#Maʼnaviyat

Toshkent tumanida “Jadidchilar” kitobi va badiiy adabiyotlar taqdimoti boʻlib oʻtdi

Bugun, Toshkent tumani hokimligi katta majlislar zalida Respublika Maʼnaviyat va maʼrifat markazi tomonidan nashr etilgan “Jadidchilar” kitobi hamda 100 dona jahon va oʻzbek badiiy adabiyotlari taqdimoti oʻtkazildi.

Tadbir Toshkent tumani hokimi S. Ergashev boshchiligi va tuman Maʼnaviyat va maʼrifat boʻlimi rahbari A. Tulakovalar ishtirokida tashkil etilib, uni yuksak maʼnaviy ruhda oʻtishini taʼminlashga alohida eʼtibor qaratildi.

Taqdimotda tuman hokimining barcha oʻrinbosarlari, mahalla yettiligi aʼzolari, hokim yordamchilari, Maktabgacha va maktab taʼlimi boʻlimi rahbari N. Ubaydullayeva, adliya organlari xodimlari hamda mahalla nuroniylari faol ishtirok etdilar.

Tadbir davomida ishtirokchilarga maʼrifat ulashish, kitobxonlik madaniyatini yuksaltirish maqsadida “Jadidchilar” asari hamda turli badiiy kitoblar sovgʻa qilindi. Bu tashabbus aholining maʼnaviy dunyosini boyitish, yoshlar ongida mutolaaga qiziqishni kuchaytirishga xizmat qilishi bilan ahamiyatlidir.

Ushbu tadbir tumanda kitobxonlikni targʻib qilish, milliy va jahon adabiy merosini keng jamoatchilikka yetkazishda navbatdagi muhim qadam boʻldi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Onlayn
#DXX_kubogi

Toshkent tumani Qizgʻaldoq mahallasi – “DXX kubogi” finalida gʻolib!

Yurtimizda aholi salomatligini mustahkamlash, ommaviy sportni yanada rivojlantirish va mahallalar oʻrtasida doʻstona muhitni kuchaytirish maqsadida tashkil etilgan “DXX kubogi” mini-futbol musobaqasi joylarda qizgʻin ruhda oʻtmoqda.

Shu maʼnoda, Toshkent tumani Qizgʻaldoq mahallasi jamoasi ushbu musobaqaning final bosqichida munosib ishtirok etib, haqiqiy jamoaviy kuch, shijoat va hamjihatlik namoyish etdi. Ular Parkent tumani jamoasiga qarshi oʻtkazilgan bellashuvda 3:2 hisobida zafar quchishdi va Respublika bosqichiga yoʻllanmani qoʻlga kiritishdi.

Bellashuv davomida Qizgʻaldoq mahallasi futbolchilari nafaqat oʻyin texnikasi, balki oʻz jamoasiga boʻlgan sadoqati va gʻalaba ishtiyoqi bilan ajralib turishdi. Muxlislarning qoʻllab-quvvatlashi ham jamoaga katta ruhiy kuch bagʻishladi.

Endilikda, Qizgʻaldoq mahallasi jamoasi "DXX kubogi”ning Respublika bosqichida Toshkent viloyati sharafini himoya qiladi. Bu gʻalaba nafaqat jamoa aʼzolari, balki butun Toshkent tumani aholisi uchun iftixorli voqeadir.

Shu munosabat bilan tuman hokimligi jamoaga Respublika bosqichida ham omad va zafar tilaydi!

✅Telegram 💬Facebook 📸Instagram 📹YouTube 🌍Website

#Tanqidiy_yigʻilish

Tuman hokimi barcha masʼullarni ogohlantirdi

Toshkent tumani hokimi Sardorbek Ergashev boshchiligida Oʻzbekiston Respublikasi Prezidentining Virtual va Xalq qabulxonalari orqali kelib tushgan murojaatlarni oʻrganish va ularni oʻz vaqtida hal etish yuzasidan tanqidiy yigʻilish boʻlib oʻtdi.

Yigʻilishda tuman hokimining barcha oʻrinbosarlari, sektor rahbarlari, mahalla faollari, tegishli tashkilot va muassasalar rahbarlari — jumladan, Kadastr agentligi va Kadastr palatasi, Veterinariya xizmati, xotin-qizlar masalalari boʻyicha tuman hokimining oʻrinbosari, Qurilish va uy-joy kommunal xoʻjaligi boʻlimi, Yoshlar ishlari agentligi va boshqa masʼullar ishtirok etdi.

Muloqotda murojaatlarni oʻz vaqtida va toʻliq hal etish boʻyicha qator kamchiliklar muhokama qilindi. Ayniqsa, ayrim idora va tashkilotlar tomonidan fuqarolar murojaatlariga nisbatan beeʼtiborlik, murojaatlarni belgilangan muddatda koʻrib chiqmaslik holatlari keskin tanqid ostiga olindi.

Tuman hokimi Sardorbek Ergashev mazkur holatlarga qatʼiy baho berib, barcha masʼullarni murojaatlarga jiddiy yondashish, tezkor va mantiqiy yechim topish, fuqarolar ishonchini oqlashga daʼvat etdi. Shuningdek, har bir murojaat ortida inson taqdiri turgani, shu bois bu masalaga masʼuliyat bilan yondashish zarurligi taʼkidlandi.

Ayniqsa aholining haqli eʼtiroziga sabab boʻlayotgan sohalar, jumladan elektr, suv, chiqindi tashish, kadastr tashkilotlari qatʼiy ogohlantirildi.

Yigʻilish yakunida barcha mutasaddilarga murojaatlarni aniq reja asosida koʻrib chiqish, qonunchilikka muvofiq choralar koʻrish hamda natijadorlikka erishish yuzasidan aniq vazifalar yuklatildi.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website

#Onlayn
#Gʻalaba_muborak

Toshkent tumani Qizgʻaldoq mahallasi – “DXX kubogi” final bosqichi gʻoliblari kubokni qabul qildi!

Toshkent tumani Qizgʻaldoq mahallasi yoshlari yirik sport musobaqasida yana bir bor oʻz salohiyati va jamoaviy ruhini namoyon etdi.

2025-yil 11-iyul kuni boʻlib oʻtgan “DXX kubogi” mini-futbol musobaqasining final bosqichida Qizgʻaldoq mahallasi jamoasi kuchli raqiblariga qarshi mardonavor bellashib, gʻalabani qoʻlga kiritdi. Respublika miqyosidagi musobaqada ishtirok etgan jamoa Parkent tumanining vakillarini 3:2 hisobida magʻlubiyatga uchratib, faxrli birinchi oʻrinni egalladi.

Gʻolib jamoaga musobaqa tashkilotchilari tomonidan diplom, kubok va esdalik sovgʻalari topshirildi. Taqdirlash marosimida ishtirok etgan masʼullar yoshlarning sportga boʻlgan qiziqishi va faolligini yuqori baholab, ularning ushbu yutuqlarini butun mahalla jamoasi uchun katta faxr ekanini taʼkidladilar.

Bu yutuq Qizgʻaldoq mahallasi yoshlari uchun katta ragʻbat boʻlib, kelgusidagi musobaqalarda ham muvaffaqiyatli ishtirok etishlariga zamin yaratadi.

✅Telegram 💬Facebook 📸Instagram 📹YouTube 🌍Website

#Sayyor_qabul

Toshkent tumani hokimining birinchi oʻrinbosari sayyor qabul oʻtkazdi

Joylarda aholi muammolarini oʻrganish va ularga joyida yechim topish maqsadida amalga oshirilayotgan sayyor qabullar oʻz samarasini bermoqda. Ana shunday qabullardan biri joriy yil 12-iyul kuni Toshkent tumani hokimining birinchi oʻrinbosari Rahimjon Rixsiyev tomonidan Kalas, Gultepa va Maʼrifat mahallalari aholisi uchun tashkil etildi.

Qabul davomida fuqarolarning asosiy murojaatlari yer masalalari, uy-joy taʼmiri, ish bilan taʼminlash, gaz va elektr taʼminoti hamda ijtimoiy yordam masalalariga oid boʻldi. Har bir murojaat yozma ravishda roʻyxatga olinib, ular yuzasidan mutasaddi tashkilotlar va mahalla yettiligiga aniq topshiriqlar berildi.

Sayyor qabulda qatnashgan fuqarolar muammolarining qisqa fursatda yechim topayotgani uchun minnatdorlik bildirishdi. Ayrim masalalar shu yerning oʻzida hal etildi, boshqalari esa belgilangan muddatlarda ijobiy hal etilishi uchun nazoratga olindi.

Taʼkidlash joizki, bunday sayyor qabullar mahalla aholisi bilan ochiq muloqot oʻrnatish, muammolarni birinchi qoʻldan eshitish va amaliy yechim topishda muhim ahamiyat kasb etmoqda.

📸Jarayon fotolavhalarda.

✅Telegram 💬Facebook 📸Instagram 📹YouTube 🌍Website