БАҲОНА ХОЛОС

Шамолнинг куйига тўлса фироқлар,
Бир-бир узилса гар маҳзун титроқлар,
Дарахтдан зерикса тутқун япроқлар,
Куз баҳона холос, аслида.

Чечаклар аёзнинг заҳрини тотди,
Йўлларим музлади, яхмалак отди,
Қўлларим музлади, қалбим совқотди,
Муз баҳона холос, аслида.

Хазоннинг рақси ҳам ёнмаслик учун,
Ёмғирнинг қўшиғи тинмаслик учун,
Юлдузлар ишваси сўнмаслик учун
Юз баҳона холос, аслида.

Япроқдек сарғардим васлингни истаб,
Япроқдек узилдим, бас, нени истаб,
Япроқдек чирпандим аслингни истаб,
Сўз баҳона холос, аслида...
Куз баҳона холос, аслида...

✍ Гулбаҳор САИД ҒАНИ,
Фарғона вилояти.

Tурон адибларига қўшилинг:
@Turon_adiblari 👈 гуруҳимиз,
@Turonadiblari👈 каналимиз.


BAHONA XOLOS

Shamolning kuyiga toʻlsa firoqlar,
Bir-bir uzilsa gar mahzun titroqlar,
Daraxtdan zeriksa tutqun yaproqlar,
Kuz bahona xolos, aslida.

Chechaklar ayozning zahrini totdi,
Yoʻllarim muzladi, yaxmalak otdi,
Qoʻllarim muzladi, qalbim sovqotdi,
Muz bahona xolos, aslida.

Xazonning raqsi ham yonmaslik uchun,
Yomgʻirning qoʻshigʻi tinmaslik uchun,
Yulduzlar ishvasi soʻnmaslik uchun
Yuz bahona xolos, aslida.

Yaproqdek sargʻardim vaslingni istab,
Yaproqdek uzildim, bas, neni istab,
Yaproqdek chirpandim aslingni istab,
Soʻz bahona xolos, aslida...
Kuz bahona xolos, aslida...

✍ Gulbahor SAID GʻANI,
Fargʻona viloyati.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

BULBUL

✍ Xurshida Vahobjon qizi
🎤 Hojiakbar Nurmatov

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

ҚУТЛОВ

На бўлғай яшашни сал осон қилсанг,
Қил сиғмаган кўнглинг
Шуълага тўлсин.
Ҳар намоз орасин Рамазон билсанг,
Бир кунда беш ҳайит
Муборак бўлсин!

✍ Аъзам ЎКТАМ.

Tурон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.


QUTLOV

Na boʻlgʻay yashashni sal oson qilsang,
Qil sigʻmagan koʻngling
Shuʼlaga toʻlsin.
Har namoz orasin Ramazon bilsang,
Bir kunda besh hayit
Muborak boʻlsin!

✍ Aʼzam OʻKTAM.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

https://uza.uz/uz/posts/bugun-qardosh-ozbekiston-davlat-bayrogi-qabul-qilingan-kunini-nishonlamoqda_658627
Bugun qardosh O‘zbekiston Respublikasi Davlat bayrog‘i qabul qilingan kunini nishonlamoqda


Bugun Ozarbayjonning qardoshi, eng yaqin doʻsti va ittifoqchisi boʻlgan suveren, mustaqil Oʻzbekistonning Davlat bayrogʻi qabul qilingan kuni. Ildizlari bir, an’analari o‘xshash xalqlarimiz azaldan do‘st bo‘lib kelgan. Biz ozarlar o'zbeklar uchun juda qadrdonmiz. Bu yaqinlikning ildizi esa juda chuqurdir. Ikki davlat va xalqlarimiz o‘rtasidagi bu do‘stlik, qardoshlik bugungi kunda ham davom etmoqda.
Bugun O‘zbekistonda davlat suvereniteti timsoli bo‘lgan gerb va madhiya bilan bir qatorda davlat atributi bo‘lgan Davlat bayrog‘i qabul qilingan kun ham nishonlanmoqda.
Eslatib o‘tamiz, “O‘zbekiston Respublikasi Davlat bayrog‘i to‘g‘risida”gi qonun 1991-yil 18-noyabrda Respublika Oliy Kengashining VIII sessiyasida qabul qilingan. O‘zbekiston Konstitutsiyasining alohida moddasida mamlakatda davlat ramzi sifatida bayroq borligi tasdiqlandi.
Davlat bayrogi ramzlari boshqa davlatlar bayroqlarining urf-odatlarini davom ettirib, ayni paytda milliy va xalq madaniyatini, mamlakatning tabiiy oziga xos xususiyatlarini o`zida aks ettiradi.
Bayroqdagi och moviy rang moviy osmon va musaffo suv timsoli, oq rang tinchlik, yashil rang esa tabiat timsolidir. Yarim oy va yulduzlarda o‘zbek xalqining ko‘p asrlik an’analari aks etgan.
O‘zbekiston Davlat bayrog‘i rasmiy delegatsiyalarning xorijiy davlatlarga tashrifi, xalqaro tashkilotlar binolari va nufuzli forumlar oldida, jahon ko‘rgazmalari va sport musobaqalarida respublikamizni jahon arenasida ifodalaydi.
O‘zbekiston 1992-yil 2-martda Birlashgan Millatlar Tashkilotiga a’zo etib saylanganidan beri uning bayrog‘i BMT binosi oldida hilpirab turibdi.
O‘zbekistonning Davlat bayrog‘i, shuningdek, mamlakat fuqarolari va respublikada yashovchi boshqa shaxslar tomonidan bayroqqa hurmat ko‘rsatish qonun bilan himoya qilinadi.
Bugun turkiy davlat sifatida mustaqil O‘zbekistonning jadal rivojlanib, dunyoga integratsiyalashuvi har birimizda faxr-iftixor tuyg‘usini uyg‘otmoqda.
Bayramingiz muborak, aziz do'stlar. Or-nomus timsoli bo‘lgan O‘zbekiston bayrog‘i doimo balandda hilpirab tursin! Mustaqil O‘zbekiston Respublikasi yashasin!

Namig Delidagli,
jurnalist/ Ozarbayjon

DEMƏ

✍ Namiq Dəlidağlı,
Azərbaycan.

Turan ədıblarına qoşulun:
@Turon_adiblari 👈 qrupumuz,
@Turonadiblari 👈 kanalımız.

https://www.tg-me.com/Turonadiblari

“Рубоийга татаббуълар”

ТЕРАН АНГЛАСАК

Вал Ҳайюл Қайюмдир Парвардигорим,
Уйғоқдир, кўргувчи, билгувчи доим.
Теран англасайдик буни ҳайтовур-
Ҳаётда бўлмасди қулф, қоровал...


МЎЪЖИЗА

Аллоҳ мўъжизасин - илоҳий сирни
Кўрмоқни истасанг - кўзгуга тикил.
Инсон рухсорига қурган қасрни
Тафаккур қилолсанг-кўзгуга тикил.


УМРА ЗИЁРАТИ

Умра зиёрати - гуноҳлар кетди
Дабдаба, зиёфат, югур-елдилар.
Бойликка қутуриш кўкларга етди-
Тўкилган гуноҳлар қайтиб келдилар.


ТЎҚҚИЗИНГ ЎТТИЗ

Аллоҳ ёрлақаса тўққизинг ўттиз,
Аллоҳ ғазаб қилса ўттизинг тўққиз.
Тилайлик, илоҳим ҳар бир банданинг
Ўттизи тўққиз бўлмасин қўқкис.


ТАМАЪ

Тамаъ қилма ҳаргиз, тамаъдир ҳаром,
Бергувчига доим олгувчи қарам
Нафс хуружи томоқ - ўпқонда бўлур-
Текин пишлоқ билки қопқонда бўлур.


МИНГ АФСУС

Ғийбатда, фитнада доим ғозиймиз,
Мақтаниш, фатвода мисли мозиймиз.
Минг афсус, минг афсус, яна минг афсус-
Тилда мусулмонмиз, дилда осиймиз...

✍ Абдуғани Абдуғафуров,
Қирғизистон. Ўш шаҳри.

Турон адибларига қўшилинг👇
@Turonadiblari 👈 каналимиз,
@Turon_adiblari👈 гуруҳимиз.


“Ruboiyga tatabbuʼlar”

TERAN ANGLASAK

Val Hayyul Qayyumdir Parvardigorim,
Uygʻoqdir, koʻrguvchi, bilguvchi doim.
Teran anglasaydik buni haytovur-
Hayotda boʻlmasdi qulf, qoroval...


MOʻJIZA

Alloh moʻjizasin - ilohiy sirni
Koʻrmoqni istasang - koʻzguga tikil.
Inson ruxsoriga qurgan qasrni
Tafakkur qilolsang-koʻzguga tikil.


UMRA ZIYORATI

Umra ziyorati - gunohlar ketdi
Dabdaba, ziyofat, yugur-yeldilar.
Boylikka quturish koʻklarga yetdi-
Toʻkilgan gunohlar qaytib keldilar.


TOʻQQIZING OʻTTIZ

Alloh yorlaqasa toʻqqizing oʻttiz,
Alloh gʻazab qilsa oʻttizing toʻqqiz.
Tilaylik, ilohim har bir bandaning
Oʻttizi toʻqqiz boʻlmasin qoʻqkis.


TAMAʼ

Tamaʼ qilma hargiz, tamaʼdir harom,
Berguvchiga doim olguvchi qaram
Nafs xuruji tomoq - oʻpqonda boʻlur-
Tekin pishloq bilki qopqonda boʻlur.


MING AFSUS

Gʻiybatda, fitnada doim gʻoziymiz,
Maqtanish, fatvoda misli moziymiz.
Ming afsus, ming afsus, yana ming afsus-
Tilda musulmonmiz, dilda osiymiz...

✍ Abdugʻani Abdugʻafurov,
Qirgʻiziston. Oʻsh shahri.

Turon adiblariga qoʻshiling👇
@Turonadiblari 👈 kanalimiz,
@Turon_adiblari👈 guruhimiz.

https://www.tg-me.com/Turonadiblari

ТАЪЛИМДА НАЖОТ

Ўқи билим олгин онгинга қил ёд,
Китоб мутолаа қил чиқаргин савод,
Мураккаб жумбоқли бу кўҳна ҳаёт,
Нажот таълимдадур таълимда нажот.

Ёшликни бой бериб яшама нолиб,
Қўймасин жаҳолат хор ҳолга солиб,
Интилсанг албатта бўлурсан ғолиб,
Нажот таълимдадур таълимда нажот.

Шамолдек ўтаркан ёшликнинг они,
Нодоннинг қолмаскан ному нишони,
Билим бу инсоннинг шарафу шони,
Нажот таълимдадур таълимда нажот.

Бебаҳо эрур бу илмнинг нархи,
Билим бу онгларни ўткирлар чархи,
Саодат бўлади билимнинг шарҳи,
Нажот таълимдадур таълимда нажот.

✍ Элёрбек ҚУРБОНОВ,
Андижон вилояти, Қўрғонтепа тумани.

Tурон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.


TAʼLIMDA NAJOT

Oʻqi bilim olgin onginga qil yod,
Kitob mutolaa qil chiqargin savod,
Murakkab jumboqli bu koʻhna hayot,
Najot taʼlimdadur taʼlimda najot.

Yoshlikni boy berib yashama nolib,
Qoʻymasin jaholat xor holga solib,
Intilsang albatta boʻlursan gʻolib,
Najot taʼlimdadur taʼlimda najot.

Shamoldek oʻtarkan yoshlikning oni,
Nodonning qolmaskan nomu nishoni,
Bilim bu insonning sharafu shoni,
Najot taʼlimdadur taʼlimda najot.

Bebaho erur bu ilmning narxi,
Bilim bu onglarni oʻtkirlar charxi,
Saodat boʻladi bilimning sharhi,
Najot taʼlimdadur taʼlimda najot.

✍ Elyorbek QURBONOV,
Andijon viloyati, Qoʻrgʻontepa tumani.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

ONA TUPROQ

✍ Enaxon Siddiqova
🎤 Ma'mura Zohid

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

КEЧИКДИМ...

Айтмоққа чоғлаб тилимни
Изҳори дил учун етмади фурсат
Менку кутавердим тинмай йўлингни
Навқирон ёшлигим кутмади фақат.
Кечикдим...

Бардош эгилдию, тоқатим кутди,
Энди борми муҳаббатга керагим.
Ҳар лаҳза бир соғинч тош бўлиб ботди
Тошуюм остида қолди юрагим.
Кечикдим...

Ойдай чиройингга лол бўлиб юрак
Суюшга улгурдим, суйдирдинг дилдор
Мен армоним санаб бу жоним ҳалак
Сен бари- барига улгурдинг дилдор
Кечикдим...

✍ Убадулло Мустафо,
Самарқанд вилояти.

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.


KECHIKDIM...

Aytmoqqa chog'lab tilimni
Izhori dil uchun yetmadi fursat
Menku kutaverdim tinmay yo'lingni
Navqiron yoshligim kutmadi faqat.
Kechikdim...

Bardosh egildi-yu, toqatim kutdi,
Endi bormi muhabbatga keragim.
Har lahza bir sog'inch tosh bo'lib botdi
Toshuyum ostida qoldi yuragim.
Kechikdim...

Oyday chiroyingga lol bo'lib yurak
Suyushga ulgurdim, suydirding dildor
Men armonim sanab bu jonim halak
Sen bari- bariga ulgurding dildor
Kechikdim...

✍ Ubadullo Mustafo,
Samarqand viloyati.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

БОЛАЛИК ХОТИРАЛАРИ

Ўўўў, энди кўп нарсани ёдга олар пайт келди,
Гоҳ хотирам бурчида ўтмишдан ҳеч вақо йўқ.
Нелардир ёдга тушар, аммо ҳаргиз барини
Ёдингда сақлаб бўлмас,
             ёдда сақлаб бўлмайди.

Болаликнинг олисда қолган оғриқ кунларин
Яшаб, кезиб у аччиқ  азобин қайта туйиб,
Тикон ботган бармоғинг оғриқларин ҳис  этиб,
У оғриқққа қайтадан
йиғлаб бўлмас,  бўлмайди.

Қишлоғимиз яйлови, ўтлоғи, шўр канали,
Тол дарахтлар сояси ичра оққан ариқлар
Қўшни болалар бирга  боғдан ўрик ўғирлаб,
Бу кўприкнинг устида
саргузаштлар тоярди.

Қайда энди болалик, кошки эди дўстлардан
Кимдир ёнингга келиб, қўшни боғга кирсайдик,
Бир зум ёшликка қайтиб, олма ўрик терсайдик,
Қанча истамай, бўлмас,
        ёшлик қайтиб келмайди...

Хамравадан берида, Базидан кечиб ҳамон
Болалик ўй-хаёлин орқасидан эргашиб 
Кетганди дўстим Маҳмуд ортидан жонлар ҳалак...
Йўлнинг икки томони
          босиб ётар ўт, алаф,
                   босиб ётар ўт алаф...

✍ Фойиқ БАЛАБЕЙЛИ (Озарбайжон)
Дилором АБДУРАҲМОН таржимаси.

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.


BOLALIK XOTIRALARI

Oʻoʻoʻoʻ, endi koʻp narsani yodga olar payt keldi,
Goh xotiram burchida oʻtmishdan hech vaqo yoʻq.
Nelardir yodga tushar, ammo hargiz barini
Yodingda saqlab boʻlmas,
             yodda saqlab boʻlmaydi.

Bolalikning olisda qolgan ogʻriq kunlarin
Yashab, kezib u achchiq  azobin qayta tuyib,
Tikon botgan barmogʻing ogʻriqlarin his  etib,
U ogʻriqqqa qaytadan
yigʻlab boʻlmas,  boʻlmaydi.

Qishlogʻimiz yaylovi, oʻtlogʻi, shoʻr kanali,
Tol daraxtlar soyasi ichra oqqan ariqlar
Qoʻshni bolalar birga  bogʻdan oʻrik oʻgʻirlab,
Bu koʻprikning ustida
sarguzashtlar toyardi.

Qayda endi bolalik, koshki edi doʻstlardan
Kimdir yoningga kelib, qoʻshni bogʻga kirsaydik,
Bir zum yoshlikka qaytib, olma oʻrik tersaydik,
Qancha istamay, boʻlmas,
        yoshlik qaytib kelmaydi...

Xamravadan berida, Bazidan kechib hamon
Bolalik oʻy-xayolin orqasidan ergashib 
Ketgandi doʻstim Mahmud ortidan jonlar halak...
Yoʻlning ikki tomoni
          bosib yotar oʻt, alaf,
                   bosib yotar oʻt alaf...

✍ Foyiq BALABEYLI (Ozarbayjon)
Dilorom ABDURAHMON tarjimasi.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

СОҒИНЧ...

Ота, жон қизингиз соғинди сизни,
Бу бир ўт, изтироб қўзғаган гулхан.
"Жоним" деган жавоб келмайди энди,
Мен қўнғироқ қилган ҳеч бир рақамдан.

Ота, ҳаёт боши тала -тўп, ғавғо,
На бир ҳузури бор, на -да ҳаловат.
Менинг қадамларим юрагимдадир,
Сизни ҳар куни бир қилар зиёрат.

Бугун новдаларда куртаклар бўртиб,
Кўкламга талпиниб қилар табассум,
Менинг кулгуларим кўзларингизда
Қабрингиз тошида ётадилар жим.

Ҳаққим йўқ ҳеч кимдан тутмайман гина,
Мен ўзим ўзимни ғамга кўмганман.
Қайғуларим билан, армоним билан
Ҳамсоя бўлишга охир кўнганман.

Ота "жоним" денг,
"жоним қизим" денг,
Руҳимни кимсасиз қўймас сасингиз.
Икки дунёимда жаранглаб турсин
Юрагимга қилган қўнғироғингиз.

✍ Шоира ШАМС,
Хоразм вилояти.

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.


SOGʻINCH...

Ota, jon qizingiz sogʻindi sizni,
Bu bir oʻt, iztirob qoʻzgʻagan gulxan.
“Jonim” degan javob kelmaydi endi,
Men qoʻngʻiroq qilgan hech bir raqamdan.

Ota, hayot boshi tala -toʻp, gʻavgʻo,
Na bir huzuri bor, na -da halovat.
Mening qadamlarim yuragimdadir,
Sizni har kuni bir qilar ziyorat.

Bugun novdalarda kurtaklar boʻrtib,
Koʻklamga talpinib qilar tabassum,
Mening kulgularim koʻzlaringizda
Qabringiz toshida yotadilar jim.

Haqqim yoʻq hech kimdan tutmayman gina,
Men oʻzim oʻzimni gʻamga koʻmganman.
Qaygʻularim bilan, armonim bilan
Hamsoya boʻlishga oxir koʻnganman.

Ota “jonim” deng,
“jonim qizim” deng,
Ruhimni kimsasiz qoʻymas sasingiz.
Ikki dunyoimda jaranglab tursin
Yuragimga qilgan qoʻngʻirogʻingiz.

✍ Shoira SHAMS,
Xorazm viloyati.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

ДУНЁ БОЗОР

Дунё бозор.
Сизга не керак.
Сотилади бунда адолат.
Пул бўлса бас, навбат ҳам кутмай,
Топиш мумкин инсоф, диёнат.

Разолатми, ҳасадми, иғво,
Қанча бўлса, бепул шунчаси.
Фақат қийнаб қўяр гоҳида
Одамларнинг терс тушунчаси.

Дунё тилсим ўйингоҳ мисол,
Ғолиблик ҳам ҳаттоки сеҳр.
Мағлубият сўзсиз томоша,
Қайларгадир кўмилган меҳр.

Дунё бозор, сизга не керак.

✍ Бегали МЎМИНОВ,
Андижон вилояти.

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.

DUNYO BOZOR

Dunyo bozor.
Sizga ne kerak.
Sotiladi bunda adolat.
Pul bo’lsa bas, navbat ham kutmay,
Topish mumkin insof, diyonat.

Razolatmi, hasadmi, ig’vo,
Qancha bo’lsa, bepul shunchasi.
Faqat qiynab qo’yar gohida
Odamlarning ters tushunchasi.

Dunyo tilsim o’yingoh misol,
G’oliblik ham hattoki sehr.
Mag’lubiyat so’zsiz tomosha,
Qaylargadir ko’milgan mehr.

Dunyo bozor, sizga ne kerak.

✍ Begali MO‘MINOV,
Andijon viloyati.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

МАНЗИЛ

Болалик хайр деди, мен унда қололмадим,
Совғалари кўп эди, ҳаммасин ололмадим.
Қалбимдаги оташни ўчмайдиган чўғ дебман,
Шу армоннинг дастидан ўзимга келолмадим.

Кўп уриндим қолай деб, йўлга солди тақдирлар,
Юрагимнинг ярмини юлиб олди тақдирлар,
Тушларимга киради тоғлар, семиз қирларим,
Қишлоғимда мунғайиб қолган ўчоқ, тандирлар.

Ўлжадек яшаяпмиз дунёдай мерган билан,
Отам кетган ёғоч отда, ҳозир у Эгам билан.
Онажоним қабрини қопламишдир хазонлар,
Меҳрига тўярманми “Онажон” деган билан.

Мен не дейман, қўлимдаги сознинг навоси шуми,
Қалбимга нуқси урган шаҳар ҳавоси шуми?
Шеърим – кўз ёш, йиғларман, сиёҳдоним қалбимдир,
Қаламнинг учи – малҳам, дардга давоси шуми?

Ташлаб кетгани ростми тоза, қайноқ дамларим,
Шеър билан тўлса эди кўксимдаги камларим.
Нимага муҳтождирман – сирларим билар Худо,
Ёруғ кўнгиллар томон бошларми қадамларим.

Нега умр дегани машаққатли йўл бунча,
Ташналигим ошмасми вақт косаси тўлгунча.
Борар манзилим ўзинг бўлгин энди, эй кўнгил,
Сенда қолгим келяпти, сенда қолай ўлгунча.

✍ Шоди ОТАМУРОД,
Жиззах вилояти.

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.


MANZIL

Bolalik xayr dedi, men unda qololmadim,
Sovgʻalari koʻp edi, hammasin ololmadim.
Qalbimdagi otashni oʻchmaydigan choʻgʻ debman,
Shu armonning dastidan oʻzimga kelolmadim.

Koʻp urindim qolay deb, yoʻlga soldi taqdirlar,
Yuragimning yarmini yulib oldi taqdirlar,
Tushlarimga kiradi togʻlar, semiz qirlarim,
Qishlogʻimda mungʻayib qolgan oʻchoq, tandirlar.

Oʻljadek yashayapmiz dunyoday mergan bilan,
Otam ketgan yogʻoch otda, hozir u Egam bilan.
Onajonim qabrini qoplamishdir xazonlar,
Mehriga toʻyarmanmi “Onajon” degan bilan.

Men ne deyman, qoʻlimdagi sozning navosi shumi,
Qalbimga nuqsi urgan shahar havosi shumi?
Sheʼrim – koʻz yosh, yigʻlarman, siyohdonim qalbimdir,
Qalamning uchi – malham, dardga davosi shumi?

Tashlab ketgani rostmi toza, qaynoq damlarim,
Sheʼr bilan toʻlsa edi koʻksimdagi kamlarim.
Nimaga muhtojdirman – sirlarim bilar Xudo,
Yorugʻ koʻngillar tomon boshlarmi qadamlarim.

Nega umr degani mashaqqatli yoʻl buncha,
Tashnaligim oshmasmi vaqt kosasi toʻlguncha.
Borar manzilim oʻzing boʻlgin endi, ey koʻngil,
Senda qolgim kelyapti, senda qolay oʻlguncha.

✍ Shodi OTAMUROD,
Jizzax viloyati.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

ҲАҚҚИМ

Кўнглим билан иши йўқ қанча Худо бехабар,
Кўмагим керак бўлса, қайда бўлмай топдилар.
Юмушлари битгач сўнг, тик боқиб, ё алҳазар,
Ҳаққимга қўл узатсам, қўлларимни чопдилар.

Ҳар дам кўкдан кузатар менинг Одил гувоҳим,
Фақат Унга аёндир дилдаги нолам-оҳим,
Нокасларнинг наздида шудир менинг гуноҳим –
Ҳаққимга қўл узатсам, қўлларимни чопдилар.

Шум нафсининг гирдоби тортиб кетган ўзларин,
Мол-дунёнинг панжаси тўсиб турар кўзларин,
Аввал қасамлар ичиб, сўнгра бузиб сўзларин,
Ҳаққимга қўл узатсам, қўлларимни чопдилар.

Оқил ота-оналар бергайдир мудом дакки,
У дунёда жаннатдан тўсгай бировнинг ҳаққи.
Раҳмим келар уларга, эй воҳ, қилдилар чакки,
Ҳаққимга қўл узатсам, қўлларимни чопдилар.

✍ Ботиржон ЭРГАШEВ,
Фарғона вилояти.

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.



HAQQIM

Koʻnglim bilan ishi yoʻq qancha Xudo bexabar,
Koʻmagim kerak boʻlsa, qayda boʻlmay topdilar.
Yumushlari bitgach soʻng, tik boqib, yo alhazar,
Haqqimga qoʻl uzatsam, qoʻllarimni chopdilar.

Har dam koʻkdan kuzatar mening Odil guvohim,
Faqat Unga ayondir dildagi nolam-ohim,
Nokaslarning nazdida shudir mening gunohim –
Haqqimga qoʻl uzatsam, qoʻllarimni chopdilar.

Shum nafsining girdobi tortib ketgan oʻzlarin,
Mol-dunyoning panjasi toʻsib turar koʻzlarin,
Avval qasamlar ichib, soʻngra buzib soʻzlarin,
Haqqimga qoʻl uzatsam, qoʻllarimni chopdilar.

Oqil ota-onalar bergaydir mudom dakki,
U dunyoda jannatdan toʻsgay birovning haqqi.
Rahmim kelar ularga, ey voh, qildilar chakki,
Haqqimga qoʻl uzatsam, qoʻllarimni chopdilar.

✍ Botirjon ERGASHEV,
Farg‘ona viloyati.

Turon adiblariga qoʻshiling👇
@Turonadiblari 👈 kanalimiz,
@Turon_adiblari👈 guruhimiz.

https://www.tg-me.com/Turonadiblari

ANNE..

🎤 Dr.Funda SAĞLAM
✍️ ÖZLEM ÇETİN

Turan Edibleri'ye katılın:
@Turonadiblari 👈 kanalımız,
@Turon_adiblari👈 grubumuz.

https://www.tg-me.com/Turonadiblari

ЯЛДО ТУНИДА

(21 декабрдан 22 декабрга ўтар кечаси Шаби Ялдо ёки Ялдо кечаси дейилади. Бу туннинг энг узун пайти ҳисобланади.Шаби Ялдо ҳақида ўтмиш шоирларининг шеърларида маълумотлар мавжуд. Шу кечаси одатда дўстлар йиғилиб, тарвузхўрлик қилишади. Кузда қўюлган қонлар суюлади ва буйракдаги тошу қумлар эриб тушади. Қиблагоҳим Махдум Восилий (Мулла Ҳасанжон ибн Мулла Муҳаммад Иброҳим, 1898-1979) Бухорода Мирараб мадрасасида ўқиб юрганларида (1920 йиллар) талабалар билан тарвузхўрлик қилар эканлар. Биз ҳам шу кунга атаб ҳар йили уйимизда тарвуз сақлаб қўямиз.)
🌺
Барча шоду хандон Ялдо тунида,
Дўстлар азиз меҳмон Ялдо тунида.

Кўнгилнинг тубида дўстликнинг ҳисси,
Муҳаббат намоён Ялдо тунида.

Тарвузнинг бағрида ёқути аҳмар,¹
Қуёшдек чароғон Ялдо тунида.

Тарвуз билан кириб келади дўстлар,
Тарвуз мисоли кон Ялдо тунида.

Ширин сўзлар учар ҳар битта лабдан,
Ҳар бири сухандон Ялдо тунида.

Хонтахта устида анвойи неъмат,
Тўкиндир дастурхон Ялдо тунида.

Қўй ёғу қўй гўштда етилган палов,
Ўртада нигорон Ялдо тунида.

Девзира етилиб, оёғин чўзган,
Гўшт билан ёнма-ён Ялдо тунида.

Томоғи соғларга деймиз, тарвуз е,
Соғлиққа имтиҳон Ялдо тунида.

Қонимиз суюлар тарвуз сувидан,
Томирда қон равон Ялдо тунида.

Буйракни тарк этар қум ила тошлар,
Дейдилар "ал-амон"² Ялдо тунида.

Тошларни янчади тарвуз шарбати,
Гўёки тегирмон Ялдо тунида.

Тарвузга қўрқмайин пичоқ солар дўст,
Мисоли қаҳрамон Ялдо тунида.

Бунда шеър ўқилар, тилаклар ила,
Тиловати Қуръон Ялдо тунида.

Марҳаматга қилинг марҳамат дўстлар,
Сиз меҳмон, биз мезбон Ялдо тунида.

Эй Махдум, барчага бахт ато қилсин,
Раҳийму ҳам Раҳмон Ялдо тунида.

-------------
¹Ёқути аҳмар - қизил ёқут, бу ерда тарвузнинг қизил эти назарда тутиляпти.
² Ал-амон - омонлик беринг, қутқаринг, деб дод солиш.

✍ Маҳмуд ҲАСАНИЙ.

Турон адибларига қўшилинг 👇
@Turonadiblari 👈 каналимиз,
@Turon_adiblari 👈 гуруҳимиз.


YALDO TUNIDA

(21 dekabrdan 22 dekabrga oʻtar kechasi Shabi Yaldo yoki Yaldo kechasi deyiladi. Bu tunning eng uzun payti hisoblanadi.Shabi Yaldo haqida oʻtmish shoirlarining sheʼrlarida maʼlumotlar mavjud. Shu kechasi odatda doʻstlar yigʻilib, tarvuzxoʻrlik qilishadi. Kuzda qoʻyulgan qonlar suyuladi va buyrakdagi toshu qumlar erib tushadi. Qiblagohim Maxdum Vosiliy (Mulla Hasanjon ibn Mulla Muhammad Ibrohim, 1898-1979) Buxoroda Mirarab madrasasida oʻqib yurganlarida (1920 yillar) talabalar bilan tarvuzxoʻrlik qilar ekanlar. Biz ham shu kunga atab har yili uyimizda tarvuz saqlab qoʻyamiz.)
🌺
Barcha shodu xandon Yaldo tunida,
Doʻstlar aziz mehmon Yaldo tunida.

Koʻngilning tubida doʻstlikning hissi,
Muhabbat namoyon Yaldo tunida.

Tarvuzning bagʻrida yoquti ahmar,¹
Quyoshdek charogʻon Yaldo tunida.

Tarvuz bilan kirib keladi doʻstlar,
Tarvuz misoli kon Yaldo tunida.

Shirin soʻzlar uchar har bitta labdan,
Har biri suxandon Yaldo tunida.

Xontaxta ustida anvoyi neʼmat,
Toʻkindir dasturxon Yaldo tunida.

Qoʻy yogʻu qoʻy goʻshtda yetilgan palov,
Oʻrtada nigoron Yaldo tunida.

Devzira yetilib, oyogʻin choʻzgan,
Goʻsht bilan yonma-yon Yaldo tunida.

Tomogʻi sogʻlarga deymiz, tarvuz ye,
Sogʻliqqa imtihon Yaldo tunida.

Qonimiz suyular tarvuz suvidan,
Tomirda qon ravon Yaldo tunida.

Buyrakni tark etar qum ila toshlar,
Deydilar “al-amon”² Yaldo tunida.

Toshlarni yanchadi tarvuz sharbati,
Goʻyoki tegirmon Yaldo tunida.

Tarvuzga qoʻrqmayin pichoq solar doʻst,
Misoli qahramon Yaldo tunida.

Bunda sheʼr oʻqilar, tilaklar ila,
Tilovati Qurʼon Yaldo tunida.

Marhamatga qiling marhamat doʻstlar,
Siz mehmon, biz mezbon Yaldo tunida.

Ey Maxdum, barchaga baxt ato qilsin,
Rahiymu ham Rahmon Yaldo tunida.

-------------
¹Yoquti ahmar - qizil yoqut, bu yerda tarvuzning qizil eti nazarda tutilyapti.
² Al-amon - omonlik bering, qutqaring, deb dod solish.

✍ Mahmud HASANIY.

Turon adiblariga qoʻshiling 👇
@Turonadiblari 👈 kanalimiz,
@Turon_adiblari 👈 guruhimiz

https://www.tg-me.com/Turonadiblari

ЯЛДО ТУНИ

Рўзгорим қилди бир Лайло ғами ялдо туни,
Кўз ёшимдир ҳажрида Жайҳун ями ялдо туни.

Ёраланган ҳажр тиғидан кўнгилнинг захмига,
Етса эрди, кош, васли марҳами ялдо туни.

Гар қорайса бу ёруғ дунё кўзимга рашкдан –
Тонг эмас, чун ғайр унингдир ҳамдами ялдо туни.

Бир қиё боқиб яширди наргисин зулф остига,
Ким кўрибдир буйла бир жайрон рами ялдо туни!

Юзда кўз ёшим қотиб қолди совуқ меҳрин сезиб,
Музлагай япроқда бўстон шабнами ялдо туни.

Сарвинозим ҳуснида кўр нур ила зулмат аён,
Юзидир ой, сунбули печу хами – ялдо туни.

Ишқ бемори нечук бу кечани тонг оттирар,
Бўлмаса бир ғамгусору маҳрами ялдо туни.

Тушмади қиш кечаси асло тикан узра қиров,
Кипригимда музлаган кўзим нами ялдо туни.

У қуёшдан айру гар сўрсанг Лабиб аҳволидан,
Ҳар кунидир қаҳратон қиш, ҳар дами – ялдо туни.

✍ С. М. Олим Лабиб,
Анқара/Туркия

Турон адибларига қўшилинг 👇
@Turonadiblari 👈 каналимиз,
@Turon_adiblari 👈 гуруҳимиз.


YALDO TUNI

Ro‘zgorim qildi bir Laylo g‘ami yaldo tuni,
Ko‘z ёшимдир hajrida Jayhun yami yaldo tuni.

Yoralangan hajr tig‘idan ko‘ngilning zaxmiga,
Yetsa erdi, kosh, vasli marhami yaldo tuni.

Gar qoraysa bu yorug‘ dunyo ko‘zimga rashkdan –
Tong emas, chun g‘ayr uningdir hamdami yaldo tuni.

Bir qiyo boqib yashirdi nargisin zulf ostiga,
Kim ko‘ribdir buyla bir jayron rami yaldo tuni!

Yuzda ko‘z yoshim qotib qoldi sovuq mehrin sezib,
Muzlagay yaproqda bo‘ston shabnami yaldo tuni.

Sarvinozim husnida ko‘r nur ila zulmat ayon,
Yuzidir oy, sunbuli pechu xami – yaldo tuni.

Ishq bemori nechuk bu kechani tong ottirar,
Bo‘lmasa bir g‘amgusoru mahrami yaldo tuni.

Tushmadi qish kechasi aslo tikan uzra qirov,
Kiprigimda muzlagan ko‘zim nami yaldo tuni.

U quyoshdan ayru gar so‘rsang Labib ahvolidan,
Har kunidir qahraton qish, har dami – yaldo tuni.

✍ S. M. Olim Labib,
Anqara/Turkiya.

Turon adiblariga qoʻshiling 👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

МУҲАББАТГИНАМ

Дилим илоҳий санам,
Жонимга ёғий санам
Чиройли чиройданам,
Муҳаббатгинам.

Бори бирла баҳорман,
Шул банди дилга зорман,
Не кўк, аршда хам борман,
Муҳаббатгинам.

Ёрми ё ағёрми ул,
Кўнгилга озорми ул,
Кўкдан тушган дорми ул -
Муҳаббатгинам.

Жоним бирла ёнганим,
Қоним ичиб қонганим,
Юракдан шамс йўнганим
Муҳаббатгинам.

Қалдирғоч қанотлигим,
Талхи бирла тотлигим,
Гоҳ нола, гоҳ додлигим,
Муҳаббатгинам.

Далли-девоналиғ ул,
Масту-мастоналиғ ул,
Ҳушдин бегоналиғ ул,
Муҳаббатгинам.

Тиғдир, қучиб бўлмагай,
Ўтдир, ичиб бўлмагай,
Ва лек кечиб бўлмагай,
Муҳаббатгинам.

Ой бирла ошнолиғ ул,
Бетин, берўшнолиғ ул,
Ғамларга подшолиғ ул -
Муҳаббатгинам.

Руҳда кавсарланганим,
Юзда сафсарланганим,
Жондин афзалланганим
Муҳаббатгинам.

Дилим илохий санам,
Жонимга ёғий санам
Чиройли чиройданам,
Муҳаббатгинам...

✍️ Шаҳло  АҲРОРОВА,
Жиззах вилояти

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.



MUHABBATGINAM

Dilim ilohiy sanam,
Jonimga yogʻiy sanam
Chiroyli chiroydanam,
Muhabbatginam.

Bori birla bahorman,
Shul bandi dilga zorman,
Ne koʻk, arshda xam borman,
Muhabbatginam.

Yormi yo agʻyormi ul,
Koʻngilga ozormi ul,
Koʻkdan tushgan dormi ul -
Muhabbatginam.

Jonim birla yonganim,
Qonim ichib qonganim,
Yurakdan shams yoʻnganim
Muhabbatginam.

Qaldirgʻoch qanotligim,
Talxi birla totligim,
Goh nola, goh dodligim,
Muhabbatginam.

Dalli-devonaligʻ ul,
Mastu-mastonaligʻ ul,
Hushdin begonaligʻ ul,
Muhabbatginam.

Tigʻdir, quchib boʻlmagay,
Oʻtdir, ichib boʻlmagay,
Va lek kechib boʻlmagay,
Muhabbatginam.

Oy birla oshnoligʻ ul,
Betin, beroʻshnoligʻ ul,
Gʻamlarga podsholigʻ ul -
Muhabbatginam.

Ruhda kavsarlanganim,
Yuzda safsarlanganim,
Jondin afzallanganim
Muhabbatginam.

Dilim iloxiy sanam,
Jonimga yogʻiy sanam
Chiroyli chiroydanam,
Muhabbatginam...

✍️ Shahlo  AHROROVA,
Jizzax viloyati.

Turon adiblariga qoʻshiling👇
@Turonadiblari 👈 kanalimiz,
@Turon_adiblari👈 guruhimiz.

https://www.tg-me.com/Turonadiblari

ОНАМГА ЎХШАШНИ ИСТАЙМАН...
(Бир неча йиллар аввал ёзганим бу шеърни маъсум,
ҳалол ва заҳматкаш онамга бағишлайман)

Қалбимда гўзал бир орзу яшайди,
Онамга ўхшашни истайман мен.
Унинг борлигидир бу ҳаёт йўлим,
Онамга ўхшашни истайман мен.

Оқшомлар кеч ётар, тонгда тез турар,
Минг бир заҳмат ила яратар, қурар.
Субҳидам шафақнинг нурларин тарар,
Онамга ўхшашни истайман мен.

Онамни умримнинг тожи деб билдим,
Хайрихоҳ номингдан ғурур туйганман.,
Қаршимга ягона мақсад қўйганман,
Онамга ўхшашни истайман мен.

Она бир дунёдир, биз унга ойна,
Шириндир ҳар замон муқаддас саси,
Энг азиз борлиқдир, гўзал нафаси.
Онамга ўхшашни истайман мен.

✍️ Ҳураман МУРАДОВА,
Озарбайжон.

Турон адибларига қўшилинг👇
@Turonadiblari 👈 каналимиз,
@Turon_adiblari 👈 гуруҳимиз.


ONAMGA O‘XSHASHNI ISTAYMAN...
(Bir necha yillar avval yozganim bu she’rni ma’sum,
halol va zahmatkash onamga bag‘ishlayman)

Qalbimda go‘zal bir orzu yashaydi,
Onamga o‘xshashni istayman men.
Uning borligidir bu hayot yo‘lim,
Onamga o‘xshashni istayman men.

Oqshomlar kech yotar, tongda tez turar,
Ming bir zahmat ila yaratar, qurar.
Subhidam shafaqning nurlarin tarar,
Onamga o‘xshashni istayman men.

Onamni umrimning toji deb bildim,
Xayrixoh nomingdan g‘urur tuyganman.,
Qarshimga yagona maqsad qo‘yganman,
Onamga o‘xshashni istayman men.

Ona bir dunyodir, biz unga oyna,
Shirindir har zamon muqaddas sasi,
Eng aziz borliqdir, go‘zal nafasi.
Onamga o‘xshashni istayman men.

✍️ Huraman MURADOVA,
Ozarbayjon.

Turon adiblariga qoʻshiling👇
@Turonadiblari 👈 kanalimiz,
@Turon_adiblari👈 guruhimiz.

https://www.tg-me.com/Turonadiblari

ONAJON TILIM

🎤 Doktor Funda Sağlam, Turkiya
✍ Muqimjon Nurboyev, O‘zbekiston

Turon adiblariga qo‘shiling:
@Turonadiblari 👈 kanalimiz,
@Turon_adiblari👈 guruhimiz.