#Bandlik

Mehnat yarmarkasida 68 nafar fuqaro ishli bo‘ldi

Toshkent viloyatida aholining turmush farovonligini oshirishga qaratilgan chora-tadbirlar izchillik bilan hayotga tatbiq etilmoqda.

Ayni masalada Toshkent viloyati hokimi Zoyir Mirzayev eng avvalo aholi bandligini ta’minlash orqali daromadlarini oshirishga katta e’tibor qaratmoqda.

Shu bois, viloyatimizning tuman va shaharlarida mehnat yarmarkalari tez-tez o‘tkazib borilmoqda.

Jumladan, bugun Parkent tumanida bo‘lib o‘tgan mehnat yarmarkasida 34 ta tashkilot va tadbirkorlar jami 474 ta bo‘sh ish o‘rni bilan ishtirok etdi.

Yarmarkada ishtirok etgan jami 117 nafar fuqaroning 68 nafariga turli sohalarda doimiy ishlashi uchun yo‘llanma berilib, kasb mutaxassisligi bo‘yicha mehnat shartnomalari tuzildi.

Shuningdek, 6 nafar kam ta’minlangan, 13 nafar ijtimoiy himoyaga muhtoj oila vakili kvota asosida ishga joylashtirildi.

Bundan tashqari, 8 nafar ishsiz fuqaroni kasb-hunarga o‘qitish orqali bandligini ta’minlash maqsadida tumandagi “Koinot ziyo” nodavlat ta’lim muassasasida bepul tahsil olishi uchun yo‘llanma berildi.

✅Telegram 🌐Website 📹YouTube✅Facebook 🕊Twitter