🇺🇿Bugun ​​​​​​Davlatimiz gerbi qabul qilinganiga 33 yil to‘ldi!

O‘ZBЕKISTON IMZOSI

Porlayotgan quyosh, ko‘m-ko‘k dalalar,
Va tog‘lar bag‘riga tushayotgan nur.
Bepoyon yaylovlar, fusunkor bog‘lar,
Amu birla Sirning mehridan qonur.

Mehnatkash o‘zbekning tomirida qon,
Necha asrlarki urib turar jo‘sh.
O‘ttiz ikki yilki, baxtiyor yurtga,
Qanotlarin yozib turar Humoqush.

Unda namoyondir g‘urur timsoli,
U so‘zlar shu yurtning tarixi haqda.
Elning rizqi bo‘lib kelgan hamisha,
Bir bog‘lam bug‘doy-yu, bir bog‘lam paxta.

Shukrimiz yog‘ilgay, duolar ila,
Alloh yorlaqagan har onimizdan.
Sakkizburchak ichra yangi oy, yulduz,
Sharhlab turur guyo iymonimizdan!

Uning tasvirida qadrdon ranglar,
U ramzi - tinchlikning, munavvar tongning.
Qayda namoyondir, g‘arbdami, sharqda,
Imzosi sanalgay O‘zbekistonning!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot

#KUN_TAVSIYASI

🟠Safarning foydasi ko‘p. Husayn Voiz Koshifiy bulardan o‘n bittasini keltiradi:
➡️ Birinchidan, tanning sihatiga foydali, chunki safarda havo almashadi va a’zolar chiniqadi, zero, harakat badan rutubatini ketkazadi, qon aylanishini yaxshilaydi;

➡️Ikkinchidan, ulug‘ insonlar, atoqli olimlar, aziz-avliyolarning qabrlarini ziyorat qilishning savobi bor;

➡️Uchinchidan, safar tanballik, dangasalikni bartaraf etadi, chunki bir odam bir maqomda istiqomat qilsa, sustlik va kasallik kuchayadi, badanning ozuqalari (modda almashinuvi) va suvi yurishmay qoladi;

➡️ To‘rtinchidan, g‘am va mahzunlikni (xafalikni) ketkazadi, negaki kishi qanchalik g‘amga botmasin, safarga chiqsa, ko‘ngil chigili yoziladi, tashvishlarini unutadi;

➡️ Beshinchidan, safarda nafs tarbiyalanadi, qiyinchilik va mashaqqatlar odamni sabrli, chidamli, kengfe’l bo‘lishga o‘rgatadi;

➡️ Oltinchidan, safarda umr osoyishta o‘tadi, hayot va o‘lim haqidagi fikrlar tiniqlashadi;

➡️ Yettinchidan, safarda ilm o‘rganish imkoniyatlari kengayadi, o‘zga yurtdagi ustozlardan ko‘p narsa o‘rganish mumkin;

➡️Sakkizinchidan, turli toifa odamlardan turli kasb-hunarlar va odob-axloq o‘rganish yo‘llari ochiladi;

➡️ To‘qqizinchidan, ulug‘larning, ahli donishning suhbatiga erishiladi;

➡️ O‘ninchidan, ota-ona, yaqinlar va do‘stlardan ajralib, ular sog‘iniladi, odamlar qadri, vatan qadri ortadi;

➡️ O‘n birinchidan, g‘arib-musofirlar qadriga yetiladi, ko‘ngilda rahm-shafqat ortadi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot

#RASMIY_MUNOSABAT

Ijtimoiy tarmoqlarda, jumladan, "Daryo" internet-nashrining YouTube'dagi rasmiy kanali"da "...ba’zi bog‘chalarda tarbiyachilar tomonidan bolalarga nisbatan zo‘ravonlik, qo‘pollik va tahdid holatlari uchrayotgani qayd etilayotgani, bu holatlar bolalarning ruhiyatiga salbiy ta’sir ko‘rsatayotgani, Toshkent viloyatida bir bola nazoratsiz qolib halok bo‘lgani va bir qator zo‘ravonlik holatlari jamoatchilikni tashvishga solayotgani, ota-onalardan farzandlarini nazorat qilish, bog‘chalarda esa videokuzatuv o‘rnatish taklif qilinayotgani" bo‘yicha videolavha joylashtirilgan.

Mazkur videolavha bo‘yicha, Toshkent viloyati Maktabgacha va maktab ta’limi boshqarmasi shuni ma’lum qiladiki, lavhada boshlovchi tomonidan "Toshkent viloyatida bir bola nazoratsiz qolib halok bo‘lgan" deya, kadrga joriy yilning 21-may kuni ijtimoiy tarmoqlar orqali tarqalgan, qo'shni davlatlardan birida sodir bo‘lgan noxush holat aks etagan tasvirlar joylangan. (ayni paytda rasmiy kanal mas'ullari tomonidan bu fikr va kadrlar uchirilgan)

❗️Toshkent viloyati maktabgacha ta’lim muassasalarida bunday holat yuz bermagan. Lavhani tayyorlagan muxbir asossiz, tasdiqlanmagan fikrlarni e’lon qilgan!

🔴Hurmatli jurnalistlar, bloger va ijtimoiy faol shaxslar! Viloyat Maktabgacha va maktab ta’limi tizimi bilan bog‘liq sizni qiziqtirgan har qanday savollarga javob olish uchun boshqarmaning @ToshvilmmtbgamurojaatBot botiga murojаat qiling. Biz doim aloqadamiz!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot