#Jamoatchilik_nazorati

Deputat taklifi: Ichimlik suvi muammosi hal etilmoqda

Kuni kecha, Toshkent tumani hokimligida Xalq deputatlari Toshkent tumani Kengashi deputati, tuman hokimi Sardorbek Ergashev boshchiligida "Uzsuvtaʼminot"AJ raisining oʻrinbosari Komil Yusupov boshchiligida bir guruh mutasaddilar ishtirokida, tumanimizning Masalboy va Koʻksaroy hududi mahalla xonadonlariga ichimlik suv ochish boʻyicha muhokama oʻtkazilgan edi.

Yigʻilishdan soʻng barcha mutasaddilar va Xitoy davlatining "China Geo injenering" kompaniyasining vakillari bilan birgalikda Masalboy hududidagi oltita mahalla xonadonlariga ichimlik suv tarqatish havzasi "URV UMAROV" da boʻlib tayyorgarliklarni koʻrib ishchi guruh tomonidan kerakli maslahatlar berildi.

Koʻksaroy hududidagi "URV- OLTIN TEPA" da ham holat oʻrganilib, tez fursatlarda mahalla xonadonlariga ichimlik suv ochish boʻyicha yoʻl yoʻriqlar berildi.

Bugungi rahbariyat tomonidan berilgan topshiriq va vazifalar ijrosi boʻyicha joriy yil 2-iyul kuni hisobot yigʻilishi oʻtkazishga kelishib olindi.

Jamoatchilik nazorat guruhi rahbari deputat M.Usmonov.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Sayyor_qabul

Avliyoota mahallasining muammolari oʻrganildi

Joriy yilning 26-iyun kuni Toshkent tumani hokimining oʻrinbosari -investitsiyalar, sanoat va savdo boʻlimi boshligʻi, Abdumajid Muhiddinov Avliyoota mahallasida sayyor qabul oʻtkazdi.

Ushbu qabulda mahalla faollari, tadbirkorlar, aholi vakillari hamda tegishli mutasaddi tashkilotlar vakillari ishtirok etib, mahallada mavjud muammolar, investitsiya loyihalari, kichik biznes va tadbirkorlikni rivojlantirish imkoniyatlari yuzasidan ochiq muloqot shaklida fikr almashildi.

Sayyor qabul davomida aholining ijtimoiy sharoiti, ish oʻrinlari yaratish, yoshlarni kasb-hunarga oʻrgatish, hududda sanoat va xizmat koʻrsatish sohalarini rivojlantirish bilan bogʻliq qator masalalar muhokama qilindi.

Ayniqsa, yoshlar bandligini taʼminlash, mahalladagi boʻsh turgan binolar va yer maydonlaridan samarali foydalanish, tadbirkorlik subʼektlariga maʼmuriy va moliyaviy koʻmak berishga qaratilgan aniq chora-tadbirlar belgilab olindi. Qator fuqarolarning murojaatlari joyida koʻrib chiqilib, ularni hal etish boʻyicha mutasaddilarga topshiriqlar berildi.

Bu kabi sayyor qabullar aholining muammolariga joyida yechim topish, ular bilan ochiq muloqotda boʻlish hamda mahallaning iqtisodiy salohiyatini yuksaltirishga xizmat qilmoqda.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Taʼmirlash

Toshkent tumani Qizgʻaldoq hududidagi 766-sonli transformator mukammal taʼmirlandi

Toshkent tumani elektr taʼminoti korxonasi tomonidan aholiga sifatli va uzluksiz elektr energiyasi yetkazib berishni taʼminlash maqsadida tizimli ishlar amalga oshirilmoqda. Jumladan, tumanning Qizgʻaldoq mahallasida joylashgan 766-raqamli transformator punkti mukammal taʼmirdan chiqarildi.

Mazkur taʼmirlash ishlari davomida transformatorning asosiy jihozlari yangilanib, eskirgan qismlar almashtirildi, kabellar, sugʻurtalash tizimlari, kuchlanish tarqatish tarmoqlari zamonaviy talablar asosida qayta sozlandi. Mutaxassislar tomonidan xavfsizlik qoidalariga toʻliq rioya qilgan holda barcha texnik ishlanmalar yakuniga yetkazildi.

Natijada, Qizgʻaldoq hududidagi yuzlab xonadonlar, ijtimoiy soha obyektlari va tadbirkorlik subyektlari elektr taʼminotidagi uzilishlarsiz, barqaror xizmat bilan qamrab olindi.

Bu kabi texnik xizmat koʻrsatish ishlari kelgusida boshqa mahallalarda ham davom ettiriladi. Elektr tarmogʻining doimiy ravishda yangilanib borilishi aholining hayot sifatini oshirishda muhim omil boʻlib xizmat qiladi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Sayyor_qabul

Guliston hududi aholisi uchun sayyor qabul o'tkazildi

Toshkent tumani hokimi Sardorbek Ergashev joriy yil 26-iyun kunidagi qabulini Bog'bon mahallasida oʻtkazdi.

Fuqarolar qabulida tuman hokimi bilan birgalikda Davlat Soliq inspeksiyasi boshligʻi S. Abduvaliyev, Toshkent tumani Xalq qabulxonasi rahbari N. Muxamedovlar ishtirok etdi. Unda tumandagi barcha korxona-tashkilot rahbarlari qatnashdi.

Sayyor qabulda 40dan ziyod Mustaqillik, Bog'bon, Qashqarlik, Ayriota va Quruvchi mahallalari fuqarolari oʻz masalalari bilan murojaat qildi.

Qabul davomida fuqarolarning moddiy yordam, elektr, suv taʼminoti, kadastr, taʼlim, ichki ko'chalarni asfaltlashtirish, ijtimoiy himoyaga oid murojaatlari tinglandi. Ularning har biri masʼulligi boʻyicha tegishli korxona-tashkilotlarga tez fursatlarda bartaraf etish uchun biriktirib berildi. Barcha murojaatlarni tuman hokimi oʻz nazoratiga oldi.

Qabuldan soʻng masʼul tashkilot rahbarlari va mahalla yettiligi xodimlari bilan suhbatlashdi.

Sardorbek Ergashev oʻz nutqida mahallada amalga oshirilishi lozim boʻlgan ustuvor vazifalarga toʻxtalib oʻtdi. Jumladan, obodonlashtirish ishlarini jadallashtirish, yoshlar bandligini taʼminlash, tadbirkorlikni qoʻllab-quvvatlash va ijtimoiy himoyaga muhtoj aholini moddiy qoʻllab-quvvatlashga alohida eʼtibor qaratish lozimligi taʼkidlandi.

Bu singari qabullar Toshkent tumanida tizimli ravishda davom ettiriladi.

📹Jarayon video va fotolavhalarda.

✅Telegram 💬Facebook 📸Instagram 📹YouTube 🌍Website