#xalqaro_musobaqa #tarixiy_natijal

TDYU talabalari xalqaro musobaqalarda tarixiy natijalarga erishmoqda

O‘zbekistonda ta’lim sohasida amalga oshirilayotgan islohotlar samarasi o‘laroq, Toshkent davlat yuridik universiteti talabalari xalqaro maydonda yuksak natijalarga erishmoqda. Xalqaro huquq, inson huquqlari, savdo va investitsiyalar kabi yo‘nalishlarda o‘tkazilgan nufuzli tanlovlarda universitet jamoalari muvaffaqiyatli ishtirok etib, yurtimiz sharafini munosib himoya qilmoqda.

Xususan, Toshkent davlat yuridik universiteti jamoasi “Philip C. Jessup International Law Moot Court Competition” musobaqasida Markaziy Osiyo tarixida chorak finalgacha yetib borgan ilk jamoa bo‘ldi. Shuningdek, universitet jamoalari Braziliyada o‘tkazilgan CPR Xalqaro mediatsiya, Qozog‘istonda o‘tkazilgan “Legal English Competition — 2025” xalqaro musobaqalarida ham g‘oliblikni qo‘lga kiritdi.

9-aprel kuni Toshkent davlat yuridik universitetida ushbu xalqaro musobaqalarda muvaffaqiyatli ishtirok etgan talabalar, ularning murabbiylari va oila a’zolarini taqdirlash marosimi bo‘lib o‘tdi. Unda g‘oliblar, ularning murabbiylari hamda yaqinlariga tashakkurnoma va qimmatbaho sovg‘alar topshirildi.

👉 Batafsil: https://gov.uz/oz/edu/news/view/44980

Bizni kuzating

Facebook | Instagram | YouTube | Telegram