خدعوني وعشت هالگد
گالوا فتره وتعدي.

بعد ما عندي كل طاقة
وصلت وياهم لحدي

يكتل نفسه بسلاحه
اذا يتحاصر الجندي.

التعب نايم على عيوني
غراب و ينهش بجثة.

اضم عيوني بيدية
امثل عود اريد اغفى
افهموني الوجع اكبر بعد ما ينضم بغرفة.

صياح و ناس جاي تموت
احس براسي مستشفى

انا ابن ادم مثلم اچذب لو گلت سالم

دام ليلة عرس ما ينوخذ ثارك.

شمرتك لليشبهك زحمة تبقى وياي.

چزت روحي والمطروقة عفناها.

تاجر مكتفي وشاركتك المحصول
تتشرط عليه انوب فوگاها ؟

تعودت ؏ الحزن
والشاهد الله صرت ما افرح من افرح
ملّيت بس انجرح امنيتي مرة اجرح.

كف بأول جرح
لا تنلچم مرتين.

عاهة يضل اذا مرتين يتخيط
ابتره اليوجعك من الجذر وارتاح.

عليمن باقي عثره
ووضعك مخربط ؟

شما أمشي بطريق الگاه مسدود
و مثل كل يوم ارد لأهلي مخذول.

اضم بعيوني خاف تبين دموع
چبير و زحمة لو شافوني مذلول !

هنانه تحير
تبقى تدور أعذار
و لو سألوك تسكت مدري شتگول ؟

ما مهتم تبين كلشي ما بيك
و انت بداخلك أنسان مكتوّل.

أردك للصفر ما اردك وياي
وأراويك اليثگل وجهة مرة.