#korgazma

Xalqaro ko‘rgazmada viloyatda ishlab chiqarilayotgan mebellar yuqori baholandi

Poytaxtimizda bo‘lib o‘tgan “CAEx Mebel and Decor 2025” xalqaro ko‘rgazmada viloyatimiz mebelsozlari ham muvaffaqiyatli ishtirok etishdi.

Unda O‘zbekiston va qo‘shni davlatlardan 50 ga yaqin tadbirkorlar o‘z mahsuloti bilan qatnashishdi.
Xususan, milliy ishlab chiqaruvchilarimizdan — Zangiota tumani "Keng Makon" korxonasi ham o‘z mahsulotlarini namoyish qilib, xalqaro ko‘rgazmada sovrinli o‘rinni egalladi.

— Muvaffaqiyatlarimiz viloyatimizda mebelchilik drayver tarmoqlardan biriga aylanib borayotgani, soha rivojiga alohida e’tibor qaratilayotgani, ayniqsa, davlatimiz tomonidan yaratib berilayotgan qulay imkoniyatlar, shu bilan birga, ko‘p yillik tajriba va izlanishlarimiz mevasidir, — deydi jamoa rahbari, tadbirkor A. Abdurahmonov. — Ustuvor maqsadimiz milliy mahsulotlarimizni jahon bozoriga yanada ko‘proq kirib borishiga hissa qo‘shishdir.

Ma’lumot uchun, mazkur fabrika 1,5 gektar hududda joylashgan bo‘lib, bu yerda 230 nafar kishining bandligi ta’minlangan.

✅Telegram 🌐Website 📹YouTube✅Facebook 🕊Twitter