لطمية ثكيلة ....زينب ع تخاطب ابي الفضل العباس ع ....بلسان الحال عنها ....






عباس عباس يارفعة الراس

نايم على جفت النهر عباس عباس

》■《●》■《

نايم على جفت النهر وسفه ينمرود

والكلب جانونه اشتعل واعليك ممرود

وسرب الحمام الينتظر ويتاني اتعود

ايامه ظلمه وموحشه عكبك صفت سود

كاسف كمرنه خاين دهرنه

ابديرة غرب وبلا ولي عباس عباس

》■《●》■《


نايم على جرف النهر يالبيك املنه

ابديرة غرب وبلا ولي وانريد اهلنه

اطيور مكسورة جنح لا عش يلمنه

اكعد يبن حيدر علي شاهد وضعنه

اكعد يضرغام اتنادي الايتام

ركب اجفوفك عالزند عباس عباس

》■《●》■《

ركب اجفوفك عالزند واكعد يجيدوم

مو وكت نومك يابطل مو لايك النوم

ظليت الوم اعلى الوكت ماينفع اللوم

ونات مو ونه اجر وامحملة اهموم

ونات ونات لهل المروات

للنام علشاطي اون عباس عباس

》■《●》■《

ونات للنايم على جرف الشريعة

وسفة اعلى بو ريشة البطل جفه كطيعة

هدم اجبال ابطيحته والله فجيعة

ضاعت عكب عين السبع خيته الوديعة

اتغير الحال خوية الحمل مال

معقولة ترضه ابهالوضع عباس عباس

》■《●》■《

اشلون ترضه ابهالوضع يا سبع السباع

نايم يحيد وعيلتك هالراحت ضياع

غزلان ما عدها حمه وحاطتها الضباع

الروح لاجت والكلب من عدها ملتاع

زايد ونيني اكعد يعيني

لتنام بجروف النهر عباس عباس

》■《●》■《





¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://www.tg-me.com/tteef

هوسات ...في خوة العباس ع ....





لا تزعل يسامع لو حجيت ابهاي

من غدر الاخوة ابكلبي صاير داي

تعال اسمع وفه العباس يوم الي وصل للماي

ذب الماي من ايده وكال ابدن ولا اشرب وعطاشه اعضاي

شمحلاها ///// خوة عباس

(÷)(÷)(÷)(÷)(÷)(÷)(÷)(÷)

اعجز لو اسولف عن وفه العباس

يا طيب وحنه وللخوة دك الساس

منه اتعلمت ادروس هاي الناس

من هذا ////// ادرس واتعلم

(÷)(÷)(÷)(÷)(÷)(÷)(÷)(÷)

اتعلمنه الاخوة من كمر هاشم

امثال بخوتها هالتضرب العالم

خلي الباع خوته موش باللازم

ادروس اتعلم ////// من الضحه ابجفينه


(÷)(÷)(÷)(÷)(÷)(÷)(÷)(÷)


ممنونة واهوس للفده الجفين

يستاهل الهوسه الزين يبن الزين

ابو فاضل يهيبه وتشهد الصوبين

ابفعاله ////// يشهدله الكون






¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://www.tg-me.com/tteef

فزاعية لقمر العشيرة ابو الفضل العباس ...




رفعت راس ...يا خوية يعباس

لو احجي وازامط تشهد الناس

■■■●●●■■■

ايحكلي لو ازامط بيك يمشكر

بزماطي تظل الناس تتفكر

حر انت يخوية وانت ابن الحر

اسمك للشجاعة صار مقياس

■■■●●●■■■

ازامط بيك خوي وشايلة راسي

يالكلك مرجل بيك اشد باسي

تنشر رايتك لو صحت عباسي

هذا ابن الصميدة الماخذ الكاس

■■■●●●■■■

ماخذ كاس خوية بالميادين

ما يرتاع كلبك لو تصف صوبين

يالمخوف المنايا وبارع العين

كلبك ما عرف فد يوم وهواس

■■■●●●■■■

يالمرجف الزلم لو صارت النيبة

العايل تكص الراس وتجيبه

ميدان الحرب تعرف اساليبه

حيد وبالمراجل داك الساس

■■■●●●■■■

الك ساس المرجل خوية يا حيد

عباس البطل يا الدوم صنديد

اريدن شوفتك والماي ما اريد

ازامط بيك خويه ورافعه الراس



¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://www.tg-me.com/tteef

عالناگه شلج صاعده. يمخدرة ومحجوبة..

واليسر صعبة ادروبه

🧬🧬🧬🧬🧬🧬

ماينحمل درب اليسر

محجوبة انتي ام الخدر

احسين يدري بهالامر

الدنية اضن مگلوبة

📚📚📚📚

بالدرب تعثر ناگتج

وصعبة منها طيحتج

ونت الناگة الونتج

والوليان معتوبة

📚📚📚📚

معتوب عافاج الولي

اتصيحين مايل محملي

والدمعة بالعين اتهلي

ابسوط الشمر مضروبة

📚📚📚📚

الناكة شلج بيها

هزله وتركبيها

خوانج تحشميها

اميسرة ومسلوبه

📚📚📚📚

مسلوب خدرج وانهب

والنار شبت بالطنب

الوالي مايحمل عتب

عينه ابسهم مضروبة


من ونيتي //////الناگة اتون




¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://www.tg-me.com/tteef

لما ساروا بالسبايا على ظهور النياق الهزل....


زينب على الناگة تون

عالگاع ظل احسينها..

😭😭😭😭😭

زينب تهل عيناها

الناگة تبجي وياها

من ودعت ولياها

بسكوت صار اونينها

😭😭😭😭😭

تبجي وتون بت حيدرا

ويه الاعادي اميسرة

جاوين اخوها مادره

عالناگة الله ايعينها

😭😭😭😭😭

مهضومه عالناگة تون

والنوگ وياها بجن

بالنوح ظلت والحزن

بحبال ومجتفينها

😭😭😭😭😭

مجتوفة زينب بت علي

محزونة والدمعه تهلي

عالگاع خليت الولي

وجثته اموذرينها

😭😭😭😭😭

عالناگة تمشي وتلفت

احسين جثته اتوذرت

لا غسلت لا جفنت

لا نصبت اجوانينها




¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://www.tg-me.com/tteef

زينب ع... ودعت جثة الحسين ع.. بلوعة وانين



ودعتك يخال ابني ومشيت

ومن على الناگة حيل ونيت

اگعد يخال ابن وبجيت

وياك أظل خوية تمنيت


📖📖📖📖📖📖

وياك أظل ما صح بديه

اتوسد ابصفك عالوطية

أخبرك على العالوا عليه

احبالهم شدوا بديه

📖📖📖📖📖📖

ريضلي يا حادي الضعينه

اعتاب عدي وي ولينه

اگله الزمان شلعب بينه

عالنوگ خوية امجتفينه

📖📖📖📖📖📖

اعاتبه واعتب عليه

واسمعه اعتابي وابجيه

شلون العرض خويه تخليه

وضعن الحرم ياهو اليباريه

📖📖📖📖📖📖

اعاتبه واسمع كلامه

واگله وداعة الله بالسلامه

راح الولي وراحت ايامه

شعده الدهر ويانه علامه


¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://www.tg-me.com/tteef

حال زينب ع في ديوان يزيد لعنة الله عليه..



يهل الزود......... زينب بالديواوين

جاوين البطل عباس واحسين

🏴🏴🏴🏴🏴🏴
هاي امخدرة وربات الفحولة

لو يدري ابو فاضل جا لعب جولة

صعبة توگف ابديوان مذلولة

تتفرج عليها الناس الصوبين

🏴🏴🏴🏴🏴🏴

بالديوان زينب توگف اشلون

ايزيد ايعيل بيها وعيب تدرون

مهضومة وتهل ادموع العيون

بالديوان زينب يا ميامين

🏴🏴🏴🏴🏴🏴

شدوا اخيولكم وتعنوا للشام

تلگون العقيلة أبين ظلام

ماطبگ جفنها ابليل لا نام

من كثر البواجي امولحة العين

🏴🏴🏴🏴🏴🏴

تغير لونها وتغير الحال

مهضومة وغريبة بين الرجال

فر بيها وكتها والحمل مال

ابديوان النذل وانتم مطاعين

🏴🏴🏴🏴🏴🏴

بالديوان زينب وگفوها

جابوا رأس اخوها واهضموها

اخوانج وين زينب ناشدوها

ينشدها النذل وين اخوتج وين

🏴🏴🏴🏴🏴🏴



¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://www.tg-me.com/tteef

حال زينب ع... ليلة الحادي عشر من محرم....


زينب ماتنام الليل... والونه تجر بيها

اتون ام عون وتحشم بهاليها

📖📖✍📖📖


تبجي ابليلة الحادي

والله تهدم افادي

والوليان بالوادي


ماواحد گعد ليها

😭😭✍✍😭😭

من جلجل عليها الليل

ناشبها الوجل والويل

حرمة والدموع اسيل

ما تگعد يواليها

😭😭✍✍😭😭

اگعد شوف حالتها

وحشة وتهل دمعتها

شلون تنام ليلتها

منهو الذي يحاميها

😭😭✍✍😭😭

منهو اليحرس اخيمها

لا والي البگه يمها

حيرانه وكثر همها

بين اجناب تاليها

😭😭✍✍😭😭

هالليلة تنام اشلون

ما تغمض ابد العيون

يهل الزود ماتدرون

ظلت ساهرة وتندب بهاليها



¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://www.tg-me.com/tteef

في ليلة الوحشة... الرهيبة على قلب زينب ع.... لسان الحال يقول عنها..





شرد اسولف.... والسوالف حيل توجع بالدليل....

شرد اسولف....شرد اكول..... وأنه اعاين... حرم واطفال وعليل..

لا ستر... لا خيمة ظلت.... لا حسين... ولا كفيل..

شرد اسولف.......

ليلي بايگ كل نهاري...... والهظم ياكل ابروحي.... وبس دمع سكته يسيل

شرد اسوووووولف....

امدللة... ومخدرة.... اربات حماي الدخيل...

شلون بين ارجال غربة.... اشلون لو جلجل الليل..


شرد اسولف





¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://www.tg-me.com/tteef

لطمية ثكيلة.....لمولانه الحسين ع....



يا رمح شلك علي تاذيني

راس اخوي اكبالي اشوفه ابعيني

نزله لا تاذيه ...

اكبالي لتخليه ...

راس اخوي اكبالي اشوفه ابعيني

¿¿¿¿¿¿¿¿¿¿¿¿¿¿¿¿

شديت عيني ابمعصبي ما بيه اصد اعله الراس

لحسين ما بيه اصد لا بيه اصد العباس

يارمح ارحم حالتي صير ارحم انت امن الناس

عدوان مابيهم رحم ضيعوا حتى الاحساس

يارمح يا عالي ...

شو نزل الوالي ...

راس اخوي اكبالي اشوفه ابعيني

¿¿¿¿¿¿¿¿¿¿¿¿¿

ادخيل نزله من الشمس حيل الشمس حركته

خربّت معانيه الشمس اوياه انحرك كلب اخته

شايل عزيزي وانهظم نار وجمر لو شفته

انخاك ارحم حالتي شيصير لو نزلته

دنيه عليه شوية ...

راس ابو الحنية ...

راس اخوي اكبالي اشوفه ابعيني

¿¿¿¿¿¿¿¿¿¿¿¿¿¿¿

وياك يا راس الرمح عندي حجي وعندي اعتاب

خايب شلك عدي طلب اتشيل راس الاحباب

بعيوني اصد وانهظم والكلب صاير عطاب

سبيّ وحبل سب وشتم راس ابرمح شالاسباب

شلكم طلب ويانه .....

ذبّحتوا كل وليانه .....

راس اخوي اكبالي اشوفه ابعيني

¿¿¿¿¿¿¿¿¿¿¿¿¿¿¿¿

اشلون الكمر فوك الرمح واعيوني تنظر ليه

واحسين ابو خد الترف الشمس تصهر بيه

جسام والاكبر علي واليرضع امعلكيه

شلك عليه يا رمح ليش الكلب تاذيه

تاذي الكلب وتحركه ...

مو كافي ضيم الفركه ...

راس اخوي اكبالي اشوفه ابعيني

¿¿¿¿¿¿¿¿¿¿¿¿¿


شلك عليه يا رمح وتشيل راس الوالي

ابعيد عن عيني ابتعد ابن امي هذا الغالي

اتهزه وتعيد الجرح والله اشعبت دلالي

مابيه اشوفه ابهالوضع ما ترحم انت ابحالي

ارحم دليلي المنجرح ...

لتهزه وتعيد الذبح ....

راس اخوي اكبالي اشوفه ابعيني

¿¿¿¿¿¿¿¿¿¿¿¿¿¿¿






¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://www.tg-me.com/tteef

قصيدة ثكلية ...لمولانه الحسين ع



امدد احسين ويون .... وانه انفجع دلالي

يحسين بطل ونتك ....تصعب علي يالغالي

ونينك ....وحنينك ....فجعني

يصعب علي يالغالي ....

📋📋🗞🗞📋📋🗞🗞📋📋

للخيمة توصل ونتك واتسيل العيون

يفجعني حالك يالولي والحيل مرهون

منعوني اوصل جثتك المايرحمون

ارد ابجي عد راسك واون مني شيريدون

شيريدون ....ويمنعون ....ونيني

تصعب علي يالغالي ....

📋📋🗞🗞📋📋🗞🗞📋📋

اسمع ونينك وانفجع يابن امي يحسين

مفتوت يا خوية الكلب وانفطر نصين

ما عندي غير الون بعد شيفيد الونين

اكعدلي بطل ونتك آه يا ضوه العين

يوالي .... دلالي .... تذبني

تصعب علي يالغالي ....

📋📋🗞🗞📋📋🗞🗞📋📋

اتذبني ابين الغرب وابين الانذال

محجوبة تدري مدللة وتغير الحال

اليوم حرمة امحيرة وبنص الرجال

ياهو اليعدل محملي بالدرب لو مال

اختكم .... عدوكم ....يسبني

تصعب علي يالغالي ....

📋📋🗞🗞📋📋🗞🗞📋📋

مثلك ونيني يالولي بس وني بسكوت

اخفي ونيني من العدو ونه بلا صوت

نيران بيه اموجرة والكلب مفتوت

ونك يخال ابني صدك راواني الموت


اودعك ....عدوك .... منعني

تصعب علي يالغالي ....

📋📋🗞🗞📋📋🗞🗞📋📋

من ابعيد اسمع ونتك وابكلبي حسرة

ياكلني يحسين الهظم وابصدري عبرة

لا حال حالي ابطيحتك وايامي مرة

انشلع كلبي ابونتك والهظم طرة

ام خدرها .... شمرها .... هضمني

تصعب علي يالغالي ....





¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://www.tg-me.com/tteef

فزاعي سريع للحسين ع



بالخيل سحكوله الصدر ........واضلوعه امكسريها

《♡》《♡》《♡》《♡》《♡》


ابنج يزهرة اعلى الثره

اعظام صدره امكسره

يا وسفة ابن سيد الوره

الجثته اموذريها

《♡》《♡》《♡》《♡》《♡》


بالخيل كسروله الضلع

زينب عليه تهلي الدمع

اشوف اخوها بهالوضع

راح الذي يحاميها

《♡》《♡》《♡》《♡》《♡》

تسمع ونينه وتنهظم

يزيد بالروح الالم

لا عظم من عنده سلم

ادموعها تجريها

《♡》《♡》《♡》《♡》《♡》

بالخيل داسوا جثته

بالحجر صابوا هامته

اشلون زينب شافته

صعبة المصيبة اعليها

《♡》《♡》《♡》《♡》《♡》

احسين ظل ابكونها

وجثته يدوسونها

الزينب يهضمونها

احسين يومك يأذيها




¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://www.tg-me.com/tteef

#من_ديوان_دمعه_فاطميه_الجزء_الخامس_الخاص_بالعباس_ع_للشاعرة_دمع_الفواطم



فزاعية للعباس ع


من ايد السبع... وسفة العلم طاح
جان ابيمنته يرفرف ولواح


() () () () ()

طايح بيرغ اليخلس العدوان
مثل خبط اللبن يخبط الميدان
يرهب لو غضب يا كمر عدنان..

يحلاله /////هز البيرغ


() () () () ()

وسفة يطيح بيرغنه ينمرود
يالدومك عليهم ماخذ الزود
اشلون اعله الشريعة العلم ممدود

من ايده /////وطاح البيرغ

) () () () ()

طاح السيف من طاحت يمينه
طاح ابيوم طفه السهم عينه
زينب شافته وظلت حزينه

المهضومة /////ونت من طاح

) () () () () () ()

طاح السيف والراية سوية
الف ياحيف سبع الغاضرية
لو عالوا عليه شلون بيه

طايح سيفه ///عباس الحر

() () () () () ()

سيفك من وكع عالوا علينه
لهذا اليوم ابد ما حسبينه
عوف الماي بس سالم تجينه

هد حيلي /////سيفك طايح


¢¢¢¢¢¢¢¢¢¢¢¢¢¢

✍🏻 #الحاجه_دمع_الفواطم
    ❌لاإجيـــز حــذف الأســم❌

★★--------------★★----------★★

https://www.tg-me.com/tteef

فزاعية للعباس ع....



على اخشوم الزلم... تسحك العيالة
ابو فاضل سبع والهوسة تحلاله..

() () () () () () () ()

طشر جيشهم خلاهم ابحيرة
يسحك عالزلم ياطيب السيرة
طك عرك الشجاعة وطكت الغيرة
تجدح غيرته محد اليدناله

() () () () () () ()

طب المعركة ابسيفه ولعب بيها
واخشوم الزلم ظل يسحك اعليها
فرسان الحرب كلها امبجيها
لو رف شاربه تشرد الخيالة

() () () () () () ()

رفرف شاربه وشد اعله الكحيلة
وأرض المعركة كامت تحييله
ما هاب المنايا والعزم حيله
حيرهم ابو فاضل بأفعاله

() () () () () ()

حيرهم اخو زينب بهداته
مثل الحيد ابوه معروفه صولاته
يضحي الروح لو صاحن اخياته
شد كحيلته والموت حياله

() () () () () () ()

فوك اخشومهم يسحك الجيدومة
ابن ام البنين الشاعت اعلومه
الف ياحيف طاح وسالت ادمومه
رد عالسيف بسنونه البطل شاله

ايطك ويوجع /////بتارة




#من_ديوان_دمعه_فاطميه_الجزء_الخامس_الخاص_بالعباس_ع_للشاعرة_دمع_الفواطم

#في_ديوان_دمعه_فاطمية_الجزء_الحادي_عشر_خاص_للامام_السجاد_ع_والسيدة_رقية_ع





مقتل الامام علي ابن الحسين ع...
((زين العابدين ع )).....



بعد تقلّد الوليد أزمّة الملك بعد أبيه عبد الملك بن مروان، وقد وصفه المسعودي بأنّه كان جبّاراً عنيداً ظلوماً غشوماً

(1)، حتّى طعن عمر بن عبد العزيز الأموي في حكومته، فقال فيه: إنّه ممن امتلأت الأرض به جوراً
(2).
وفي عهد هذا الطاغية الجبّار استشهد العالم الإسلامي الكبير سعيد بن جبير على يد الحجّاج بن يوسف الثقفي أعتى عامل أموي.
وقد كان الوليد من أحقد الناس على الإمام زين العابدين(عليه السلام) لأنّه كان يرى أنّه لا يتمّ له الملك والسلطان مع وجود الإمام زين العابدين(عليه السلام).
فقد كان الإمام(عليه السلام) يتمتّع بشعبية كبيرة، حتّى تحدّث الناس بإعجاب وإكبار عن علمه وفقهه وعبادته، وعجّت الأندية بالتحدّث عن صبره وسائر ملكاته، واحتلّ مكاناً كبيراً في قلوب الناس وعواطفهم، فكان السعيد من يحظى برؤيته، ويتشرّف بمقابلته والاستماع إلى حديثه ، وقد شقّ على الأمويين عامّة هذا الموقع المتميّز للإمام(عليه السلام) وأقضّ مضاجعهم، وكان من أعظم الحاقدين عليه الوليد بن عبد الملك الذي كان يحلم بحكومة المسلمين وخلافة الرسول(صلَّى الله عليه وآله).
وروى الزهري: عن الوليد أنّه قال : لا راحة لي وعليّ بن الحسين موجود في دار الدنيا

فأجمع رأيه على اغتيال الإمام زين العابدين(عليه السلام) حينما آل إليه الملك، فبعث سمّاً قاتلاً إلى عامله على يثرب، وأمره أن يدسّه للإمام(عليه السلام) ونفّذ عامله ذلك، فسَمَتْ روح الإمام العظيمة إلى خالقها بعد أن أضاءت آفاق هذه الدنيا بعلومها وعباداتها وجهادها وتجرّدها من الهوى.

وقام الإمام أبو جعفر محمد الباقر(عليه السلام) بتجهيز جثمان أبيه، وبعد تشييع حافل لم تشهد يثرب نظيراً له; وجيء بجثمانه الطاهر إلى بقيع الفرقد، فحفروا قبراً بجوار قبر عمّه الزكيّ الإمام الحسن المجتبى(عليه السلام) سيّد شباب أهل الجنة وريحانة رسول الله (صلَّى الله عليه وآله) ـ وأنزل الإمام الباقر(عليه السلام) جثمان أبيه زين العابدين وسيّد الساجدين(عليه السلام) فواراه في مقرّه الأخير.

ولقد حضر الإمام زين العابدين عليه السلام واقعة كربلاء، وشاهد مصارع أبيه وإخوته وأعمامه، وقد أقعده المرض في تلك الاَيام عن القتال ليبقيه الله تعالى مناراً للإسلام بعد أبيه ويكمل مسيرة جده وأبيه، حتى لا تخلو الأرض من حجة .
وكان دور الإمام عليه السلام إكمال عملية التغيير التي سعى فيها أبيه الحسين عليه السلام، فلم يترك مناسبة دون أن يذكّر بالمصائب التي حلّت بأهل البيت، حملة الاِسلام المخلصين، ممّا أدّى إلى تحفيز وإلهاب الشعور بالاِثم الذي أحسّه المسلمون عقب مقتل الحسين - عليه السّلام- ، لتقاعسهم عن نصرته، وموقفهم المتخاذل منه. فتوالت الثورات حتى زعزعت أركان الحكم الاَموي، وأسقطته في نهاية المطاف.
فسلام عليه يوم ولد ويوم استشهد ويوم يبعث حيّاً.


نعي.......

طول العمر ما خلص همه
يذكر احسين وهدر دمه
شلك عليه خايب تسمه

🔮🔮🔮🔮🔮🔮

مسموم يا زين العبادي
والشيعه اله تبجي وتنادي
شتريد منه اهل العنادي

🔮🔮🔮🔮🔮🔮

مسموم يا مولاي هاليوم
ما فاركيت ابيوم الهموم
حزنك بكه وياك للدوم

🔮🔮🔮🔮🔮🔮

للدوم ظل وياك ونك
ايام مره والمنك
سماك اللعين شراد منك

🔮🔮🔮🔮🔮🔮

اويلاه يالعابد يمسموم
ما فترت ونك ولا يوم
مولاي عشت العمر مالوم

🔮🔮🔮🔮🔮🔮

دار الزمان اوياك دورات
وامكسره ابصدرك العبرات
لحسين ما بطلن الونات

🔮🔮🔮🔮🔮🔮

حكها عليك التحب تنعاك
نتمنه ذاك الوكت وياك
وانصارك وانحارب اعداك

🔮🔮🔮🔮🔮🔮

اشمالها اوياك الليالي
ايكول ما رحمن ابحالي
من اهلي وعمامي البيت خالي

🔮🔮🔮🔮🔮🔮

مسموم ويعالج ابسمه
اريد العمام اليوم يمه
زايد عليه اليوم همه

🔮🔮🔮🔮🔮🔮

لحسين واخوانه وبنينه
سجادنه زايد ونينه
مسموم وامدد ولينه

🔮🔮🔮🔮🔮🔮

بويه احسين يومك ما نسيته
والماي بعدك ما هويته
بدموع عيني خالطيته

🔮🔮🔮🔮🔮🔮

اليوم اللعين شراد منه
لا شاف خير ولا تهنه
مهجوم بيته من عسنه



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://www.tg-me.com/tteef

#من_ديوان_دمعه_فاطمية_الجزء_الحادي_عشر_للسجاد_ورقية_ع_للشاعرة_دمع_الفواطم




فزاعية او مربعة ...للعليل ع........


نلطم للعليل اليوم ...وانعازي العلويه
وانهل الدمع وانسوي تعزيه...


--::()()::--::()()::--::()()::--

نلطم بالعزه اوياها
يومه حيل اذاها
شال اليوم خلاها

تون والدمعه مجريه....
نلطم للعليل اليوم.....

--::()()::--::()()::--::()()::--

علويه نون اوياج
انهل ادموعنه البلواج
هاليوم الولي خلاج

عليه العين معميه...
نلطم للعليل اليوم....

--::()()::--::()()::--::()()::--

انقيم العزه ونلطم
ابلوعه وكلب متألم
جبده اليوم متسمم

دكيله يشيعيه...
نلطم للعليل اليوم....

--::()()::--::()()::--::()()::--

عازي سكينه عازيها
للسجاد واليها
اليوم الدمعة تجريها

للمسموم عازنها ابحدادية
نلطم للعليل اليوم....

--::()()::--::()()::--::()()::--

انكلها اليوم مولاتي
اهل اليوم دمعاتي
اعلي اعليه دكاتي

وادكله اعلى الصدر دكه حلاليه
نلطم للعليل اليوم....

--::()()::--::()()::--::()()::--

اله ننصب تعازينه
تحلاله بواجينه
اليوم ادموع هلينه

نذكر ركبته بالقيد مدميه....
نلطم للعليل اليوم....

--::()()::--::()()::--::()()::--

انكابلها ونهل دمعه
يا يوم الولي فجعه
من السم منحني ضلعه

تون اعليه ليليه.....
نلطم للعليل اليوم....

--::()()::--::()()::--::()()::--

اتصيح ابصوت ياويلي
لونتك ما نمت ليلي
اتهدم يالولي حيلي

لطمتنه اشتراكيه....
نلطم للعليل اليوم....




¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://www.tg-me.com/tteef

تم ولله الحمد نشر اجمل قصائد لمحرم 1446
https://www.tg-me.com/al_hassanen

لطمية ثكيله عن حال زينب ع في رحلة الاسر ....




يالماشيه ابلا والي ....يالماشية ابلا والي

وين الدلال العالي ....وين الدلال العالي


يم المهابة والخدر ..

اشلون حالج باليسر ..

زينب يزينب ...زينب يزينب


¤¤▪︎¤¤▪︎¤¤▪︎¤¤▪︎¤¤


اشلون حالج باليسر واشلون تمشين

ولو مال مره محملج المن تحشمين

عباس لا يمج بعد لا يمج احسين

عالناكة يا هو يصعدج يخت الميامين

محد لمح خيالج ....محد لمح خيالج

اشلون هسه حالج ....اشلون هسه حالج

ادروبج خطر وابعيده ..

ويصعب يمشي البيده ..

زينب يزينب .... زينب يزينب

¤¤▪︎¤¤▪︎¤¤▪︎¤¤

ياهو اليثنيلج بعد ويدك ركبته

وايكول هاي ام الخدر ويصعد اخته

عباس اخييج بالدرب حلوة رفجته

باليسر رحتي وعالترب ظلت يمنته

عباس طيب السيرة ....عباس طيب السيرة

كله شهامه وغيره .... كله شهامه وغيره

يانجمة الثريه ..

صعبه مشت مسبيه ..

زينب يزينب ....زينب يزينب

¤¤▪︎¤¤▪︎¤¤▪︎¤¤

حالج شعب كلبي ومرد دلالي

يمخدرة يم الدلال العالي

اتكولين انه المحد لمحلي اخيالي

هاليوم عدوان وغرب تبرالي

حرمة وغريبه ابهالحال ....حرمه وغريبه ابهالحال

وامكلفة ابجمع اعيال ....وامكلفه ابجمع اعيال

تبجي وتنوح الايتام ..

وابعيد يا درب الشام ..

زينب يزينب ....زينب يزينب

¤¤▪︎¤¤▪︎¤¤▪︎¤¤


لا والي يبره للضعن لا رايه رفت

اشلون لو نوك الهزل بالدرب عثرت

ياهو الينشفلج دمع لو عين صبت

وجثة عزيزج بو علي عالكاع ظلت

اموذرة ومسلوبه ....اموذرة ومسلوبه

واعلى الوجه مكلوبه ....واعلى الوجه مكلوبه

اشلون من شفتيها ..

واعله الثره عفتيها ..

زينب يزينب ....زينب يزينب

¤¤▪︎¤¤▪︎¤¤▪︎¤¤

اشلون عفيتيه عالثره وجروحه تشخب

الله يعينج عالجره الله يزينب

اشصار كلبج بت علي والحال يصعب

من عكبه رحتي اميسره بالشتم والسب

ممشاج بالله اشلونه .... ممشاج بالله اشلونه

والوالي ظل ابكونه .... والوالي ظل ابكونه

امرافكه جتاله ..

تصعب يهاي الحاله ..

زينب يزينب ....زينب يزينب





¢¢¢¢¢¢¢¢¢¢¢¢¢¢

✍🏻 #الحاجه_ طيف الساعدي
❌لاإجيـــز حــذف الأســم❌
✅إجيز للأخوة الرواديد بعدم ذكر أسمي
★★--------------★★----------★★

https://www.tg-me.com/tteef

#القصيدة_في_ديوان_دمعه_فاطمية_الجزء_الاول_للشاعرة_دم_الفواطم_موجود_حاليا_في_المكتبات



نعي ...عتاب زينب ع على قبر ابي الفضل العباس ع




اعتاب الي وياك عباس
يا هيبتي ويا رفعة الراس
وسفه عفتني ابين الارجاس

••▪︎••▪︎••▪︎••

اكعد على كبرك واعاتب
واسولف على كل المصايب
ذليت بديار الغرايب

••▪︎••▪︎••▪︎••

فك الكبر عباس واكعد
وعن حال اخيتك كوم وانشد
الضيم للدلال مارد

••▪︎••▪︎••▪︎••

رديتلك يا ابو الكفاله
زينب انه وام الجلاله
كلب اليفاركم اشحاله
••▪︎••▪︎••▪︎••

فك الكبر واسمع عتابي
واحجيلك ابضيمي وعذابي
اوياي شعمل شمر الضبابي

••▪︎••▪︎••▪︎••

اكعد واجر اوياك العتاب
وانشدني اشسوه اوياج المصاب
حيل الكلب عباس ذاب

••▪︎••▪︎••▪︎••

اعاتبك واعتب عليك
واخبرك ابحالي وابجيك
مهضومه يخويه وجايه ليك

••▪︎▪︎••▪︎▪︎••

اكعدلي يخال ابني اكعدلي
اجيت اذب اعليك حملي
اشبيج يا زينب دكلي

()×()×()×()×()

ناشدني ياهو العايل اعليج
اخوج اجيج ومااخليج
تبجين جا ياهو المبجيج



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌

★★--------------★★----------★★

https://www.tg-me.com/tteef