"أفضل طريقة لإخفاء الحقيقة هي قولها على سبيل المزاح."

‏- ألكسندر إيفانوف

إنما غايةُ ما يحتاج إليه الإنسان في هذه الدنيا أن يكون مُطمئنًا وأن تهدأ روحُه وتسكن من وحشتها وتجد بين حطام الأيام المتراكم مُستراحًا لها تأوي إليه وتحتمي به ، وإذا اطمأنَّ الإنسان وجدتَّ منه أجمل ما فيه، وإذا اطمأنّ كان لك فوق ما تريد ..

فإذا أحبّ أحدُكم أحدًا فليطمْئنه ، بل فليكن غايةَ مُراده أن يُطمئنه

#بعض_من_اللطف

‏"يتعرّض المرء لنوبات شوق من آنٍ لآخر.. لأيام كانت روحه فيها خفيفة، كان قلبُه بسيطًا وبريئًا، ولم يكن يجد خلافًا بين عقله وقلبه

ليت المرء يعود كما كان.')

بطِل تفتح الأبواب المقفولة، لمجرد إنك مشتاق ..

هو ليه لازم احنا دايما اللي نسند اللي حوالينا ونراضيهم واحنا محدش بيحاول يراضينا ليه لازم احنا اللي نيجي على نفسنا عشان خاطر غيرنا ليه مابيهونش علينا نزعل حد او نكسر بخاطر حد انما احنا نزعل عادي ويتكسر بخاطرنا عادي .

ليالٍ متشابهه مكررة بنفس التفاصيل ..

‏عارف لما تبقى مش كويس ومش عايز حد يعرف انك مش كويس و فنفس الوقت محتاج حد جمبك تحكيله انك مش كويس ..

من رحمة ربنا بينا برضو انو في عز ايامك الصعبه بجيك يوم تحس انك مرتاح بدون سبب   كده بس في شوية هوا داخل قلبك   وشويه راحه كده طولت منها شديد، تحسها كانها استراحة محارب اللي هو انت طبعا .

ف بس يعني الحمدلله حتى يبلغ الحمد منتهاه ...

‏ما توعدش حد بحاجة مش هتعملها علشان فى ناس بترتب حياتها علي كدب حضرتك .

أنا أصلًا وجبتي المفضلة عواقب أفعالي ...

‏لما تبعد نفسك عن أي مكان أنت مش حاسس فيه بالحُب والتقدير والإحترام ، دا ف حد ذاته إحترام لذاتك .

بسم الله على قلبي حتى يهدأ ..حتى يطمئن..حتى يأخذ الأمان ويبتسم
بسم الله على حلمي حتى يأتي وعلى خاطري حتى يجبر
بسم الله على نفسي حتى تطيب ، استودعك نفسي وأقداري وأحوالي وما أرجوه اللهم لا خذلان ولا خيبات فيما هو قادم
اللهم آمين

كل ما انوي ابقى احسن …
قلبي يلمح ذكريات

أنا بكل مره كنت فيها برجعلك مَكنتش لحظة ضعف دي كانت لحظة شوق
يمكن انت محبتش ف مش هتفهم ايه يعني انك تكون زعلان جداً من حد بس ف نفس الوقت الحد دا يوحشك لدرجة تخلي قلبك يوجعك .

في بنت اتخطبت لمدة سنتين بالظبط كان فاضل على كتب الكتاب ١٣ يوم
فجأه بدون اي مقدمات قررت انها مش هتكمل
وقالت لأهلها مش عاوزاه
كل اللي حواليها يسألوها عن السبب وهي مش راضية حتى توضح
لحد ما ف الاخر اعترفت وقالت " مادانيش اي حاجة ف وقتها "
"بيطمن عليا بعد ما اخف"
"بيسأل عن امتحاني الصعب اللي مرعوبة منه وحكياله عليه بعدها بإسبوع"
"هدية عيد ميلادي حتى بتيجي متأخر"
"كل حاجه كنت بشوفها منه كانت باردة وفاترة ومالهاش اي طعم."
-
نيجي لواحدة تانية متجوزة وف يوم حصل مشكلة بينها وبين جوزها وصلت المشكلة دي انهم فضلوا مخاصمين بعض اربع ايام بحالهم
هما متجوزين ف محافظة تانية بعيد عن أهلها
وف ايام خصامهم نزلت تشتري حاجات ليها من مكان جنبهم
هي كانت فاكرة انها عارفة شوارعه كويس نزلت واشترت ولفت كتير والمفروض مروحة بقى
ماعرفتش هى فين بتبص حواليها مش عارفة اي محل ولا مألوف ليها اي يافطة او عنوان تروح هنا تروح هناك مش عارفة ترجع تانى وتدخل من اي شارع تتوه اكتر
قامت واقفة ف مكان وفضلت تعيط و طلعت تليفونها واتصلت بجوزها
رد عليها وقالت له " انا تايهة ومش عارفه انا فين ولا عارفه أعمل حاجة " وده كله طبعا بعياط

قعد يقول لها " اهدى بس انا معاكي اهو ، قومي بس اسألي اي صاحب محل عندك واعرفي منه أسمه ايه عشان أعرف اجيلك ياحبيبتى ، اطمني انا معاكي ومش هسيبك ومش هقفل الخط وجايلك دلوقت حالا "
وبعد لف كتيير وصل ليها وشافها وجري عليها وهي من الخوف ماكنتش مصدقة انه هو ، وبعد مااستوعبت قامت معيطة ومستخبية فيه ..
عدى كام سنة ع الموقف دة وهي مش نسياه
بتقول انه كل ما شيطاني يوزني انكد عليه
قلبي مايطاوعنيش و تيجي ف بالي صورة الوقت اللي كنت عاوزة فيه امان وكان هو اماني وحمايتي...'

في ثقافة اسمها "ثقافة الوقت"
حاجة معينة عاوزينها ف الوقت دة
لو اتأخرت لحظة واحدة عن وقت احتياجنا مش هنعوزها
كل حاجة ليها وقتها .. كل حاجة حرفيا
"الإحساس - و الكلمة - و المعايدة - و الطبطبة - و الحضن - والنظرة- الخ.."
زى ما الحاجة الساقعة لو سخنت مش بيبقى ليها طعم
وزي لما الدوا بيجى متأخر مابيبقاش ليه فايدة ولا بينفع
وزي الجدعنة اللي لو ماظهرتش ف الشدة مش بتبقى جدعنة
كل حاجة وتوقيتها .. ولو خرجت عن التوقيت دة بتفقد قيمتها🚶🏻‍♀️

‏وانا لما اعدي فتره صعبه و انا لوحدي هحتاجك ليه تاني ؟

وانا ايه يخليني اتجنب اللي يؤذيني ؟ ما انا اؤذيه واخليه هو اللي يتجنبني

لو قلتلك على حاجة بتوجعني وعملتها ، يبقى انت كده خرجت من حياتي وقفلت الباب وراك .

بص من الأخر متستخدمش مشاكلك وحالتك النفسيه عذر لوقاحتك وقلة ادبك مع الناس ، عشان هم مش عايشين ف برطمان مارشميلو