Xabar qilganimizdek, “Toshkent viloyati — biznes uchun cheksiz imkoniyatlar hududi” mavzusidagi
Biznes forumning ikkinchi kunida mamlakatimizning turli viloyatlaridan kelgan ishbilarmon doira vakillari qatori bir guruh xorijlik mehmonlar ham ishtirok etishdi.

Forum doirasida Toshkent viloyati hokimi Zoyir Mirzayev Xitoyning Shinjon uyg‘ur muxtor o‘lkasi savdo sanoat mahkamasi raisi boshchiligidagi mehmonlar bilan muloqot o‘tkazdi.

Uchrashuvda mehmonlar viloyatning tuman va shaharlarida xitoylik ishbilarmonlar bilan hamkorlikda yangi loyihalarni ro‘yobga oshirish imkoniyatlari haqida ma’lumot berishdi.
O‘z navbatida, muloqotda ishtirok etgan tuman va shahar hokimlari o‘rtaga tashlangan takliflarni o‘rganib chiqib, hamkorlikda ishlashga tayyor ekanliklarini bildirdilar.
Viloyat rahbari Shinjon o‘lkasi savdo-sanoat mahkamasi bilan iqtisodiy aloqalarni ko‘p qirrada davom ettirish har taraflama manfaatli ekanini qayd etib, mehmonlarga taklif va tashabbuslar uchun minnatdorlik bildirdi.

Mamlakatimizning barcha hududlarida jamoat tartibini saqlash, aholi xavfsizligini ta’minlash hamda huquqbuzarliklarning oldini olish va profilaktikasini kuchaytirishga qaratilgan chora-tadbirlar doirasida “Dolzarb 10 kun” tadbiri bo‘lib o‘tmoqda.

Xususan, viloyatda tegishli tashkilotlar hamkorligida qator tadbirlar amalga oshirilmoqda.
Jumladan, Toshkent, Qibray va Zangiota tumanlarida Milliy gvardiyaning Toshkent viloyati va Toshkent shahar boshqarmasi hamda barcha kuch tuzilmalari ishtirokida xizmat bo‘yicha yo‘riqnomalar o‘tkazildi.
Tadbir davomida jamoat tartibini ta’minlash, noqonuniy harakatlarning oldini olish hamda aholining qonuniy talablar to‘g‘risidagi xabardorligini oshirishga qaratilgan maxsus ko‘rsatmalar berildi.

“Dolzarb 10 kun” doirasida jinoyatchilikka qarshi kurashish, ichki xavfsizlikni mustahkamlash va yoshlar o‘rtasida huquqbuzarlikning oldini olishga qaratilgan targ‘ibot ishlari ham olib borilmoqda. Ushbu chora-tadbirlarning asosiy maqsadi — jinoyat va huquqbuzarliklarning oldini olish orqali aholining tinchligi va osoyishtaligini ta’minlash, qonun ustuvorligini mustahkamlash hamda hududlarda xavfsiz va osoyishta muhit yaratishdir.