قولولهم ياجدوا الصبر ونحن علينا العزايم

الصبح صبح كنك ما تصلي؟

صلينا

براوة

بقعادك وحدك ما تملي

يا مولاة الحوش حلي

الصبح صبح كانك بتصلي

منطاعلك طوعة فقيه للملّة

بعد الاولي ماجا غلاء من جده ..
كيف السلف واجب علي انرده ..

‏عدا للمرج وخلاني ..
‏قول لبويا يا ذوحاني ..

‏اليوم زغرتي يا شبه عين الجازي ..
‏بفوز الاهلي فارحة بنغازي ..

صلوا ع الزين

بويا لو تبقالة كنة !
ما عاد يرافق فلاسة

ندخل وراك النار قبل الجنة ..
سمار نوم الناس ما نامنه ..

حالي بعدكم صايف ..
وعمري كمل كله مغير حسايف ..
والقلب لأيام الدلال أمرايف ..
والعين تبكي مرايفة بتجيكم ..

لي قلب مو عارف الا طاريكم ..
ليل ونهار ايسال غير عليكم ..

فوق الناس غلاك بروحه 💛

كُل أملي انكم :
ما تشمتوا بعد الغَلا حسّاد فيا .

وطلبي الوحيد :
ف جنب مرادي حطوني