Forumning yalpi majlisda bir qator vazirlik, idoralar, xalqaro tashkilotlar hamda moliya institutlari rahbarlari, shuningdek, dunyoning qator mamlakatlari, xususan, AQSH, Buyuk Britaniya, Malayziya, Indoneziya, Yaponiya, Fransiya, Misr, Birlashgan Arab Amirliklari, Rossiya Federatsiyasi va Janubiy Koreya kabi mamlakatlardan 50 dan ortiq nufuzli olimlar, ekspertlar hamda yurtimizning iqtisodchi olimlari, professor-o‘qituvchilari o‘zlarining amaliy tadqiqotlarga asoslangan ma’ruzalari bilan ishtirok etmoqda. Forum qismida “Yuksak intellektual yoshlar hamdo‘stligi – kelajak iqtisodiyot poydevori” talabalar xalqaro festivali ham bo‘lib o‘tdi.

Forum doirasida “Yashil iqtisodiyotga o‘tish sharoitida barqaror iqtisodiy o‘sishni ta’minlash yo‘nalishlari”, “Bank-moliya tizimi va xususiy sektorni rivojlantirish yo‘nalishlari”, “Mashinali o‘rganish va sun’iy intellekt: ekonometrik tahlilga yangi yondashuvlar” kabi xalqaro ilmiy-amaliy konferensiyalar o‘tkazilishi ko‘zda tutilgan.