هاي القصائد تلكونها بهذا الديوان....
اطلبوا حبايبي..عدنه توصيل لجميع المحافظات

هاي القصائد تلكونها بهذا الديوان....
اطلبوا حبايبي..عدنه توصيل لجميع المحافظات

اللهم صل على محمد وآل محمد
بسم الله الرحمن الرحيم..

معكم الشاعرة دمع الفواطم..صاحبة ديوان كف الخيرات لقضاء الحاجات..

السلام عليكم ورحمة الله وبركاته..اخواتي خادمات ابا عبدالله الحسين ع..
على بركة الله..تم افتتاح مكتبة دمع الفواطم..لبيع الكتب الحسينية..لخيرة الشاعرات الحسينيات..

🧰📚📚سنوفر لكم ان شاءالله الكتب الحسينة وكل ما تحتاجه الملا من مستلزمات الخدمة الحسينية
ادخلوا على رابط القناة 👇👇👇



https://www.tg-me.com/hhggj8o70

لطمية فزاعية سريعة......لبقاء فاطمة العليله ع بالدار




رايح احسين الكربله...راح راح
خلف ابكلبي الجراح...راح راح

¤¤¤¤《》¤¤¤¤

رايح وما يرجع بعد
الكربله راح الضمد
لا رد عليه لا نشد
راح واخذاها الافراح..

رايح احسين الكربله...

¤¤¤¤《》¤¤¤¤

شايل وشد اضعونه
والدمع ترس اعيونه
خافنهم ايذبحونه
ما جابه ليه الصياح....

رايح احسين الكربله....

¤¤¤¤《》¤¤¤¤

رايح و ماخذ عيلته
اظنها تطول سفرته
الحالي تهمل دمعته
اوداعنه صار نياح......

رايح احسين الكربله.....

¤¤¤¤《》¤¤¤¤

حمل اوياه حتى الطفل
ودعني والدمعه تهل
افراكهم يكتل كتل
للكلب همه السباح......

رايح احسين الكربله.....

¤¤¤¤《》¤¤¤¤

حشمت ما ظنه سمع
يحسين ماخذني الوجع
اشلون لو حملي وكع
الحمل يا بويه طاح......

رايح احسين الكربله.....

¤¤¤¤《》¤¤¤¤

رايح يراعي الشيمه
يا بويه والله هضيمه
خافن اظل ايتيمه
اليتم بعيوني لاح......

رايح احسين الكربله.....

¤¤¤¤《》¤¤¤¤

وجعانه اونن ويلي
بويه المرض هد حيلي
سهرانه اونن ليلي
ظليت اون ليل صباح.....

رايح احسين الكربله.....

¤¤¤¤《》¤¤¤¤

يالحمليت الكربله
وخليت روحي امعلعله
موتي ابلياكم حله
طير المنيه لواح.....

رايح احسين الكربله......



¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
    ❌لاإجيـــز حــذف الأســم❌
الشاعرة دمع الفواطم

★★--------------★★----------★★

https://www.tg-me.com/tteef

#من_ديوان_دمعه_فاطميه_الجزء_الثامن_للشاعرة_دمع_الفواطم_خاص_للقاسم_ع




قصيدة فزاعية سريعة...للقاسم ع....



التمن يالعلاوي اليوم....للعريس لطمتنه

🖇🖇🖇🖇🖇🖇

نلطم واللطم يحله
ويانه الدهر شلّه
راوانه الهظم كله
اخذ عريسنه او ما رحم حالتنه...

التمن يالعلاوي اليوم...

🖇🖇🖇🖇🖇🖇

كومن نلطم ابهمه
جاسم حنته دمه
سونه اللطم لمه
يا جمرت امصابه اليوم جوتنه....

التمن يالعلاوي اليوم...

🖇🖇🖇🖇🖇🖇

سوونه اللطم جوله
خل نكطع الهلهوله
ابجتله هووسوا ذوله
ابد ما تنحجي يا ناس قصتنه....

التمن يالعلاوي اليوم......

🖇🖇🖇🖇🖇🖇

كومن شدن احزامات
ونن علّن الونات
ادري كلجن امضيعات
ضيعنه الشباب الجان فرحتنه....

التمن يالعلاوي اليوم...

🖇🖇🖇🖇🖇🖇🖇🖇

التمن جرن الونه
حيل الصدر دكنه
للعريس المجنه
ايسنه بعد واليوم فركتنه.....

التمن يالعلاوي اليوم.....

🖇🖇🖇🖇🖇🖇

يا سكنه ويجلثومه
جاسم سالت ادمومه
روحي اليوم مالومه
هذا ابن الحسن جا بيش اعوضنه...

التمن يالعلاوي اليوم....

🖇🖇🖇🖇🖇🖇

دكن راح فوك الراح
امنادي بالمعاره صاح
جاسم يالعلاوي راح
بالعريس وسفه الكوم فجعتنه.....

التمن يالعلاوي اليوم.....

🖇🖇🖇🖇🖇🖇

شدن للشباب احزام
عريس العرس ما دام
صارت زفته احلام
للعريس تحله اليوم دمعتنه.....

التمن يالعلاوي اليوم......


¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
❌لاإجيـــز حــذف الأســم❌

★★--------------★★----------★★

https://www.tg-me.com/tteef

#في_ديوان_دمعه_فاطمية_الجزء_الحادي_عشر_خاص_للامام_السجاد_ع_والسيدة_رقية_ع


لطمية ثكيلة...للامام زين العابدين ع....



الك هاليوم..........يا مسموم

ونتنه وتعازينه

🌡🌡🌡🌡🌡🌡

الك هاليوم كل شيعي...يبجي ويهمل اعيونه
يزين اعبادها مولاي...الشيعه اليوم ممنونه
نعازي ونرفع الرايات...للبسم منخطف لونه
ليش ابيا ذنب مسموم....وشعدهم يسمونه

وكتك مال..........هذا الحال

يومك حيل ياذينه


🌡🌡🌡🌡🌡🌡

نذكر كربله والصار...من داجت اخيول الكوم
شبوا بالمخيم نار....وانت بعلتك مالوم
تسمع ونت النسوان....ما تكدر يغاتي اتكوم
كضيت العمر ونات....تالي ونتك مسموم

بس دمعات..........والآهات

كل عمرك يوالينه

🌡🌡🌡🌡🌡🌡

ظلت لوعتك بالروح....من شفت الابو مذبوح
فوك العله والنيران....دمه اعلى الترب مسفوح
لا بيدك ترد الكوم....ظل سهمك امامي النوح
خلصت العمر آهات....وابكلبك نزيف اجروح

ونين وآه..........وسمه اذاه

يالسجاد يالعينه

🌡🌡🌡🌡🌡🌡

تخلط دمعتك بالماي....كضيت العمر كله
نحلان وطريح افراش....ابد ما طابت العله
تذكر يوم ذبح احسين....تذكر ذيج المذله
صعبه قصتك مولاي....صعبه وابد مو سهله

سم آذاك..........من اعداك

نبجي الهاي تدرينه

🌡🌡🌡🌡🌡🌡

مسموم وطريح افراش....وتون اختك الف ونه
تلطم راسها واتصيح....يومك حيل ضاهدنه
يتالي اهلي تريد اتروح....عليك احسين والدنه
توانه ولا تشيل ابساع....غيرك يالولي شعدنه

دموع العين..........عالخدين

تكتل ونت اسكينه

🌡🌡🌡🌡🌡🌡

يالعابد لون تنباع....ابروحي يالولي اشريك
اشيل وياك من سمك....لو بيدي ولا اخليك
ونتك تشعب الدلال....ونت موت خويه ادريك
زمانك شد عداوه وياك....اشعده الوكت خاين بيك

تون ابصوت....ونت موت

لبو الباقر بواجينه


¢¢¢¢¢¢¢¢¢¢¢¢¢¢

✍🏻 #الحاجه_ ام علي الساعدي
❌لاإجيـــز حــذف الأســم❌

★★--------------★★----------★★

https://www.tg-me.com/tteef