🟦🟦🟦

📝Ma’lumki, yurtimizda 27-iyun - Matbuot va ommaviy axborot vositalari xodimlari kuni keng nishonlanadi. Ushbu sana munosabati bilan Toshkent viloyati Maktabgacha va maktab ta’limi boshqarmasi tomonidan matbuot anjumani hamda bayram tadbiri tashkil etildi.

📹Videolavha

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|
🔎 Veb-sayt |  🌐 Instagram|
👍@ToshvilmmtbgamurojaatBot

👍👍👍
📱#KUN_TAVSIYASI

👶 Farzandingiz yolg‘on gapiryaptimi? (Muhim mavzu!!!)
⬇️YECHIMI: Unga xotirjamlik in’om eting. Bola agar qo‘rqmasa, bosim va tahdid ostida bo‘lmasa u yolg‘on gapirmaydi. Unga osoyishta va tinchlikni xis ettiring.

👶 Farzandingiz qaysarmi?
⬇️YECHIMI: U o‘jarlik qilib turganda, siz unga xilof ish qilmang. Chunki u sizning aks ish qilayotganingizni ko‘rsa, qaysarligini oshiradi!
Unga muhabbatingizni berib, bag‘ringizga oling.

👶 Farzandingiz ser harakatmi?
⬇️YECHIMI: Uni harakatli faoliyatlar bilan mashg‘ul eting. Shokolad tanavvul etishini kamaytiring. Chunki shokolad uning energiyasini oshirib yuboradi. Unga biron-bir yoshiga mos mas’ulyatlikni topshirib qo‘ying.

👶 Farzandingizning oziqlanishi zaifmi?
⬇️YECHIMI: Uni aslo bunga majbur etmang. Balki, uni o‘ynayotganida ovqatlantiring yoki aka-ukalari bilan raqobat uyushtirib, oziqlantirishga harakat qiling. Taomlarini rangli mevalar bilan bezab bering.

👶 Farzandingiz kichik ukalarini urayaptimi?
⬇️YECHIMI: Uni kichik ukalari bilan solishtirmang. Ularga beradigan mehr-muhabbatingizni adolatli eting. Biri qolib boshqasiga ehtimom ko‘rsatayotganingizni ularga zinhor bildirmang.

👶 Farzandingiz elektron o‘yinlariga o‘chmi?
⬇️YECHIMI: O‘yin vaqtlarini sekin astalik bilan kamaytirib boring. To‘satdan uni o‘yinlardan mahrum etmang. Aks xolda o‘yinga bo‘lgan ehtirosi ilgariga nisbatan yanada kuchliroq bo‘lib, zo‘rayib ketadi.

👶 Farzandingiz axloqsiz va odobsiz so‘zlarni talaffuz etayaptimi?
⬇️YECHIMI: Unga ovozingizni ko‘tarib ovvora bo‘lmang. Balki, yumshoqlik bilan tshuntiring. Va unga "tilning pokligi dilning pokizaligidan" deb ayting va masdarini ham keltirishga harakat qiling.

👶 Farzandingizda barmog‘ini so‘rish yoki tirnog‘ini tishlash odati bormi?
⬇️YECHIMI: Demak farzandingiz osoyishtalikga muhtoj. Unda biron-bir tahdiddan yoki yomon narsalarni sezish evaziga, qo‘rqish xissi bor.

👶 Farzandingizning g‘azabi tezmi?
⬇️YECHIMI: Unga g‘azab bilan javob qaytarmang. Balki, g‘azablanganida tahorat olishni o‘rgating. So‘ngra unga "tinchlan, keyin kelishib olamiz" deb ayting.

👶 Farzandingizning shaxsiyati zaifmi?
⬇️YECHIMI: Unga ishonch baxsh eting. Yoshiga mos kelgan biron-bir narsaga bo‘lgan mas’uliyatlikni topshirib qo‘ying. Unga osoyishtalikni ato eting. Unga shaxsiyati zaif ekanligini bildirmang va uni sport klublariga a’zo ettiring. Chunki sport ruhi va badani uchun foydalidir.

👶 Farzandingiz o‘g‘irlik qildimi?
⬇️YECHIMI: Uni "o‘g‘ri" degan so‘z bilan haqorat qilmang. Balki, tanxolikda unga nasihat qiling. Olgan narsasini darrov qaytarsin. Va uni o‘g‘irlik qilishiga sabab bo‘lgan masdarni aniqlab, farzandingizni davolang. Uning moddiy va ma’naviy ehtiyojlarini qondiring.

👶 Farzandingizda balog‘atlik alomatlari bilindimi?
⬇️YECHIMI: Uni poklik odobiga o‘rgating. Va uning o‘ziga bo‘lgan ishonchini mustahkam eting. Aslo uning ko‘rinishidan va ovozidan kula ko‘rmang. Bundan buyon o‘z axloqlari uchun o‘zi mas’ul ekanligini bildiring.

👶 O‘g‘lingizda ayollarga xos alomatlarni payqadingizmi?
⬇️YECHIMI: Sekin astalik bilan qizlar bilan bo‘lgan aloqasini chetlatib, uni ko‘proq erkaklar safiga qiziqtiring. Hamda biroz dag‘allikni ham o‘rgating.
Agarda qizlarda erkaklarga xos harakatlarni sezsangiz, buning aksini qiling.

👶 Farzandingiz qaysarlik qilib, uyg‘onishi bilan yig‘laydimi?
⬇️YECHIMI: Uning boshini mehr bilan silang va uning sevgan laqablarini aytib erkalang. So‘ngra «oyat al-kursi»ni past ovoz bilan o‘qing.

👶 Farzandingiz o‘yinchoqlar do‘konida qaysarligini qila boshladimi?
⬇️YECHIMI: Uni asabiylashmasdan chalg‘iting. Aslo uning talabiga, tinchlanganida ham ko‘na ko‘rmang. Yo‘qsa, ushbu odatga ko‘nikib qolishi hech gap emas.

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot

‼️‼️‼️
#YAKSHANBA_UCHUN_PSIXOLOG_TAVSIYASI

📵Telefon ekrani ortidagi yolg‘izlik: zamonaviy insonning yashirin muammosi

Ko‘chada yuribsiz. Atrofingiz odamlar bilan gavjum. Lekin har birining qo‘lida telefon. Hamma o‘z dunyosiga sho‘ng‘ib ketgan. Sizning ham qo‘lingizda telefon, ushlaaab turibsiz, yangiliklar lentalarini varaqlab yoki ijtimoiy tarmoqlardagi postlarga ko‘z tashlab turibsiz.

Tashqaridan qaraganda siz yolg‘iz emassiz, lekin bir vaqtning o‘zida yolg‘izsiz. Bu - zamonaviy hayotning paradoksi: biz hammamiz go‘yo bir- birimiz bilan juda bog‘langanmiz, lekin bir vaqtning o‘zida juda yolg‘izmiz.

Telefon ekranining ortidagi yolg‘izlik bu- bizning zamonaviy hayotimizning yashirin muammosi.

Masalan, tasavvur qilamiz: siz do‘stingiz bilan kafedasiz. U siz bilan gaplashib o‘tirib, telefoniga doimiy ravishda tez tez ko‘z tashlab turadi, yangi xabarlarni o‘qiydi va ijtimoiy tarmoqlardagi postlarga layklar va turli emodjilar bosadi. Sizga nisbatan uning javoblari beparvodek, umuman sizning gaplaringizga qiziqmaydigandek tuyuladi. U fizik jihatdan sizning yoningizda, lekin uning diqqati boshqa yerda. Uning boshqa yerda bo‘lishiga esa telefon sababchi. Bu – telefon ekrani ortidagi yolg‘izlikning yaqqol misoli.

Yoki boshqa misol: oilaviy kechki ovqat. Ota-ona, farzandlar bir xontaxta yoki stol atrofida yig‘ilgan. Lekin har kim o‘z telefoniga ora ora tikilib o‘tiribdi. Hech kim hech kim bilan e’tibor bilan gaplashmaydi. Ular bir- birini deyarli eshitmaydi, biri- biriga e’tibor bermaydi ham. Fizik jihatdan oila bir stol atrofida, lekin ruhan har biri yolg‘iz. Bu – telefon ekranining jamiyatga salbiy ta’sirining yana bir misoli.

Bunday vaziyatlarda biz doimo bog‘langandek tuyulamiz, lekin haqiqiy muloqot, haqiqiy tuyg‘ular bilan almashinuv kam bo‘ladi. Biz onlaynda ko‘plab do‘stlarga egamiz, lekin bu do‘stlik ko‘pincha yuzaki bo‘lib qoladi. Biz onlaynda o‘zimizning "mukammal" obrazimizni yarata olamiz, lekin bu obraz haqiqiy shaxsiyatimizni aks ettirmaydi. Bu esa yanada katta yolg‘izlikka olib keladi.

Bizning hayotimizdagi haqiqiy munosabatlarni saqlab qolish uchun, biz telefondan foydalanishga bo‘lgan munosabatimizni o‘zgartirishimiz kerak. Haqiqiy muloqotga ko‘proq vaqt ajratish, telefonni o‘chirib qo‘yish va atrofimizdagi odamlar bilan haqiqiy munosabatlarni rivojlantirish bizni telefon ekrani ortidagi yolg‘izlikdan xalos etadi.

❗️BIR KUN TЕLЕFONSIZ YASHAB KO‘RING!!!

🖊Toshkent viloyati maktabgacha va maktab taʼlimi boshqarmasi matbuot xizmati
——————————————————-
Kanalni yaqinlaringiz bilan ulashing
❤Telegram |  🌐Facebook|🔎 Veb-sayt
👍@ToshvilmmtbgamurojaatBot