#KUN_NAFASI

💐30-IYUN-YOSHLAR KUNI

Bugun, 30 iyun — yurtimizda Yoshlar kuni keng tantana qilinyapti. Shu munosabat bilan navqiron avlod vakillarini, kelajagimiz egalarini muborakbod etamiz.
Ta’kidlash joiz, mamlakatimizda yoshlar masalasi har doim davlat siyosati darajasidagi muhim masala bo‘lib kelgan. So‘nggi yillarda yosh yigit-qizlarimiz uchun yaratilayotgan keng ko‘lamdagi imkoniyat va shart-sharoitlar, ularning o‘qib-o‘rganishlari, qizg‘in faoliyat ko‘rsatishlari uchun qaratilayotgan e’tibor va g‘amxo‘rlik nafaqat yurtdoshlarimiz, balki dunyo hamjamiyatini ham o‘ziga jalb etayotir. Iqtidorli yoshlarni qo‘llab-quvvatlash, ularning iste’dodini yuzaga chiqarish uchun har bir hududda zarur shart-sharoitlar muhayyo qilinmoqda. Qisqa fursat ichida “Yoshlar – kelajagimiz” dasturi doirasida yosh avlod vakillarining 7 ming 775 ta biznes loyihasiga 1 trillion 635 milliard so‘mdan ziyod imtiyozli kredit mablag‘lari ajratilib, shu asosda 40 mingga yaqin yangi ish o‘rni tashkil etilgani e’tiborga molik amaliy ishlardandir.
Hududlarda yoshlarning bilim va ko‘nikmalarini oshirish, madaniy-ma’naviy saviyasini yuksaltirish maqsadida qator markazlar ishga tushirildi. Zamonaviy sport inshootlari barpo etilib, foydalanishga topshirildi. O‘g‘il-qizlarimizning yangi loyiha va tashabbuslarini qo‘llab-quvvatlashga, ularni amaliyotga tatbiq etishga ustuvor ahamiyat qaratilmoqda.
Davlatimiz rahbari Shavkat Mirziyovning O‘zbekiston yoshlariga yo‘llagan bayram tabrigida ta’kidlanganidek, bugungi kunda zamonaviy ilm-fan va yuqori texnologiyalarni mukammal egallash har qanday davlat va jamiyat taraqqiyotining hal qiluvchi shartiga aylanib borayotgani hech kimga sir emas. Ana shu haqiqatni chuqur anglagan holda, yurtimizda navqiron avlodimizning ham jismoniy, ham ma’naviy jihatdan barkamol bo‘lib voyaga yetishi uchun bor kuch va imkoniyatlar safarbar etilmoqda. Shu bilan birga mamlakatimizda yoshlarning huquq va manfaatlarini himoya qilish borasida ham qator amaliy ishlar yo‘lga qo‘yilgan. Buning uchun, avvalo, mustahkam tashkiliy va huquqiy baza yaratilgan.
O‘zbekiston nodavlat notijorat tashkilotlari milliy assotsiatsiyasi ham o‘z faoliyati davomida yoshlar bilan ishlashga, ularni har tomonlama qo‘llab-quvvatlashga alohida e’tibor qaratib keladi. Bugun turli loyihalarimiz zamonaviy fikrlaydigan, iqtidorli, tashabbuskor yoshlar bilan birgalikda amalga oshirilayotgani ham e’tiborga molik.
Aziz yoshlar, siz ona Vatanimizning, elu yurtimizning mustahkam ishonchi, porloq kelajagi, ertamizning umidisiz! Yaratilayotgan imkoniyatlardan oqilona foydalanayotgan yuksak bilimli, zamonaviy fikrlaydigan, qat’iy pozitsiyaga ega yoshlar mamlakatning bugungi va ertangi taraqqiyotida tobora hal qiluvchi kuchga aylanib borayotganini har birimiz ko‘rib, guvohi bo‘lib turibmiz. Shunday ekan, jamiyatimiz ravnaqining har bir jabhasida o‘z bilimingiz, zamonaviy tajribangiz bilan faol ishtirok etib, xalqimiz, Prezidentimiz ishonchini oqlashingizda zafarlar tilaymiz! Buyuk ajdodlarimizga munosib voris bo‘lib, yangi O‘zbekistonimizning yangidan yangi marralarini zabt etishingizdan umidvormiz. Bu yo‘lda barcha darajadagi tashkilotlarimiz sizga hammaslak va ko‘makdosh bo‘ladi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot

📣 Al-Beruniy nomidagi xalqaro maktab-internatiga qabul uzaytirildi!

🌐Koʻplab yoshlarning talab va istaklariga binoan “Garvardchilar maktabi” nomi bilan tanilgan Al-Beruniy nomidagi xalqaro maktab-internatiga oʻqishga arizalar qabuli 3-iyul sanasiga qadar uzaytirildi.

📥Oʻqishga arizalar my.gov.uz yoki ariza.piima.uz saytlari orqali amalga oshiriladi.

❗️Eslatib oʻtamiz, maktabga shu yil 8-sinfni bitirib, 9-sinfga oʻtgan oʻquvchilar qabul qilinadi.

@alberuniyuzb