqori tayyorgarlik darajasi va harbiy vatanparvarlik ruhini namoyon etganliklari tufayli saralab olingan.

— "Yoshlarimizga xalqaro maydonda ulkan omad tilaymiz. Yurtimiz bayrog‘ini yuksaklarda hilpiratish – bu biz uchun sharafdir," — deydi kapitan Shuhrat Alisherovich.

Toshkent tumani yoshlari nomidan barcha ishtirokchilarga yuksak zafarlar va g‘alabalar tilaymiz!

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Dolzarb_90_kun

💫Yozgi ta’til mazmunli davom etmoqda!

✨ Toshkent tumani “Barkamol avlod” bolalar maktabida yozgi ta’til davrida o‘quvchilar va mahalla yoshlari uchun foydali, mazmunli hamda qiziqarli mashg‘ulotlar tashkil etilmoqda. Ayni paytda “Dolzarb 90 kun” loyihasi doirasida tasdiqlangan yozgi reja asosida turli to‘garaklar muntazam faoliyat olib bormoqda. Bolalar va yoshlar o‘z qiziqishlariga ko‘ra bilim va ko‘nikmalarini mustahkamlab, bo‘sh vaqtlarini mazmunli o‘tkazmoqdalar.

✨Xususan, “Ma’naviyat karvoni” loyihasi doirasida ma’naviy-ma’rifiy ishlar samarali yo‘lga qo‘yilgan. Ushbu tashabbus doirasida o‘quvchi-yoshlar uchun tumanimizdagi “Romashka” gullar bog‘iga sayohat uyushtirildi. Sayohat davomida o‘quvchilar bog‘ faoliyati, gullarning yetishtirilishi va parvarishi haqida qiziqarli ma’lumotlarga ega bo‘lishdi. Bu kabi tadbirlar ekologik madaniyatni shakllantirish, tabiatga mehr va e’tiborni oshirishda muhim ahamiyat kasb etmoqda.

✨Shuningdek, bunday sayohatlar yoshlarning ijodkorligini oshiradi, milliy qadriyatlarga hurmat, atrof-muhitga mehr, va bilimga chanqoqlikni kuchaytiradi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Onlayn
#Toshkent_tumani

Yoʻl infratuzilmasi yaxshilanmoqda

Ayni damda, Toshkent tumani Yollardan foydalanish davlat muassasasi xodimlari tomonidan Eʼzoz mahallasida Suv koʻtarish inshootiga olib boruvchi yoʻlning 350 metr qismi asfaltlashtirilmoqda.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Qishloq_xoʻjaligi

Sabzi eksporti ortmoqda

Toshkent tumanidagi “Abdurahmon” fermer xoʻjaligida 1 gektar yerdan 100 tonna sabzi yetishtirilib, eksport qilinmoqda

Toshkent viloyatining Toshkent tumanida joylashgan “Abdurahmon” fermer xoʻjaligi samarali va zamonaviy agrotexnologiyalar asosida ish yuritib, yuqori hosildorlikka erishmoqda. Xususan, bugungi kunda xoʻjalik tomonidan 1 gektar yer maydonidan 100 tonna sabzi yigʻib olinmoqda va mahsulotlar tashqi bozorlarga eksport qilinmoqda.

Xoʻjalik rahbarining taʼkidlashicha, bunday natijaga toʻgʻri agrotexnika, sifatli urugʻlik, samarali sugʻorish va oʻz vaqtida bajarilgan agrotexnik tadbirlar orqali erishilgan.

— “Biz nafaqat hosildorlik, balki mahsulot sifatiga ham katta eʼtibor qaratamiz. Sabzi yigʻib olingach, maxsus tozalash, sovitish va qadoqlash liniyasi orqali qayta ishlanadi va eksportga yoʻnaltiriladi”, — deydi fermer.

Ayni vaqtda xoʻjalikda 20 nafardan ziyod doimiy va mavsumiy ishchilar faoliyat yuritmoqda. Ular uchun barcha zarur shart-sharoitlar — mehnat haqi, ovqat va yashash joyi taʼminlangan.

Mahalliy hokimiyat va mutaxassislar ushbu fermer xoʻjaligini namuna sifatida keltiradi. Eksportbop qishloq xoʻjaligi mahsulotlari yetishtirish, yangi ish oʻrinlari yaratish va valyuta tushumini oshirishda bunday loyihalar muhim ahamiyatga ega.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website