===ЯНГИ ИНТЕРНЕТ ҲАНГОМА

АФАНДИ ҲАЛИЯМ БОР ЭКАН

Марҳаматлик(Андижон) шоир, журналист, блогер, бир қанча мукофотлар соҳиби (санаб ёзилса, қоғозга сиғмайди) Муқимжон Нурбоев Хўжанд шаҳридаги Ўзбеклар марказида ишлайдиган ҳангоманавис ("Дўрмон ҳангомалари" муаллифи Шодмон Отабекнинг шогирди, "Хўжанд ҳангомалари" муаллифи) Ҳаким ЗОКИР телеграмига яқин кунларда Хўжандга ташриф буюрувчи меҳмонлар рўйхатини юборди. Рўйхатга қўшиб истеъдодли шоира Рислиғой Ҳотамованинг шеър ўқиш лаҳзалари ёзилган тасвирини ҳам жўнатди.
Бир неча соатдан сўнг Муқимжон ўз телеграмини кузатди. Не ажаб ҳолки, ўзи юборган шоиранинг шеър ўқиётгани видеоси ўзига қайтиб келибди.
Муқимжон дарров телефон орқали Ҳаким Зокирга уланди:
- Ака, шоира опамиз шеърни жуда зўр ўқир эканлар-а? Қойил қолдим!
- Ҳа, зӯр ўқиркан! Дўстлар менга юборишибди ва мен ҳам дӯстларим қатори аввал сизга жўнатдим, - деди фахрланиб ҳангоманавис.
- Ана кўрдингизми? Бундан кейин Афанди тирик, у орамизда, - десам ишонаверинг!

✍ Ҳаким ЗОКИР,
Тожикистон, Хўжанд вилояти.


Tурон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.

https://www.tg-me.com/Turonadiblari


===YANGI INTERNET HANGOMA

AFANDI HALIYAM BOR EKAN

Marhamatlik(Andijon) shoir, jurnalist, bloger, bir qancha mukofotlar sohibi (sanab yozilsa, qogʻozga sigʻmaydi) Muqimjon Nurboyev Xo‘jand shahridagi O‘zbeklar markazida ishlaydigan hangomanavis (“Do‘rmon hangomalari” muallifi Shodmon Otabekning shogirdi, “Xujand hangomalari” muallifi) Hakim ZOKIR telegramiga yaqin kunlarda Xo‘jandga tashrif buyuruvchi mehmonlar ro‘yxatini yubordi. Ro‘yxatga qo‘shib isteʼdodli shoira Risligʻoy Hotamovaning sheʼr o‘qish lahzalari yozilgan tasvirini ham jo‘natdi.
Bir necha soatdan so‘ng Muqimjon o‘z telegramini kuzatdi. Ne ajab holki, o‘zi yuborgan shoiraning sheʼr o‘qiyotgani videosi o‘ziga qaytib kelibdi.
Muqimjon darrov telefon orqali Hakim Zokirga ulandi:
- Aka, shoira opamiz sheʼrni juda zo‘r o‘qir ekanlar-a? Qoyil qoldim!
- Ha, zo‘r o‘qirkan! Do‘stlar menga yuborishibdi va men ham do‘stlarim qatori avval sizga jo‘natdim, - dedi faxrlanib hangomanavis.
- Ana ko‘rdingizmi? Bundan keyin Afandi tirik, u oramizda, - desam ishonavering!

✍ Hakim ZOKIR,
Tojikiston, Xoʻjand viloyati.


Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

Sənə məktub yazacam.✍️📚📩

Müəllif: Xuraman Muradova
İfa: Mirələm Mirələmov
Bəstəkar: Ruslan Səfəroğlu.
Qiraət: Xəzər Süleymanlı

Turan  ədiblarına qoşulun👇
@Turon_adiblari 👈  bizim qrup,
@Turonadiblari 👈 bizim kanal.

ҚАЙДЛАР



ҲАСАД

Ҳасаднинг умри шунчалар узунми?
Қодирийни сотди. Отди. Бошига етди.
Мана, бугун ҳам тирик... Қодирий ижоди бўйича илмий иш қилди, фан номзоди бўлди, кейин докторликни ёқлади. Минбарларда адибни мақтайди...
... Бироқ, ич – этини ”... нега мен Қодирийдай бўлолмадим?..”, – деган азоб ва ҳасрат кемиради...



ЎЙИН

Ҳовлида болалар “Уруш - уруш...” ўйнашаяпти. Ўзимизча уларни койиймиз: “Бошқа ўйин қуриганмиди?”.
Биз катталар ҳам гоҳида “Дўстим – дўстим...” ўйнаймиз.
Болаларнинг ўйинида чинаккам уруш, биз катталарнинг ўйинимизда эса чинаккам дўстлик йўқ.
Айтинг, кимнинг ўйини хавфли?!



ОДАМ

Бу дунёда ҳамма нарса жойида! Ҳатто дунёнинг ўзи ҳам. Фақат одам ўз ўрнини тополмаяпти.
Ҳалокат шуки, одам ўз жойида эмас...



НИМА ҚЎРҚИНЧЛИ?

– Тош отсалар қўрқма!
– Хўп!
– Ўқдан ҳам қўрқма!
– Хўп!
– Туҳматдан ҳам қўрқма!
– Хўп! Шунда мен ботир бўламанми, отажон?
– Йўқ!
– Нега?
–Фақат қарғишдан қўрқ! Ўшанда ботир бўласан!

✍ Қўчқор НОРҚОБИЛ,
Тошкент.

Tурон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.

https://www.tg-me.com/Turonadiblari


QAYDLAR



HASAD

Hasadning umri shunchalar uzunmi?
Qodiriyni sotdi. Otdi. Boshiga yetdi.
Mana, bugun ham tirik... Qodiriy ijodi boʻyicha ilmiy ish qildi, fan nomzodi boʻldi, keyin doktorlikni yoqladi. Minbarlarda adibni maqtaydi...
... Biroq, ich – etini ”... nega men Qodiriyday boʻlolmadim?..”, – degan azob va hasrat kemiradi...



OʻYIN

Hovlida bolalar “Urush - urush...” oʻynashayapti. Oʻzimizcha ularni koyiymiz: “Boshqa oʻyin quriganmidi?”.
Biz kattalar ham gohida “Doʻstim – doʻstim...” oʻynaymiz.
Bolalarning oʻyinida chinakkam urush, biz kattalarning oʻyinimizda esa chinakkam doʻstlik yoʻq.
Ayting, kimning oʻyini xavfli?!



ODAM

Bu dunyoda hamma narsa joyida! Hatto dunyoning oʻzi ham. Faqat odam oʻz oʻrnini topolmayapti.
Halokat shuki, odam oʻz joyida emas...



NIMA QOʻRQINCHLI?

– Tosh otsalar qoʻrqma!
– Xoʻp!
– Oʻqdan ham qoʻrqma!
– Xoʻp!
– Tuhmatdan ham qoʻrqma!
– Xoʻp! Shunda men botir boʻlamanmi, otajon?
– Yoʻq!
– Nega?
–Faqat qargʻishdan qoʻrq! Oʻshanda botir boʻlasan!

✍ Qoʻchqor NORQOBIL,
Toshkent.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

ДЎСТ БЎЛМАГАЙ

Кутмагил, нафси ёмон дўст бўлмагай,
Хоҳ ишонма, хоҳ ишон, дўст бўлмагай.

Бевафолар - оқибатсиз бандалар,
Ошкора, ҳам ниҳон дўст бўлмагай.

Дуч келиб қолсанг макр-ҳийлосига,
Эҳтиёт бўл, ногаҳон дўст бўлмагай.

Сохта дўстлар - мард душмандан ёмон,
Молу жонингга зиён дўст бўлмагай.

Сирти силлиқ, ҳулқи ночор кимсалар,
Ёв бўлар, лекин аён дўст бўлмагай.

Кимники қалбига ин қурмиш ҳасад,
Жон фидо қил, ҳеч қачон дўст бўлмагай.

Сен баҳиллардан узоқ юр доимо,
Билганим этдим баён, дўст бўлмагай!

✍ Боқий МИРЗО,
Наманган вилояти.

Tурон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.

https://www.tg-me.com/Turonadiblari


DOʻST BOʻLMAGAY

Kutmagil, nafsi yomon doʻst boʻlmagay,
Xoh ishonma, xoh ishon, doʻst boʻlmagay.

Bevafolar - oqibatsiz bandalar,
Oshkora, ham nihon doʻst boʻlmagay.

Duch kelib qolsang makr-hiylosiga,
Ehtiyot boʻl, nogahon doʻst boʻlmagay.

Soxta doʻstlar - mard dushmandan yomon,
Molu joningga ziyon doʻst boʻlmagay.

Sirti silliq, hulqi nochor kimsalar,
Yov boʻlar, lekin ayon doʻst boʻlmagay.

Kimniki qalbiga in qurmish hasad,
Jon fido qil, hech qachon doʻst boʻlmagay.

Sen bahillardan uzoq yur doimo,
Bilganim etdim bayon, doʻst boʻlmagay!

✍ Boqiy MIRZO,
Namangan viloyati.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

СЕН ЁЛҒИЗ ҚОЛДИРМА МЕНИ, ОЛЛОҲИМ

Гоҳо, бир совуқ сўздан жароҳат олсам,
Кўкларга талпиниб, тун ичра толсам,
Армонлар қўйнида бир ўзим қолсам,
Сен ёлғиз қолдирма мени, ОЛЛОҲИМ!

Юрагим тирнаса азоблар кўпроқ,
Қалбимни қийнаса, аччиқ бир фироқ,
Майлига азобга чидайман. Бироқ,,
Сен ёлғиз қолдирма мени, ОЛЛОҲИМ!

Жисмим ичра ёнса бу руҳим ҳайҳот,
Заррача тасалли кор қилмас, наҳот,
Азоблар ғалаён қилгани заҳот,
Сен ёлғиз қолдирма мени, ОЛЛОҲИМ!

Сени кимлигингни биламан ўзим,
Сабримга, шукримга берсинда тўзим,
Орзу ҳавасларга айтар шу сўзим,
Сен ёлғиз қолдирма мени, ОЛЛОҲИМ!

Сенинг борлигинга шукурлар этай,
Қолибманда шундай яралиб, нетай,
Эҳ, барига бугун қўл силтиб кетай,
Сен ёлғиз қолдирма мени, ОЛЛОҲИМ!

✍ Маъруфа Икромжон қизи Солиева,
Фарғона вилояти.

Tурон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.

https://www.tg-me.com/Turonadiblari



SEN YOLGʻIZ QOLDIRMA MENI, OLLOHIM

Goho, bir sovuq soʻzdan jarohat olsam,
Koʻklarga talpinib, tun ichra tolsam,
Armonlar qoʻynida bir oʻzim qolsam,
Sen yolgʻiz qoldirma meni, OLLOHIM!

Yuragim tirnasa azoblar koʻproq,
Qalbimni qiynasa, achchiq bir firoq,
Mayliga azobga chidayman. Biroq,,
Sen yolgʻiz qoldirma meni, OLLOHIM!

Jismim ichra yonsa bu ruhim hayhot,
Zarracha tasalli kor qilmas, nahot,
Azoblar gʻalayon qilgani zahot,
Sen yolgʻiz qoldirma meni, OLLOHIM!

Seni kimligingni bilaman oʻzim,
Sabrimga, shukrimga bersinda toʻzim,
Orzu havaslarga aytar shu soʻzim,
Sen yolgʻiz qoldirma meni, OLLOHIM!

Sening borliginga shukurlar etay,
Qolibmanda shunday yaralib, netay,
Eh, bariga bugun qoʻl siltib ketay,
Sen yolgʻiz qoldirma meni, OLLOHIM!

✍ Maʼrufa Ikromjon qizi Soliyeva,
Fargʻona viloyati.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

Тошхўжа Асирий номли вилоят оммавий китобхонасига "Бир водий наволари" баёзи китобининг нашри тақдим қилинди

ХЎЖАНД, 29 август. Тошхўжа Асирий номли вилоят оммавий китобхонасида "Бир водий наволари" деб номланган баёзи нашрининг тақдимоти бўлиб ўтди.
Ушбу китоб Суғд вилояти Ўзбеклар маънавият ва маърифат маркази ташаббуси ва Ўзбекистон Ёзувчилар уюшмасининг Андижон, Наманган, Фарғона вилоят бўлимлари ҳамкорлигида нашр этилган. Дўстлик баёзига 12 нафар Ўзбекистон ва 11 нафар тожикистонлик қалам аҳли вакиллари ижодидан намуналар жамланган.

Тожикистон Республикаси Ўзбеклар маркази ахборот хизмати

Tурон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.

https://www.tg-me.com/Turonadiblari

ЎЗБЕКИСТОНИМ

Тарих уммонига боқаман ҳайрон:
Бир соҳил адолат, бир соҳил ёлғон.
Гоҳ гуллаб яшнадинг,  гоҳ бўлдинг вайрон,
О, қадим тупроғим, қадим Туроним,
Сен мангу омон бўл, Ўзбекистоним.

Сен Широқ қалбига оташ ташлаган,
Тўмарис кўксида гулдек яшнаган,
Спантани эрк деб жангга бошлаган,
Ғаним буколмаган совут, қалқоним,
Сен мангу омон бўл, Ўзбекистоним.

Онасан Беруний, Форобийларга,
Муқанна-бўйсунмас арабийларга,
Бешиксан исёнкор Торобийларга
О, титроқ бешигим сирли вулқоним,
Сен мангу омон бўл, Ўзбекистоним.

Мўғул яғмосидан кўкси минг пора,
Ўргилиб дардига тополмай чора,
Курдистонда куйган ўшал сувора
Жалолиддин бўлиб қолган армоним,
Сен мангу омон бўл, Ўзбекистоним.

Тириклик кўйида тирқираб ҳар ён,
Йигитлар юртма-юрт кезганда сарсон,
Оналар кўзида дийдори армон,
Мунис юракларда номсиз исёним,
Сен мангу омон бўл, Ўзбекистоним.

Бағрингга қайтариб хуш онларингни,
Қайтатдан ёндириб ўчоқларингни,
Бир ўғлинг гул қилди қучоқларингни,
Темур гулзоридан қолган қўрғоним,
Сен мангу омон бўл, Ўзбекистоним.

Сўнг яна билдирмай нола унларинг,
Қизил туғ остида кечмиш тунларинг,
Истиқлол бошлади ёруғ кунларинг,
Зарлари сарсоним, олтин ошиёним,
Сен мангу омон бўл, Ўзбекистоним.

Сенсиз менинг ёзу баҳорим ўтмас,
Куйласам, авж созга овозим етмас,
Бир айтиб ўтмасам хуморим кетмас,
Қалбимда гупирган туйғу, илҳомим,
Сен мангу омон бўл, Ўзбекистоним.

✍ Собиржон Ҳакимов,
Андижон вилояти.

Турон адиблари телеграм канали ва гуруҳи 👇
@Turonadiblari 👈 каналимиз,
@Turon_adiblari 👈 гуруҳимиз.


OʻZBEKISTONIM

Tarix ummoniga boqaman hayron:
Bir sohil adolat, bir sohil yolgʻon.
Goh gullab yashnading,  goh boʻlding vayron,
O, qadim tuprogʻim, qadim Turonim,
Sen mangu omon boʻl, Oʻzbekistonim.

Sen Shiroq qalbiga otash tashlagan,
Toʻmaris koʻksida guldek yashnagan,
Spantani erk deb jangga boshlagan,
Gʻanim bukolmagan sovut, qalqonim,
Sen mangu omon boʻl, Oʻzbekistonim.

Onasan Beruniy, Forobiylarga,
Muqanna-boʻysunmas arabiylarga,
Beshiksan isyonkor Torobiylarga
O, titroq beshigim sirli vulqonim,
Sen mangu omon boʻl, Oʻzbekistonim.

Moʻgʻul yagʻmosidan koʻksi ming pora,
Oʻrgilib dardiga topolmay chora,
Kurdistonda kuygan oʻshal suvora
Jaloliddin boʻlib qolgan armonim,
Sen mangu omon boʻl, Oʻzbekistonim.

Tiriklik koʻyida tirqirab har yon,
Yigitlar yurtma-yurt kezganda sarson,
Onalar koʻzida diydori armon,
Munis yuraklarda nomsiz isyonim,
Sen mangu omon boʻl, Oʻzbekistonim.

Bagʻringga qaytarib xush onlaringni,
Qaytatdan yondirib oʻchoqlaringni,
Bir oʻgʻling gul qildi quchoqlaringni,
Temur gulzoridan qolgan qoʻrgʻonim,
Sen mangu omon boʻl, Oʻzbekistonim.

Soʻng yana bildirmay nola unlaring,
Qizil tugʻ ostida kechmish tunlaring,
Istiqlol boshladi yorugʻ kunlaring,
Zarlari sarsonim, oltin oshiyonim,
Sen mangu omon boʻl, Oʻzbekistonim.

Sensiz mening yozu bahorim oʻtmas,
Kuylasam, avj sozga ovozim yetmas,
Bir aytib oʻtmasam xumorim ketmas,
Qalbimda gupirgan tuygʻu, ilhomim,
Sen mangu omon boʻl, Oʻzbekistonim.

✍ Sobirjon Hakimov,
Andijon viloyati.

Turon adiblari telegram kanali va guruhi👇
@Turonadiblari 👈 kanalimiz,
@Turon_adiblari👈 guruhimiz.

https://www.tg-me.com/Turonadiblari

DAVLATLAR BIRLIGI – DIL YAQINLIGI

Almaz ULVI,
turkolog olima
Ozarbayjon

Men o‘zimni ozarbayjonlik o‘zbekday his qilaman. Chunki O‘zbekistonga o‘z uyimga borganday boraman, begonalik his qilmayman. O‘zbekiston bilan bog‘liq bir yaxshi xabar eshitsam, vatanim haqida eshitgan mujdam kabi quvonaman.
Yaqinda O‘zbekiston va Ozarbayjon Prezidentlari­ning Ittifoqchilik munosabatlari to‘g‘risidagi shartnomani imzolashi esa yuragimga nurday kirdi. Bu ishda qadrdon do‘stlarning quchoqlashib ko‘rishgani kabi samimiyat bor. Ushbu Ittifoqchilik shartnomasi et bilan tirnoqday bir-biriga jipslashib ketgan o‘zbek va ozarbayjonlarning dil birdamligi bo‘lib imzolangani shubhasizdir.
Qardosh o‘zbek xalqiga Mustaqillik bayrami muborak bo‘lsin! Do‘stlik rishtalari uzilmasin!

➡️ Davomi

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

✍🎤 Рислиғой Ҳотамова

Турон адибларига қўшилинг:
@Turon_adiblari 👈 гуруҳимиз ,
@Turonadiblari 👈 каналимиз.

https://www.tg-me.com/Turonadiblari

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari