‏لا أملك أي انتصارات مدهشة،
لكنّي أستطيع إدهاشك بهزائم خرجتُ منها حيًا

عسى أن يمرَّ الصعبُ،
ولا يمرَّ العُمر..
عسانا نسعدُ ولا نشقى،
نأمنُ ولا ننسى،
يارب.

للهِ حساباتٌ أخرى،
وترتيباتٌ أوسع،
وأنّي له و إليه أسلمت وعليه توكلت.💛

ياربّ. "!

‏"الإنسان كائن تظهر هشاشته بحديثه المبالغ فيه عن صلابته".

‏الأخوات غيّوم تجاوركَ طول العمَر .

جايكم متأخره شديد في الموضوع دا لكن م علينا ح انزل ليكم اقتراحاتي الشخصيه واكتر روايات بالنسبه لي كنته مؤجله كتير اني اقراهم بس الحمدلله قدرته اقراهم وحقققيقي رهيييبين رهيبين شديد

نصيحه مني ليكم دايماً لمن تجو تقرو روايه ولا كتاب ولا ايي حاجه ليها علاقه بالقرايه عامه م تخمو نفسكم نهائي في البقدر والرهيب واصلاً زول قراي وبقرا من زمان كتب او روايات م ح يحتاج لي كلامي دا المهم اقرو من ١٠ لي ٢٠ صفحه وفي كتب روايات انا شخصياً بحسها تشويقيه م بقدر اقرا من ١٠ لي ٢٠ بتحمس وبتمها🤣🤣

م تشوفو كلامي دا انا الكتب والروايات دي بديت اقراهم هسي في الحرب دي وحقيقي لقيت انو فايتني كتير وفي كتب حلوه حلوه شديد تستحق انو تتقري بس نصيحه مني ليكم اقرو وحبو القرايه اقضو وقت فراغكم في حاجه تستفيدو منها وقبل اليوم دا قلته ليكم نحنا دي فتره حقيقه الزول بكتشف فيها نفسو يعني البقدو يقرا كتب يقرا والبقدر يعمل ليهو مشروع بالبقدر عليهو يعمل اصلو شوفتو نهائي م تتوقفو وتقولو م عندنا وم بقدر وتعملو الظروف قبل الحرب شماعه لي عدم قدرتكم النصيييييحه كلنا قادرين بس عايزين دفره بالواضح كدا حاجه تشجعنا نقوم م بدس منكم انا هسي قبل الحرب دي نهائي لا كنته بفكر لا في مشروع ولا في الفكره من اساسها ياهو الحرب دي حصل وجابتني بورتسودان وياهو بي هنا وبي هنا عملته لي مشروع الحمدلله على قدري وماشي الحمدلله وشاركته بي مشروعي دا في بازار توينز الكان في بورتسودان يلا شوفتو يجماعه اصلووووو م تقعدو نهائي م ابدو بي ايي حاجه ونصيحه مني ليكم الشغل مهما كان م عيب م ح اطول عليكم في (موضوع المشاريع )دا ان شاء الله مرة تانيه ح اتكلم معاكم فيهو❤️❤️

ف انا في القناة دي م بنزل ليكم كلام ساي او مجرد كلام يعجبكم ف انا كل مره ح اعيد واكرر ليكم انو انتو اصحاب واخوان بالنسبه لي ف البعملو بجي من مره لي مره بشاركم بالحاجه العملتها يعني لو عندكم اي حاجه تعالو واشكو لي وفضفضو لو عايزين ايي خدمه او مساعده انا شخصياً بقدر عليها بعملها ليكم❤️❤️❤️