#agrar_tarmoq

Organik qishloq xo‘jaligi: imkoniyat va istiqbollar

Yuqori Chirchiq tumanida organik qishloq xo‘jaligi bo‘yicha amaliy seminar o‘tkazildi.

"Birlik" hududida joylashgan “Mirzayev Islom” fermer xo‘jaligi paxta dalasida bo‘lib o‘tgan mazkur ko‘rgazmali muloqot O‘zbekiston Respublikasi Prezidentining PF-5995-son Farmoniga ilova sifatida qabul qilingan “O‘zbekiston Respublikasida organik qishloq xo‘jaligi va organik oziq-ovqat mahsulotlar ishlab chiqarishni rivojlantirish konsepsiyasi” ijrosini ta’minlash maqsadida tashkil etildi.

Seminarda Yuqori Chirchiq tumani hokimi Uskenbay Atemov, Oliy Majlis Qishloq va suv xo‘jaligi masalalari bo‘yicha qo‘mitasi raisi R. Mamatov, Respublika urug‘chilik markazi direktori Sh. Otajonov, “Yuma Green” korxonasi rahbari F. Yuldashev, shuningdek, soha mutasaddilari, fermerlar va ta’minotchi korxonalar vakillari ishtirok etdilar.

Seminarda qishloq xo‘jaligida paxta yetishtirishda yangi texnologiyalarni joriy etish, organik mahsulot yetishtirish jarayonlari, organik biostimulyatorlardan foydalanish orqali hosildorlikni oshirish hamda yuqori sifatli paxtani bir terimda yig‘ib olish bo‘yicha tajribalar taqdim etildi.

Shuningdek, ishtirokchilar innovasion texnologiyalar asosida yaratilgan, mahalliy sharoitda tayyorlangan biologik preparatlar bilan ham tanishdilar.

Seminar qishloq xo‘jaligida organik mahsulotlar yetishtirishni rag‘batlantirish, bu borada to‘plangan yangi tajribalarni ommalashtirish hamda tumanning ilg‘or tajribalarini boshqa hududlarda ham ommalashtirishda muhim ahamiyat kasb etadi.

✅Telegram 🌐Website 📹YouTube✅Facebook 🕊Twitter

#tajriba

Chirchiq shahridagi 14-sonli bog‘cha tajribasi o‘rganilmoqda

Chirchiq shahridagi 14-sonli maktabgacha ta’lim tashkiloti bugun nafaqat mahalliy aholi, balki boshqa viloyat mutaxassislari uchun ham ibrat maktabiga aylanmoqda.

Batafsil:

✅Telegram 🌐Website 📹YouTube✅Facebook 🕊Twitter

#yarmarka

Xorijiy ish beruvchilar ishtirokida navbatdagi mehnat yarmarkasi o‘tkazildi

Kuni kecha Nurafshon shahridagi Yoshlar markazi binosida xorijda ishlash istagi mavjud fuqarolar, ishsiz yoshlar uchun qonuniy mehnat migratsiyasiga yuborish bo‘yicha bo‘sh ish o‘rinlari yarmarkasi bo‘lib o‘tdi.

Viloyat hokimligi, Vazirlar Mahkamasi huzuridagi Migratsiya agentligi va bir qator manfaatdor idoralar bilan hamkorlikda tashkil etilgan muloqotda xorijda ishlash bo‘yicha fuqarolar, shuningdek, yoshlarni qiziqtirgan qator masalalarga oydinlik kiritildi va bu borada ish beruvchilar bilan amaliy kelishuvlarga erishildi.

✅Telegram 🌐Website 📹YouTube✅Facebook 🕊Twitter