استشهاد الامام السجاد ع

ياهو بيهن نازف اكثر
جرحي لو جرحك يالاكبر
طعنت خناجر كربله
لو من جروح السنسله
++++++++++
خلصت وجيتك يالاكبر حالت المهضوم حالي
من إخوتي اليبچي فوگي ويحني ظهره ما بقالي
تقره بعيوني سوالف عن سهر ذيچ الاليالي
صح متت راسي اعله جسمي امن الخناجر جسمي خالي

يختلف قتلي بقضيه
اني مذبوح امن اديه
امن الخيمه ابدي المسأله
لو من جروح السنسله
++++++++++
تذكر الخيمه يلاكبر بيها اجيت او ودعتني
بالمرض ثگلانه جدمي ونار اجتني حاوطتني
صارت العوچيه جمره والزمت بيها چوتني
وبين دخان المخيم عمتي تسحبني اجتني

هيه تسحبني بأديها
والسياط اتدگ عليها
من سوطه عمتي مايله
لو من جروح السنسله
++++++++
ما اقارن انته تحكم ياهو بينه الجرحه اكبر
انته روحك مره طلعت وجسمك بساعه توذر
لو الف سيف اعله نحري او لا حبل بچفوفي وانجر
آه يا صوت اليصيحه ابوجهي من اجدامي تعثر

زلمه مو سهله وتشوفه
اخته واحبال بچفوفه
تبچي اعله حاله العايله
لو من جروح السنسله
++++++++++
عن رمح خاصرتك ابلغ لو الم حچي الشماته
اشينزف امن اعروگه گلي التنضرب يمّه خواته
آه ماصاحن عليه حال اخوهـن عاذراته
امضيّگين ابگيده عنقي اتجرحه ابسط التفاته

مادرت عيني عليهن
ساكت واسمع بچيهن
يكتل سبي لمدلـله
لو من جروح السنسله
++++++++++
الشام آه الشام بيها ابگلبي چن محترگه خيمه
بكل نفس تطلع واردها روحي من گد الهظيمه
ديره ديره ايدخلونه وبالحجر صابو يتيمه
واسمع ايصيحوني هذا عايش السلبوا حريمه

يا الم چلمه الحچوها
بيها روحي گطعوها
الكم دموعي الهامله
لو من جروح السنسله
++++++++++
اسنيني والفتره وراكم غربه يا خويه العشتها
الدمعه لحسين ومصابه ليله ابد مافارگتها
من اجت ساعة وفاتي الكربله اعيوني درتها
خويه يالاكبر چفوفك تحمل بنعشي ردتها

هسه اجيت واني يمك
ضمني ياخويه واضمك
كل همي چلمة يا هله
لو من جروح السنسله

الشاعر ثائر الربيعي

قصيدة كلش حزينه وكلماتها توجع
الله يوفق خدام الحسين
إن شاء الله راح انزل الها طور بكروب احزان الحبيب

قصيده ثقيله السيده رقيه عليها السلام
عنده ما رأت والدها في المنام(اقري ع الدنيه السلام)



نامــي نامـــي يارقيه.••• هاي ساعات المنيه
نامي ياطير الحمام••• وقري ع الدنيه السلام.

نامــي نامــي •••••• نامــي نامــي

ــــــــــــــــــ❁❂❁ـــــــــــــــــــــ
عمه نامـــي يارقيه والدج ســـــافر بعيد
چاج يرقيه بمنامچ رويحتچ ماضـن تهيد
لا تكليلي أريــــــــده بعد لو كلتي شيفيد
حسين بلة منين اجيبه يارقيه مـن جديد

اذاج ياعمه المنام.•••قري ع الدنيه السلام.

نامـــي نامـــي •••••• نامــي نامـــي
ـــــــــــــــــــ❁❂❁ــــــــــــــــــــ
عمه أريــــــد ابوي هســه لا تگليلي صعب
مـــــرت ايام وليالي ومانمت طول الدرب
عمه مشتاگه أشوفن والــــــدي ذاب لكلب
لواشوفه ساعه وحده تبطل عيوني تصب

هذا راسه ياحرام •••وقري ع الدنيه السلام.

نامـــي نامــــي •••••• نامـــي نامــي
ــــــــــــــــــــ❁❂❁ــــــــــــــــــــ
شتمـــــي عطر حسين عمه وانتي تغفين
چابوه يلج راس بطشــت ذواله الملاعين
تكربيله بوســـــــــــي نحره هذا الحـسين
وســـولفيله يارقيه علهضم شافته هالعين

عگب عينه بضلام ••• قري ع الدنيه السلام

نامـــي نامـــي •••••• نامـــي نامــي
ــــــــــــــــــــ❁❂❁ـــــــــــــــــــــ

گربة من رأس ابوها تصرخ بصوت الحزن
شبگت الرأس بديها رقيه ضلت بس تون.
وناتها تسولف محنه عله الابو ضلت تحن
وروحه عالراس طلعت ماتت وزرگه المتن

بعد ماكو كل امان••• قري ع الدنيه السلام

نامــي نامــي •••••• نامــي نامـي
ـــــــــــــــ❁❂❁ــــــــــــــــــ
تمت بعون الله تعالى وتوفيقه
بقلم المتواضع خادمة السيده زينب ع
الملة( ام حسن الجابري)
غير مبري الذمه من يحذف الاسم وينسب لابيات اله ❌❌
https://www.tg-me.com/ttps090

قصيده ثقيله السيده رقيه عليها السلام
وتقرا بطور آخر



رقية تريد ابوها.•• من عنده حرموها
عين الطفله متنام
شبعت هضم والام
صغيره ومرمروها •• رقيه تريد ابوها


رقيه تريد ابوها حســـــين يلفيها
مشـــتاگـــــه لحنانه البي يغطيها
طفله ومــــادرت مــــذبوح واليها
تصيح بصوت يحسين
بويــــه تأخرت ويــــن
بصوط ضــــــربوها •• رقيه تريد ابوها



رقيه بالخرابه صــيح حاجــــوني
وين حسين ابوي وشمعت عيوني
غايب ويــــــــــن عنه ماتخبروني
ليش علينه حراس
عمي ويــــن عباس
تسمع شتمـــوها •• رقيه تريد ابوها



عِله صــــوت الزغيرونه وكثر ونها
صاح يزيد سكتو لطفله لواسكتنها
ودو راس ابـــوها بطشــــــت يمها
خـــل تشوفه وتنام
تعيش وياه بالحلام
وبراسه اجـــــــــوها •• رقيه تريد ابوها



رقيه يـــادمعه ادموم عله والــــي
تكله حسين بويه عذبت حالـــــي
راسك بطشــت يابويه گبالـــــــي
اريد اموت وياك
ماعيـشن بلاياك
ورده وعـــــذبوها •• رقيه تريد ابوها



ورده وذبلـــت اعله النحر المدمه
وخوها صاح شيلي الطفله ياعمه
رقيه ونگطع ونها عله ابـــــو اليمه
ماتت شابگه الراس
بت حســين ياناس
طفله وروعــــوها. ••رقيه تريد ابوها
ـــــــــــــــ❁❂❁ــــــــــــــــــ
تمت بعون الله تعالى وتوفيقه
بقلم ✍🏻 المتواضعة خادمة السيده زينب
الشاعرة المله {ام حسن الجابري}
غير مبري الذمة من يحذف الاسم
وينسب الابيات اله❌❌

https://www.tg-me.com/ttps090

قصيده فزاعيه السيده رقيه عليها السلام
(فزت من حلمها )
تقرا بعدة اطوار
ـــــــــــــــ❁❂❁ـــــــــــــ
فزت من حلمها تنوح
رقيه تريد والدها
ـــــــــــــــ❁❂❁ـــــــــــــ
فزت وبرعب ناحــــت
ابويه وين من صاحت
تصرخ روحــــه راحت
زينب تبجي بحـــدها
ـــــــــــــــ❁❂❁ـــــــــــــ
اجـه شامــت ويسالها
هالطفله كثـــــر ونــها
شــنو تريد اجـيب لها
رأس. حسين واليـها
ــــــــــــــ❁❂❁ـــــــــــــ
تصـيح بصوت يايابــه
رقـــيه حيــل مشتاكه
بعــد ماتحمل فـــراگه
ضاع الصبر من عدها
ـــــــــــــــ❁❂❁ـــــــــــــ
ورأس بطشت جابــوه
يـم رقــيه مـــن خلـوه.
الحره والحرم شافــوه
زيــنب الطمته خــــدها.
ـــــــــــــــ❁❂❁ـــــــــــــ
شــبگـت رأسه وتكـــله
وهـــوه مخضب بــدمه
شــلون اصبر يـبو اليمه
روحـــــــي تبگه شعدها ـــــــــــــــ❁❂❁ــــــــــــــ
رباط هوسه

(زغيرونه ••• ماتت عالراس)
ـــــــــــــــ❁❂❁ــــــــــــــــــ
تمت بعون الله تعالى وتوفيقه
بقلم ✍🏻 المتواضعة خادمة السيده زينب
الشاعرة المله {ام حسن الجابري}
غير مبري الذمة من يحذف الاسم
وينسب الابيات اله
🚫🚫🚫
https://www.tg-me.com/ttps090

نعي بين مولاتي زينب والحسين عليهم ع)
عنده دخولاها إله. الشام
ـــــــــــــــ❁❂❁ــــــــــــــــــ
عمت عيني عله زينب طبــت الشام
مـجتوفه بحبل وبــيد ضـــــــــــلام
وراس خوها عل الرمح مابين لايتام
تنضرله بهضم وبحســـــــــــره والام

هنا زينب تحاجي رأس خوه
شتكول.

خويه انه ام الخدر اليحجون بيها
صـرة السبيه والناس تتفرج عليها
يكولــــون جا ويـــــن عزه واليـها
مـــــــــابين الغرب اخته مخليها


هنا الحسين يجاوب زينب
😭
يبعد حسين روحــــــــــي مرتــي
طـول الدرب وياچ ماطبگة جفنتي
ماذاني دوس الخيل تاذية زينب من عثرتي
نشلع كلبي يزينب من خويه صحتي


هنا جاوب زينب
شتكول 😭

صحت ومحد سمع صـــــوتـــي
انــــه اليوم الابوي ابعث شگوتي
أگله الحك ياعلي ماسمعو نخوتي
إنه اتـــــمنى يابـــويه مـــــوتـــي

هنا جاوب الحسين
شيكون😭

گافــــي يزينـــب گفــي الاعتاب
أبو فاضل عالــرمح وراس شاب
لو چفين عنده يزينب يكلبه گلاب
ومـــاتمشين ميسرة واي الاجناب


جواب السيده زينب
شتكول😭

مشيـت ميسره والروس تبرالي
وطـــــــول الدرب تحرس خيالي
ادري يحسين مايرضيكم لجرالي
بس عگبكم يخوتي هـــــذا حالي
ـــــــــــــــ❁❂❁ــــــــــــــــــ
تمت بعون الله تعالى وتوفيقه
بقلم ✍🏻 المتواضعة خادمة السيده زينب
المله {ام حسن الجابري}
غير مبري الذمة من يحذف الاسم
وينسب الابيات اله
🚫🚫🚫
https://www.tg-me.com/ttps090

قصيدة لمولاتي زينب الحوراء
{يمسكته الدواوين}
فزاعيه طور جنوبي
ـــــــــــــــ❁❂❁ــــــــــــــــــ

الچ صولات يمسگته الدواوين
يلبوة حيدره. لماصارت ثنين.
ــــــــــــــــــ❁❂❁ــــــــــــــــــ
الـــــچ صولات يربتچ بـدويه
امــــــچ فاطمه الزهره الزجيه
تــاريخچ عظيم وماهــو شويه
يلذكـــــــرچ يهز جبال طاريه

اسم اعله امسمه المهيــوبه
ــــــــــــــــ❁❂❁ــــــــــــــــــ

يلذكرچ يهز الكــوم الارجاس
ذليتــــــي يزيد بين هل الناس
شجاعه وبشجاعه جنچ العباس
رغم كل الجرالچ رافعه الرأس.

ذليتـــــــي يزيد الطاغي
ــــــــــــــــــ❁❂❁ــــــــــــــــــ
رغــم كل المصايب رايه عليتي
شلتيها يـزينــب انتي ومشيتي
والمجلـس يزيد بهيبه طــبيتي
خرستي الزلــــــم لمن حچيتي

بصوت الحگ دكــت ثايه
ــــــــــــــــــ❁❂❁ــــــــــــــــــ
خرســتي بكلامچ ذوله النذال
يهيبــت حيـــدره لوصول وكال
بقيتـــي شامخه والطول مامال
يصلطانــت منابر طـول الجيال.

يزيد الهابج ماهبتــــي
ــــــــــــــــــ❁❂❁ــــــــــــــــــ
تمت بعون الله تعالى وتوفيقه
بقلم ✍🏻 المتواضعة خادمة السيده زينب
المله {ام حسن الجابري}
غير مبري الذمة من يحذف الاسم
وينسب الابيات اله
🚫🚫🚫

https://www.tg-me.com/ttps090

قصيدة المولاتي زينب بعد فقد اخوتها
{زينب يامصيبتها}
تقرا بعدة اطوار
ـــــــــــــــ❁❂❁ــــــــــــــــــ
زينب يامصيبتها ••عاشت لوعة خوتها
چبـــــده الحسن شافت
حسين اعله الثره عافت

تهد جـبال ونتها.••زينب يــــامصيبتها
ـــــــــــــــ❁❂❁ــــــــــــــــــ
عاشت انواع المصايب والمحن
زينــــــــب لعاداها ياناس الزمن
مــــن بعد امها وابوها بالحـسن
عمرها كله حســرات
ليل نـــــــــهار ونات

تكتل ياهضيمتها•• زينب يامصيبتها
ـــــــــــــــ❁❂❁ــــــــــــــــــ
تعاين للحسن والدمـع سجاب
تــنادي يزجيه وداحي الباب
تعالو شوفو زينب راسه شاب
ذبحه فكــد الاحباب
كلهم جـــــوه التراب

حته السمه بجتها•• زينب يامصيبتها
ـــــــــــــــ❁❂❁ــــــــــــــــــ
زينب مو طشــت شافت طشتين
واحـــــــد للحسن واحد للحسين
حگه من تصيح انطي الوجه وين
دهره مـــارحمها
من عدهم حرمها

تجري دوم دمعتها •• زينب يامصيبتها
ـــــــــــــــ❁❂❁ــــــــــــــــــ
عاشــت بالمرار ولوعت الاحزان
عذبها الوكت من راحو الشجعان
تهل عيونها زينــــب عله الخوان
دمعها دوم ســـجاب
جرح زينب ولا طاب

بتــربان عزوتـــها •• زينب يامصيبتها
ـــــــــــــــ❁❂❁ــــــــــــــــــ
تمت بعون الله تعالى وتوفيقه
بقلم ✍🏻 المتواضعة خادمة السيده زينب
المله {ام حسن الجابري}
غير مبري الذمة من يحذف الاسم
وينسب الابيات اله
🚫🚫🚫
https://www.tg-me.com/ttps090

قصيدة لرجوع مولاتي زينب لى كربلاء
تقرا بعدة اطوار ومنها
مربعة ثقيله فزاعيه
ـــــــــــــــ❁❂❁ــــــــــــــــــ
زينب ردت من الشام والتربان غاطيها
ويـــــــــــــن الزينبـــيه خـــــل تلاگيها
ـــــــــــــــ❁❂❁ــــــــــــــــــ
ويـــــــــن الزينبيه لاگـت الحره
اخت حســـين هايه زينب لكبره
ردت يـــــاهضـيمه بالگلب جمره
مهضومه يـــزينـــــب بعد واليها
ــــــــــــــــــ❁❂❁ــــــــــــــــــ
مهضومه يــزينـب مالها والـــــي
ذابحه القهر والدمع دم هالــــــي
اجـت وصيح يساكن بدلالـــــــي
گوم وشوف اخيتك شجره عليها
ــــــــــــــــــ❁❂❁ــــــــــــــــــ
ردت مــــــن يسرها تزور ولياها
كلنه اليــــــوم عـوانـه اجيــناها
نعين الــــــراده والـــروس وياها
ونصيح بصوت وياها عله هاليها
ــــــــــــــــــ❁❂❁ــــــــــــــــــــ
نـدگ عله الرأس ونعازي العلويه
اجــــــت لحسين يوم الربعينيه
ويـــــــن الگابلتها تعينهه شــويه
طبــــــت كربله لبيها غـــــواليها
ـــــــــــــــــ❁❂❁ــــــــــــــــــ
نــون الم عـــون ونادي يحزنانه
مــــاننسه الذبيح وكلهم اخوانه
نضـــــل للموت ماينگطع ممشانه
عهد لحســـــين كل عام ونلاگيها
ـــــــــــــــ❁❂❁ــــــــــــــــــ
تمت بعون الله تعالى وتوفيقه
بقلم ✍🏻 المتواضعة خادمة السيده زينب
المله {ام حسن الجابري}
غير مبري الذمة من يحذف الاسم
وينسب الابيات اله
🚫🚫🚫
https://www.tg-me.com/ttps090

قصيدة ثقيله عنده رجوع مولاتي
{ السيده زينب عليها السلام }
من السبي وهيا في طريقها لى
كربلاء تخاطب الناقه لسان حالها
ـــــــــــــــ❁❂❁ــــــــــــــــــ
تقرا بعدة اطوار وايضاً
على طور ياناگه من اوصل هلي

ـــــــــــــــ❁❂❁ــــــــــــــــــ
ياناگتــي امشي بعجل للغاضريه
مشتاگ كلبي لخوتي الضلو رميه
وصليني يم حسيني.
خليني ازيــد ونيني

وصيح زينبكم اجت يهل الحميه
ـــــــــــــــ❁❂❁ــــــــــــــــــ
ياناگتـي امشي بعجل ولا تريضين
حــــــــيل مشتاكه يناگه للحنينين
مـــــــرن ايام وليالي چنهن اسنين
شيبن رأسي وكلبي ورمش هالعين
يــــم أخوتي وديني
خليني ازيــد ونيني

وصيح زينبكم اجت يهل الحميه
ـــــــــــــــ❁❂❁ــــــــــــــــــ
روحـــي ماتحمل بعد ياناگتـي فراگ
نـــــــاري مثل نار العليله لازمه الراگ
فراگ لاهل كلـش صعب الروح حراگ
وانه كل لحضه التمر الاحبابي اشتاگ
بعيد الدرب ياذيني
خليني ازيــد ونيني

وصيح زينبكم اجت يهل الحميه
ـــــــــــــــ❁❂❁ــــــــــــــــــ
شوكت اوصل لخوتي وشتم تربهم
بلكي تاخذني المنيه واندفن يمـهم
المن تضل روحي بعد مــــن بعدهم
اتمنه يحين لاجــــــل واني بگربهم
ريحتهم الترويني
خليني ازيد ونيني

واصيح زينبكم اجت يهل الحميه
ـــــــــــــــ❁❂❁ــــــــــــــــــ
خل اخبرچ بسمي انه وسمعي همي
انه زينـــــب بت علي والزهره امـي
يامصاب الي جرعته ياعظم هضمي
ذِبحـو خواني يناگه وحرگو خيمـي
وعن السبي سئليني
خليني ازيــد ونيني

وصيح زينبكم اجت يهل الحميه
ـــــــــــــــ❁❂❁ــــــــــــــــــ
ياناگه اسئليني عله الدرب المشيته
امشـي والكافر يـــــسب بيه سمعته
امـــر اصعب من امر انــــي جرعته
ولكتني الشام والله مــــــــن دخلته
يكتل گتل ياضيمي
خليني ازيد ونيني
وصيح زينبكم اجت يهل الحميه
ـــــــــــــــ❁❂❁ــــــــــــــــــ
تمت بعون الله تعالى وتوفيقه
بقلم ✍🏻 المتواضعة خادمة السيده زينب
المله {ام حسن الجابري}
غير مبري الذمة من يحذف الاسم
وينسب الابيات اله
🚫🚫🚫
https://www.tg-me.com/ttps090

          

             يحسين الحره أتـلگـاها
             ردت وأيتامك و يـاهــا
                ===================
ردت زينب امن الشام -- من تگوم ماتگدر
من تتذكر العباس -- كل نگلت جدم تعثر
رمله اتصيح ياجسام -- ليلئ أتصيح يلأكبر
تتعب من سواد الليل -- تتمنه الفجر ينطر
                زينب گصدت الحومه
               تمشي أوحيل مهظومه
                مثل الزهره مظـلومه
ماواحد يعرف معناها - يحسين الحره اتلكاها
        =======================
من تذكر رقيه اتطيح -- زينب تعثر أبهمهه
صاحت ياعلي السجاد --ريت اليوم اضل يمهه
وكت الغسل گام يسيل --من كثر الضرب دمهه
  تعرف وليت الضلّام -- لنهم ضيعو عـمّـهـه
                طفله أوضلت اوحيده
                واحنه انسير بالبـيده
               عمّه ادروبنه ابعيدهه
آثار السوط أبيمناها -- يحسين الحره اتلگاها
        =======================
من كثر الحزن والضيم -- زينب حيل تعبانه
گالت عـمّـه يالسجاد  -- وين الـدهـر ودانه
مـانتوقـع انـا وياك -- ندخـل لأبن مـرجانـه
ردينه بطـريق الشوم -- بس الـروس ويانه
                  گالت وين كفالي
               حال الضيم ياحالي
              أمشي أدمعتي اتلالي
لوحاضر من دم سواها - يحسين الحره اتلگاها =======================
زينب ردت ابيا حال .. تمشي وشايله الرايه
كـل مـوكب تـمـر أعليهه .. تتـفـگـد الـمشايـه
ما تقبل تمر ابسوگ .. تـكـره طـاري الولايه
وياهـا العـليل اينوح .. كـلـمـا يسمع اقـرايه
             راجع يحدي بضعونه
             يمشي وتهمل اعيونه
             باقي الالـم بمـتونـه
آلآم الطف ما ينساها-- يحسين الحره اتلگاها
          =====================
كل چادر تشوفه اتروح - يمه ايفيض مدمعهه
تبچي ام الخدر بهداي -- خاف الناس تسمـعـهه
ما مرها الفرح هيهات  -- دوم الحـزن تابعـهـه
تمشي او تحسب الخدام --  باچـر ماتضيعـهـه
                    ماتنسه الخدم كله
                     بالـدفـتر تسجلـه
                     بالشدات توصلـه
كل خادم باچر بحماها --يحسين الحره اتلگاها


                   فاخر علي الشبيبي

حصرياً❤️‍🔥 قصيدة الرجوع مولاتي زينب لى كربلاء
تقرأ بعدة اطوار
ـــــــــــــــ❁❂❁ــــــــــــــــــ
ردت من يسرها شحالها الحره
تنشد وين اخوي أبيا كتر كبره
ـــــــــــــــ❁❂❁ــــــــــــــــــ
ردت من يسرها اتزور الحسين
تعبانه اجــــــت كاضيها الونين
جابت راس اخوها وتهمل العين

الراس أبين اديها وبالكلب جمره
.ـــــــــــــــ❁❂❁ــــــــــــــــــ
الله يعينها راس الولي وياها
اجت امحمله من ضيم دنياها
وصـــلت كربله محد تلكاها

تصيح أهنا يخويه وتجذب الحسره
ـــــــــــــــ❁❂❁ــــــــــــــــــ
تصيـــح أهنا يخويه مـــاتلكوني
يالبيكم مـــــــحنه مــــاتحاجوني
مشتاگه تراها اليكم اعيــــــــوني

عگب ذاك الهضم ويامها المره
ـــــــــــــــ❁❂❁ــــــــــــــــــ
زينب بربعين احسين من ردت
غاطيها هضمها وروحها انمردت
كبر الوالي وين ابلوعه من نشدت

دلاها العليل وصاحت ابعبره
ـــــــــــــــ❁❂❁ــــــــــــــــــ
صاحت يبن امي اجيتك اليوم
حســــــــــبالي تلگاني. يجيدوم
تشوف ام عون اخيتك شابعه هموم

عفيه اعله لگلب وگوته وصبره
ـــــــــــــــ❁❂❁ــــــــــــــــــ
تمت بعون الله تعالى وتوفيقه
بقلم ✍🏻 المتواضعة خادمة السيده زينب ع
المله ( ام حسن الجابري)
غير مبري الذمة من يحذف الاسم
وينسب الابيات اله
https://www.tg-me.com/ttps090

مِن عاوِدَت مِن الشَّام..ومِن وصلت الولياهه
زينب على گبر حسين..صَبَّت دمع عيناهه
ومن كثر مامشتاگه...حَنَّت اوياهه الناگه
صبت دمع عيناهه

اليسمع ردت امن الشام مَحنيَّه
حَگَّه ايگول زينب هِيَّه مو هِيَّه
الفگدت كل اهلهه ومشت مسبيه
زين وطوّلت للأربعينيه
أم الخدر والنوماس..ذبحتهه طبت الكوفه
زين وبگت عدهه انفاس...زين ودربهه اتشوفه
مِنهه الدَّلاَل اشباگه...حنت اوياهه الناگه
صبت دمع عيناهه

خَذَو درب الطفوف وسارو ابهِمَّه
وزينب نادت السجاد ياعمَّه
خَبِّرني اعله گبر حسين ابو اليمه
تره گلبي بعد ماينحمل هَمَّه
ياروحي مليانه اجروح..شبعت هظم ياروحي
من اشكي يم الوليان..بلچن تهيد اجروحي
نار اليسر حراگه...حنت اوياهه الناگه
صبت دمع عيناهه

زينب هاي بنت اليامن ادخيله
تالي اميسَّره والمدمع اتسيله
رَدَّت من سبيهه احمولهه اثجيله
لخوهه اتريد عن الصار تشكيله
صاحت علي يالسجاد..ياعَمَّه شو دلِّيني
گاللهه ياهو اتريدين...گالتله اريد حسيني
واشلون صار املاگه...حَنَّت اوياهه الناگه
صبت دمع عيناهه

وصلو كربله واگبورهم لاحت
واعله الناگه زينب وَنَّت او ناحت
وصلت للحسين وعالگبر طاحت
على الدنيا العفه ياهيبتي صاحت
يحسين لا تسألني...عن بنتك العفناهه
ماتت رقيه وبالشام...ياخويه خليناهه
ذاب الگلب بَشواگه...حنت اوياهه الناگه
صبت دمع عيناهه

كل حرمه الوليهه عقدت اقرايه
ومشو بجروحهم للعلگمي ومايه
كلهه اتصيح ها ياصاحب الرايه
هاي اضعونكم من اليسر جايه
زينب تدگ اعله الراس...ياخويه ياوالينه
لرض الوطن ياعباس...ياريتك اترد بينه
واعليهه طال افراگه...حنت اوياهه الناگه
صبت دمع عيناهه

سيد علي الموسوي

نعي مجاريد
حال مولاتي زينب عليها السلام
عندما رجعت بالاربعين لأخوتها
ــــــــــــــــــــــــــــــــــــــــــــــ ـــــ
جيــت بس شلون جيه
محد نشد منهم علــــيه
ونيــت والــــونه خفيه
ــــــــــــــــــــــــــــــــــــــــــــــ
دلوني كبر حسين وينه
گلـوله وصلت الحنينه
خل يگعد ويسمع حجينه
ــــــــــــــــــــــــــــــــــــــــــــــ
خال الولد خل يگعد احاجي
وسولفله هظم حالي وبجي
ماهي مناسبه امشي وخلي
ــــــــــــــــــــــــــــــــــــــــــــــ
اعتب ولايسمع عتابي
نامو بالگبر كلهم احبابي
رديت بس زايد عذابي
ــــــــــــــــــــــــــــــــــــــــــــــ
ارد امشي لعد كفال ظعني
وكله الشمر من رحت سبني
لارجف گلبه ولارحمني
جيتك جبت وياي حزني
ــــــــــــــــــــــــــــــــــــــــــــــ
جاغير اجيتك گوم وياي
تعدل ناگتي وتصيرلي فياي
وبروحتك كثرت بلواي
ــــــــــــــــــــــــــــــــــــــــــــــ
ريت وياك ياعباس موتي
يالمظوي العشيره ياعزوتي
يالبجالك ماينسمع صوتي
ــــــــــــــــــــــــــــــــــــــــــــــ
كله تناشد انتي منين
وانه مخدره عباس وحسين
ذوله النشامه والميامين
اولاد حيدر والحجي الزين
ــــــــــــــــــــــــــــــــــــــــــــــ
زينب والمصايب لوعني
جرعت الهظم من زغر سني
على خواني الظهر هاليوم محني
ــــــــــــــــــــــــــــــــــــــــــــــ ــــــــــــــ
بالقلم المتواضع لخادمه الحبيب الملا أم سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان

https://www.tg-me.com/ma_x72w

هذه النعي يقرأ بطور الفائزي البحراني السريع
مفتاح 🔑الطور لهذه النعي يكون

(وين الفاگده الشبان وين الضايگه الوعه)
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بنفس هذه الطور تقرون النعي النزلته
واذا حابين تقرو بأطوار اخرى ماكو مشكله
ــــــــــــــــــــــــــــــــــــــــــــــ ــــــــــــــ
نعي ليوم الأربعين عن الرجوع الى الاجساد الطاهر مولاتي زينب تشكي حالها لوالدها واخوتها
ــــــــــــــــــــــــــــــــــــــــــــــ ــــــــــــــ
ردت ناحله من الشام بس شلون من ردت
تعور صعدت الناگه عليها زينب وصعدت
دارت للنجف وتصيح افزع ياعلي ونحبت
آنــه مــدلله يابــــوي هسه خلافكم تعبت
ــــــــــــــــــــــــــــــــــــــــــــــ ــــــــــــــ
بويه تعبت من الشام بيها وضاكت انفاسي
تتفرج علينه الناس بويه اخلاف عباسي
بتك ياعلي وهاليوم حيل مجرح احساسي
ياحجي الشماته الدار منه شاب كل راسي
ــــــــــــــــــــــــــــــــــــــــــــــ ــــــــــــــ
جيت لكربله من الشام واثر الصوط بمتوني
عرجه الناگه يابو حسين ماگامو تلگوني
متعوده على خواني بالشدات يلفوني
وانه مخدرة عباس والدمعات بعيوني
ــــــــــــــــــــــــــــــــــــــــــــــ
وصلوني لعد حسين خل أگعد حدر كتره
وگله زينب بياحال اجتك شايطه الحره
تعبانه وريد ارتاح ويظمني على صدره
بس الحافر مأذيه وتناثر جسمه عل غبره
ــــــــــــــــــــــــــــــــــــــــــــــ ــــــــــــــ
بالقلم المتواضع لخادمه الحبيب الملا أم سيف الدين غير مبري الذمه من يحذف الاسم وينسب الكلام له اهدي ثواب هذ العمل الى مولاي صاحب الزمان

https://www.tg-me.com/ma_x72w

(رباطات للأربعين) عن حال مولاتي زينب
عندما وصلت لكربلاء
ــــــــــــــــــــــــــــــــــــــــــــــ ــــــــــــــ
بساع وديني/ لگبر حسين عمه /بساع وديني

خل يحاجيني/ بياحاله اجيته/ خل يحاجيني
ــــــــــــــــــــــــــــــــــــــــــــــ ــــــــــــــ
الكسرو صدره /خل اوصل لعنده/ الكسرو صدره

بالگلب حسره/ اجيته من بعيد/ وبالگلب حسره
ــــــــــــــــــــــــــــــــــــــــــــــ ــــــــــــــ
كون شايفني/ اعثر بالعبايه/ كون شايفني

هايخال ابني/ اعتابي وياك يوجع/ ها يخال أبني
ــــــــــــــــــــــــــــــــــــــــــــــ ــــــــــــــ
الروس ويانه /جبناها يخوتي/ الروس ويانه


زاد بلـــــــوانه/ من طبينه لطف /زاد بلـوانه
ــــــــــــــــــــــــــــــــــــــــــــــ ــــــــــــــ
ارد اشوفنه/ والعباس وينه /ارد اشوفنه

مشبعت منه /خال ابني وعزيزي/ مشبعت منه
ــــــــــــــــــــــــــــــــــــــــــــــ ــــــــــــــ
بالقلم المتواضع لخادمه الحبيب الملا أم سيف الدين غير مبري الذمه من يحذف الاسم وينسب الكلام له اهدي ثواب هذه العمل الى مولاي صاحب الزمان

https://www.tg-me.com/ma_x72w

زينب اتهد الرَّوَاسي احزانها
يوم ردَّت باربعين اخوانها

باربعين أخوانها أم الخدر
عاودت باحزانهه وضيم اليسر
وبگلب ام الصبر ماضل صبر
اتريد توصل تشتكي الوليانها

زين العباد ابدمعته الهامله
من گرب وادي المواجع والبَلَه
گلهه ياعَمَّه وصلنه الكربله
والعقيله نادت ابأشجانها

اتنادي واعله الخد مدامعهه اتهلي
وين گبر حسين عَمَّه ياعلي
او وين ابو فاضل أخوي وكافلي
وتلهب ابوسط الگلب نيرانها

طاحت اعله اخوانها اتشم بالتُّرُب
اتصيح ياولياني شَيَّبتو الگلب
مايهون افراكم والله صعب
واعتب اعله الدنيا واعله ازمانها

اشلون صارت تعزيه ونوح وأنين
بين ابواليمه وابو الغيره الحنين
وين عن ذيچ البواچي ام البنين
تحظر وتنعه الهظم نسوانها

وين عن ذاك العزه ام الاربعه
تنعه فگد حسينهه والمصرعه
وتگصد ابدمعتهه صوب المشرعه
اوياهه زينب تنحب الشبّانها

باربعين حسين وانصاره العِظام
انعزّي هالليله النّبي وآله الكِرام
وللإمام المهدي نندب ياإمام
عَجِّل ابثار العظيم امچانها

سيد علي الموسوي

السلام عليكم ورحمه الله وبركاته
اللهم صل على محمد وال محمد
حبايب خدام الحسين
التمس منكم الدعاء لى خادم الحسين ابو حسن زوجي جداً تعبان
ادعوله بشفاء العاجل العلكم اقرب الى الله
💔😔
خادمه السيدة زينب وخادمتكم ام حسن الجابري

قصيدة شور لستشهاد الرسول الأعظم صلَّ الله عليه وسلم

تقرا بعدة اطوار
ـــــــــــــــ❁❂❁ــــــــــــــــــ

اليوم ناحت فاطمه. بچت املاك السمه

يامحمد يامحمد


بت محمد فاطمة كلش حزينه
شال من عده النبي ضلت يتيمه
هوه نور العين إله وهوه خيمه
أبد ماتحمل الفرگه هــالعظـيمه


يامحمد يامحمد

بقة مكسورة الكلب بضعة الهادي
بويـــه بويـــــه وين ضلت تنادي
عگب عينك للأبد أعلن حـــدادي
يالرحت نار تركــــت تسري فادي

يامحمد. يامحمد

فاطمه اليوم عل ابوها تنعه بالدار
دموعها من دمه تهله عله المختار
يله خلونه نواســـــي بت الاطهار
نلطم عله الرأس كلنه كبار وصغار


يامحمد. يامحمد


كلب فاطـم يامــــــــرار اليجرعه
مـــــن الصغر ياناس والله ملوعه
موت ابوها تعيـش اصعب فاجعه
بابها الطاغـــــــي الحطب يجمعه

يامحمد. يامحمد



نعازي الزهره الوديعه اموت ابوها
تمنـــــــت وياها الزچيه يشيعوها
حته مــــن لبجي ياويلي امنعوها
عگــــب عينه يامـــــرار العيشوها

يامحمد. يامحمد

ـــــــــــــــ❁❂❁ــــــــــــــــــ
تمت بعون الله تعالى وتوفيقه
بقلم ✍🏻 المتواضعة خادمة السيده زينب
الشاعرة المله {ام حسن الجابري}
غير مبري الذمة من يحذف الاسم
وينسب الابيات اله
🚫🚫🚫
https://www.tg-me.com/ttps090

نعي الفقد الاب 💔 اهدي لمولاتي فاطمة الزهراء ومولاتي زينب الحوراء عليهما السلام

يقرا بعدة اطوار ومنها
مجاريد زريجي جنوبي


يامحله الابو يامحله طاريه
اذكر ذيج گعدتنه ومحاجيه
مات الحنين ويـــــن الاگيه


ونيـــــــــت ونــه عله ونـه
كلبي شتاك الراعـي المحنه
بعــد هيهات يــــعاود النه


تمنيتة حلـــــــــــم وافز منه
واشـوف ابوي المشبعت مـنه
اشمن ريحته وبروحي اضمنه


راح واخـــذ وياه روحـــــي
وعلــيه مـابطلت نوحـــــي
للموت مـاتبره يجروحــــي


مـات الولي و كلبــــي تعذب
ونيران الحزن بصـــدر تلهب
بفراگه يلاهي الراس شيــب
ـــــــــــــــ❁❂❁ــــــــــــــــــ
تمت بعون الله تعالى وتوفيقه
بقلم ✍🏻 المتواضعة خادمة السيده زينب
الشاعرة المله {ام حسن الجابري}
غير مبري الذمة من يحذف الاسم
وينسب الابيات اله
🚫🚫🚫 https://www.tg-me.com/ttps090