#Bunyodkorlik

“Parkentsoy” massivida qurilishi yakunlangan turar-joylar o‘z egalariga topshirildi

Bayram shukuhi kezib yurgan shu kunlarda Prezidentimizning tashabbusi bilan, Parkent tumani “Parkentsoy” bo‘yida aholi uchun arzon narxlardagi ko‘p qavatli uy-joylar foydalanishga topshirildi.

Xususan, 13 ta koʻp qavatli, jami 520 ta xonadondan iborat turar-joyning qurilishi tugallanib, bugun yangi, zamonaviy va ko‘rkam xonadonlarni o‘z egalariga topshirishga bag‘ishlangan marosim bo‘lib o‘tdi.

Tadbirda tuman hokimi Sardor Isoqulov soʻzga chiqib, yangi xonadon egalarini tabrikladi va “Parkentsoy” massivini ekoshahar qiyofasiga kirishini taʼkidladi.
 
Maʼlumot uchun, umumiy maydoni 6 gektar bo‘lgan bu go‘shada, jami 5200 xonadonli 125 ta ko‘p qavatli turar-joy qad rostlaydi. Shuningdek, 2 ta maktab, 8 ta bog‘cha, bolalar maydonchalari, 10 gektar maydonda istirohat bogʻi, sun’iy ko‘l, saylgoh va veloyo‘laklar barpo qilinishi rejalashtirilgan.

✅Telegram 🌐Website 📹YouTube✅Facebook 🕊Twitter

#Shukuh

Nurafshonda 14 nafar bolaning xatna to‘yi qilib berildi

Ushbu xayrli ish doirasida shaharda istiqomat qiluvchi kam ta’minlangan va ehtiyojmand oilalarning 14 nafar farzandi uchun tantanali marosim tashkil etildi.

Shodiyona davomida 13 nafar bolaga velosiped, imkoniyati cheklangan 1 nafar bolajonga esa planshet sovg‘a qilindi.

Tadbir mustaqillik shukuhini his etish, oilalarni qo‘llab-quvvatlash va qadriyatlarni asrashga xizmat qildi.

✅Telegram 🌐Website 📹YouTube✅Facebook 🕊Twitter