#bildirish

Toshkent va Nurafshon shaharlarini bog‘lovchi asosiy chorrahada transport vositalari harakati to‘xtatildi.

Batafsil videolavhada

✅Telegram 🌐Website 📹YouTube✅Facebook 🕊Twitter

#xushxabar

Toshkent viloyati farzandi Aytjan Xalmaxanov 24 yillik tanaffusdan keyin yunon-rum kurashi bo‘yicha jahon chempioni bo‘lgan ilk O‘zbekistonlik sportchiga aylandi

Xorvatiyaning Zagreb shahrida o‘tayotgan sport kurashlari bo‘yicha jahon chempionatidan xushxabar keldi. Yunon-rum kurashi bo‘yicha O‘zbekiston terma jamoasi a’zosi, O‘rta Chirchiq tumanilik Aytjan Xalmaxanov oltin medalni qo‘lga kiritdi.

-60 kg vazn toifasida bahs olib borgan hamyurtimiz hal qiluvchi bellashuvda janubiy koreyalik Chung Xan-Jayeni mag‘lubiyatga uchratishga erishdi.

Bu so‘nggi 24 yil ichida yunon-rum kurashu bo‘yicha dunyo birinchiligida o‘zbekistonlik atletlarning qo‘lga kiritgan dastlabki oltin medali bo‘ldi.

Barakalla, Aytjan!


✅Telegram 🌐Website 📹YouTube✅Facebook 🕊Twitter

#bildirish

Prezident farmoni bilan O‘zbekistonda aholi va qishloq xo‘jaligini ro‘yxatga olish 2026 yil 15 yanvar holatiga ko‘ra 2026 yil 15 yanvardan 28 fevralga qadar o'tkaziladi.

Ro‘yxatga olish tadbiri “mahalla yettiligi” tizimi xodimlarini 2025 yil 15 dekabrdan 2026 yil 1 martgacha bo‘lgan davrda jalb etish orqali o‘tkaziladi.

Bunda O‘zbekiston mahallalari uyushmasi Milliy statistika qo‘mitasi hamda mas’ul idoralar bilan birgalikda “mahalla yettiligi” tizimi xodimlarini planshetlardan foydalangan holda ro‘yxatga olish tadbiri o‘tkazilishini ta’minlaydi.

Shuningdek, davlat organlari va tashkilotlari 2026 yil 15 yanvardan 31 yanvargacha o‘z tizimida faoliyat yuritayotgan barcha xodimlarning census.stat.uz portalida ro‘yxatdan o‘tishini ta’minlaydi.


✅Telegram 🌐Website 📹YouTube✅Facebook 🕊Twitter

#ijtimoiy_himoya

Ushbu filmda “Kambag‘allikdan farovonlik” dasturi asosidagi amaliy ishlar natijasida Toshkent viloyati aholisi hayotida yuz berayotgan ijobiy o‘zgarishlar aks ettirilgan.

✅Telegram 🌐Website 📹YouTube✅Facebook 🕊Twitter

#Qishloq_xoʻjaligi

🌟Quyosh panelli sugʻorish tizimi – dehqonlarga yangi imkoniyatlar eshigini ochadi

Toshkent tumanidagi “Gʻulomahmud Baraka” agrofirmasi hududida zamonaviy suv tejovchi texnologiyalar taqdimotiga bagʻishlangan dala-oʻquv seminari boʻlib oʻtdi.

Seminarda Respublika suv xoʻjaligi vazirligi masʼullari, tumanning 250 dan ortiq fermer va dehqon xoʻjaliklari rahbarlari hamda qishloq xoʻjaligi mutaxassislari ishtirok etdi. Dastlab yigʻilish ishtirokchilariga suvdan oqilona foydalanish, ichki ariqlarni betonlashtirish va suv tejovchi texnologiyalarni joriy etish boʻyicha amaliy tavsiyalar berildi.

Shundan soʻng, “KAVSAR” korxonasi ishlab chiqargan koʻchma quyosh panelli suv yetkazib berish tizimi namoyish etildi. Bu innovatsion tizim suv va vaqtni ikki barobar tejash, kunduzi va tunda ham sugʻorish imkoniyatini yaratish, bir paytning oʻzida 15 gektar maydonni sugʻorish kabi katta afzalliklarga ega. Tizimdan nafaqat toza suv, balki zovur va quduq suvlaridan foydalanib ham sugʻorish mumkinligi fermerlarda katta qiziqish uygʻotdi.

Seminar yakunida fermerlar va korxona vakillari oʻzaro savol-javob qildilar, kerakli maʼlumotlarga ega boʻldilar va oʻz maydonlarida mazkur tizimni joriy etish boʻyicha ikki tomonlama shartnomalar imzoladilar.

Tadbir yakunida dasturxon yozilib, duo qilindi. Yoshi ulugʻlar kelgusi mavsumda ob-havo musaffo, dehqonchilik barakali boʻlishini tiladilar.

✅Telegram 🌐Website 📹YouTube✅Facebook 🕊Twitter