#Seminar

Tomorqachilik — oziq-ovqat xavfsizligi poydevori

Joriy yil 9-iyul kuni Toshkent tumani Sirgʻali mahallasida seminar oʻtkazildi.

Toshkent tumanida aholining tomorqalardan samarali foydalanishini ragʻbatlantirish, ularni bu borada bilim va tajriba bilan taʼminlash maqsadida navbatdagi amaliy seminar tashkil etildi. Bu galgi tadbir Sirgʻali mahallasida boʻlib oʻtdi.

Seminar davomida ishtirokchilarga turli xoʻjalik yechimlari, mahsulot ekishning zamonaviy usullari hamda mavjud tomorqalardan oqilona foydalanish yoʻllari namoyish etildi. Shuningdek, mahalladagi bir qator namunali tomorqalar koʻrgazmali ravishda tanishtirildi.

Tadbirda Respublika ishchi guruhi aʼzolari, Toshkent tumani hokimining birinchi oʻrinbosari, mahalla faollari, mahalla raisi hamda hokim yordamchilari ishtirok etib, tomorqachilik orqali aholi daromadini oshirish imkoniyatlari muhokama qilindi.

Maʼruzachilarning nutqida taʼkidlanishicha, har bir xonadon tomorqasi — bu kichik, ammo katta imkoniyatlarga ega boʻlgan resurs. Uning samarali foydalanilishi nafaqat bir oilaning, balki butun jamiyatning barqarorligiga xizmat qiladi.

Tadbir yakunida ishtirokchilar tomonidan bildirilgan taklif va mulohazalar asosida aniq vazifalar belgilab olindi.

📹Batafsil video va fotolavhalarda.

✅Telegram 💬Facebook 📸Instagram 📹YouTube 🌍Website

#Toshkent_tumani
#Ijtimoiy_himoya

Og‘ir vaziyatga tushib qolgan oilalar uchun psixologik trening tashkil etildi

📍Bugun Toshkent tumani "Mustaqillik" mahalla  binosida og‘ir ijtimoiy vaziyatga tushib qolgan, ijtimoiy himoyaga muhtoj oilalar ishtirokida psixologik trening o‘tkazildi.

♻️ Tadbir mahalla faollari va "Inson" ijtimoiy xizmatlar markazi  mutaxassis psixologlari ishtirokida tashkil etildi.

✅Treningdan asosiy maqsad – hayotda duch kelinayotgan muammolarni yengib o‘tish, ijtimoiy moslashuv, oilaviy totuvlik va ruhiy barqarorlikni ta’minlash bo‘yicha amaliy ko‘nikmalarni shakllantirishdan iborat bo‘ldi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Oʻrganish

🤩 Toshkent tumanidagi bogʻchalarda “Dolzarb 90 kunlik” ishlar jarayoni oʻrganildi

♻️ Joriy yil 10-iyul kuni Toshkent tumani Maktabgacha va maktab taʼlimi boʻlimi boshligʻi Nilufar Ubaydullayeva 6-, 12-, 16-, 37-sonli davlat maktabgacha taʼlim tashkilotlarida boʻlib, “Dolzarb 90 kunlik” rejasi doirasida amalga oshirilayotgan ishlar bilan tanishdi.

✅ Hozirda Toshkent tumanidagi barcha 38 ta davlat maktabgacha taʼlim tashkilotlarida mazkur reja asosida faoliyat yoʻlga qoʻyilgan.

💫 Tashrif davomida N.Ubaydullayeva bolalar uchun yaratilgan sharoitlar, yozgi sogʻlomlashtirish mavsumini mazmunli tashkil etish, tarbiyalanuvchilarning salomatligini mustahkamlash boʻyicha amalga oshirilayotgan ishlar bilan tanishdi.

🎨 6-, 12-, 16-, 37-sonli bogʻchalarda bolalar uchun yozgi oʻyingohlar tashkil etilgan, intellektual va ijodiy qobiliyatlarni rivojlantiruvchi mashgʻulotlar olib borilmoqda. Nilufar Ubaydullayeva ushbu muassasalardagi qulayliklarni yuqori baholab, pedagog xodimlarga foydali tavsiyalarini berdi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website