طاحن نجـٌوم الليل وانت وينك !؟

الأنظار قالن وينة ؟

تغونينك ع المرهونين ..
امخليك تسيلي يالعين ..

مانهون غلاها🤍

‏طول الحياة طامع نريد جوارة
لكن حكم مولاي باعد داره ..

ليش سامرة يالعين ع سباهم ..
مكتوب من العالي ع فرقاهم ..

غير ارجعي معايا حنونة كوني ..
تلقي الوفاء عندي قليل نظيرة ..

والنفس عندي كيف تهوني
ولولاك ما وردي يفوح عبيرة

مغير تعال يا شبه الغزال ..
ما من حن تلقاه ودلال ..

انا وياك والغربه قسامي
يامشتاق ياقلبي الضامي 🖤

انا وياك يا قلب ما رينا زها ..
خذينا راي العين ظلتنا سوا ..

تهايالي عزيز لفى ..
تهايالي معاي حكى ..
تهايالي وطول الليل ..
يمسح دمعتي اللي تسيل ..
تهايالي ولكن لا !

تهايالي بعد غيبات ..
جا جنبي العزيز وبات ..
داوا ف الكنين جروح ..
وين علم الصبح ضوا ..
سيبني العزيز مشى ..
وخلاني نزيد شقى ..

‏تعالي كان غاب النقار ..
ع ذراعك شيليه اسوار ..

نقارك غاب ..
غير تعالي رديه الباب ..
يا سجية نا مانحساب ..
اتصبي زيتك فوق النار ..

غاب التيوس ..
اجعنه ف طبرق محبوس ..
لا يخدم لا ايدير فلوس ..
لا يعلم لا ايجيب أخبار ..

‏تلقاني حنون
انصون غلاك ما بين جفون
و لا فـي يـوم يا غالي تهون
طيفك دوم معايا في الخيال ،،

يصعب إيهـٌون اولافة
ويترگ غوالي بعد طول أريافة .🖤

في بحورهم ياما جذف مجذافه..
وياما تناجو في اوقات صعيبه..

يصعب عليه العقل ينسي ريده،،

‎

‏خلك قريبة اقريبة ..
يلي عليا احبيبة ..
لا تبعدي لا تفارقي ..
لا تنسي العشرة الطيبة ..

خلك قريبة يا روحي ..
يا دمعتي ويا نوحي ..
انريدك دواء لجروحي ..
زولك الله لا يغيبة ..

خلك قريبة يا منايا ..
يا فرحتي وشقايا ..
نبيك دوم احذايا ..
حالف غلاك ما نسيبة ..