#RASMIY_MUNOSABAT

🔴Ijtimoiy tarmoqlarda "Zoyir Mirzayevning piarchisi va bog‘cha biznesi" sarlavhasi ostida xabarlar tarqaldi.

➡️Unga ko‘ra, "...Toshkent viloyati hokimligining axborot xizmati rahbari, viloyat hokimi Zoir Mirzayev piar kompaniyasiga yetakchilik qiluvchi shaxs sifatida tanilgan Behzod Qobulov viloyatdagi bog‘chalardan opasi orqali foyda olayotgani, opa-uka korrupsiya mexanizmi ishga tushirgani haqida..." iddao qilingan.

❗️Ushbu materialda keltirilgan holatlar bo‘yicha Toshkent viloyati Maktabgacha va maktab ta’limi boshqarmasi ma’lum qiladi:

🟠Maktuba Qobulova Ohangaron tumanidagi emas Ohangaron shahar Maktabgacha va maktab ta’limi bo‘limi tasarrufidagi 16-sonli Davlat maktabgacha ta’lim tashkilotida faoliyat yuritadi!

🟠Muassasa quvvati 120 o‘rinli bo‘lib, (iddao qilinganidek, 150 nafar tarbiyalanuvchi emas) “BBIT”.uz tizimida tarbiyalanuvchilar 90 nafarni tashkil etadi.
Kichik guruhda - 18 nafar
O‘rta guruhda - 24 nafar
Katta guruhda - 22 nafar
Tayyorlov guruhda - 26 nafar. Ushbu tarbiyalanuvchilarning badal pullari o‘z vaqtida bankga topshirilgan, qarzdorlik mavjud emas.

Tashkilotda jismoniy tarbiya yo‘riqchisi 2024-yil 4-oktabr kunidan (buyruq raqami 324-10-214-DMM/2024-son) va musiqa rahbari 2024-yil 16-maydan (buyruq raqami 229-10-214-DMM/2024-son) doimiy faoliyat yuritadi. (O‘rganish davomida ushbu pedagoglarni doimiy faoliyat yuritishini tarbiyalanuvchilarning ota-onalari o‘z ko‘rsatmalarida tasdiqladi.)

Murojaatda keltirilagn yana bir iddao, “BEX-BEK 001” nomli xususiy korxonasi bilan bog‘liq bo‘lib, go‘yo mazkur korxonada ishlab chiqariladigan mahsulotlar viloyatdagi maktabgacha ta’lim tashkilotlariga yuqori bahoda tendersiz, to‘g‘ridan-to‘g‘ri shartnoma asosida sotilgan. Bundan kelgan daromadlar Qobulova hisobiga yo‘naltirilgani iddao qilingan. Bu iddaolar haqiqatga to‘g‘ri kelmaydi. Korxona boshqa shaxsga tegishli bo‘lib, Maktuba Qobulovaga bog‘liqlik jihati yo‘q.

❗️Shu o‘rinda aytib o‘tishimiz lozim, o‘rganishlar davomida ijtimoiy tarmoqlarda tarqalgan, ayblovlardan iborat materialdagi iddaolar o‘z tasdiqini topmadi.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot

🌍🌍BIZ HAQIMIZDA
#RASMIY_MUNOSABAT

🔴Kuni kecha ijtimoiy tamoqlarda tarqalgan Ohangaron shahar 16-sonli maktabgacha ta’lim tashkiloti bilan bog‘liq material borasida "Milliy" telekanalining "Millar" informatsion dasturi muxbiri jurnalistik surishtiruv olib bordi.

📱Batafsil videolavhada

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot

📣🟦🟦🟦🟦🟦

🔴2025-yilda “Kambag‘allikdan farovonlik sari” dasturini amalga oshirish maqsadida viloyatdagi kambag‘alligi yuqori bo‘lgan mahallalardan 1-2-chorakda tadbirkor aniqlanmagan MFYlarda hamda 3-4 chorakda belgilangan MFYlarda Oilaviy nodavlat maktabgacha ta’lim tashkilotlari tashkil etish istagida bo‘lgan tadbirkorlar diqqatiga.

❗️Hurmatli tadbirkorlar!
🟠Kambag‘allik yuqori bo‘lgan MFYlardan Sizlarning arizalaringiz joriy yilning 7-21 iyul kunlari https://nodavlat-bogcha.uz/ axborot tizimi orqali qabul qilinadi.

📝Kambag‘alligi yuqori bo‘lgan mahallalar ro‘yxati ilova qilinmoqda.

🔴Shoshiling! Yurt ravnaqi uchun o‘z hissangizni qo‘shing!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot

#KUN_TAVSIYASI!

◀️Bilimsiz va qobiliyatsiz odam mansab kursisiga qattiqroq yopishar ekan. U bu yo‘lda har qanday razolatga qo‘l uradi. Sababi, kursisi bo‘lmasa, u hechkim emasligini yaxshi anglaydi. Siyosatdonlar bundaylardan ko‘p foydalanishadi. Chunki mansab ilinjida ular o‘ta sadoqatli bo‘lishadi.

◀️O‘qimishli va farosatli odam ko‘p imtiyozlardan osongina voz kechadi. Chunki u boshqa yerda yo‘lini osongina topa oladi. Bundaylar bilan ishlash rahbariyat uchun shu sababli qiyin va xatarlidir.

🔴Xullas, amaldorlarning saviyasizligi va maddoh-laganbardorlarning ko‘pligidan ajablanmang!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot

#USTOZ_TAJRIBASIDAN...

📝Street Smart: bozor ko‘rgan bolalar haqida

◀️Biz “aqlli bola” deganda ko‘z oldimizga nima keladi?
Oq ko‘ylakda, galstuk taqib, sinfda har doim “5” oladigan bola.

🟢To‘g‘ri, u akademik jihatdan aqlli bo‘lishi mumkin.
Ammo insondagi aqliy salohiyat faqat shu bilan cheklanmaydi.

📎Amerikalik olim Robert J. Sternberg o‘zining mashhur "Triarchic Theory of Intelligence" — Uch xildagi intellekt nazariyasida quyidagi uch intellekt ko‘rinishni keltiradi:

1. Analitik intellekt – an’anaviy IQ testlar o‘lchovchi qobiliyat: mantiqiy fikrlash, muammoni hal qilish, tahlil qilish.

2. Ijodiy intellekt – yangi g‘oya yaratish, moslashuvchan fikrlash, innovatsiya qilish qobiliyati.

3. Amaliy (praktik) intellekt – hayotiy muammolarni hal qilish, ya’ni tajriba orqali o‘rganilgan real dunyo bilimlari.

➡️SSSR va ko‘plab mustabid tuzumlar 1 — analitik intellektni yaxshi ko‘radi:

Boshqarish oson. Itoatkorlikka moyil. “Aqllilik” qilmaydi. Siyosiy xavf tug‘dirmaydi.

Shu sababli ham aynan analitik intellektli bolalar ustun qo‘yiladi. Propaganda qilinadi. Faxriy yorliqlar-u medallar bilan taqdirlanadi.

A’lochi o‘quvchi degan tasavvurimiz shundan shakllangandir balki..

Qolgan ikki intellekt egasiga esa “uyushmagan yoshlar” tamg‘asi bosiladi.

❗️Mavzuga qaytamiz.
Sizlarga 3-intellekt — amaliy intellekt egalari haqida gapirmoqchiman.

Ularni norasmiy tilda Street Smart (ko‘cha aqli) deyishadi.
Men o‘zimcha “bozor ko‘rgan bolalar” deb tarjima qildim.

◀️Xullas, street smart'lar akademik jihatdan ilg‘or bo‘lmasligi mumkin, ammo:

• Qiyin vaziyatlardan chiqib keta oladi,
• Odamlarni tushunadi va to‘g‘ri muomala qiladi,
• Amaliy fikrlaydi,
• Moslashuvchan,
• Aldanmaydi, xavfni tez ilg‘aydi,
• O‘zini himoya qila oladi.

◀️Street smart'lar kitob bilan emas, bajarib ko‘rib, xatolar orqali o‘rganishga moyil.
Odatda, bozor, ko‘cha, mahalla — ularni tarbiya qiladi.

“Hayot berganda ta’lim, 'nega' kerak muallim” iborasini ham, ehtimol, shu bolalar o‘ylab topishgan!

Tohir Malikning “Alvido bolalik” asaridagi Qamariddinn bunga yaqqol misol qilsak bo‘ladi.

Street smartlar — biznes, savdo, marketing, sotuv sohalarida kuchliroq bo‘lishadi.

O‘rganishning eng samarali uslubi — bajarib ko‘rib, xato qilib o‘rganish uslubidan foydalanadi.

Shu sababli ham erkin bozor iqtisodiyotida muvaffaqiyat qozonish imkoni yuqori bo‘ladi.

Hamma street smart bo‘lishi kerak degan fikrdan yiroqmiz.

Hayot balansdan iborat. Faqat ko‘cha aqli ham muvaffaqiyat kaliti emas, xuddi shu kabi faqat akademik baholar ham.

Qanday bo‘lish kerak?

Nazariyaga berilgan o‘quvchi o‘zida ko‘cha aqlini, street smart'lar esa nazariyalarni o‘rganishi kerak.

Street smart + akademik yutuqlar = ideal kombinatsiya bo‘ladi.

Xulosa:
O‘quvchilarimiz turli xil intellektlarga ega.
Maktab esa faqat akademik intellektni baholaydi.
Amaliy intellekt egasi bo‘lgan o‘quvchilar esa e’tibordan chetda qoladi. Yomon otliq qilinadi.

Ustozlarga tavsiya: a’lochi bo‘lmaganlar intellektini ko‘rishni o‘rganing.

❗️Haqiqiy pedagog — hatto street smart'larni ham to‘g‘ri yo‘naltira oladi!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot