Ko‘prik ochilishi munosabati bilan bo‘lib o‘tgan tantanali marosimda Prezident Administratsiyasi mas’ul xodimlari,  Toshkent viloyati faollari,   tuman jamoatchiligi, nuroniylar va yoshlar, quruvchi bunyodkorlar, soha mutasaddilari, jurnalistlar va keng jamoatchilik qatnashdi.

Ular ko‘prikni faqat beton va temir ustunli yo‘l o‘tkazgich emas,  balki odamlarning Yangi O‘zbekiston islohotlariga, ertangi kunga umidi yanglig‘  "ishonch ko‘prigi" sifatida ta’rifladilar.

Vaqt o‘tdi, avlodlar almashdi, orzular so‘nmadi.  2025 yilda Prezidentimizning tegishli qarori  bilan loyiha ijrosi qayta boshlandi. Haqiqiy ishonch va izchil harakat natijasida uzoq yillar huddiki yetishib bo‘lmas  sarobga aylanib kelgan  masala hal etildi.

Loyihaning umumiy qiymati 72 milliard so‘m, ammo uning qiymati faqat pul bilan o‘lchanmaydi. Chunki bu ko‘prik xalq hayotini o‘zgartirayotgan, yuzlab, minglab insonlar taqdiriga yorug‘lik olib kirayotgan, umidni qayta tiriltirayotgan loyihadir.

200 metrli ko‘prik va 6 kilometrli zamonaviy avtomobil yo‘li nafaqat harakat uchun qulay, balki taraqqiyot, obodlik va farovonlik  yo‘lining ramziga ham  aylandi.

Yo‘l bo‘ylab tungi yoritish chiroqlari porlab, yangicha hayotga yo‘l ko‘rsatgandek nur sochadi. Piyodalar uchun yo‘laklar, nogironlar uchun maxsus qulayliklar, yangi to‘rt tasmali yo‘l — bularning barchasi inson qadriga bo‘lgan hurmat ifodasidir.

Avval bu yo‘ldan bir kunda 2 mingta avtomobil o‘tgan bo‘lsa, endilikda 14 mingta mashina bemalol harakatlanmoqda. Bu raqamlar ortida butun bir tumanning nafasi, iqtisodning yurish sur’ati, odamlarning hayotga ishonchi mujassam.

Eng muhimi, endi “Do‘stlik” va “Yangiovul” mahallalaridan tuman markazigacha bo‘lgan masofa 44 kilometrga qisqardi. Bu — odamlar vaqtini, mehnatini, hayotini tejaydi. Bu — oilalar tezroq uchrashadi, farzandlar maktabiga qulay va xavfsiz yetib boradi, tadbirkoru dehqonlar mahsuloti bozorga tezroq kiradi, deganidir.

Bekobod uchun bu ko‘prik — yangi hayot, yangi rivoj, yangi nafas demakdir. Endilikda u tumanning "yuzi",  iftixor timsoli, elning hamjihatligi va mehnati bilan qurilgan moʻjiza sifatida uzoq yillar davomida xizmat qiladi.

Sirdaryoning ikki sohilini bog‘lagan bu ko‘prik, aslida, insonlarning qalbini bog‘ladi. Bu — el orzusi ro‘yobga aylangan, Vatan taraqqiyotiga tamal toshi qo‘yilgan kun bo‘ldi.

Mazkur tadbir mamlakatimizda aholining ijtimoiy himoyasini kuchaytirish, kam ta’minlangan va yordamga muhtoj oilalarni qo‘llab-quvvatlash borasida olib borilayotgan izchil islohotlarning amaliy ifodasi bo‘ldi.

Tantanada nuroniy otaxon va onaxonlar  el-yurt tinchligi, farovonligi, bolajonlarning sog‘lom, bilimli va baxtli ulg‘ayishlari uchun duolar qildilar.

Tadbir davomida san’atkorlar tomonidan kuy-qo‘shiqlar ijro etilib,  davraga o‘zgacha fayz bag‘ishladi.

Sunnat to‘ylari orqali nafaqat bolajonlarning, balki ularning oilalari va butun mahalla ahlining yuzida quvonch va minnatdorlik ifodasi aks etdi.

Maqsad — yoshlarimizning ekologik ilmi, bilimi, tushunchasi va madaniyatini yanada yuksaltirish, fuqarolar, ayniqsa yoshlarning atrof-muhitga bo‘lgan munosabatini yanada mustahkamlash.