#muloqot

Yangi xalqaro aeroport —  Yangi O‘zbekistonning "oltin ostonasi"ga aylanadi

Xabaringiz bor, O‘rta Chirchiq va Quyi Chirchiq tumanlarining tutash hududida mutlaqo yangi, eng zamonaviy talablarga mos xalqaro aeroport qurilmoqda.

Yangi O‘zbekistonning "Oltin ostonasi" deya ta’riflanayotgan bu loyihani butun xalqimiz qatorida mazkur tumanlar ahli ham o‘zgacha mamnuniyat, faxru iftixor bilan qarshi olmoqda.

Joriy yilning 20 oktyabr kuni Prezidentimiz Shavkat Mirziyoyev boshchiligida mazkur salohiyatli  loyihaga start berildi.

Xususan,  aeroport uchun O‘rta Chirchiq tumanining "Xalqobod" va "Yangiyo‘l" mahallalaridan yer ajratilgani,  bunday megaloyiha va katta masshtabli infratuzilmaning aynan tumanga tutash manzilda joylashayotgani  kelgusida hududlarimizning iqtisodiy-ijtimoiy yuksalishiga juda katta turtki beradi, albatta.

Bugun kelajak loyihasi deb ko‘rilayotgan mazkur yangi aeroport qurilishi bilan bog‘liq tashkiliy yumushlar doirasida O‘rta Chirchiq tumani hokimi I.Kasimov "Xalqobod" mahallasi aholisi vakillari hamda hududdagi fermer xo‘jaliliklari rahbarlari bilan muloqot o‘tkazdi.

Uchrashuvda tuman hokimi ushbu hududda unikal loyiha qurilishi munosabati bilan  aholi xonadonlariga hamda fermer xo‘jaliklari hududidagi bino-inshootlariga kompensatsiya mablag‘lari to‘lab berilishi va uning tartiblari haqida atroflicha tushuntirish berdi. Shuningdek, aholining maishiy turmushning turli masalalariga doir savollariga javob berdi.

✅Telegram 🌐Website 📹YouTube✅Facebook 🕊Twitter

“Bir nuroniy — o‘n yoshga mas’ul” tanlovining viloyat bosqichi bo‘lib o‘tdi

Nurafshon shahridagi “Yoshlar” markazida “Bir nuroniy — o‘n yoshga mas’ul” ko‘rik-tanlovining Toshkent viloyati bosqichi o‘tkazildi.

Mazkur tanlov “Nuroniy” jamg‘armasi viloyat bo‘limi tashabbusi bilan Oila va xotin-qizlar, Kambag‘allikni qisqartirish va bandlik, Yoshlar ishlari agentligi, Madaniyat boshqarmalari hamda qator hamkor tashkilotlar hamkorligida tashkil etildi.

Ta’kidlash kerakki, Prezidentimiz tashabbusi bilan 2022 - yildan buyon an’anaviy tarzda o‘tkazib kelinayotgan mazkur tanlovning asosiy maqsadi — nuroniylar va yoshlar o‘rtasidagi uzviy bog‘liqlikni mustahkamlash, yosh avlodni kattalarga hurmat, vatanparvarlik va insonparvarlik ruhida tarbiyalashdan iboratdir.

Tadbirni “Nuroniy” jamg‘armasi Toshkent viloyati bo‘limi raisi Abdusamad Nosirov hamda Kasaba uyushmalari viloyat kengashi raisi Sayyora Fayziyeva ochib berdi. Ular o‘z so‘zlarida tanlovning ahamiyati, nuroniylar faolligining yoshlar tarbiyasidagi o‘rni haqida to‘xtalib, ishtirokchilarga omad tiladilar.
Tanlovda tuman va shahar bosqichlarida g‘olib bo‘lgan nuroniylar 3 shart bo‘yicha bellashdilar. Har bir ishtirokchi o‘zining tajribasi, bilim va salohiyatini namoyish etdi. Hakamlar hay’ati tomonidan har bir chiqishlar xolisona baholandi.

Yakun natijalariga ko‘ra:

🥇 1-o‘rin — Mastura Yakubova (Yangiyo‘l tumani)

🥈  2-o‘rin — Asadilla Umarov (Ohangaron shahri)

🥉  3-o‘rin — Iqboloy Erbo‘tayeva (Bekobod tumani)

Birinchi o‘rin sohibasi Mastura Yakubova endi tanlovning respublika bosqichida Toshkent viloyati sharafini himoya qiladi.

Gʻolib va sovrindorlar diplom, esdalik sovg‘alari hamda pul mukofotlari bilan taqdirlandilar.

✅Telegram 🌐Website 📹YouTube✅Facebook 🕊Twitter

#bunyodkorlik

Nurafshon shahrida viloyat Mudofaa ishlari boshqarmasining ma’muriy binosi va chaqiruv-yigin punkti qurilishi boshlandi

So‘nggi yillarda mamlakatimizda mudofaa tizimining qudratini mustahkamlash, Qurolli Kuchlar salohiyatini oshirish va harbiy xizmatchilar uchun munosib sharoitlar yaratish yo‘lida izchil islohotlar amalga oshirilmoqda.

Xususan, yangi o‘quv markazlari, chaqiruv-yigin bunktlari va boshqaruv infratuzilmalari barpo etilayotgani hamda mavjud obyektlarda rekonstruksiya va modernizatsiya ishlari olib borilayotgani ham shu maqsadga xizmat qilayotgan ushlar sirasidandir.

Bugun Nurafshon shahrida viloyat Mudofaa ishlari boshqarmasining ma’muriy binosi va chaqiruv-yigin bunkti qurilishiga tamal toshi qo‘yildi.

Tadbirda Toshkent viloyati hokimi Zoyir Mirzayev, soha rahbarlari, harbiy xizmatchilar hamda nuroniylar ishtirok etishdi.

Yangi bino 1,05 gektar maydonda bunyod etilishi rejalashtirilgan bo‘lib, uch qavatdan iborat bo‘ladi. Loyihada zamonaviy ish xonalari, oshxona, majlislar zali, yig‘uv markazi va boshqa qulayliklar ko‘zda tutilgan.

An'anaga ko'ra, nuroniylar tomonidan duo qilinib, ish boshida jonliq so‘yildi.

Shuningdek, bugungi kunda Toshkent viloyati Mudofaa ishlar boshqarmasining ikki tuman bo‘limida yangi binolar qurilishi, uchta tuman bo‘limida esa rekonstruksiya ishlari jadal davom etmoqda.

✅Telegram 🌐Website 📹YouTube✅Facebook 🕊Twitter