ШЕЪРИМ

Қўйишга  бошими  Каъбам -- сўзим,  сен  давлатим,  шеърим,
Мани  ошуфта  илкимда,  баланд  тахт,  савлатим,  шеърим.

Келиб  дунёи  дунга  мен  рўҳафтода  бўлмадим  ҳаргиз,
Ки,  Ҳақ  ҳар  кимга  бермас  бахт,  мислсиз  сарватим,  шеърим.

Мудом  мағрур  ва  собирмен,  боқиб  ҳайронам  қолмишлар,
Ки,  ишқимдир  тамал  тоши,  жаҳоним,  рағбатим,  шеърим.

Туну  кун  саждагоҳим  сен,  дили  кўнгилни  дармони,
Ғуборсиз  тийнату  сурат,  мусаффо   хилқатим,  шеърим.

Умрни  ўтказиб  беном,  юрурлар  танни  деб  ноком,
Шукрким,  толеим  сийлаб,  қилибсан   шафқатим,  шеърим.

Бири  суйган,  бири  куйган -- одамман  дўсту  ағёрлиқ,
Хазинам,  дури  ғалтоним,  "гуноҳим",  ҳурматим,  шеърим.

Насибам,  нон-тузин  оқлаб  умрбод  хизматин  қилгум,
Қўли  кўксида  Жамшиднинг,  элимга  раҳматим,  шеърим!

✍ Жамшид Примов,
Тожикистон, Хўжанд.

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.


SHEʼRIM

Qoʻyishga  boshimi  Kaʼbam -- soʻzim,  sen  davlatim,  sheʼrim,
Mani  oshufta  ilkimda,  baland  taxt,  savlatim,  sheʼrim.

Kelib  dunyoi  dunga  men  roʻhaftoda  boʻlmadim  hargiz,
Ki,  Haq  har  kimga  bermas  baxt,  mislsiz  sarvatim,  sheʼrim.

Mudom  magʻrur  va  sobirmen,  boqib  hayronam  qolmishlar,
Ki,  ishqimdir  tamal  toshi,  jahonim,  ragʻbatim,  sheʼrim.

Tunu  kun  sajdagohim  sen,  dili  koʻngilni  darmoni,
Gʻuborsiz  tiynatu  surat,  musaffo   xilqatim,  sheʼrim.

Umrni  oʻtkazib  benom,  yururlar  tanni  deb  nokom,
Shukrkim,  toleim  siylab,  qilibsan   shafqatim,  sheʼrim.

Biri  suygan,  biri  kuygan -- odamman  doʻstu  agʻyorliq,
Xazinam,  duri  gʻaltonim,  “gunohim”,  hurmatim,  sheʼrim.

Nasibam,  non-tuzin  oqlab  umrbod  xizmatin  qilgum,
Qoʻli  koʻksida  Jamshidning,  elimga  rahmatim,  sheʼrim!

✍ Jamshid Primov,
Tojikiston, Xoʻjand.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/turonadiblari

МАВЛУД КЕЛИБДУР

(Мавлуд ойининг кириб келиши ва мавлидхонлик ўқишларининг бошланиши муносабати билан)

****

Эй, сиз, аҳли диёр, Мавлуд келибдур,
Нурга чўмиб баҳор Мавлуд келибдур,
Бахтга бўлиб савор Мавлуд келибдур,
Дилга нақшу нигор Мавлуд келибдур,
Иқбол айлаб нисор Мавлуд келибдур.

Мавлуднинг ҳар они қутлуғ биз учун,
Савоблар конига тўлуғ биз учун,
Кўнгилни поклашга бўлуғ биз учун,
Олган ҳар бир нафас улуғ биз учун,
Элга соҳиб осор¹ Мавлуд келибдур.

Бул кун Расулуллоҳ бўйи келмоқда,
Тонгдан ҳазратимнинг ўйи келмоқда,
Барча мусулмоннинг тўйи келмоқда,
Дилга шариатнинг рўйи келмоқда,
Файзу футуҳга ёр Мавлуд келибдур.

Тилда такрорланур бул кун саловот,
Дилдан ёт фикрлар бўлур бари ёт,
Дилни тиргизмоқда бу обиҳаёт,
Деймиз, ас-салоту ҳамда ва-с-салот,
Чунки, айлаб бедор Мавлуд келибдур.

Дилдан ўқигаймиз Мавлид ун -Набий,
Хоҳи шайху шоббмиз,(2) хоҳи биз сабий,³
Дилга илҳом солур олами ғайбий,⁴
Ором олма асло, тинма, эй қалбий,
Савоб тўла биҳор⁵ Мавлуд келибдур.

Мавлуд ойи, билсанг, зарнигор ойдир,
Қалбни ёритувчи навбаҳор ойдир,
Аҳли муслим учун эътибор ойдир,
Минг йил ўтар, аммо барқарор ойдир,
Кучга тўла мадор Мавлуд келибдур.

Набийга эҳтиром изҳор қилурмиз,
Дилни ибодатга бедор қилурмиз,
Шайтоннинг қалбига озор қилурмиз,
Иймон, эътиқодга мадор қилурмиз,
Чунки, бизга ғамхор Мавлуд келибдур.

Расулга салот де, ўн салот олгин,⁶
Боқий жаннат ичра, кел, ҳаёт олгин,
Самога учгину самовот олгин,
Ҳуру ғилмон олгин, илтифот олгин,
Боғ каби беғубор Мавлуд келибдур.

Эй дўсту биродар Мавлидга келинг,
Сизни кутар самар Мавлидга келинг,
Бошлар осмон қадар Мавлидга келинг,
Ғамлар кетсин бадар Мавлидга келинг,
Ичи тўла асрор Мавлуд келибдур.

Бугун барча тилдан ўтар Барзанжий,⁷
Ичи тўла дуру ёқутдир ганжий,
Дилга шодлик етар, етмагай ранжий,
Набиймиз ҳақида хўб сухансанжий,⁸
Бизга олиб ахбор Мавлуд келибдур.

Бизга Мавлуд ойи доим бор бўлсин,
Мавлид ўқиганлар бахтиёр бўлсин,
Абри баҳор каби хуш нисор бўлсин,
Махдум сўзлари ҳам гуҳарбор бўлсин,
Файзи Парвардигор Мавлуд келибдур.

✍ Маҳмуд ҲАСАНИЙ,
Тошкент шаҳри.

¹Соҳиб осор - таъсир эгаси.
²Шайху шобб -кекса ва ёш йигит.
³Сабий -ёш бола
⁴Олами ғайбий - ғайб олами.
⁵Биҳор - денгизлар.
⁶Расулуллоҳга битта салавот айтилса, Аллоҳ унга ўнта саловот айтади (ҳадис).
⁷ Барзанжийнинг "Мавлид ун-Набий" китобига ишора.
⁸ Сухансанж -чиройли гапирувчи, сўз устаси.

Tурон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.

https://www.tg-me.com/Turonadiblari

MAVLUD KELIBDUR

(Mavlud oyining kirib kelishi va mavlidxonlik oʻqishlarining boshlanishi munosabati bilan)

****

Ey, siz, ahli diyor,  Mavlud kelibdur,
Nurga choʻmib bahor Mavlud kelibdur,
Baxtga boʻlib savor Mavlud kelibdur,
Dilga naqshu nigor Mavlud kelibdur,
Iqbol aylab nisor Mavlud kelibdur.

Mavludning har oni qutlugʻ biz uchun,
Savoblar koniga toʻlugʻ biz uchun,
Koʻngilni poklashga boʻlugʻ biz uchun,
Olgan har bir nafas ulugʻ biz uchun,
Elga sohib osor¹ Mavlud kelibdur.

Bul kun Rasululloh boʻyi kelmoqda,
Tongdan hazratimning oʻyi kelmoqda,
Barcha  musulmonning toʻyi kelmoqda,
Dilga shariatning roʻyi kelmoqda,
Fayzu futuhga yor Mavlud kelibdur.

Tilda takrorlanur bul kun salovot,
Dildan yot fikrlar boʻlur bari yot,
Dilni tirgizmoqda bu obihayot,
Deymiz, as-salotu hamda va-s-salot,
Chunki, aylab  bedor Mavlud kelibdur.

Dildan oʻqigaymiz Mavlid un -Nabiy,
Xohi  shayxu shobbmiz,(2) xohi biz sabiy,³
Dilga ilhom solur olami gʻaybiy,⁴
Orom olma aslo, tinma, ey  qalbiy,
Savob toʻla bihor⁵ Mavlud  kelibdur.

Mavlud oyi, bilsang,  zarnigor oydir,
Qalbni  yorituvchi navbahor oydir,
Ahli muslim uchun eʼtibor oydir,
Ming yil oʻtar, ammo barqaror oydir,
Kuchga toʻla  mador Mavlud kelibdur.

Nabiyga  ehtirom izhor qilurmiz,
Dilni ibodatga bedor qilurmiz,
Shaytonning qalbiga ozor qilurmiz,
Iymon, eʼtiqodga mador qilurmiz,
Chunki, bizga  gʻamxor Mavlud kelibdur.

Rasulga salot de, oʻn salot olgin,⁶
Boqiy jannat ichra, kel, hayot olgin,
Samoga uchginu samovot olgin,
Huru gʻilmon olgin, iltifot olgin,
Bogʻ kabi  begʻubor Mavlud kelibdur.

Ey doʻstu birodar Mavlidga keling,
Sizni kutar  samar Mavlidga keling,
Boshlar osmon qadar Mavlidga keling,
Gʻamlar ketsin badar Mavlidga keling,
Ichi toʻla asror Mavlud kelibdur.

Bugun barcha tildan oʻtar Barzanjiy,⁷
Ichi toʻla duru yoqutdir  ganjiy,
Dilga shodlik yetar, yetmagay ranjiy,
Nabiymiz haqida xoʻb suxansanjiy,⁸
Bizga olib axbor Mavlud kelibdur.

Bizga Mavlud oyi doim bor boʻlsin,
Mavlid oʻqiganlar baxtiyor boʻlsin,
Abri bahor  kabi xush nisor boʻlsin,
Maxdum soʻzlari  ham guharbor boʻlsin,
Fayzi Parvardigor Mavlud kelibdur.

✍ Mahmud HASANIY,
Toshkent shahri.

¹Sohib osor - taʼsir egasi.
²Shayxu shobb -keksa va yosh yigit.
³Sabiy -yosh bola
⁴Olami gʻaybiy - gʻayb olami.
⁵Bihor - dengizlar.
⁶Rasulullohga bitta salavot aytilsa, Alloh unga oʻnta  salovot aytadi (hadis).
⁷ Barzanjiyning “Mavlid un-Nabiy” kitobiga ishora.
⁸ Suxansanj -chiroyli gapiruvchi, soʻz ustasi.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/Turonadiblari

Юртимизда кутубхоналар сони:

2000й- 6027
2001й- 5936
2002й- 5943
2003й- 6158
2004й- 5953
2005й- 5892
2006й- 1200
2007й- 1521
2008й- 1650
2009й- 2722
2010й- 2809
2011й- 2809
2012й- 2831
2013й- 2834
2014й- 2877
2015- 2914
2016- 2908
2017- 2898
2018- 2902
2019- 398
2020- 400
2021- 402


***

Кўчамизга қараймиз,
Катта бизнинг кўчамиз.
Турфа эшиклар қатор,
Қайси бирин очамиз?!

Қадамда шаробхона,
Оралаб кабобхона.
Лек, афсус, топилмайди -
Битта ҳам китобхона.

Бор ҳоким - жанобхона,
Ҳам қози - жавобхона.
Учрамайди, лек, аттанг,
Бир китоб - савобхона.

Дорихона ҳам бисёр,
Гўё бутун эл бемор.
Қалбга шифо бўлгучи -
Кутубхона йўқ бекор.

Маърифат тутиб, хона,
Дардларин ютиб, хона.
Туради кутубхона -
Интизор, кутиб хона...

Кўчамизга қараймиз,
Шуми бизнинг кўчамиз?
Кутубхона бўлмаса -
Бу кўчадан кўчамиз!..

✍ Бобур БОБОМУРОД,
Тошкент.

Турон адибларига қўшилинг:
@Turon_adiblari 👈 гуруҳимиз,
@Turonadiblari 👈 каналимиз.



Yurtimizda kutubxonalar soni:

2000y- 6027
2001y- 5936
2002y- 5943
2003y- 6158
2004y- 5953
2005y- 5892
2006y- 1200
2007y- 1521
2008y- 1650
2009y- 2722
2010y- 2809
2011y- 2809
2012y- 2831
2013y- 2834
2014y- 2877
2015- 2914
2016- 2908
2017- 2898
2018- 2902
2019- 398
2020- 400
2021- 402


***

Koʻchamizga qaraymiz,
Katta bizning koʻchamiz.
Turfa eshiklar qator,
Qaysi birin ochamiz?!

Qadamda sharobxona,
Oralab kabobxona.
Lek, afsus, topilmaydi -
Bitta ham kitobxona.

Bor hokim - janobxona,
Ham qozi - javobxona.
Uchramaydi, lek, attang,
Bir kitob - savobxona.

Dorixona ham bisyor,
Goʻyo butun el bemor.
Qalbga shifo boʻlguchi -
Kutubxona yoʻq bekor.

Maʼrifat tutib, xona,
Dardlarin yutib, xona.
Turadi kutubxona -
Intizor, kutib xona...

Koʻchamizga qaraymiz,
Shumi bizning koʻchamiz?
Kutubxona boʻlmasa -
Bu koʻchadan koʻchamiz!..

✍ Bobur BOBOMUROD,
Toshkent.

Turon adiblariga qoʻshiling:
@Turon_adiblari 👈 guruhimiz,
@Turonadiblari 👈 kanalimiz.

https://www.tg-me.com/turonadiblari

BERGIN

✍ Barno Odiljon qizi

Sayyidul ayyom,
Hajjul masokin muborak!

Turon adiblariga qoʻshiling:
@Turon_adiblari 👈 guruhimiz
@Turonadiblari 👈 kanalimiz.

ХОЖАНАЗАР ҲУВАЙДО

Илоҳо, сан карам бирла кечурғил, эй Худовандо,
Гуноҳи жумла мўъминни, аё маъбуди беҳамто!

Ўшал саҳрода қайнар мағзи сар мисли қазон янглиғ,
Тилим тизга тушуриб ташна айлаб қилмағил расво.

Келур найза бўйи хуршиди тобон фавқи сар узра
Ўшал кун бошимизга чодари раҳматни қил пайдо.

Кўрилса ул «фамай-яъмал»да мезоним сабук қилма,
Савобимни гуноҳимдан, аё саттори маъюбҳо!

Қадам қўйсам йиқитмоғил сиротал мустақим узра,
Гирифтори жаҳийм айлаб қулингни қилмағил расво.

Ҳамма иш бизга мушкулдир, санинг олдингдадир осон,
Сен ўқсан барчани Парвардигори ҳалли мушкулҳо.

Умидим кўптурур «ло тақнатув мир раҳматиллоҳ»дин
Агар чандеки ношойиста ишлар айласам барпо.

Ўшал ҳавли қиёматни, Илоҳо, айлағил осон
Баҳаққи саййиди кавнайн субҳоналлазий асро!

На хуш бахти саодатдур Муҳаммад «умматим» деса,
«Санингдек умматим йўқ» десалар фарёду вовайло.

Халойиқ олдида шарманда бўлиб термулиб қолсам,
Қаро кунлар ўшал соат бошимга бўлғуси пайдо.

Қуруқ тил бирла айтурман: «Муҳаммад умматиман», деб
Емак-ичмак ишим бўлди, қани тоат, қани тақво?

Шафоат баҳридин сероб қилғил жумла мўъминни
Туфайли яхшилар ман осий қулни, ё расуллуллоҳ!

Аё Аҳмад, манга бир қатраи баҳри шафоатдин
Дариғ этма, Ҳувайдо гарчи бўлса осийу гумроҳ.

Турон адиблари телеграм канали ва гуруҳи👇
@Turonadiblari 👈 каналимиз,
@Turon_adiblari👈 гуруҳимиз.



XOJANAZAR HUVAYDO

Iloho, san karam birla kechurgʻil, ey Xudovando,
Gunohi jumla moʻʼminni, ayo maʼbudi behamto!

Oʻshal sahroda qaynar magʻzi sar misli qazon yangligʻ,
Tilim tizga tushurib tashna aylab qilmagʻil rasvo.

Kelur nayza boʻyi xurshidi tobon favqi sar uzra
Oʻshal kun boshimizga chodari rahmatni qil paydo.

Koʻrilsa ul “famay-yaʼmal”da mezonim sabuk qilma,
Savobimni gunohimdan, ayo sattori maʼyubho!

Qadam qoʻysam yiqitmogʻil sirotal mustaqim uzra,
Giriftori jahiym aylab qulingni qilmagʻil rasvo.

Hamma ish bizga mushkuldir, saning oldingdadir oson,
Sen oʻqsan barchani Parvardigori halli mushkulho.

Umidim koʻpturur “lo taqnatuv mir rahmatilloh”din
Agar chandeki noshoyista ishlar aylasam barpo.

Oʻshal havli qiyomatni, Iloho, aylagʻil oson
Bahaqqi sayyidi kavnayn subhonallaziy asro!

Na xush baxti saodatdur Muhammad “ummatim” desa,
“Saningdek ummatim yoʻq” desalar faryodu vovaylo.

Xaloyiq oldida sharmanda boʻlib termulib qolsam,
Qaro kunlar oʻshal soat boshimga boʻlgʻusi paydo.

Quruq til birla ayturman: “Muhammad ummatiman”, deb
Yemak-ichmak ishim boʻldi, qani toat, qani taqvo?

Shafoat bahridin serob qilgʻil jumla moʻʼminni
Tufayli yaxshilar man osiy qulni, yo rasullulloh!

Ayo Ahmad, manga bir qatrai bahri shafoatdin
Darigʻ etma, Huvaydo garchi boʻlsa osiyu gumroh.

Turon adiblari telegram kanali va guruhi👇
@Turonadiblari 👈 kanalimiz,
@Turon_adiblari👈 guruhimiz.



https://www.tg-me.com/Turonadiblari

Yangi kitob

KECHIKKEN JAZ

Oʻzbekiston Yozuvchilar uyushmasi aʼzosi Xurshida Vahobjon qizining qirgʻiz tilida “Kechikken jaz” (“Kechikkan bahor”) nomli sheʼriy kitobi nashr etildi.
Undagi sheʼrlarni O‘zbekiston Yozuvchilar uyushmasi aʼzosi Rejabali Kamolzoda hamda Qirgʻiziston Yozuvchilar uyushmasi aʼzosi Samidin Stambekovlar qirg‘iz tiliga tarjima qilishgan.
Mazkur kitobda shoiraning insoniy munosabatlar, burch, ota-ona mavzularidagi sheʼrlari jamlangan bo‘lib, qirg‘iz sheʼriyat ixlosmandlariga munosib tuhfa bo‘lishiga ishonamiz.

Nashriyot: “Anorbooks”

So‘zboshi muallifi: Samidin Stambekov

Muharrir: Rejabali Kamolzoda

O‘zbekiston Yozuvchilar uyushmasi Axborot xizmati

МУАЛЛИМЛАР

Билим боғига боғбонсиз, муаллимлар,
Шараф тоқига нарвонсиз, муаллимлар.

Ҳаёт порлоқдир илму маърифат бирлан,
Чароғсиз ҳам чароғбонсиз, муаллимлар.

Синолар кашф этиб кетган синоатлар,
Башар дардига дармон – Сиз, муаллимлар.

Заковат кемасига Берунийнинг ҳам
Ўзингиз илк уммонсиз, муаллимлар.

Жаҳон осмонига Султон Улуғбекни
Узатган илк осмонсиз, муаллимлар.

Навоий қайдин олмиш нуктадонликни?
Зариф ҳам жонли девон – Сиз, муаллимлар.

Билим – мангу хазон бўлмас зироатдир,
Ўзингиз мангу деҳқонсиз, муаллимлар.

Жаҳолатдин қутулгай бир куни олам,
Метин қўрғону посбонсиз, муаллимлар.

Гулу чечакларингиздир ўғил-қизлар,
Туну кун сиз нигоҳбонсиз, муаллимлар.

Улуғсиз, хоксору камтариндирсиз,
Дилу жонсиз, қадрдонсиз, муаллимлар.

Буюк устоз – Ватандир, ота юрт асли,
Она юрт, Ўзбекистонсиз, муаллимлар.

✍ Сирожиддин САЙЙИД.

Турон адибларига қўшилинг 👇
@Turonadiblari 👈 каналимиз,
@Turon_adiblari 👈 гуруҳимиз.


MUALLIMLAR

Bilim bogʻiga bogʻbonsiz, muallimlar,
Sharaf toqiga narvonsiz, muallimlar.

Hayot porloqdir ilmu maʼrifat birlan,
Charogʻsiz ham charogʻbonsiz, muallimlar.

Sinolar kashf etib ketgan sinoatlar,
Bashar dardiga darmon – Siz, muallimlar.

Zakovat kemasiga Beruniyning ham
Oʻzingiz ilk ummonsiz, muallimlar.

Jahon osmoniga Sulton Ulugʻbekni
Uzatgan ilk osmonsiz, muallimlar.

Navoiy qaydin olmish nuktadonlikni?
Zarif ham jonli devon – Siz, muallimlar.

Bilim – mangu xazon boʻlmas ziroatdir,
Oʻzingiz mangu dehqonsiz, muallimlar.

Jaholatdin qutulgay bir kuni olam,
Metin qoʻrgʻonu posbonsiz, muallimlar.

Gulu chechaklaringizdir oʻgʻil-qizlar,
Tunu kun siz nigohbonsiz, muallimlar.

Ulugʻsiz, xoksoru kamtarindirsiz,
Dilu jonsiz, qadrdonsiz, muallimlar.

Buyuk ustoz – Vatandir, ota yurt asli,
Ona yurt, Oʻzbekistonsiz, muallimlar.

✍ Sirojiddin SAYYID.

Turon adiblariga qoʻshiling 👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

УСТОЗ БЎЛМАСА

Жаҳон ободлиги устоз биландир,
Дилда қарор бўлмас, устоз бўлмаса.
Камолот, кушуфот устоз биландир,
Ишда барор бўлмас, устоз бўлмаса.

Йўқдан олим бўлди отамиз Одам,
Ҳақдан таълим олди Сарвари олам,
Сабаб оламинда бул куни бекам
Илму анвор бўлмас, устоз бўлмаса.

Ҳар йўл, ҳар соҳанинг бир пири бўлур,
Эҳтиром дил аҳлин тадбири бўлур,
Ҳар ишда устознинг бир сири бўлур,
Кашфи асрор бўлмас, устоз бўлмаса.

Ҳикмат кўп илму фан, касбу корида,
Деҳқон кетмонида, дорбоз дорида,
Ошпазнинг бир сири – гармдорида,
Шогирд ҳушёр бўлмас, устоз бўлмаса.

Устоз қадрин билур ҳар қалби салим,
Ҳаёт дарсларидан бергайдир таълим,
Диллар ардоғида – азиз муаллим,
Кимса сардор бўлмас, устоз бўлмаса.

Маърифат, иқтисод, санъат турлари,
Осмон эшиклари, ер унсурлари,
Устоз-ла очилгай Қуръон сирлари,
Ҳадис ошкор бўлмас, устоз бўлмаса.

Пуштли, устозлидир ҳар бир синиқчи,
Беустоз муҳандис – оддий чизиқчи,
Устозсиз очилмас ҳатто қизиқчи,
Сухан тагдор бўлмас, устоз бўлмаса.

Ўзи ўсган дарахт мева бермагай,
Сурчи ўз тўйида сурнай чалмагай,
Сартарош ўз сочин ўзи қирмагай,
Уста саркор бўлмас, устоз бўлмаса.

Устоз кўрган зотлар ишга омилдир,
Заковат аҳлига бу сўз шомилдир,
Устознинг авлоси пири комилдир,
Дилда баҳор бўлмас, устоз бўлмаса.

Мирзо, ҳар кўнгилда ният бор бўлсин,
Ватан обод, эл ҳам бахтиёр бўлсин,
Покдил устозларга Тангри ёр бўлсин,
Ҳаёт гулзор бўлмас, устоз бўлмаса.

✍ Мирзо Кенжабек.

Турон адибларига қўшилинг 👇
@Turonadiblari 👈 каналимиз,
@Turon_adiblari 👈 гуруҳимиз.


USTOZ BOʻLMASA

Jahon obodligi ustoz bilandir,
Dilda qaror boʻlmas, ustoz boʻlmasa.
Kamolot, kushufot ustoz bilandir,
Ishda baror boʻlmas, ustoz boʻlmasa.

Yoʻqdan olim boʻldi otamiz Odam,
Haqdan taʼlim oldi Sarvari olam,
Sabab olaminda bul kuni bekam
Ilmu anvor boʻlmas, ustoz boʻlmasa.

Har yoʻl, har sohaning bir piri boʻlur,
Ehtirom dil ahlin tadbiri boʻlur,
Har ishda ustozning bir siri boʻlur,
Kashfi asror boʻlmas, ustoz boʻlmasa.

Hikmat koʻp ilmu fan, kasbu korida,
Dehqon ketmonida, dorboz dorida,
Oshpazning bir siri – garmdorida,
Shogird hushyor boʻlmas, ustoz boʻlmasa.

Ustoz qadrin bilur har qalbi salim,
Hayot darslaridan bergaydir taʼlim,
Dillar ardogʻida – aziz muallim,
Kimsa sardor boʻlmas, ustoz boʻlmasa.

Maʼrifat, iqtisod, sanʼat turlari,
Osmon eshiklari, yer unsurlari,
Ustoz-la ochilgay Qurʼon sirlari,
Hadis oshkor boʻlmas, ustoz boʻlmasa.

Pushtli, ustozlidir har bir siniqchi,
Beustoz muhandis – oddiy chiziqchi,
Ustozsiz ochilmas hatto qiziqchi,
Suxan tagdor boʻlmas, ustoz boʻlmasa.

Oʻzi oʻsgan daraxt meva bermagay,
Surchi oʻz toʻyida surnay chalmagay,
Sartarosh oʻz sochin oʻzi qirmagay,
Usta sarkor boʻlmas, ustoz boʻlmasa.

Ustoz koʻrgan zotlar ishga omildir,
Zakovat ahliga bu soʻz shomildir,
Ustozning avlosi piri komildir,
Dilda bahor boʻlmas, ustoz boʻlmasa.

Mirzo, har koʻngilda niyat bor boʻlsin,
Vatan obod, el ham baxtiyor boʻlsin,
Pokdil ustozlarga Tangri yor boʻlsin,
Hayot gulzor boʻlmas, ustoz boʻlmasa.

✍ Mirzo Kenjabek.

Turon adiblariga qoʻshiling 👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

УСТОЗ

Соҳибқирон ётар устоз пойида,
Жомийни пир тутган Навоий ҳазрат.
Устоз буюк деган буюк қоида
Бу қайтар дунёда азалий ҳикмат.

Афлотунга шогирд эди Арасту,
Ул шогирдга шогирд бўлди Искандар.
Бу олтин силсила давоми мангу,
Ўзи устоз бўлар устоз кўрганлар.

Борми мураббийдан бахтлироқ инсон,
Шогирдлари қилса юксакка парвоз.
Бошимизга тожсиз, бор бўлинг омон,
Табарруклар ичра табаррук устоз!

✍ Эркин ВОҲИДОВ.

Турон адибларига қўшилинг 👇
@Turonadiblari 👈 каналимиз,
@Turon_adiblari 👈 гуруҳимиз.


USTOZ

Sohibqiron yotar ustoz poyida,
Jomiyni pir tutgan Navoiy hazrat.
Ustoz buyuk degan buyuk qoida
Bu qaytar dunyoda azaliy hikmat.

Aflotunga shogird edi Arastu,
Ul shogirdga shogird boʻldi Iskandar.
Bu oltin silsila davomi mangu,
Oʻzi ustoz boʻlar ustoz koʻrganlar.

Bormi murabbiydan baxtliroq inson,
Shogirdlari qilsa yuksakka parvoz.
Boshimizga tojsiz, bor boʻling omon,
Tabarruklar ichra tabarruk ustoz!

✍ Erkin VOHIDOV.

Turon adiblariga qoʻshiling 👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

SENDAN O‘ZGA BOYLIGIM YO‘QDIR

✍🎤 Halima Jumaniyozova,
Amerika. Nyu-York.

Turon adiblariga qoʻshiling 👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

ҚИРҒИЗ ОҒАМ

Қона-қона ичмасам ҳам қимизингни,
Ўтов гаштин сурмасам ҳам қўноқ бўлиб.
Чингизингдан англаб олдим ўзлигингни,
Мадҳинг қилсам илҳом келар кўп қуйилиб.

Қирғиз оғам, суҳбатингда бўлганим йўқ...
Билдим аммо юртда қизинг суюклигин.
Алп ўғлонинг ўқиганда туташди чўғ,
Мафтун этмиш маьниларинг қуюқлиги.

Бир гулханнинг теграсида куйдан эриб,
Қўбизингни минг бўғинда туймасам ҳам.
Яхши билгум, бир-бирига меҳрин бериб,
Оталарим битта нонни кўрган баҳам.

Яхши кунда кундай кулган, ярқираган,
Оғир кунда олланган, йўлдошгинам.
Оғир кунда оловланган, йўлдошгинам.
Ўлан пайти шўх Нориндай шарқираган,
Кексаликка бўй бермаган чўғ ёшгинам.

Қабул айла, сенга эзгу тилагимдан
Шода тизиб, билганимни шеърга солдим.
Дўстлик ўти гуруллаган юрагимдан
Қитдай учқун бўларму, деб, ўйга толдим.

✍ Малика Мирзаева,
Фарғона шаҳри

Турон адибларига қўшилинг 👇
@Turonadiblari 👈 каналимиз,
@Turon_adiblari 👈 гуруҳимиз


QIRGʻIZ OGʻAM

Qona-qona ichmasam ham qimizingni,
Oʻtov gashtin surmasam ham qoʻnoq boʻlib.
Chingizingdan anglab oldim oʻzligingni,
Madhing qilsam ilhom kelar koʻp quyilib.

Qirgʻiz ogʻam, suhbatingda boʻlganim yoʻq...
Bildim ammo yurtda qizing suyukligin.
Alp oʻgʻloning oʻqiganda tutashdi choʻgʻ,
Maftun etmish manilaring quyuqligi.

Bir gulxanning tegrasida kuydan erib,
Qoʻbizingni ming boʻgʻinda tuymasam ham.
Yaxshi bilgum, bir-biriga mehrin berib,
Otalarim bitta nonni koʻrgan baham.

Yaxshi kunda kunday kulgan, yarqiragan,
Ogʻir kunda ollangan, yoʻldoshginam.
Ogʻir kunda olovlangan, yoʻldoshginam.
Oʻlan payti shoʻx Norinday sharqiragan,
Keksalikka boʻy bermagan choʻgʻ yoshginam.

Qabul ayla, senga ezgu tilagimdan
Shoda tizib, bilganimni sheʼrga soldim.
Doʻstlik oʻti gurullagan yuragimdan
Qitday uchqun boʻlarmu, deb, oʻyga toldim.

✍ Malika Mirzayeva,
Fargʻona shahri

Turon adiblariga qoʻshiling 👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

СИНГЛИМГА

Тугамайди минг бир муаммо
Мен синглимни бир кўриб келай.
Четга суриб ишларинг дунё,
Мен синглимни  бир кўриб келай.

Кимнинг кўнгли кўк ойидадир,
Кимнинг дарди пулу фойдадир,
Жаннат шу синглим пойидадир,
Мен синглимни бир кўриб келай.

Онамни кўргандай бўлайин,
Ёнида тургандай бўлайин,
Маъюс  кўнглим мен ҳам кулайин,
Мен синглимни бир кўриб келай.

Йўлларимга термулиб кўзи,
Сўзларида онамнинг сўзи,
Татимайди ичган ош- тузи,
Мен синглимни  бир кўриб келай.

Йўлни  яқин қилай деб эвоҳ,
Боссам бўлмас бўғдойзор гуноҳ,
Жаннатга йўл Худойим гувоҳ,
Мен синглимни бир кўриб келай.

Қорам кўриб қорни ҳам тўяр,
Онам каби у мени суяр,
Бир кун ўлсам хун йиғлаб куяр,
Мен синглимни бир кўриб келай.

Онамдан у қолган ёдгорим,
Бу дунёда ёлғизим борим,
Жамол , номусим ҳамда орим,
Мен синглимни бир кўриб келай.

✍ Жамолиддин  ОБЛОҚУЛОВ,
Хўжанд вилояти

Турон адибларига қўшилинг 👇
@Turonadiblari 👈 каналимиз,
@Turon_adiblari 👈 гуруҳимиз



SINGLIMGA

Tugamaydi ming bir muammo
Men singlimni bir koʻrib kelay.
Chetga surib ishlaring dunyo,
Men singlimni  bir koʻrib kelay.

Kimning koʻngli koʻk oyidadir,
Kimning dardi pulu foydadir,
Jannat shu singlim poyidadir,
Men singlimni bir koʻrib kelay.

Onamni koʻrganday boʻlayin,
Yonida turganday boʻlayin,
Mayus  koʻnglim men ham kulayin,
Men singlimni bir koʻrib kelay.

Yoʻllarimga termulib koʻzi,
Soʻzlarida onamning soʻzi,
Tatimaydi ichgan osh- tuzi,
Men singlimni  bir koʻrib kelay.

Yoʻlni  yaqin qilay deb evoh,
Bossam boʻlmas boʻgʻdoyzor gunoh,
Jannatga yoʻl Xudoyim guvoh,
Men singlimni bir koʻrib kelay.

Qoram koʻrib qorni ham toʻyar,
Onam kabi u meni suyar,
Bir kun oʻlsam xun yigʻlab kuyar,
Men singlimni bir koʻrib kelay.

Onamdan u qolgan yodgorim,
Bu dunyoda yolgʻizim borim,
Jamol , nomusim hamda orim,
Men singlimni bir koʻrib kelay.


✍ Jamoliddin OBLOQULOV,
Xoʻjand viloyati

Turon adiblariga qoʻshiling 👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

АССАЛОМ

Муҳташам бир юртда жилмаяр қуёш,
Мустаҳкам ҳимоя,  сарҳадда хушёр.
Оналар бемалол алла айтган пайт,
Шукроналар қилдик, такрор ва такрор.

Тенги йўқ  Ватанга салом, Ассалом,
Доим шод бўлайлик, бўлайлик омон.

Атлас-у,  адраслар,  дўппи-ю, тўнлар,
Келин саломларга уланган тўйлар.
Каттанинг йўлини кесмайди кичик,
Отага асло тик боқмас Ўзбеклар.

Энг улуғ миллатга таъзим -  Ассалом
Доим шод бўлайлик, бўлайлик омон.

Темур ҳайбатидан титради дунё,
Навоий сатрини ёдлади жон деб.
Дунёга дарс берди боболаримиз,
Энди жаҳон ҳайрон Ўзбекистон деб.

Шавкатли тарихга дедик -  Ассалом
Доим шод бўлайлик, бўлайлик омон.

Бахтли болаликнинг болажонлари,
Яшнаган қирларнинг лолажонлари.
Биздан бахтли бўлар фарзандларимиз,
Бунга ҳақлари бор, бор имконлари.

Келар келажакка биздан Ассалом,
Доим шод бўлайлик, бўлайлик омон.

✍ Рислиғой ҲОТАМОВА,
Наманган вилояти.

Турон адибларига қўшилинг 👇
@Turonadiblari 👈 каналимиз,
@Turon_adiblari 👈 гуруҳимиз



ASSALOM

Muhtasham bir yurtda jilmayar quyosh,
Mustahkam himoya, sarhadda xushyor.
Onalar bemalol alla aytgan payt,
Shukronalar qildik, takror va takror.

Tengi yoʻq Vatanga salom, Assalom,
Doim shod boʻlaylik, boʻlaylik omon.

Atlas-u, adraslar, doʻppi-yu, toʻnlar,
Kelin salomlarga ulangan toʻylar.
Kattaning yoʻlini kesmaydi kichik,
Otaga aslo tik boqmas Oʻzbeklar.

Eng ulugʻ millatga taʼzim -  Assalom
Doim shod boʻlaylik, boʻlaylik omon.

Temur haybatidan titradi dunyo,
Navoiy satrini yodladi jon deb.
Dunyoga dars berdi bobolarimiz,
Endi jahon hayron Oʻzbekiston deb.

Shavkatli tarixga dedik -  Assalom
Doim shod boʻlaylik, boʻlaylik omon.

Baxtli bolalikning bolajonlari,
Yashnagan qirlarning lolajonlari.
Bizdan baxtli boʻlar farzandlarimiz,
Bunga haqlari bor, bor imkonlari.

Kelar kelajakka bizdan Assalom,
Doim shod boʻlaylik, boʻlaylik omon.

✍ Risligʻoy HOTAMOVA,
Namangan viloyati.

Turon adiblariga qoʻshiling 👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

УМР ЎТАР

Умрим бир масофа, топилмас
охири,
Орқага қарасам чўчитар тахири,
Умр шу-- кўпроқдир азоби, таъзири,
Ҳўл-қуруқ ҳаётда ёнади қўшилиб...

Яшайсан баъзида ўйлашга вақт топиб,
Ўтказиб қўясан билмасдан вақт чопиб,
Бўрию қуённинг терини ол ёпиб,
Ҳаётда яшаш йўқ одамдай очилиб...

Имкондир қарилик сўйлашга ўтгандан,
Томоша: умрингнинг поёни етгандан,
Фойда йўқ ёмондан яхшилик кутгандан,
Кетса гар уруғлар оламга сочилиб...

Ўтирдим дераза рахига суяниб,
Йўл тўла кимлардир ўтишар куйманиб,
Умр шу-- бир ухлаш ва қолиш уйғониб,
Уйғонсанг яшагин иймонни куч билиб...

✍️ Барно ИСАҚОВА,
Қозоғистон. Туркистон вилояти.

Турон адибларига қўшилинг 👇
@Turonadiblari 👈 каналимиз,
@Turon_adiblari 👈 гуруҳимиз



UMR OʻTAR

Umrim bir masofa, topilmas
oxiri,
Orqaga qarasam choʻchitar taxiri,
Umr shu-- koʻproqdir azobi, taʼziri,
Hoʻl-quruq hayotda yonadi qoʻshilib...

Yashaysan baʼzida oʻylashga vaqt topib,
Oʻtkazib qoʻyasan bilmasdan vaqt chopib,
Boʻriyu quyonning terini ol yopib,
Hayotda yashash yoʻq odamday ochilib...

Imkondir qarilik soʻylashga oʻtgandan,
Tomosha: umringning poyoni yetgandan,
Foyda yoʻq yomondan yaxshilik kutgandan,
Ketsa gar urugʻlar olamga sochilib...

Oʻtirdim deraza raxiga suyanib,
Yoʻl toʻla kimlardir oʻtishar kuymanib,
Umr shu-- bir uxlash va qolish uygʻonib,
Uygʻonsang yashagin iymonni kuch bilib...

✍️ Barno ISAQOVA,
Qozogʻiston. Turkiston viloyati.

Turon adiblariga qoʻshiling 👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

ДАРДИМ СИҒМАС ДУНЁГА

Дардим сигмас дунёга,
Сиғмай қолдим ўзим ҳам.
Хаёлимда бир-бирин
Алдар икки кўзим ҳам.

Ким дўстиму ким душман
Била олмай мен ҳалак.
Иккиси ҳам ширин сўз,
Тушинтир ўзинг, фалак.

Онанинг оқ сутини
Кимдир ўлчар пул билан,
Кимдир кимга чоҳ қазир
Қўлидаги гул билан.

Саломдан ҳам наф излар,
Гап тагидан гап излар.
Ёрни ёрдан айирди
Ниқоб тутган шу юзлар.

Улар бири-бирини
Тез топади ҳамиша.
Қаерда сиз яхшилар,
Манзилингиз қай гўша?!

Кўзингни оч, эй Йўлдош,
Юрак ўтсиз бўлмасин.
Куйга тўлдир дунёни,
Одамийлик ўлмасин!

✍ Йўлдош СУЛАЙМОН,
Фарғона вилояти.

Турон адибларига қўшилинг 👇
@Turonadiblari 👈 каналимиз,
@Turon_adiblari 👈 гуруҳимиз



DARDIM SIG‘MAS DUNYOGA

Dardim sigmas dunyoga,
Sig‘may qoldim o‘zim ham.
Xayolimda bir-birin
Aldar ikki ko‘zim ham.

Kim do‘stimu kim dushman
Bila olmay men halak.
Ikkisi ham shirin so‘z,
Tushintir o‘zing, falak.

Onaning oq sutini
Kimdir o‘lchar pul bilan,
Kimdir kimga choh qazir
Qo‘lidagi gul bilan.

Salomdan ham naf izlar,
Gap tagidan gap izlar.
Yorni yordan ayirdi
Niqob tutgan shu yuzlar.

Ular biri-birini
Tez topadi hamisha.
Qayerda siz yaxshilar,
Manzilingiz qay go‘sha?!

Ko‘zingni och, ey Yo‘ldosh,
Yurak o‘tsiz bo‘lmasin.
Kuyga to‘ldir dunyoni,
Odamiylik o‘lmasin!

✍ Yo‘ldosh SULAYMON,
Farg‘ona viloyati.

Turon adiblariga qoʻshiling 👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

БАХМАЛ ТУЙҒУЛАР 

Бахмалдек товланди дунёнинг ичи,
Бахмаллар устида югурдим, чопдим.
Бахмал туйғуларни бўшатдим ичиб,
Жаҳонингга кириш йўлини топдим. 

Умидимни экдим қушлар кўзига,
Кабутарлар туққан ҳосиламанми?
Ҳайдасанг, кетолмай тўлиқиб тўзган,
Кипригингга ёшдек осиламанми? 

Соғинганман дегинг, соғинганинг айт,
Ипак канотидан ушладим дардни.
Мен қандай сидириб ташлайин, ўргат,
Юрагимда ўсган абадиятни. 

Дилимни чархлайди зангори харсанг,
Балиқ бўлай, кўрсат ариқларингни.
Муҳаббат — Худонинг ҳовузи бўлсанг,
Нега кўзида ёш балиқларингни?

✍️ Дилшода ЭРГАШEВА,
Фарғона вилояти.

Турон адибларига қўшилинг 👇
@Turonadiblari 👈 каналимиз,
@Turon_adiblari 👈 гуруҳимиз



BAXMAL TUYGʻULAR 

Baxmaldek tovlandi dunyoning ichi,
Baxmallar ustida yugurdim, chopdim.
Baxmal tuyg‘ularni bo‘shatdim ichib,
Jahoningga kirish yo‘lini topdim. 

Umidimni ekdim qushlar ko‘ziga,
Kabutarlar tuqqan hosilamanmi?
Haydasang, ketolmay to‘liqib to‘zgan,
Kiprigingga yoshdek osilamanmi? 

Sog‘inganman deging, sog‘inganing ayt,
Ipak kanotidan ushladim dardni.
Men qanday sidirib tashlayin, o‘rgat,
Yuragimda o‘sgan abadiyatni. 

Dilimni charxlaydi zangori xarsang,
Baliq bo‘lay, ko‘rsat ariqlaringni.
Muhabbat — Xudoning hovuzi bo‘lsang,
Nega ko‘zida yosh baliqlaringni?

✍️ Dilshoda ERGASHEVA,
Farg‘ona viloyati.

Turon adiblariga qoʻshiling 👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

БИР КУНИ...

Бир куни энг гўзал тонг отар,
Тонг мисоли ёришгай хаёл.
Бамдод намозига уйғотар,
Дунёдаги энг гўзал аёл.

Бошимга қўнади бахт қуши
У жилмайса  ёришар ҳонам.
Меҳр билан силасам қошин
Бармоқларим кесилиб қонар.

Лаби ғунчам -  бу ташбеҳ эски,
Тили болим -  бу ҳам сийқа гап.
У бўлади  сўзлари кескир,
Лек, беҳуда очилмагай лаб.

Яна ёза бошлайман яйраб
Аммо, энди, на андуҳ, на ғам.
Фақатгина, у берган ҳайрат
Оқиб кирар  шеърларимга ҳам.

Бир куни ўнгимга дўнару
Чиқиб келар қаршимга тушим
Бир куни бошимга қўнару
Бахт сўрайди мендан бахт қуши.


✍ Абдураҳим АБДИЕВ,
Андижон вилояти.


Турон адибларига қўшилинг 👇
@Turonadiblari 👈 каналимиз,
@Turon_adiblari 👈 гуруҳимиз



BIR KUNI...

Bir kuni eng go'zal tong otar,
Tong misoli yorishgay xayol.
Bamdod namoziga uyg'otar,
Dunyodagi eng go'zal ayol.

Boshimga qo'nadi baxt qushi
U jilmaysa  yorishar xonam.
Mehr bilan silasam qoshin
Barmoqlarim kesilib qonar.

Labi g'uncham -  bu tashbeh eski,
Tili bolim -  bu ham siyqa gap.
U bo'ladi  so'zlari keskir,
Lek, behuda ochilmagay lab.

Yana yoza boshlayman yayrab
Ammo, endi, na anduh, na g'am.
Faqatgina, u bergan hayrat
Oqib kirar  sheʼrlarimga ham.

Bir kuni o'ngimga do'nar-u
Chiqib kelar qarshimga tushim
Bir kuni boshimga qo'nar-u
Baxt so'raydi mendan baxt qushi.


✍ Abdurahim ABDIYEV,
Andijon viloyati.

Turon adiblariga qoʻshiling 👇
@Turonadiblari 👈 kanalimiz,
@Turon_adiblari 👈 guruhimiz.

https://www.tg-me.com/Turonadiblari

ONA TILIM

🎤 Sayyid Yunus (Afg‘oniston)

Turon adiblari telegram kanali va guruhi 👇
@Turonadiblari 👈 kanalimiz,
@Turon_adiblari 👈 guruhimiz.

@Turonadiblari

ТИЛ БИЛАН

Бўлди ким иқболи рахшон тил билан,
Бўлди ким танҳои даврон тил билан.

Парча эт дунёга келгач ингради,
Ёхуд унга кирдими жон тил билан!?

Бу жаҳон бозоридан наф истаган
Сотти қиммат, олди арзон тил билан.

Гаҳ тўқуш машқида тўзғиб кўп черик,
Бўлди ишғол асру довон тил билан.

Гоҳ ўсал қошида лол ўлғач табиб,
Мушфиқ она топди дармон тил билан.

Ноўрин фармондан армонлар қолиб,
Тиндирилди неча исён тил билан.

Кетса омад, эй Мурод ўксинмагил,
Қўлга киргай барча имкон тил билан!

✍ Отамурод Поён,
Термиз.

Турон адиблари телеграм канали ва гуруҳи 👇
@Turonadiblari 👈 каналимиз,
@Turon_adiblari 👈 гуруҳимиз.



TIL BILAN

Boʻldi kim iqboli raxshon til bilan,
Boʻldi kim tanhoi davron til bilan.

Parcha et dunyoga kelgach ingradi,
Yoxud unga kirdimi jon til bilan!?

Bu jahon bozoridan naf istagan
Sotti qimmat, oldi arzon til bilan.

Gah toʻqush mashqida toʻzgʻib koʻp cherik,
Boʻldi ishgʻol asru dovon til bilan.

Goh oʻsal qoshida lol oʻlgʻach tabib,
Mushfiq ona topdi darmon til bilan.

Nooʻrin farmondan armonlar qolib,
Tindirildi necha isyon til bilan.

Ketsa omad, ey Murod oʻksinmagil,
Qoʻlga kirgay barcha imkon til bilan!

✍ Otamurod Poyon,
Termiz.

Turon adiblari telegram kanali va guruhi 👇
@Turonadiblari 👈 kanalimiz,
@Turon_adiblari 👈 guruhimiz.
https://www.tg-me.com/Turonadiblari