#qonunchilik_yangiliklari

Kasbiy ta’lim agentligi tashkil etildi

Prezidentning “Kasbiy ta’lim tizimida boshqaruv samaradorligini oshirish chora-tadbirlari to‘g‘risida”gi Farmoni tasdiqlandi.

Farmonga asosan, Oliy ta’lim, fan va innovatsiyalar vazirligi huzurida Kasbiy ta’lim agentligi tashkil etildi.

Bu orqali kasbiy ta’limni rivojlantirishda samarali va yaxlit boshqaruv tizimi yaratiladi.

Kasbiy ta’lim agentligi:

➖ texnikumlar faoliyatini muvofiqlashtirish va kasbiy ta’lim sohasini boshqarishga mas’ul bo‘ladi;

➖kasbiy ta’lim dasturlari mazmuni, malaka darajalari, o‘qitishning minimal muddatlari, bitiruvchilar bilimini baholash mezonlari hamda o‘quv-metodik ta’minotga talablarni belgilaydi.

➖Kambag‘allikni qisqartirish va bandlik vazirligi tomonidan “vaucher” tizimi bilan qamrab olinmagan shaxslarni kasbga o‘qitadi.

➖Migratsiya agentligining xorijiy ish beruvchilar ehtiyojidan kelib chiqib bergan buyurtmalari asosida fuqarolarni kasbga va xorijiy tillarga o‘qitadi.

2027-yil 1-yanvardan iqtisodiyot tarmoqlaridagi ish o‘rinlariga bosqichma-bosqich Milliy malaka ramkasining tegishli darajasiga mos diplom (malaka sertifikati)ga ega xodimlarni ishga qabul qilish tizimi yo‘lga qo‘yiladi.

Shuningdek:

🟢davlat kasbiy ta’lim muassasalariga ta’lim xizmatlari narxini bozor konyunkturasidan kelib chiqib belgilash va mutaxassislarni to‘g‘ridan-to‘g‘ri shartnoma asosida jalb qilishga ruxsat beriladi.

🟢Kasbiy ta’limni rivojlantirish bo‘yicha hududiy tadbirkorlar kengashlari tuziladi.

Bizni kuzating

Facebook | Instagram | YouTube | Telegram

#GlobalVaMilliyIqtisodiyotTrendlari #Uzbekistan2030
#O‘zbekiston2030Strategiyasi #XalqaroForum

Toshkent davlat iqtisodiyot universitetida “IV Global va milliy iqtisodiyot trendlari: O‘zbekiston – 2030 strategiyasi” xalqaro forumi o‘tkazildi.

Ikki kun davom etgan mazkur xalqaro Forumning asosiy maqsadi — “O‘zbekiston – 2030” strategiyasida belgilangan ustuvor yo‘nalishlar bo‘yicha ilmiy asoslangan taklif va tavsiyalar ishlab chiqish, xalqaro va milliy ekspertlar o‘rtasida ilmiy muloqot hamda tajriba almashinuvi platformasini yaratishdan iborat.

Forumning yalpi majlisida Iqtisodiyot va moliya vazirligi, Oliy ta’lim, fan va innovatsiyalar vazirligi, Raqamli texnologiyalar vazirligi, Davlat soliq qo‘mitasi, Milliy statistika qo‘mitasi, Savdo-sanoat palatasi, “Taraqqiyot strategiyasi” markazi, shuningdek, qator xalqaro tashkilotlar va moliya institutlari rahbarlari ishtirok etdilar. Tadbirda AQSH, Buyuk Britaniya, Malayziya, Indoneziya, Yaponiya, Fransiya, Misr, BAA, Rossiya Federatsiyasi va Janubiy Koreya kabi mamlakatlardan 50 dan ortiq nufuzli olimlar va ekspertlar, shuningdek, mahalliy iqtisodchi olimlar hamda professor-o‘qituvchilar ilmiy ma’ruzalari bilan qatnashdilar.

Forum “Yashil iqtisodiyotga o‘tish sharoitida barqaror iqtisodiy o‘sishni ta’minlash yo‘nalishlari”, “Bank-moliya tizimi va xususiy sektorni rivojlantirish yo‘nalishlari”, “Mashinali o‘rganish va sun’iy intellekt: ekonometrik tahlilga yangi yondashuvlar” mavzularida xalqaro ilmiy-amaliy konferensiyalar, “Korporativ ijtimoiy mas’uliyat, yashil ko‘nikmalar va kelajak kasblari” mavzusida workshop, “Yuksak intellektual yoshlar hamdo‘stligi – kelajak iqtisodiyot poydevori” xalqaro yoshlar festivali kabi muhim tadbirlarni qamrab oldi.

Batafsil saytda

🇺🇿 TDIU Axborot xizmati

🚀 Toshkent davlat iqtisodiyot universiteti rasmiy telegram kanali: @tsueuzofficial