Mazkur ilmiy-amaliy anjumanning asosiy maqsadi – davlat tilining huquqiy asoslarini mustahkamlash, o‘zbek tilining iqtisodiyot va jamiyat rivojidagi o‘rnini chuqur tahlil etish, raqamli texnologiyalar hamda sun’iy intellekt orqali til taraqqiyotining yangi bosqichlarini belgilash, shuningdek, o‘zbek tilining xalqaro nufuzini oshirishga xizmat qiluvchi innovatsion yondashuvlarni muhokama qilishdan iborat.

Turkiy davlatlar tashkiloti Turkiy universitetlar Ittifoqi (TÜRKÜNİB)ning 8-Bosh Assambleyasi tadbirlari doirasida Toshkent davlat iqtisodiyot universitetiga Turkiyaning Balikesir universiteti rektori Yucel Og‘urlu hamda Ozarbayjon davlat iqtisodiyot universiteti rektori Adalat Jalal Muradov tashrif buyurdi. TDIU rektori To‘lqin Teshabayev mehmonlarni tashrif bilan samimiy qutlab, ikki oliy ta’lim muassasasi bilan ta’lim va ilm-fan sohasidagi uzviy hamkorlikning hozirgi bosqichi va kelgusidagi istiqbollari haqida fikr yuritdi.