СЕНИНГ АЛЬБОМИНГГА

l

Ҳеч қалбни сенчалик истамаганман,
Ҳеч кимга сенчалик очмаганман дил.
Ишқ дардин мардларга чиқарган экан,
Соғинчдан юрагим кул бўлди буткул.

Ол, кузнинг серҳашам неъматларини,
Қишнинг пок қорлари, нози ҳам сенга.
Офтобни интизор-интизор кутган
Қор гулидек қўнсам иссиқ эгнингга.

Самарқандними ё Урганч берайин,
Юлдуз тўла сават, ол ганж берайин.
Сенга ошиқ шоҳу пиёдалари
Дунёи ажибдек шатранж берайин.

Фақат айт, кўксингни эзган сир нима,
Дилинг тилмоқдасан ким учун шеърда.
Ҳеч кимса севолмас сени менчалик,
Айт, бундай ишқ йўқдир энди ҳеч ерда.

Сўзласанг, сўзингдай асал топилмас,
Кўнглингдай сирга кон масал топилмас.
Ишқингда беморлар сафини кўргин,
Соғинчдан мен каби касал топилмас.

ll

Ошиқлик-
ёнингдан кетолмай қолиш,
Ҳар тонгда исмингни айтиб уйғониш,
Ишқ-бу фироқ билан баҳру байт экан,
Висол-тушларингни сувга айт экан.
Сен нурсан, осмондан бахт бўлиб тушган,
Мен тонгман, шуълани ҳовучлаб ичган.
Мен сени соғиниб келдим дунёга,
Юр кетдик тоғларга –Сурхондарёга!

lll

Етти қават бу осмон,
Беш юз йиллик йўл экан.
Уни яқин қилгувчи
Севилган кўнгил экан.
Сен қуёшсан, келасан,
Ҳар тонг шуъла, ўт бўлиб.
Яшаяпман шунчаки
Ёнингда унут бўлиб.
Беш юз йиллик йўлга ҳам
Дуом бормай қолмайди.
Фақатгина бир дилга
Севгим етиб бормайди.

lV

Севгувчи йўқ мени бунда-
Дунёсига алданганман.
Инсонликнинг ажиб кибру
ҳавосига алданганман.
Умрим атрин сочдим елга,
Гуллар уни ҳидлармикан?
Асли меҳри йўқ зотларнинг
Даъвосига алданганман...

V

Севаман. Шу сўзда жам бўлди дунё,
Шу сўз етишмаса кам бўлди дунё.
Ширин табассуминг офтобдай иссиқ,
Бу офтоб олдида шам бўлди дунё!

✍ Гуландом ТОҒАЕВА,
Сурхондарё вилояти.

Турон адибларига қўшилинг👇
@Turonadiblari 👈 каналимиз,
@Turon_adiblari 👈 гуруҳимиз.


SENING ALBOMINGGA

l

Hech qalbni senchalik istamaganman,
Hech kimga senchalik ochmaganman dil.
Ishq dardin mardlarga chiqargan ekan,
Sogʻinchdan yuragim kul boʻldi butkul.

Ol, kuzning serhasham neʼmatlarini,
Qishning pok qorlari, nozi ham senga.
Oftobni intizor-intizor kutgan
Qor gulidek qoʻnsam issiq egningga.

Samarqandnimi yo Urganch berayin,
Yulduz toʻla savat, ol ganj berayin.
Senga oshiq shohu piyodalari
Dunyoi ajibdek shatranj berayin.

Faqat ayt, koʻksingni ezgan sir nima,
Diling tilmoqdasan kim uchun sheʼrda.
Hech kimsa sevolmas seni menchalik,
Ayt, bunday ishq yoʻqdir endi hech yerda.

Soʻzlasang, soʻzingday asal topilmas,
Koʻnglingday sirga kon masal topilmas.
Ishqingda bemorlar safini koʻrgin,
Sogʻinchdan men kabi kasal topilmas.

ll

Oshiqlik-
yoningdan ketolmay qolish,
Har tongda ismingni aytib uygʻonish,
Ishq-bu firoq bilan bahru bayt ekan,
Visol-tushlaringni suvga ayt ekan.
Sen nursan, osmondan baxt boʻlib tushgan,
Men tongman, shuʼlani hovuchlab ichgan.
Men seni sogʻinib keldim dunyoga,
Yur ketdik togʻlarga –Surxondaryoga!

lll

Yetti qavat bu osmon,
Besh yuz yillik yoʻl ekan.
Uni yaqin qilguvchi
Sevilgan koʻngil ekan.
Sen quyoshsan, kelasan,
Har tong shuʼla, oʻt boʻlib.
Yashayapman shunchaki
Yoningda unut boʻlib.
Besh yuz yillik yoʻlga ham
Duom bormay qolmaydi.
Faqatgina bir dilga
Sevgim yetib bormaydi.

lV

Sevguvchi yoʻq meni bunda-
Dunyosiga aldanganman.
Insonlikning ajib kibru
havosiga aldanganman.
Umrim atrin sochdim yelga,
Gullar uni hidlarmikan?
Asli mehri yoʻq zotlarning
Daʼvosiga aldanganman...

V

Sevaman. Shu soʻzda jam boʻldi dunyo,
Shu soʻz yetishmasa kam boʻldi dunyo.
Shirin tabassuming oftobday issiq,
Bu oftob oldida sham boʻldi dunyo!

✍ Gulandom TOGʻAYEVA,
Surxondaryo viloyati.

Turon adiblariga qoʻshiling👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

ANAMDIR MƏNİM

Turan ədıblarına qoşulun:
@Turon_adiblari 👈 qrupumuz,
@Turonadiblari 👈 kanalımız.

Turan ədıbları kanalı
https://www.tg-me.com/Turonadiblari

ЭЙ БЕИШҚ

Имкони бўлсайди, қайтарар эдим
Барча қийноқларинг ўзингга сийлов.
Эгасиз туйғулар ёнсайди "лов"-"лов",
Муҳаббат-бағримни куйдирар олов..

Воз кечмоқ йўлини ўргатсанг кошки,
Кечиб бўлса агар кечардим бугун..
Ишқнинг азобидан бағрим бўлди хун
Шарафсиз ишқим ҳам топсайди якун.

Кўнглимнинг кўнглини тополмай толдим,
Борлигинг бир азоб, йўғинг минг азоб,
Ажрга, ҳажрга дил беролмас тоб,
Қароринг айтсайдинг, ёпилса ҳисоб.

Сендек беқарорни дунё кўрганмас,
Чорраҳада қолган гулдек сўлдирдинг.
Дил жомин ёлғонлар билан тўлдирдинг,
Эй беишқ, ўлдирдинг, ишқсиз ўлдирдинг.

✍ Гулчеҳра ШАҲОБИДДИН қизи,
Жиззах вилояти.

Турон адиблари телеграм канали ва гуруҳи👇
@Turonadiblari 👈 каналимиз,
@Turon_adiblari👈 гуруҳимиз.



​​EY BЕISHQ

Imkoni boʻlsaydi, qaytarar edim
Barcha qiynoqlaring oʻzingga siylov.
Egasiz tuygʻular yonsaydi “lov”-“lov”,
Muhabbat-bagʻrimni kuydirar olov..

Voz kechmoq yoʻlini oʻrgatsang koshki,
Kechib boʻlsa agar kechardim bugun..
Ishqning azobidan bagʻrim boʻldi xun
Sharafsiz ishqim ham topsaydi yakun.

Koʻnglimning koʻnglini topolmay toldim,
Borliging bir azob, yoʻgʻing ming azob,
Ajrga, hajrga dil berolmas tob,
Qaroring aytsayding, yopilsa hisob.

Sendek beqarorni dunyo koʻrganmas,
Chorrahada qolgan guldek soʻldirding.
Dil jomin yolgʻonlar bilan toʻldirding,
Ey beishq, oʻldirding, ishqsiz oʻldirding.

✍ Gulchehra SHAHOBIDDIN qizi,
Jizzax viloyati.


Turon adiblari telegram kanali va guruhi👇
@Turonadiblari 👈 kanalimiz,
@Turon_adiblari👈 guruhimiz.

https://www.tg-me.com/Turonadiblari

ÜZÜLME DEDİ...

🎤✍ Dr. Özlem ÇETİN,
Türkiye

Turan Edibleri'ye katılın:
@Turonadiblari 👈 kanalımız,
@Turon_adiblari👈 grubumuz.

Turan Edibleri kanalı
@Turonadiblari

ОНАМГА ЎХШАШНИ ИСТАЙМАН...

✍ Ҳурамон Мурадова
🎤 Раъно Тожибоевна

Турон адиблари:
@Turonadiblari 👈 каналимиз,
@Turon_adiblari 👈 гуруҳимиз.

YADINDAMI?

🎤  Nailə İslamzadə
✍️ Baba Vəziroğlu

Turan ədıblarına qoşulun:
@Turon_adiblari 👈 qrupumuz,
@Turonadiblari 👈 kanalımız.

Turan ədıbları kanalı
https://www.tg-me.com/Turonadiblari

* * * * *

Осмондан тўкилар инжулар,
Лаҳзалар бир лаҳза тўхтамас.
Қайғулар кўксимдан ундилар –
Сабаблар сабабга ўхшамас.

Тонгларнинг ёзуви кўм-кўкдир,
Тоғлар тонгга тутди сиёҳдон.
Севинчимнинг адоғи йўқдир,
Етаклаб бораяпман сиз томон.

Бораяпман, қорачиқда чўғ,
Умидларим – камалак тусда.
Чорлар, чорлар ул қадим андуҳ,
Ёлғонлар беркинар афсусга.

Инон, соғинч – оятдир, қадим.
У ростгўйдир – мангу муҳаббат.
Ниятни юракка қададим –
Елкамдан тўкилди қабоҳат.

Олам гўзал. Асло тенгги йўқ,
Ҳар йил гуллар отамнинг юрти.
Дарахтида сайрагай чумчуқ –
Ҳақгўй сойда юзимни кўрдим.

Мен англадим ўзимни ўзим –
Кўксимга қадалар хотирлар.
Тошларни бир кун уйғотар тўзим,
Қуш каби, қуш каби потирлаб.

Йилларни йил каби ўткарсам –
Қўшиқ ўргатарман булбулга.
Шамол эсса, қайта кўкарсам –
Айланарман ёввойи гулга.

✍ Баҳриддин САДРИДДИНОВ,
Навоий вилояти.

Турон адибларига қўшилинг👇
@Turonadiblari 👈 каналимиз,
@Turon_adiblari 👈 гуруҳимиз.


* * * *

Osmondan toʻkilar injular,
Lahzalar bir lahza toʻxtamas.
Qaygʻular koʻksimdan undilar –
Sabablar sababga oʻxshamas.

Tonglarning yozuvi koʻm-koʻkdir,
Togʻlar tongga tutdi siyohdon.
Sevinchimning adogʻi yoʻqdir,
Yetaklab borayapman siz tomon.

Borayapman, qorachiqda choʻgʻ,
Umidlarim – kamalak tusda.
Chorlar, chorlar ul qadim anduh,
Yolgʻonlar berkinar afsusga.

Inon, sogʻinch – oyatdir, qadim.
U rostgoʻydir – mangu muhabbat.
Niyatni yurakka qadadim –
Yelkamdan toʻkildi qabohat.

Olam goʻzal. Aslo tenggi yoʻq,
Har yil gullar otamning yurti.
Daraxtida sayragay chumchuq –
Haqgoʻy soyda yuzimni koʻrdim.

Men angladim oʻzimni oʻzim –
Koʻksimga qadalar xotirlar.
Toshlarni bir kun uygʻotar toʻzim,
Qush kabi, qush kabi potirlab.

Yillarni yil kabi oʻtkarsam –
Qoʻshiq oʻrgatarman bulbulga.
Shamol essa, qayta koʻkarsam –
Aylanarman yovvoyi gulga.

✍ Bahriddin SADRIDDINOV,
Navoiy viloyati.

Turon adiblariga qoʻshiling👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

Алишер НАВОИЙ бобомиз таваллудига

НАВОИЙ
Не балодурким, фалак ҳар кимга чекса тиғи кин,
Ёнгилиб аввал менинг жонимға бедод айлагай.
А. Навоий

Холиқо, теграмга боқсам ҳар майса дод айлагай,
Босмоққа қўрқурман товон, ки тупроқ фарёд айлагай.
Кўприк бўлмак истадимки эл ва шоҳ ўртасинда,
Бир фитна бўлурким бори заҳматни барбод айлагай.

Дардимни тўкмакка танҳо қолдило қоғоз-қалам,
Кўнглимнинг аввали-охири бўйлаким мумтоз қалам,
Кимсасиз ошиқ кўнглима чиқажак пешвоз қалам,
Бу фано бағрида қалам кўнглимни обод айлагай.

Дўсти йўқнинг кори бўлмас бу вайрона олам аро,
Дўстга вафо бўлмаса гар иккисин қалби яро,
Дўст пойида эрсам ҳам бошга қўйди Бойқаро,
Кўнгли бузуқлар ҳар ишин фисқу фасод айлагай.

Йиғласам, Тангри ишқида дил ёнди, ёшланди кўзим,
Мозори Шарифда бедорман, қолмади ўғил-қизим,
Ғарибдир хобгоҳим, аммо дунёни олди сўзим,
Сўзга харидор борки, ўлмам мани ёд айлагай!

✍️ Ҳафиза ЭГАМБЕРДИЕВА,
Қашқадарё вилояти.

Турон адибларига қўшилинг👇
@Turonadiblari 👈 каналимиз,
@Turon_adiblari 👈 гуруҳимиз.



Alisher NAVOIY bobomiz tavalludiga

               NAVOIY
Ne balodurkim, falak har kimga cheksa tigʻi kin,
Yongilib avval mening jonimgʻa bedod aylagay.
               A. Navoiy

Xoliqo, tegramga boqsam har maysa dod aylagay,
Bosmoqqa qoʻrqurman tovon, ki tuproq faryod aylagay.
Koʻprik boʻlmak istadimki el va shoh oʻrtasinda,
Bir fitna boʻlurkim bori zahmatni barbod aylagay.

Dardimni toʻkmakka tanho qoldilo qogʻoz-qalam,
Koʻnglimning avvali-oxiri boʻylakim mumtoz qalam,
Kimsasiz oshiq koʻnglima chiqajak peshvoz qalam,
Bu fano bagʻrida qalam koʻnglimni obod aylagay.

Doʻsti yoʻqning kori boʻlmas bu vayrona olam aro,
Doʻstga vafo boʻlmasa gar ikkisin qalbi yaro,
Doʻst poyida ersam ham  boshga qoʻydi Boyqaro,
Koʻngli buzuqlar har ishin fisqu fasod aylagay.

Yigʻlasam, Tangri ishqida dil yondi, yoshlandi koʻzim,
Mozori Sharifda bedorman, qolmadi oʻgʻil-qizim,
Gʻaribdir xobgohim, ammo dunyoni oldi soʻzim,
Soʻzga xaridor borki,  oʻlmam mani yod aylagay!

✍️  Hafiza EGAMBERDIYEVA,
Qashqadaryo viloyati.

Turon adiblariga qoʻshiling👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

XAYRLI TONG, AZIZLAR!

Turon adiblari: 👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

Özbəkistan
🎤✍ Huraman MURADOVA

Turan ədıblarına qoşulun:
@Turon_adiblari 👈 qrupumuz,
@Turonadiblari 👈 kanalımız.

Turan ədıbları kanalı
https://www.tg-me.com/Turonadiblari

БАҒИШЛОВ

Навоийдек султон шеърий қасрга,
Келармикан яна олти асрда?

Онгу шууримда ҳайрат кўз очиб,
Сўзлар қанотида самога учиб.

Турли саволларга кўмаман ўзни,
Дурга айлантирган ҳар туркий сўзни...

Қаламидан огоҳ тан олмиш жаҳон,
Қийматин йўқотмиш замону макон.

Токио, Москва, Боку, Шанхайда,
Сеулда, Вашингтон, турк диёрида.

Венгрия, Остона, Душанбеда ҳам,
Навоий қад ростлаб турар муҳташам.

Қўшни мамлакатлар эҳтиромига,
Илм масканларин қўймиш номига.

Олтı аср олдин яшаганми у?
Ёки олтı аср олдиндами у?

Қайиқ, солдан бошга бўлмаган пайти,
Сувости кемалар ҳақида айтди...

Ўн бешинчи аср, ойна жаҳонни,
Кўра олдı, фақат ҳазрат Навоий.

Хулласки,  ягона, беназир тимсол,
Хазинаси нега бунча безавол?

Олтиндан ҳам қиммат мисраларини
Аллоҳ номи билан бошлаганими?

Ҳамдлар айтганими у Ҳолиқ зотга?
Ёки Мустафони кўмгани наътга?

Ёки сабабми у туғилган муҳит,
Ёки тоғалари бўлганми муршид?..

Мухлисам қолмасин дея ғуссада,
Жавобини йўзиб кетмиш «Хамса»да.

Улуғларнинг руҳи огоҳ этмишдир,
Бу ҳагда батафсил ёзиб кетмишдир.

Мартабаси тоғдек  баланд буюк зот,
Кимки сўз мулкида  барига устод.

Саҳарлар қилганда  дуо-ибодат,
Устозларни эслаш ҳам экан одат.

Ихлос ила очиб, муборак қўлин,
Руҳларинг шод айлаб, сўраркан йўлин.

Оллоҳга хуш келган экан бу амал,
Шун-чун назарида бўлган ҳар маҳал.

Шу сабабдан барча пиру устодлар,
Мадад берар экан кўп, беададлар.

Илмдан, билимдан закий бўлгани,
Сўзда соҳибкамол гўзий бўлгани.

Устозларга эъзоз  ва ҳурматидан,
Мукофот олмиш Ҳақ марҳаматидан.

Касбимда камолот топай десангиз,
Сирлар хазинасин очай десангиз.

«Хамса»ни  қолдирмай ўқинг ҳар кунда,
Барча саволларга жавоб бор бунда.

Бўлмоқчи  бўлсангиз чиндан одамий,
Доим дастур сизга Ҳазрат Навоий!

✍ Муқаддамхон ЭҲСАНОВА,
Фарғона вилояти.

Турон адибларига қўшилинг👇
@Turonadiblari 👈 каналимиз,
@Turon_adiblari 👈 гуруҳимиз.


BAG‘ISHLOV

Navoiydek sulton she’riy qasrga,
Kelarmikan yana olti asrda?

Ong-u shuurimda hayrat ko‘z ochib,
So‘zlar qanotida samoga uchib.

Turli savollarga koʼmaman oʻzni,
Durga aylantirgan har turkiy so‘zni...

Qalamidan ogoh tan olmish jahon,
Qiymatin yo‘qotmish zamon-u makon.

Tokio, Moskva, Boku, Shanxayda,
Seulda, Vashington, turk diyorida.

Vengriya, Ostona, Dushanbeda ham,
Navoiy qad rostlab turar muhtasham.

Qoʼshni mamlakatlar ehtiromiga,
Ilm maskanlarin qo‘ymish nomiga.

Oltı asr oldin yashaganmi u?
Yoki oltı asr oldindami u?

Qayiq, soldan boshga bo‘lmagan payti,
Suvosti kemalar haqida aytdi...

Oʼn beshinchi asr, oyna jahonni,
Ko‘ra oldı, faqat hazrat Navoiy.

Xullaski,  yagona, benazir timsol,
Xazinasi nega buncha bezavol?

Oltindan ham qimmat misralarini
Alloh nomi bilan boshlaganimi?

Hamdlar aytganimi u Holiq zotga?
Yoki Mustafoni ko‘mgani naʼtga?

Yoki sababmi u tugʼilgan muhit,
Yoki tog‘alari bo‘lganmi murshid?..

Muxlisam qolmasin deya gʻussada,
Javobini yo‘zib ketmish "Xamsa"da.

Ulug‘larning ruhi ogoh etmishdir,
Bu hagda batafsil yozib ketmishdir.

Martabasi tog‘dek  baland buyuk zot,
Kimki soʻz mulkida  bariga ustod.

Saharlar qilganda  duo-ibodat,
Ustozlarni eslash ham ekan odat.

Ixlos ila ochib, muborak qo‘lin,
Ruhlaring shod aylab, soʻrarkan yo'lin.

Ollohga xush kelgan ekan bu amal,
Shun-chun nazarida bo‘lgan har mahal.

Shu sababdan barcha pir-u ustodlar,
Madad berar ekan koʻp, beadadlar.

Ilmdan, bilimdan zakiy bo‘lgani,
So‘zda sohibkamol go‘ziy bo‘lgani.

Ustozlarga eʼzoz  va hurmatidan,
Mukofot olmish Haq marhamatidan.

Kasbimda kamolot topay desangiz,
Sirlar xazinasin ochay desangiz.

"Xamsa"ni  qoldirmay o‘qing har kunda,
Barcha savollarga javob bor bunda.

Bo‘lmoqchi  bo‘lsangiz chindan odamiy,
Doim dastur sizga Hazrat Navoiy!

✍ Muqaddamxon EHSANOVA,
Farg‘ona viloyati.

Turon adiblariga qoʻshiling👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

ҲАЗРАТИ НАВОИЙ ҒАЗАЛИГА МУХАММАС

Ул қуёшга, ваҳ нечук, тушди нигоҳим – билмадим,
Кўз юмуб очқунча ёнди парри коҳим – билмадим.
Нега этмас илтифот ул кажкулоҳим – билмадим,
“Не учун тарки муҳаббат қилди моҳим – билмадим,
Бу ғазабким, айлади моҳим, гуноҳим – билмадим».

Кўнглум олди бир боқишда кўргузиб ҳусну жамол,
Ишқининг савдосида бошимга тушди турфа ҳол,
Неъмати васлига етгаймен деб айлардим хаёл,
«Ошиқ ўлдум, ёрдин топқай дебон кўнглум висол,
Ҳажр бу янглиғ бўлурни кийнахоҳим – илмадим».

Илтифоте кўрмай анжумдек гаҳе ул моҳдин
Етмай эҳсоне гадайи кўйига ул шоҳдин
Бўлди маҳв охир вужудим нолаи жонкоҳдин,
Ёр кўйи ичра итти зор жисмим оҳдин,
Қайда тушканни бу елдин барги коҳим – билмадим.

Менга дуч ишқи сипоҳи келди то човуш киби,
Сайр этиб васли ҳавосинда юрардим туш киби,
Янгради очунга севгим чови бир товуш киби,
“Ишқ бўстониға кирганда ҳавоий қуш киби,
Сунбули зулфи бўлурни доми роҳим – билмадим».

То ҳано бирла безаб чиқди нигор илги кафин
Ўқудим ҳусн оятин очганда ул юз мусҳафин,
Қошу кўзи ўйла мафтун этти бу мустазъафин
“Ақлу хушу сабрим итти, кўргач ул кирпик сафин,
Бир-бир ўлмоғни қаро кўргач, сипоҳим – билмадим”.

Ҳолиё ҳижрон ғамидин ўлмадим, тут бодаким,
Ёр васлига мушарраф бўлмадим, тут бодаким,
Ичмайин май маърифатга тўлмадим, тут бодаким,
«Кирмагунча дайр аро тинч ўлмадим, тут бодаким,
Ғуссадин бу қалъа эрканни паноҳим – билмадим».

Даҳр зулмидни келиб бошимга сонсиз мажаро,
Орзулар бўлди маҳв, ўммидлар бўлди ҳабо.
Кечди умр энди, Лабиб, армон билан зулмат аро
“Эй Навоий, буйла қилғон рўзгоримни қора,
Ҳажр шоми эрди ёхуд дуди оҳим – билмадим”.

✍ Саййид Муҳаммад Олим Лабиб.

Турон адиблари телеграм канали ва гуруҳи👇
@Turonadiblari
@Turon_adiblari


HAZRATI NAVOIY GʻAZALIGA MUXAMMAS

Ul quyoshga, vah nechuk, tushdi nigohim – bilmadim,
Koʻz yumub ochquncha yondi parri kohim – bilmadim.
Nega etmas iltifot ul kajkulohim – bilmadim,
“Ne uchun tarki muhabbat qildi mohim – bilmadim,
Bu gʻazabkim, ayladi mohim, gunohim – bilmadim».

Koʻnglum oldi bir boqishda koʻrguzib husnu jamol,
Ishqining savdosida boshimga tushdi turfa hol,
Neʼmati vasliga yetgaymen deb aylardim xayol,
“Oshiq oʻldum, yordin topqay debon koʻnglum visol,
Hajr bu yangligʻ boʻlurni kiynaxohim – ilmadim”.

Iltifote koʻrmay anjumdek gahe ul mohdin
Yetmay ehsone gadayi koʻyiga ul shohdin
Boʻldi mahv oxir vujudim nolai jonkohdin,
Yor koʻyi ichra itti zor jismim ohdin,
Qayda tushkanni bu yeldin bargi kohim – bilmadim.

Menga duch ishqi sipohi keldi to chovush kibi,
Sayr etib vasli havosinda yurardim tush kibi,
Yangradi ochunga sevgim chovi bir tovush kibi,
“Ishq boʻstonigʻa kirganda havoiy qush kibi,
Sunbuli zulfi boʻlurni domi rohim – bilmadim».

To hano birla bezab chiqdi nigor ilgi kafin
Oʻqudim husn oyatin ochganda ul yuz musʼhafin,
Qoshu koʻzi oʻyla maftun etti bu mustazʼafin
“Aqlu xushu sabrim itti, koʻrgach ul kirpik safin,
Bir-bir oʻlmogʻni qaro koʻrgach, sipohim – bilmadim”.

Holiyo hijron gʻamidin oʻlmadim, tut bodakim,
Yor vasliga musharraf boʻlmadim, tut bodakim,
Ichmayin may maʼrifatga toʻlmadim, tut bodakim,
“Kirmaguncha dayr aro tinch oʻlmadim, tut bodakim,
Gʻussadin bu qalʼa erkanni panohim – bilmadim”.

Dahr zulmidni kelib boshimga sonsiz majaro,
Orzular boʻldi mahv, oʻmmidlar boʻldi habo.
Kechdi umr endi, Labib, armon bilan zulmat aro
“Ey Navoiy, buyla qilgʻon roʻzgorimni qora,
Hajr shomi erdi yoxud dudi ohim – bilmadim”.

✍ Sayyid Muhammad Olim Labib.

Turon adiblari telegram kanali va guruhi👇
@Turonadiblari 👈kanalimiz.
@Turon_adiblari 👈guruhimiz.
https://www.tg-me.com/turonadiblari

АДАБИЁТ МУЗЕЙИГА КИРГАНДА

Адабиёт музейин бораман йўқлаб,
Тўрт қаватли бино. Кўплар билмайди.
Бу жойни Навоий турар қўриқлаб-
Ҳазратдан чўчиган яқин келмайди.

Қирқ йиллик бино бу! Шошмайди,
Минг йиллик сабрни бағрига олган.
Қимир этмагайдир, қир ҳам ошмайди,
Деворлар сабрга қай вақт бўялган..

Бу манзил дунёни абётга чорлар,
Бу манзил абётнинг қутлуғ бешиги.
Ой, қуёш бу ерда бурғулар чалар,
Ҳақнинг даргоҳидек очиқ эшиги...

Миллат абётига бешик бу манзил,
Бу манзил маънига бож тўлайолмас.
Миллатнинг дардига бу манзил кафил-
Оҳанг ўғрилари асло йўламас.

Сарғайган китоблар билмас ҳисобни,
Фаришталар бунда хизмат қилади.
Ҳисобни билганлар билма-ас китобни,
Менинг юрагимни армон тилади...

Бу армон муборак! Бобом Навоий,
Шу манзилга қаранг, исмин берибди.
Кучанган сатрбоз кирмасин, дея,
Бу манзилни ўзи қўриб турибди.

Бу манзилга келган одамийзотни
Кутиб олар ҳазрат Навоий сўзи.
Миллатга юкиниб келган ҳар зотни
Кутиб олар ҳазрат Навоий ўзи!!

✍ Баҳриддин Садриддинов,
“16” декабрь, Тошкент.

@Turonadiblari👈 каналимиз.
@Turon_adiblari👈 гуруҳимиз.




ADABIYOT MUZЕYIGA KIRGANDA

Adabiyot muzeyin boraman yoʻqlab,
Toʻrt qavatli bino. Koʻplar bilmaydi.
Bu joyni Navoiy turar qoʻriqlab-
Hazratdan choʻchigan yaqin kelmaydi.

Qirq yillik bino bu! Shoshmaydi,
Ming yillik sabrni bagʻriga olgan.
Qimir etmagaydir, qir ham oshmaydi,
Devorlar sabrga qay vaqt boʻyalgan..

Bu manzil dunyoni abyotga chorlar,
Bu manzil abyotning qutlugʻ beshigi.
Oy, quyosh bu yerda burgʻular chalar,
Haqning dargohidek ochiq eshigi...

Millat abyotiga beshik bu manzil,
Bu manzil maʼniga boj toʻlayolmas.
Millatning dardiga bu manzil kafil-
Ohang oʻgʻrilari aslo yoʻlamas.

Sargʻaygan kitoblar bilmas hisobni,
Farishtalar bunda xizmat qiladi.
Hisobni bilganlar bilma-as kitobni,
Mening yuragimni armon tiladi...

Bu armon muborak! Bobom Navoiy,
Shu manzilga qarang, ismin beribdi.
Kuchangan satrboz kirmasin, deya,
Bu manzilni oʻzi qoʻrib turibdi.

Bu manzilga kelgan odamiyzotni
Kutib olar hazrat Navoiy soʻzi.
Millatga yukinib kelgan har zotni
Kutib olar hazrat Navoiy oʻzi!!

✍ Bahriddin Sadriddinov,
“16” dekabr, Toshkent.


@Turonadiblari 👈kanalimiz.
@Turon_adiblari 👈guruhimiz.

https://www.tg-me.com/turonadiblari

ХОЛУ ХАТИНГ ХАЁЛИДИН,
ЭЙ САРВИ ГУЛЪУЗОР

Мир Алишер Навоий ғазалига мухаммас

Қошу кўзинг саволидин дил ичра оҳу зор,
Зулфи кажинг шамолидин бағрим аро баҳор,
Белу қўлинг висолидин йўқ менда бир қарор,
Холу хатинг хаёлидин, эй сарви гулъузор,
Гоҳи кўзумга хол тушубтур, гаҳи ғубор.

Қотилларингки айламиш жону таним яро,
Минг булбул оҳи ёширин ҳар бир ярам аро,
Сочингмидур жаҳонга ё тушмиш қаро бало,
Юзингда хол сафҳада томғон киби қаро,
Холинг малоҳати туз* эрурким, қарода бор.

Лаб ғунчасида асраган болингни билмасанг,
Ҳолимни билмаган, эй гул, ҳолингни билмасанг,
Кўнглим аро неча қилу қолингни* билмасанг,
Жонимни ўртаган юзу холингни билмасанг,
Ўт шуъласида айла гумон бир ўчук шарор*.

Саволмидур самода ё қошинг ҳилолидур,
Ҳилолмидур ёки бори умрим саволидур?
Тонгнинг сабосиму ва ё сочинг шамолидур?
Билмон, кўнгулда холларингнинг хаёлидур,
Ё кипригинг тиконларин айлабсан устувор.

Жону таним ҳар лаҳза андуҳ бирла тўлмоғин,
Ҳар лаҳза зору нотовону маҳжур* ўлмоғин,
Дил очилиб ҳар лаҳзаю ҳар дамда сўлмоғин,
Ҳар дам кўнгул ҳалоку кўзум тийра бўлмоғин,
Билгай бировки, ёри эрур шўхи холдор.

Гулдан ясабмиш бош-оёқ кўшк бирла тахтини,
Хол бирла нуқта айламиш ё кимни бахтини?
Кўргил назокату ҳусну бу қадду бастини,
Машшотайи қазо* безамиш холу хаттини,
Беихтиёрликда борму манга ихтиёр?

Олам санамлари малоҳатингга ён берур,
Бир хол шунчаларму кўп оҳу фиғон берур,
Эй ёр, келиб ҳолимни кўр, рангим аён берур,
Мискин Навоий холи лабинг кўрса жон берур.
Боқсанг на бўлди сурати ҳолига, эй нигор.

Сирожиддин САЙЙИД.

1. Туз – рост, келишган.
2. Қилу қол (араб.) – гап-сўз.
3. Шарор (араб.)– учқун олов.
4. Маҳжур (араб.) – айрилиқ, ҳажр.
5.Машшотайи қазо (араб.) – пардозчи, оро берувчи. Бу ўринда Яратган маъносида.

Турон адиблари телеграм канали ва гуруҳи👇
@Turonadiblari 👈 каналимиз,
@Turon_adiblari👈 гуруҳимиз.





XOLU XATING XAYOLIDIN,
EY SARVI GULʼUZOR

Mir Alisher Navoiy gʻazaliga muxammas

Qoshu koʻzing savolidin dil ichra ohu zor,
Zulfi kajing shamolidin bagʻrim aro bahor,
Belu qoʻling visolidin yoʻq menda bir qaror,
Xolu xating xayolidin, ey sarvi gulʼuzor,
Gohi koʻzumga xol tushubtur, gahi gʻubor.

Qotillaringki aylamish jonu tanim yaro,
Ming bulbul ohi yoshirin har bir yaram aro,
Sochingmidur jahonga yo tushmish qaro balo,
Yuzingda xol safhada tomgʻon kibi qaro,
Xoling malohati tuz* erurkim, qaroda bor.

Lab gʻunchasida asragan bolingni bilmasang,
Holimni bilmagan, ey gul, holingni bilmasang,
Koʻnglim aro necha qilu qolingni* bilmasang,
Jonimni oʻrtagan yuzu xolingni bilmasang,
Oʻt shuʼlasida ayla gumon bir oʻchuk sharor*.

Savolmidur samoda yo qoshing hilolidur,
Hilolmidur yoki bori umrim savolidur?
Tongning sabosimu va yo soching shamolidur?
Bilmon, koʻngulda xollaringning xayolidur,
Yo kipriging tikonlarin aylabsan ustuvor.

Jonu tanim har lahza anduh birla toʻlmogʻin,
Har lahza zoru notovonu mahjur* oʻlmogʻin,
Dil ochilib har lahzayu har damda soʻlmogʻin,
Har dam koʻngul haloku koʻzum tiyra boʻlmogʻin,
Bilgay birovki, yori erur shoʻxi xoldor.

Guldan yasabmish bosh-oyoq koʻshk birla taxtini,
Xol birla nuqta aylamish yo kimni baxtini?
Koʻrgil nazokatu husnu bu qaddu bastini,
Mashshotayi qazo* bezamish xolu xattini,
Beixtiyorlikda bormu manga ixtiyor?

Olam sanamlari malohatingga yon berur,
Bir xol shunchalarmu koʻp ohu figʻon berur,
Ey yor, kelib holimni koʻr, rangim ayon berur,
Miskin Navoiy xoli labing koʻrsa jon berur.
Boqsang na boʻldi surati holiga, ey nigor.

✍ Sirojiddin SAYYID.

1. Tuz – rost, kelishgan.
2. Qilu qol (arab.) – gap-soʻz.
3. Sharor (arab.)– uchqun olov.
4. Mahjur (arab.) – ayriliq, hajr.
5.Mashshotayi qazo (arab.) – pardozchi, oro beruvchi. Bu oʻrinda Yaratgan maʼnosida.

Turon adiblari telegram kanali va guruhi👇
@Turonadiblari 👈 kanalimiz,
@Turon_adiblari👈 guruhimiz.



https://www.tg-me.com/Turonadiblari

Кўздан учти ул пари, ваҳким, анга етмакка бот,
Кош анингдек чиқса дермен икки эгнимдин қанот.
Алишер Навоий

 УЛУҒ ИНСОНСEВАР
(Ҳазрати Навоий таваллудининг 583 йиллиги мусабатиб билан)

Сен тилу эл хидмати йўлида вақф этдинг ҳаёт,
Бўлди мангу отинг очунда, тилинг топди сабот.

Фахрлангай то абад туркий улуслар сен билан,
Чунки, ижодинг-ла топди тиллари янги ҳаёт.

Кўкка етди туркий ашъору адабнинг шуҳрати,
Сеҳрли хоманг билан то боғладинг унга қанот.

Эй Навоий, эй буюк шоир, улуғ инсонсевар,
Сен курашдинг доим истаб меҳнат аҳлига нажот.

Фахр этар ҳар даврда номингга туркий халқлар –
Ўзбек, уйғур, Туркман, яғмо, чигил, қунгрот, қиёт.

Беш юзу саксон уч йил ўтди у кунданким, сенинг
Нурга тўлди муборак мақдаминг бирла Ҳирот.

Сен туғилганда Ҳарий, балки Хуросон аҳлига,
Бўлган эрди бегумон у куну тун ийду барот.

Турк халқи бўлса бир қавму агар юз ёки минг,
Барчаси қалбида меҳринг, эй муборак пок зот.

Улкан ижодинг билан, ҳам келтириб бурҳон, далил,
Айладинг жалб ўз тилингнинг бойлигига илтофот.

Кимки туркий тилни билмай турликдан лоф урар,
Фахрланмоқ ўрнига лоиқ унга нангу уёт.

Эй Навий, барчага қутлуғ таваллуд байраминг,
Номинг, осоринг яшасин мангу то бор коинот!

✍Саййид Муҳаммад Олим Лабиб,
Фресно/Калифорниа/Америка Қўшма Штатлари
2024-йил Фебрал ойининг 8/9 кечаси

Турон адибларига қўшилин👇
@Turonadiblari 👈 каналимиз,
@Turon_adiblari 👈 гуруҳимиз

*

Ko’zdan uchti ul pari, vahkim, anga yetmakka bot,
Kosh aningdek chiqsa dermen ikki egnimdin qanot.
Alisher Navoiy

ULUG’ INSONSEVAR
(Hazrati Navoiy tavalludining 583 yilligi musabatib bilan)

Sen tilu el xidmati yo’lida vaqf etding hayot,
Bo’ldi mangu oting ochunda, tiling topdi sabot.

Faxrlangay to abad turkiy uluslar sen bilan,
Chunki, ijoding-la topdi tillari yangi hayot.

Ko’kkа yetdi turkiy ash’oru adabning shuhrati,
Sehrli xomang bilan to bog’lading unga qanot.

Ey Navoiy, ey buyuk shoir, ulug’ insonsevar,
Sen kurashding doim istab mehnat ahliga najot.

Faxr etar har davrda nomingga turkiy xalqlar –
O’zbek, uyg’ur, Turkman, yag’mo, chigil, qungrot, qiyot.

Besh yuzu sakson uch yil o’tdi u kundankim, sening
Nurga to’ldi muborak maqdaming birla Hirot.

Sen tug’ilganda Hariy, balki Xuroson ahliga,
Bo’lgan erdi begumon u kunu tun iydu barot.

Turk xalqi bo’lsa bir qavmu agar yuz yoki ming,
Barchasi qalbida mehring, ey muborak pok zot.

Ulkan ijoding bilan, ham keltirib burhon, dalil,
Aylading jalb o’z tilingning boyligiga iltofot.

Kimki turkiy tilni bilmay turlikdan lof urar,
Faxrlanmoq o’rniga loiq unga nangu uyot.

Ey Naviy, barchaga qutlug’ tavallud bayraming,
Noming, osoring yashasin mangu to bor koinot!

✍Sayyid Muhammad Olim Labib,
Fresno/Kalifornia/Amerika Qo’shma Shtatlari
2024-yil Febral oyining 8/9 kechasi

Turon adiblariga qoʻshiling👇
@Turonadiblari 👈 kanalimiz,
@Turon_adiblari 👈 guruhimiz.

*

کۉزدین اوچتی اول پري، وه کیم، انگه یېتمککه بات،
کاش انینگدېک چیقسه دېرمېن ایکّی اېگنیمدین قنات.
علی شیر نوایی

اولوغ انسانسېور
(حضرت نوایی غزلیگه نظیره)
سېن تیل و اېل خدمتی یۉلیده وقف اېتدینگ حیات،
بۉلدی منگو آتینگ آچونده، تیلینگ تاپدی ثبات.

فخرلنگه‌ی تا ابد تورکي اولوسلر سېن بیلن،
چونکه ایجادینگ-له تاپدی تیللری ینگی حیات.

کۉککه یېتدی تورکي اشعار و ادب‌نینگ شهرتی،
سِحرلی خامه‌نگ بیلن تا باغله‌دینگ اونگه قنات.

اې نوایی، اې بویوک شاعر، اولوغ انسانسېور،
سېن کوره‌شدینگ دایم ایستب محنت اهلیگه نجات.

فخر اېتر هر دورده نامینگگه تورکي خلقلر -
اۉزبېک، اویغور، تورکمن، یغما، چیگیل، قونگرات، قِیات.

بېش یوز و سکسان اوچ ایل اۉتدی او کوندن کیم سېنینگ،
نورگه تۉلدی مبارک مقدمینگ بیرله هرات.

سېن توغیلگنده هری بلکه خراسان اهلیگه،
بۉلگن اېردی بې‌گمان او کون و تون عید و برات.

تورک خلقی بۉلسه بیر قوم و اگر یوز یاکه مینگ،
برچه‌سی قلبیده مهرینگ، اې مبارک پاک ذات.

اولکن ایجادینگ بیلن، هم کېلتیریب برهان، دلیل،
ایله‌دینگ جلب اۉز تیلینگ‌نینگ بایلیگیگه التفات.

کیم که تورکي تیلنی بیلمه‌ی تورکلیک لافین اورر،
فخرلنماق اۉرنیگه لایق اونگه ننگ و اویات.

ای نوایی، برچه‌گه قوتلوغ تولد بیره‌مینگ،
نامینگ، آثارینگ یشه‌سین منگو، تا بار کاینات!

✍ سېد محمد عالم لبیب
فِرِز۟نو/کالیفرنیا/امیریکه قۉشمه ایالتلری
2024-ییل فیبرال آیی‌نینگ 8/9 کېچه‌سی

https://www.tg-me.com/Turonadiblari

Бошни фидо айла, ато қошиға,
Жисмни қил садқа ано бошига.

Икки жаҳонингга тиларсен фазо,
Ҳосил эт ушбу иккисидин ризо.

Тун-кунингга айлагали нур фош,
Бирисин ой англа, бирисин қуёш.

Сўзларидин чекма қалам ташқари,
Хатларидин қўйма қадам ташқари.

Бўлсин адаб бирла бори хизматинг,
Хам қил адаб "дол"и каби қоматинг.

✍ Алишер Навоий.

Турон адибларига қўшилинг 👇
@Turonadiblari 👈 каналимиз,
@Turon_adiblari 👈 гуруҳимиз.


Boshni fido ayla, ato qoshigʻa,
Jismni qil sadqa ano boshiga.

Ikki jahoningga tilarsen fazo,
Hosil et ushbu ikkisidin rizo.

Tun-kuningga aylagali nur fosh,
Birisin oy angla, birisin quyosh.

Soʻzlaridin chekma qalam tashqari,
Xatlaridin qoʻyma qadam tashqari.

Boʻlsin adab birla bori xizmating,
Xam qil adab “dol”i kabi qomating.

✍ Alisher Navoiy.

Turon adiblariga qoʻshiling 👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

Alisher Navoiy xazratlarining "Mahbubul Qulub" asaridan..
🎤 Sayyora Rahmoniy
(Fransiya)

Turon adiblariga qoʻshiling👇
@Turonadiblari 👈 kanalimiz,
@Turon_adiblari👈 guruhimiz.

https://www.tg-me.com/Turonadiblari

BOBO
✍ Ishonch To‘ra,
Shimoliy Amerika
Turon adiblari telegram kanali va guruhi 👇
@Turonadiblari 👈 kanalimiz,
@Turon_adiblari 👈 guruhimiz.

KOSHKI
✍ Alisher Navoiy
🎤 Fruzon Xalilyor. Eron Respublikasi.

Turon adiblariga qo‘shiling 👇
@Turonadiblari 👈 kanalimiz,
@Turon_adiblari 👈 guruhimiz.