«ТАБРИКНОМА»

Икки юрак бугун бахтиёр,
Дуо билан айтилар ёр-ёр.
Бир-бирига бўлсин вафодор,
Бахт тилаймиз келин куёвга!


Ярашибди куёвга зар тўн,
Ёнидаги ёр юзи гулгун.
Оҳу, кўзли сочлари сунбул,
Бахт тилаймиз келин куёвга!


Ота она кўзида севинч,
Қалби тўла бир олам қувонч.
Бу кун дилдан кетади соғинч,
Бахт тилаймиз келин куёвга!


Тўйда ҳамма кўришиб дийдор,
Кўзлар меҳр-ла, айтади изҳор.
Дийдор билан кўнгиллар баҳор,
Бахт тилаймиз келин куёвга!


Бир-бирига ярашган бўйи,
Ошиқ дилни сеҳрлар ишқ кўйи.
Болдай ширин орзу ва ўйи,
Бахт тилаймиз келин куёвга!


Иккингизни кутар чимилдиқ,
Ишқ аҳдида бўлинглар содиқ.
Бахт бормикан бунданда ортиқ,
Бахт тилаймиз келин куёвга!


Иккингизга барча ҳавасда,
Куну, ойлар, ўтиб бир пастда.
Келинпошшо айтади алла,
Бахт тилаймиз келин куёвга!


Келайлик биз бешик тўйига,
Ўғил қизлар тўлсин уйига.
Кекса ёш қўл, очиб дуога,
Бахт тилаймиз келин куёвга!


Қўшгани-ла, қўша қарисин,
Бир-бирини севиб яшасин.
Энг ибратли оила бўлсин,
Бахт тилаймиз келин куёвга!!!

Нодирабегим Шерматова

Каналга уланиш: 👇
T.me/Toy_bob_sherlar

СЕВГИ ТЎЙДАН КЕЙИН

Тақдир кулиб боқса бўлдида,
Бахт ҳам ўзи тайин бўлади
Севги нима, ёқса бўлдида,
Севги тўйдан кейин бўлади.


Эй париваш менга бир қаранг,
Қош чимириб қилманг кўп таранг,
Муҳаббат деб бошни қотирманг,
Севги тўйдан кейин бўлади.


Ҳадик гумон йўлларимдан қоч,
Келдим соғинч эшигингни оч,
Севгидан ҳам буюкроқ ишонч,
Севги тўйдан кейин бўлади.


Кўзларингга келмаса уйқу,
Қувонч ўрнин олса гар қайғу,
Аввалгиси ёлғончи туйғу,
Севги тўйдан кейин бўлади.


Севма укам куйиб қоласан,
Дунёлардан тўйиб қоласан,
Тўйдан кейин суйиб қоласан,
Севги тўйдан кейин бўлади.


Энг аввало бўлсин номус ор,
Қуруқ гапдан қандайин наф бор,
Эскилардан қолган бир гап бор,
Севги тўйдан кейин бўлади.



Хуршид Карим

Каналга уланиш: 👇
T.me/Toy_bob_sherlar

Assalomu alaykum obunachilarimizni istaglariga binoan yangi kanal ochdik.
☝️Bizning kanalda
1 Bayram tabriklari 🎊
2 Tugulgankun tabriklari🎉
3 Juma tabriklari🕋

Kanalga ulanish👇🏻

https://www.tg-me.com/+ikinVIYDN_81NmRi

ТЎЙИНГ МУБОРАК БЎЛСИН УКАМ!

Муборак бўлсин бахт тўйинг укам,
Шаҳзодадек куёв бўлибсан кўркам,
Ўзингга ярашган гўзал ёринг ҳам,
Қутлуғ бўлсин укам янги ҳаётинг!


Бахтли бўлгин болам деб ота онанг,
Бўйингдан айланай, деб амма холанг,
Дуога қўл очиб амаки тоғанг,
Барча яқинларинг тилайди бахтинг!


Қадам қўйдинг бугун катта ҳаётга,
Олахуржин тушди укам бошинга,
Бугундан раҳбарсан ўз оилангга,
Турмуш ташвишидан синмасин шаҳдинг!


Энди гўзалларга укам боқиш йўқ,
Қизларни йўлини пойлаб кутиш йўқ,
Кўчасидан гаплар отиб ўтиш йўқ,
Ёрингники бўлсин, меҳр муҳаббатинг!


Тилагим кўп бўлсин ўғил қиз боланг,
Энг бахтли оила бўлсин оиланг,
Саодат тилайди Нодира опанг,
Севган ёринг билан, бахтдан топ тахтинг!!!

✍️ Нодирабегим ШEРМАТОВА

Каналга уланиш: 👇
T.me/Toy_bob_sherlar

АКАМ !

Акамнинг борлиги бахтдир ёнимда,
Меҳри билан тиргак ҳар бир онимда,
Биргина чин дўстим ўзи ёнимда,
Мен учун ҳар нега тайёрдир акам!


Мени деб тоғларни ҳам қилар талқон,
Хатар келса кўксин қилади қалқон,
Сингил учун ака бехатар қўрғон,
Мен учун ҳар нега тайёрдир акам!


Кенг елкаларига қўйсам бошимни,
Суйиб эркалайди кўзу, қошимни,
Чидолмайди кўрса кўзда ёшимни,
Мен учун ҳар нега тайёрдир акам!


Биз эт билан тирноқ чин ҳимоячим,
Акамга бахт менинг зарра қувончим,
Яхши ёмон кунда ўзи таянчим,
Мен учун ҳар нега тайёрдир акам!


Бошимга рашкидан тутиб соябон,
Ёмонлар кўзидан асрайди ҳар он,
Дунёда ҳаммадан ўзи меҳрибон,
Мен учун ҳар нега тайёрдир акам!


Худоим акамни қилиб саломат,
Икки дунё ўзинг бергин саодат,
Дуоларимни қил ўзинг ижобат,
Мен учун ҳар нега тайёрдир акам!!!

✍Нодирабегим ШЕРМАТОВА

✨✨✨
Каналга уланиш: 👇
T.me/Toy_bob_sherlar

KELIN KUYoVGA

Bu kun ko'ngil ko'ngilga payvand,
Baxt uyining koshonasida,
Turibdilar ikki yosh bugun,
Baxtli hayot ostonasida.

Uchrashdilar bu kun ikki dil,
Visol, diydor ko'priklarida,
Marjondayin miltirar ko'z yosh,
Kelinchak qiz kipriklarida.

Baxt-u,visol oqshomi bu kun,
Oshiq dillar yonib turibdi,
Kuyov bola boshida ana,
Humo qushi qo'nib turibdi.

Hayot uyin poydevori baxt,
Devorlari ishonchdan bo'lsin,
Ustunlari sevgi muhabbat,
Ayvonlari quvonchdan bo'lsin.

Baxt uyinng gulbog'larida,
Alvon gullar ochilib tursin,
Porlab quyosh osmoni uzra,
Qut baraka yog'ilib tursin.

Tillolardan taxtlar tilaymiz,
Umrlari asaldek bo'lsin,
Tirnoqa zor qilmasin Egam,
Etaklari farzandga to'lsin.

Nuramasin baxt imorati,
To manguga qad kerib tursin,
Chol-u, kampir bo'lib ikkisi,
Baxtli hayot gashtini sursin.

✍Xurshid Karim

Каналга уланиш: 👇
T.me/Toy_bob_sherlar

BOR BO'L O'G'LIM

Kulgularing xandon bo'lsin,
Orzularing osmon bo'lsin,
Aziz boshing omon bo'lsin.
Burgut bo'lgin, sor bo'l o'g'lim,
Baxtimga sen bor bo'l o'g'lim.

Elga nafing tegsin bolam,
Sendan huzur olsin olam.
Yaratgandan so'rar nolam,
Haq yo'liga yor bo'l o'g'lim,
Baxtimga sen bor bo'l o'g'lim.

Qolma sahro, cho'llarda sen,
Bo'ronlarda, do'llarda sen.
Umr degan yo'llarda sen,
Yomg'ir bo'lma, qor bo'l o'g'lim,
Baxtimga sen bor bo'l o'g'lim.

Sulton bo'lgin vatan uchun,
Qalqon bo'lgin vatan uchun.
Posbon bo'lgin vatan uchun,
Nomus bo'lgin, or bo'l o'g'lim,
Baxtimga sen bor bo'l o'g'lim.

Asrasin deb qodir Alloh,
Yolvoraman tun-kun evoh.
O'zi qo'llab, bo'lsin panoh,
Qatoringda nor bo'l o'g'lim,
Baxtimga sen bor bo'l o'g'lim.

Burgut bo'lgin, sor bo'l o'g'lim,
Baxtimga sen bor bo'l o'g'lim.

Каналга уланиш: 👇
T.me/Toy_bob_sherlar

📹 ГАПДИЯМ ҚОЙИЛЛАТИБ ЮБОРДИ СУХАНДОН АКАМИЗ. ГАП БИЛ Ё ИШ БИЛ ДИЙДИЮ →

Каналга уланиш: 👇
T.me/Toy_bob_sherlar

🎙Islombek Dilshodjonovich

Каналга уланиш: 👇
T.me/Toy_bob_sherlar

"Eng zo'ri bo' laman, ko'rasiz ona"

Baxtli kunlarimz hali oldinda,
Yig'lashga vaqt bolmas, kulasiz ona.
Faxrlanib deysiz, mening bolamda,
Eng zo'ri bo'laman, ko'rasiz ona.
Boshimda ming tashvish, turfa g'avg'olar, Magsadim yo'lida bo'lmas
baxona.
Bir kuni keladi, men kutgan onlar,
Eng zo'ri bo laman, ko'rasiz ona.
Balki kimlar uchun arzon matoman,
Kimlardur qaychilab tashlashar yana.
Qaddimni tik tutib, shunday gilaman,
Eng zo'ri bo laman, ko'rasiz ona.
Yo'limda to'siqlar, chigaldan chigal,
Hali hammasini yengib o'taman.
Abadiy emasdur, mashaqqat tugar,
Eng zo'ri bo laman, ko'rasiz ona.
Boshida parvonam, siz duo giling,
Bariga siz sabab yetaman ona.
Yigtlik so'zimni aytyabman biling,
Siz orzu qilgandek bo laman ona.

Каналга уланиш: 👇
T.me/Toy_bob_sherlar

ONAMNING SOCHIGA OQLAR TUSHIBDI

Onamga tashvishim aytib nolibman,
Goh oromin buzib, orom olibman...
Dunyoga berilib bilmay qolibman,
Onamning sochiga oqlar tushibdi...
O'zimni oqlashga bahonam ishlar,
Otkinchi shon shuhrat, soxta olgishlar...
O'tib ketibdida qancha yoz qishlar,
Onamning sochiga oqlar tushibdi...
Bazan yolim kutib tinchi aribdi, Aytmayin soginib, jim ahtaribdi...
Men tez ulgayibman, u tez garibdi, Onamning sochiga oqlar tushibdi...
Kun otdi gohi dost, goh ganim bilan, Mast bolib janonga yoqganim bilan.
Kormabman har kuni boqqanim bila
Onamning sochiga oqlar tushibdi...
Kimlar uchun yeldim, yugurdim, chopdim Qancha kerak bolsa shuncha vaqt topdi.
Yugurib qora soch onam yoqotdim,
Onamning sochiga oqlar tushibdi...

✍️ Odilbek Qodirov

Каналга уланиш: 👇
T.me/Toy_bob_sherlar

Устоз шоир М. Юсуфнинг ёрқин хотирасига
бағишланади.

ҚИЗҒАЛДОҒИМ.

Қор бағридан униб чиққан дил ардоғим
Сенга етди,ё етмади оҳ ,фиғоним,
Шамолларда ҳилпираб ул байроқ мисол,.
Муҳаммадни эслатиб тур қизғалдоғим.

Ошнодурсан қалби куюк ялпизларга,
Ранг берасан юзлари ол гулюзларга,
Гулчамбар бўл доим сулув ой қизларга
Муҳаммадни эслатиб тур қизғалдоғим.

Кўнглим тўлмас ҳеч сер шовқин шаҳарларда,
Битонлари биқинимни чақарларда,
Ифор сочиб ҳар тонг гулгун саҳарларда,
Муҳаммадни эслатиб тур қизғалдоғим.

Адирларга туташ менинг юрагим ҳам,
Руҳсорингга тўймоқликдир тилагим ҳам,
Сени бир бор қучмоқ истар билагим ҳам,
Муҳаммадни эслатиб тур қизғалдоғим.

Бевафо деб аталган боғ, азимдаман,
Қалбим илҳом париси -ла, назмдаман,
Сени суйган шоирингга таъзимдаман,
Муҳаммадни эслатиб тур қизғалдоғим.

Муаллиф:

✍-Хуршид Карим.

🎤-Шодиёна


@Xurshid_Karim🍃

Каналга уланиш: 👇
T.me/Toy_bob_sherlar

🎧 Bahor kelayabdi

Ko‘klamni sog‘inib necha dil hasta,
Oshufta dillarga bo‘lib payvasta,
Sog‘inch sohillarin yoqalab asta,
Bahor kelayapti, yurtimga bahor.

✍ Xurshid Karim
🎙 Temurbek Yusupov
#arxiv

Kanalga ulanish:
T.me/TemurbekYusupov

ОҚИБАТЛИ АКА УКАЛАР ҲАҚИДА РИВОЯТ

Дўстлар келинг сизга бир,
Нурли оят сўзлайин,
Оқибат тўғрисида,
Бир ривоят сўзлайин.

Эшитгандим бобомдан,
Ҳали ҳамон ёдимда,
Оқибатли инилар,
Бўлган экан қадимда.

Кенг далада уйлари,
Атрофи яйдоқ экан,
Акада бешта фарзанд,
Укаси бўйдоқ экан.

Мерос қолган ерига,
Шерикчилик қиларкан,
Буғдой,экиб,дон экиб,
Тирикчилик қиларкан.

Меҳнат қилиб кун кўриб,
Кўнгиллари тўларкан,
Ҳосилини келишиб,
Тенг иккига бўларкан.

Бир йил ҳосил мўл бўлиб,
Хўп югуриб толибди,
Даладаги ҳосилни,
Йиғиштириб олибди.

Ука ярмин олибди,
Қолганини акаси,
Бир куни ҳижолатли,
Ўй қилибди укаси.

-- Акам рўзғори оғир,
-- Болалари ҳали ёш,
-- Рўзғорида етти жон,
-- Мен эса бир сўққабош.

-- Ҳосилни бўлингани,
-- Адолатли бўлмади,
Ука ўйлаб ўзидан,
Сира кўнгли тўлмади.

Қарашай деб укаси,
Акасин рўзғорига,
Яшириб бир қоп қўшди,
Аканинг омборига.

Кунлар ўтди шу зайл,
Оқшомлар ўтаверди,
Ука ҳар тун бир қопдан,
Акага қўшаверди.

Тушунмасди ҳеч ука,
Учиб фикр-у,парвойи,
Шунча қўшса ҳам сира,
Камаймасди буғдойи.

Бир кеча сир очилди,
Оқшом тиниқ, соф эди,
Акасини учратди,
Елкасида қоп эди.

Меҳр шундай улуғ куч,
Ташлар дилни тилкалаб,
Йиғлашди-ку жигарлар,
Бир қопдан дон елкалаб.

Акаси ҳам шу каби,
Ҳаёллар сурган экан,
Укасига яшринча,
Дон қўшиб юрган экан.

Мана сизга дўстларим,
Чин оқибат қиссаси,
Ўзингизга ҳавола,
Бу ривоят ҳиссаси.

Ҳозир замон бошқада,
Жигар жон ютушмайди,
Ҳар не етарли фақат,
Оқибат етишмайди.

Меҳрни кўп одамлар,
Унутиб қўйишмоқда,
Ер талашиб жигарлар,
Бир бирин сўйишмоқда.

Оқибатсиз,меҳрсиз,
Кимсалар ҳар одимда,
Яхшилари бўлганми,
Ёки фақат қадимда.

Оқибат яшаяпти,
Шундай ривоятларда,
Келинг биз ҳам қолайлик,
Эзгу ҳидоятларда.

© Хуршид Карим.

Каналга уланиш: 👇
T.me/Toy_bob_sherlar

Тилак

Ҳар кимсанинг бўлсин ўзин бошпанаси,
Ҳар кимса ўз кулбасида даврин сурсин.
Одамни-ку айтмай турай, бу дунёда
Ҳатто, қушнинг ёт бутокда ини қурсин.

Тирик инсон бир куни оч, бир кун тўкдир,
Бир кун тўкин, бир кун бурда нони йўкдир.
Бир ўғил-ку отасиз ҳам кунин кўргай,
Отаси йўқ халқнинг кўрган куни қурсин!..

Гарчи бошин эггани йўқ эдик бизлар,
Экканидан теккани йўк эдик бизлар.
Ватанида ватани йўқ эдик бизлар…
Ўша зулмат ўтмиш, сенинг уйинг куйсин.

Ўз элингда энди ҳушинг, ўзинг чоғла,
Ўз қўлингда энди қушинг, ўзинг овла.
Олтинларинг тирноқларинг билан кавла,
Ва йиғиб қўй! Болаларинг учун турсин.

Бешикларга тўлиб кетсин бир ўзбеклар,
Тили чиқмай кўзи чақнар ҳур ўзбеклар —
Давлатбеклар, Эътиқодбек, Иймонбеклар
Бобожон, деб соқолларинг силаб турсин.

Мен бу шеърни ёзганим йўқ атай ўйлаб,
Мен шеър ёздим гуркираган юртга бўйлаб.
Шундай юртни худойимнинг ўзи қўллаб,
Шундай юртни худо ўзи асраб юрсин!..

Муҳаммад Юсуф


Каналга уланиш: 👇
T.me/Toy_bob_sherlar

МУНИСГИНА ОНАМ


Худо битта осмонда, ўн саккиз минг олам бор,
Қуёш бирдай нур сочар, нур бор демак соям бор,
Суянчиғим таянчим, отамдайин -қоям бор,
Мен бахтиёр одамман мунисгина онам бор.


Ғамгусорим, ғамноким, тожим эрур бошимда,
Дуожўйим, жаннатим, маржоним -кўз ёшимда,
Касал бўлсам туну кун, парвонадир қошимда,
Мен бахтиёр одамман, мунисгина онам бор.


Хафа бўлма, қўй болам деб кўтарар кўнглимни,
Дуо қилиб саҳарлар, равон қилар йўлимни,
Паҳлавоним, полвоним деб суювчи ўғлимни,
Мен бахтиёр одамман ,мунисгина онам бор.


Малҳам бўлай дардига, гилам бўлай пойига,
Армоним йўқ қўёлсам, ҳурматини жойига,
Юзга кириб бош бўлсин фарзандларим тўйига,
Мен бахтиёр одамман мунисгина онам бор .



🖋Хуршид Карим


Каналга уланиш: 👇
T.me/Toy_bob_sherlar