قصيده لرجوع السيده زينب عليها السلام الى المدينه


ردت اليوم العقيله للنزل شافته خالي
ونت بحسره وملامه عالكفيل بصوت عالي

موگلت يوم الطلعنه من المدينه
زينب انتي بذمتي وكل الظعينه

جيتك اليوم ودمعتي عالوجن ظلت تلالي

ــــــــــــــ المستهل ـــــــــــــ

ظلمه عگبك ياكفيلي اصبحت والله الديار
مالي عين انظر مكانك والگلب مثل الشرار
مادريت شصار بيه راح اسولف شنهو صار

بالجلاله وعز رحلنه عن وطنه
بس حرم واطفال رد هسه ظعنه

گوم ليه ياكفيلي وانظر شصار وجرالي

الخـ✍️ ــادمه ام زيد الشمري

ـــــــــــــــــــ①ـــــــــــــــــــ

خويه ردينه لوحدنه والدرب كلش طويل
والتعب بين علينه والدمع عالخد يسيل
والمشي بثكل الهضايم والشتم بينه يعيل

والضعن ماهو رد بس النساوين
نامو بطف كربله عباس وحسين

معنى جانو وي حياتي هسه ماواحد بگالي

✍طالبةالزهراء

ـــــــــــــــــــ②ـــــــــــــــــــ

ارجعنه یاخویه لوحدنه والظعن کله نساء
ظلوا بطف المنایه کل اهلنه بکربلاء
بس حرم وایتام اجینه ومرتفع منها البکاء

ابیوت اهلنه خالیه من النشامه
بس علي السجاد رد النه علامه

انه ملجومه بزماني بس قهر والهم صفالي

✍🏻المیرزه ام ليلي الخاقانی

ـــــــــــــــــــ③ـــــــــــــــــــ

خويه بالگوه مشيته الدرب عنك يالحنين
تدري جم مره التفت لك موجر بصدر الونين
حدبن عمري الليالي جانت احبال بأيدين

هواي رديت بركض يا خويه اعليك
مامصدگه بروحي راح امشي وخليك

خويه گلي شلون بيه امشي عنك هيج تالي

✍️طالبةالزهراء

ـــــــــــــــــــ④ـــــــــــــــــــ

الرجعه متروسه مصايب اهناك ودعت الگبور
انه كل ظني اشوفن اخوتي والهم ازور
ماشفت واحد گعدلي گمت افتر وحدي ادور

آخ يادار النشامه تنعه باحزان
وانه رديت ابهظم والگلب تعبان

للمدينه راجعه انه لوحدي من غيرك يوالي


✍️ام علي المالكي

ـــــــــــــــــــ⑤ـــــــــــــــــــ

تمت باقــ✍️ــلام شاعرات #رابطة أدب الطف
#منتدى القلم الفاطمي

https://www.tg-me.com/typkj

قصيده لختام مجالس التعزيه
الوزن تجليبه👇👇

ختمناها العزيه بفاطمه الزهره
ذكرناها وذكرنا الضلع والسطره

❥❥ـــــــــــ❁❂❁ـــــــــــ❥❥

نختم مجلسه بالاه والدمعه
ونبدي عشرة المظلومه البضعه
ندعي بالسلامه يعوده وننعه
على الداسته خيول وهشمو صدره

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

شهرين المضن نخدم ابو اليمه
الخدم ملتمه وشمحلاها من لمه
عطر ام الحسن بالمجلس انشمه
ندري تحضر وتستمع لليقره

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

ندري تحضر بكل مجلس قرايه
تلطم عالضلع هم شايله الرايه
ويــاهـــا نضــل للــموت وفايه
ماننسه مصاب احسينها ونحره

أم صــ✍️ــــادق المنصوري

❥❥ـــــــــــ❁❂❁ـــــــــــ❥❥

ماننسى الجرى لحسين سيدنه
وبدفتر الخدمه امه تسجلنه
نريده بالقيامه هناك يحضرنه
ومن عنده ننترجه هناك فد نظره

📚🖌️ام زهراء

❥❥ـــــــــــ❁❂❁ـــــــــــ❥❥

نظره سيدي خدامك احميها
تخدم من گلب والروح تفديها
شفاعه تريد من عندك يواليها
عهد وانعاهد من سنين للحره

✍ام اسعد الشمري

❥❥ـــــــــــ❁❂❁ـــــــــــ❥❥

على طول السنه ماننسه المظلوم
ناذرته العمر للماشرب محروم
وهاي الخدمه نتمنى تظل للدوم
على المذبوح نلطم نبچي ابعبره

✍️ام علي المالكي

❥❥ـــــــــــ❁❂❁ـــــــــــ❥❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/typkj

نخوه للنبي (ص) لطلب الذريه

((الوزن موشح))

نظره منك يارسول الله الامين
للـــذي ماعــنده مــولانه جنين

✿──↻✿...✿↺──✿

نظره مــنك للذي گلبه جـريـح
سنين ماعنده طفل بابا يصيح
نقسم اعليك بابو اليمه الذبيح
تنظر لحاله وجنـميع المسلمين

الخـ✍️ــادمه ام زيد الشمري

✿──↻✿...✿↺──✿
تنـــضر الــحاله وترزقــه بالضــنه
كون بحضينه الولد هـاي الســنه
امـــتك باسمـــك تــنادي ميــقنه
نحلفك بفاطــمه ومقطوع الوتين

أم صــــ✍️ـــادق المنصوري

✿──↻✿...✿↺──✿

نظــره منـــك يانــبي ابجاه العليم
تجــبر اگليبه انــحرم مــن النعــيم
يدعي رحمه اتشمله من رب كريم
بالسعاده انــذكر مال اويه البــنين

✍ام اسعد الشمري

✿──↻✿...✿↺──✿
لحاله انظر يالنبي وصوته يكول
ياالهـــي اقــسم اعلــيك البــتول
اوليد خادم اجعله لال الرســول
فرحه بحق طفل مولاي الحسين

📚🖌️ام زهراء

✿──↻✿...✿↺──✿
يارسول الله ابجاهك ياشفيع
اتفرح المحروم ولگلبه فجيع
تترس حضينه يبو العتره برضيع
الباري رحمه نزلك للعالمين

*الحاجه ام احـــ✍ـــمد الحچامي*

✿──↻✿...✿↺──✿

بمـجلسك يحضر الماعنده طفل
جاي متعني ودمع عينه يهل
إنحلـــفك بفاطمه وشيال الحمل
نريد منك نظره وتقرهه العين

✍️ام علي المالكي

✿──↻✿...✿↺──✿

تمت باقلام شاعـ✍️ــرات رابطة خادمات سيد الشهداء عليه السلام
منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/typkj

شايل الهادي ياعلي
وفاطم عليه حزنانه
┄┅═✧❁★-❁✧═┅┄
شايل وعاف بنيته
شلون هضمه هضمته
ويلاه يوم الشافته
يعيونها عميانه
┄┅═✧❁★-❁✧═┅┄
عميانه متوجد الدرب
فراكك اعليها صعب
مصايب عليها تصب
عگبك تضل دوهانه
ام حسين المحمداويه

┄┅═✧❁★-❁✧═┅┄
حزنانه حيل اعله الولي
والمدمع اعله الخد هلّي
وتصيح گلي ياعلي

راح الذي ويانه
___________________
ودمع الأمام اعليه جره
ظل خالي مظلم منبره
والنعش ويلي من سره

امغيمه اصبحت دنيانه

ام علي المالكي
_____________________
افراكك الحيل ايهدمه
شايل يرحمه السمه
بعدك حزينه العالمه

بت النبي وتعبانه
____________________
گطعت الضنه وايست
ساعة الجنازه مشت
اتون لبوها ونوحت

داره بقت خلوانه

✍ام مرتضى الخزرجي
______________________-__
تمت بأقلام شاعرات كفيل زينب ع
في المنتدى الفاطمي
ونسألكم الدُعاء

https://www.tg-me.com/typkj

لطميه/جنوبي +هوسات
بحق سيد نصر الله قدسه روحه الطاهره

القدس تنعه ،،،،من شالت العياله
_____________________
اليوم اهل العمايم شاده حزام
الشيعه فاگدينه وعيب متنام
على اليحچي معدل نرفع اعلام

اعله اجدوده ،،،الصيته العالي
القدس تنعه،،،،،من شالت العياله

✍️ام علي المالكي
_______________________
شالو وين قادتنا الابطال

بقينه بس ننوح وحالنه حال

دم العز يويلي اعله الأرض سال

مضيعينه مضيعينه وجهك نصر الله

القدس تنعه من شالو العياله
*✍🏻أم عبــــــــــد اللـــــــــه العـــــــــابدي*
________________________
مضيعينك يسيد بالميادين
تبچي اعليك ربعك تدمع العين
بعد وكتك مشيت الحضرت حسين

لبنان اليوم ،،،،ايريدونه
القدس تنعه من شالوا العياله
______________________
كلها اعليك حزنت موش لبنان
سبع ومخيف يالخالس العدوان
ليش الدهر ماخذ عالي الشان

العالم تبچي ،،،،،وحزنانه
القدس تنعه،، من شالت العياله
✍️ام علي المالكي
_______________________

احا يالدهر شد شده وياي
اخذ وين العزيز وطفه عيناي
ياسيد حسن نيران بچلاي

وتجوينه تسعر نيرانه وتجوينه

القدس تنعه من شالت العياله
*✍🏻أم عبــــــــــد اللـــــــــه العـــــــــابدي*

₰❥ــہہہـ٨ـــ٨ــــــہہـ٨ــ❥

https://www.tg-me.com/typkj

ابد ماينگطع نسل الهواشم يوم
من صلب الرساله حيدر الكرار

بيام الرساله مايخاف الموت
گطع راس بن ود وقاهر الاشرار

علي مانام لليله يفسر القرءان
ولاغمض اعيونه يبحث الاسرار

خاضاهه المعارك ماترف اچلاه
يصفيها الزلم ابسيفه حار ابحار

محد يوگف أويدَنّْه يم ظهره
خيال ويجول وابد مايندار

ابد ماينگطع نسل الميامين
بيهم زود حمزه وجعفر الطيار

حسن نصر الله عوده من الاغصان
جده حسين تاريخه بالافكار

توارثها القياده من الحسن وحسين
ومن حيدر علي واليحمي الجار

ينطيها القدس تقبلونها اشلون
أهي جاره وعزيزه ابطبع الاخيار

قائد مايخاف ولايهاب الموت
يفوت بعينهم لا لا ميحتار

وينه المهدي يحضر لبو الهادي
اليهودي المايخاف الله شعل نار

يدافع عنّْ قضيه ماتراجع لا
مايرضه العرب ابذله دوم احرار

يصيح النّْه المُشكك وين مهديكم
انهض يبو صالح البيكم النه اندار

نريدك بس علامه تظهر النه اتگوم
ونطيهم درس مولاي دگ انذار

واحنه انريدك تظهر
عجل يامولاي

✍🏻ام علي المالكي

https://www.tg-me.com/typkj

قصيده وزن نصاري للسيده الزهراء عليها السلام
┈┉┅━━▪️🔹━━┉┉┈
شالت ام حسن يابعد اهلنه
خلونه نون ونه اعله ونه
┈┉┅━━▪️🔹━━┉┉┈
شالت مابعد ترجع علينه
ظلينه نون اعلى الحنينه
مر فراكها ومنه بجينه

يوجعها ظلعها ام المحنه

*✍🏻أم عبــــــــــد اللـــــــــه العـــــــــابدي*
┈┉┅━━▪️🔹━━┉┉
يوجعها ضلعها وشالت ابساع
يوم الگربت لحظات الوداع
مهظومه وبچت لن الخبر شاع
عليها ابكل گلب چادر نصبنه

✍️ام عدنان سياحي
┈┉┅━━▪️🔹━━┉┉┈
*نصبنـاها الچـوادر والدمـع سال*
*على ام طول الحلو البيهه الوكت مـال*
*خذاهـا مـن اديـنا وغيـر الحـال*

*فـگدنـه العافيـه وريحـة الجـنـه*

✍🏻 *_الشاعــرة ام مهــدي العيــداني_*

┈┉┅━━▪️🔹━━┉┉┈
فگدناهه العزيزه التارسه البيت
اشگد شفجه وحنينه إلهه شتاگيت
كون اليوم اشوفنهه تمنيت

بعدنه ازغار من امي انحرمنه

✍🏻ام علي المالكي
┈┉┅━━▪️🔹━━┉┉┈

نصبنه بالگلب چادر عزيتچ
نون يافاطمه شمعظم رزيتچ
عفتي ابنيتچ او عفتي بيتچ
تنوح عليچ يمه ردي يمنه

✍️ام نــور الـهـدى المنصـوري
┈┉┅━━▪️🔹━━┉┉┈
ردي يم حسن مابيه الفراك
عليج الروح يمه ابساعه تشتاك

ودمع العين لجلج دوم حراك

موتج يالحنينه والله سلنه


ام✍🏻 زين العابدين لمحمداويه
┈┉┅━━▪️🔹━━┉┉┈تمت بأقلام شاعرات القلوب النقيه للخدمه الحسينيه ونسألكم الدُعاء

https://www.tg-me.com/typkj

لطميه /جنوبي +هوسات
بحق السيد القائد سيد حسن نصر الله

مشه وعاف القياده ،،تبچي اعليه
شجاعه وزود من ينجاب طاريه

❥ــــــ☆ـــــــ●ـــــــ☆ــــــ❥

لجدوده رحل عاف القياده
الشيعه مكدره تأذت الساده
وفراگه صعب نال الشهاده

(الكون احزن/مات الهيبه)

✍️ام علي المالكي

❥ــــــ☆ـــــــ●ـــــــ☆ــــــ❥

الكون اظلم على السيد المهيوب
لفراگه الگلب محزن وملهوب
بچينه اعليه بجي النبي يعقوب

(فارگناه/اليحجي بزوده)

الخـ✍️ــادمه ام زيد الشمري

❥ــــــ☆ـــــــ●ـــــــ☆ــــــ❥

يالتشبه صفاته حامي الجار
وبكل المعارك بطل مغوار
شجاعه وغيره بيه الوصف محتار

(فجر بينه/بركان اسود)

✍ام اسعد الشمري

❥ــــــ☆ـــــــ●ـــــــ☆ــــــ❥

حزنانه المعالم تبجي وتنوح
على فراگه الدمع عالوجنه مسفوح
خله الگلب محزن دوم مجروح

(ماننساه/ يومه ياذي)

✍️العلويه ام اياد

❥ــــــ☆ـــــــ●ـــــــ☆ــــــ❥

شكتبله احتار القلم هليوم
شجاع اوبالمعارك دوم معلوم
مكسور الگلب لجله ومهموم

(لمصابه/نكسوها الرايه)

📚🖌️ام زهراء

❥ــــــ☆ـــــــ●ـــــــ☆ــــــ❥

مكسور الگلب والدمع غدران
شجاع وبلحرب يخذل العدوان
القياده تلوگ اله سيد وريسان

(لشخصيته/خسرانه الشيعه)

الــ✍ــحاجه ام احمد الحچامي

❥ــــــ☆ـــــــ●ـــــــ☆ــــــ❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي

https://www.tg-me.com/typkj

قصيده لاستشهاد الزهراء عليها السلام


حيدره يون وينادي فاطمه ماتت شهيده
گلبي شيب من الفرگه وحسرته كلش شديده

شلون ماردت الي
وهيه كل ناسي وهلي

صعبه انه الگه مثلها هي انسانه فريده

❥❥ـــــــــــ❁❂❁ـــــــــــ❥❥

لعنة الله اعله العصرها وخله دمعتها جريه
اضرم النار بنزلها وكسّر ضلوع الزجيه
صاحبه يگله تمهل ياعمر اوگف شويه
بالنزل فاطمه الزهره وانته تدري منهو هيه

وان فاطم بالنزل
عن قراري ما ازل

من علي اخذ البيعه حتى لو جانت بعيده

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

اخذ البيعه يگله وفاطمه اسلب ورثها
مايهمني بالوصيه حتى لو يكثر حزنها
المهم آخذ مرادي مو مهم عندي المها
موضلع واحد اكسره ضلوعها اكسرها كلها

يدري بيها بت نبي
بس عصرها الناصبي

احرمني من زهرة حياتي كون عمري وياها اعيده

أم صــــ✍️ـــادق المنصوري

❥❥ـــــــــــ❁❂❁ـــــــــــ❥❥

اهواي ظلمتها السقيفه ودبرت ليها جريمه
حقها سلبوه ابجساره ياعلي أتصيح الظليمه
وهيه اعظم نسه العالم أذوا الزهره حريمه
وبعد حرموها ارثها وظهرت أحقاد القديمه

غيره ماعنده وخجل
خله زهرتنه بوجل

ابد ماكوا حرمه عدهم إنكتب من الله وعيده

✍️ام علي المالكي

❥❥ـــــــــــ❁❂❁ـــــــــــ❥❥

مارعوا حرمة نبينه ٱذوا الزهره ام ابوها
شكثر وصه الگوم بيهاوسفه لكن مارعوها
كسرو ضلوع الزجيه ومن
عصرهم سكطوها

للجرالج فاطمه
گلوبنه متالمه

يمتى ياخذ ثار امه صاحب الطلعه الرشيده

📚🖌️ام زهراء

❥❥ـــــــــــ❁❂❁ـــــــــــ❥❥

الشمس لابد تبين من بعد ليله طويله
بسيفه مهدينه يحطم كل ظلم والهم يزيله
ياخذ ابثار السقيفه ويمحي كل اهل الرذيله
تنشف ادموع الوديعه وتشفه الگلوب العليله

والله ما ننسى الضلع
ولاالخد المنصفع

الظلم مهما يطوّل يظهر الحق ويكيده

✍️ام محمد تقي الموسوي

❥❥ـــــــــــ❁❂❁ـــــــــــ❥❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/typkj

فزاعيه لدفن الزهراء سلام الله عليها



وسفه ام الحسن
دفنوها بالليل
وعلي الكرار منه نازل الحيل
__________________
مايگدر يشيل النعش بيده
ويصب الدمع ويلي ابهيده
عگبها يگول اسكنها البيده

من عافت نزلهه والمداليل
اليوم ام الحسن
دفنوها بالليل

✍ام علي المالكي
______________
عافت بیتها وسفه ام الحسین
وشیعها علي والدمعه بالعین
دفن ویاها کل عمره والسنین

ابلیل اظلم دفنها آه واویل
وسفه ام الحسن دفنوها بلیل

✍🏻المیرزه ام ليلي الخاقانی
___
الله يعين حيدر من دفنها
گلبه شكال من لفها بجفنها
الحسن وحسين ما عافوا حضنها

يون وللنعش ما يگدر يشيل

وسفه ام الحسن دفنوها بالليل

✍️العلويه الاء
__
كعد يم الكبر يذكر حجيها
اجت ونات بذنه من بجيها
توصيه اعل زينب روح ليها

على تراب اللحد يا دمعته تسيل
اليوم ام الحسن
دفنوها باليل

✍طالبةالزهراء
----------------
وصت تندفن بالليل الاظلم
شيعهه علي ودموعه من دم
گضه ثلثين من حيله وتهدم

على ام عشرة الحلوه چتافه ايميل
وسفه ام الحسن دفنوها
بالليل

✍️العلويه الاء
_____________

بالليل تشيلني عن كل العيون
والسگط جنيني وطگ المتون
خلف اجنازتي ما اريد يمشون

وگبري ينخفي ياحامي الدخيل
وسفه ام الحسن دفنوها بالليل
✍️العلويه الاء
-----------------
------------------
تمت القصيده
بأقلام شاعرات رابطة الطفوف
منتدى القلم الفاطمي
وتسألكم الدُعاء

https://www.tg-me.com/typkj

وزن الدارمي... قصيده تنعى الزهراء عليها السلام

┈┉┅━━❀❀━━┉┉┈
راح الضوه البلعين ويه الزجيه
شالت حنان البيت هاي المسيه

┈┉┅━━❀❀━━┉┉┈
شالت الزهره اليوم واظلم نزلها
عن حالة الويلاد ياهو اليكلها
ظالم بلايه اسباب حلل جتلها
طافي ضواهه العين واصفك باديه

*✍🏻 أم عبــــــــــد اللـــــــــه العـــــــــابدي*

┈┉┅━━❀❀━━┉┉┈
يا ضوة عيوني شلون شالوج عنه
والنعش من طلعوه اظلم نزلنة
انة وحسن وحسين يا يمة صحنة
مثلج حسافة ينام تحت الوطية

✍🏻ام كرار شكر

┈┉┅━━❀❀━━┉┉┈
تحت الوطية تنام زهرة الأكوان
حيدر يون وينوح وعليهة حزنان
واليتم عالحسنين هذا المسة بأن
وزينب تون وتصيح شلون بية

✍🏻ام كرار شكر

┈┉┅━━❀❀━━┉┉┈

زينب تون وصيح وينج يزهره

كلبي بعد عيناج ياهو اليجبره

من زغري يمه البين كسراني كسره

وحشه عكب عيناج يمه الِدنيه

ام✍🏻 زين العابدين لمحمداويه
┈┉┅━━❀❀━━┉
كسره كسرني البين ماكو مثلها

ويه امي راح الحيل من صار اجلها

وعيوني من ادموم إعليها اهلها

راحت الجانت عون وإلنه تجيه

ام✍🏻 زين العابدين لمحمداويه


┈┉┅━━❀❀━━┉

راحت الچان البيت يزهي بضواها
تركت الم واجروح ضايع دواها
وياليلي بالونات يگضي بجفاها
دولبني يمه البين ردي إليه
أم نـــ✍️ــور الـــهــدى

┈┉┅━━❀❀━━┉
زغيره وحن اعليچ يالحلوا ملگاچ
طولچ خفه والدار موحش بلياچ
يايمه اروح وياچ مگدر الفرگاچ

صعبه اليتم والنوب دارج خليه

✍🏻ام علي المالكي
┈┉┅━━❀❀━━┉
دولبني يمه البين من خذچ مني
من انضر مچانچ حيل ايزيده وني
احملت المصايب ليش من صغر سني

ريته حضر هاليوم سيد البريه

*الــ✍ــحاجه ام احمد الحچامي*
┈┉┅━━❀❀━━┉

تمــــــ✍🏻ـــــت القصـــــــيده بأقلام الشاعرات فـــــــــ✍🏻ـــــــي رابطـــــــة القلـــــ💔ــــوب النــــ🤲ــــقيه غير مبرئ للذمه من يحذف اســـــــــماء الشاعــــــــــرات..

https://www.tg-me.com/typkj

قصيده للزهراء عليها السلام



حيدر يون ودمعته عالخد جريه
فاگد اعز اثنين طه والزجيه

❥❥ـــــــــــ❁❂❁ـــــــــــ❥❥

ينظر لحجرتها بحزن والدمع هالي
ويگول فگد الطاهره عذب لي حالي
بغيابها وحشه صفت والله الليالي
روحي وحياتي ودنيتي وكل انه هيه

الخـ✍️ــادمه ام زيد الشمري

❥❥ـــــــــــ❁❂❁ـــــــــــ❥❥

بعمر الورد راحت مثل ماي وتبده
خلت ابو الحسنين دمعاته اعله خده
يگللها يابنت النبي شدتي شده
ما مرت اعله الناس يا الزهره التقیه

✍️العلويه ام سيد مهدي الموسوي

❥❥ـــــــــــ❁❂❁ـــــــــــ❥❥

مرت عليه ايام ظلمه وتشعب الروح
مفارگ عزيزه وغاليه وعن باله متروح
مانشفت الدمعه عليها وگلبه مجروح
ايگول كون الموت يجمعنه سويه

✍️ام علي المالكي

❥❥ـــــــــــ❁❂❁ـــــــــــ❥❥

الموت ابد ماخله للكرار أحد
اليوم زهرة بيته والكبله محمد
وصت مريدالكوم ابد تشييعي تشهد
خفيه دفنها ونفذ بسرعه الوصيه

📚🖌️ ام زهراء

❥❥ـــــــــــ❁❂❁ـــــــــــ❥❥

حكه يون حيدر علي وايهمل الدمعه
لمصابها گلبه انفجع يصرخ يبضعه
من النزل غابت وسف وانطفت شمعه
روحه وروح الطاهره صعدن سويه

✍️ علويه ام فاضل

❥❥ـــــــــــ❁❂❁ـــــــــــ❥❥

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده وينسبها اليه

https://www.tg-me.com/typkj

وزن عكيلي للزهره عليها السلام
ــــــــــــــ
يالزهره يومج بچانه

زغيره وهم شلتي وجعانه
ـــــــــــــــــــــــــــــــــــــــــــــــــــ💔
زغيره وكسروج الاصحاب
چنج ريحانه ولبلاب

فجعوج ابحركت هل باب

غداره وياكم دنيانه

ام✍🏻 زين العابدين لمحمداويه
ـــــــــــــــــــــــــــــــــــــــــــــــــــ💔
غدارة الدنيا وما ترحم
بيت الزهرة اصبح اظلم
والحزن عالعيلة خيم
راحت شمعتنة وظوانة

ام✍🏻 كرار شكر
ــــــــــــــــــــــــــــــــــــــــــــــــــــ💔
راحت زهرتنا وشمعتنا
مكسورين نجر ونتنا
مانشفت ابدا دمعتنا
احا يالدنيا الخوانه

*✍🏻أم عبــــــــــد اللـــــــــه العـــــــــابدي*
┈┉┅━━❀❀━━┉
خالي مجانج اصبح اظلم
بحسره نعايله ونتالم
ياحيف اولادج تتيتم
واحبابج كلهم حزنانه

ام جعفر الايرواني
┈┉┅━━❀❀━━┉
[ ونسطرت عالخد مهظومه
كسروا ضلعها المظلومه
وخلوه ينزف تجري ادمومه

يالتحبها اللطم ويانه

ام علي المالكي
┈┉┅━━❀❀━━┉
ياشيعي اللطم عالزهره
عالهامه وابچيها ابعبره
يوکع محسنها عالغبره

ونعزي حيدر مولانه
*الحاجه ام احـــ✍ـــمد الحچامي*

┈┉┅━━❀❀━━┉┉┈
تمــــــ✍🏻ـــــت القصـــــــيده بأقلام الشاعرات فـــــــــ✍🏻ـــــــي رابطـــــــة القلـــــ💔ــــوب النــــ🤲ــــقيه غير مبرئ للذمه من يحذف اســـــــــماء الشاعــــــــــرات..

https://www.tg-me.com/typkj

لطميه وزن فائزي للزهراء عليها السلام

هاليوم شالت فاطمه الزهره الزجيه
ظلت مباني حيدره وحشه وخليه
┈┉┅━━▪️🔹━━┉┉┈

هاليوم ظلت خاليه دار ام الحسين
وزينب تون وتريدهه بس تهمل العين
محد يكللها يزينب لاتموتين
وهي تريد الوالده سوده عليه

*✍🏻أم عبــــــــــد اللـــــــــه العـــــــــابدي*

┈┉┅━━▪️🔹━━┉┉┈
┉
تبچـي ام عون وتنتحب والدمـع يجـري
وتگلها يمـه ابموتـتج ياعظـمـه كسـري
ياريـتـه كـونه يـبدلچ وفديـج عمـري
والبيـن اخذها وابعدت و
ماالها جيه

✍🏻 *_الشاعــرة ام مهــدي العيــداني_*༺༺༻༻

┈┉┅━━▪️🔹━━┉┉┈

شالت بعيد ام الحسن ماالها رجعه
مهظومه مكسورة ضلع فاطمه البضعه
صوتچ بعد يالطاهره محد يسمعه
ياحيف فارگنه الدهر وانه اشبديه

✍️ ام مهدي الفرطوسي

┈┉┅━━▪️🔹━━┉┉┈

ظليت اصد لدارهه ودمعي اهله
وحشه ويهدني فراكهه وبيه شخله
غيابج علي كلش صعب مگدر احمله
رديلي اترجاج ليش كطعتي بيه

✍🏻العلويه ام اياد

┈┉┅━━▪️🔹━━┉┉┈

بياحال زينب ضاله يهضم وضعها
كلما تصد لهدومها يكثر وجعها
وتتذكر شلون النذل لمن دفعها
ولاذت وره الباب وتهل دمعه جريه


*✍🏻أم عبــــــــــد اللـــــــــه العـــــــــابدي*

┈┉┅━━▪️🔹━━┉┉┈

والعتبة الباب انظر واتذكر الصار
واذكر الاعادي الحاقده من شبوا النار
ومقيدينه يااسف حيدر الكرار
وبگلوبنه تسعر بقت جمر الرزيه

📚🖌️ ام زهراء

┈┉┅━━▪️🔹━━┉┉┈
ماننسه جمرتها ام حسن لظهور الامام
وياخذ بثار العالمه وتشهد الايام
ويشيل سيفه بيمنته ونرفع الإعلام
وجرح الزجيه يطيب من أهل الرديه

✍️ام علي المالكي

┈┉┅━━▪️🔹━━┉┉┈

تمت باقلام شاعـ✍️ــرات رابطة خادمات سيد الشهداء عليه السلام منتدى القلم الفاطمي
غير مبري الذمه لكل من يغيير الاسماء او ياخذ كلمات القصيده
ونسألكم الدُعاء

https://www.tg-me.com/typkj

فزاعيه للسيده معصومه عليها السلام
┈┉┅━━❀❀━━┉┉┈
ماجور مولاي الرضا

بأخته الكضت حزنانه


┈┉┅━━❀❀━━┉┉┈
بأخته الكضت مالومه
ومن التعب مهدومه
تعنت إله ومهمومه
وتصيح گوم ويانه

*✍🏻 أم عبــــــــــد اللـــــــــه العـــــــــابدي*

┈┉┅━━❀❀━━┉┉┈

ماوصلته بنص الدرب
ودموعها عالخد تصب
تأذت وماتت بالغرب

بيها العده شمتانه

✍🏻ام علي المالكي


┈┉┅━━❀❀━━┉┉┈

تندب يخويه ومعوله
دمعتها من دم هـــامله
وبعيــده عنــها العايـله
وضــاع الـــولي عنوانه

✍️ام عدنان سياحي
┈┉┅━━❀❀━━┉┉┈

مالحكت تشوف الولي
تصرخ وتندب ياعلي
ياخويه ياتالي هلي
ولشوفتك ولهانه

ام جعفر الايرواني


┈┉┅━━❀❀━━┉┉┈
ارثيها بدموع الحزن

التشبه صفات ام الحسن
عليها الهموم اتراكبن
وأعله الاخو حيرانه

ام 🙏🏻زين العابدين لمحمداويه

┈┉┅━━❀❀━━┉┉┈
حارت بسطرات الدهر
يوجر اذا مال اوغدر
مال اوخذ مني النضر
منها اوبكت وجعانه

ام ✍🏻مرتضى الحواسي
┈┉┅━━❀❀━━┉┉┈
الباري اجره يعظمه
باخته النجيبة فاطمه
للموت ابقة خادمه
لمعصومة ولمولانه

✍🏻أم كــــــــــرار شكـــــــــر


┈┉┅━━❀❀━━┉┉┈
تمــــــ✍🏻ـــــت القصـــــــيده بأقلام الشاعرات فـــــــــ✍🏻ـــــــي رابطـــــــة القلـــــ💔ــــوب النــــ🤲ــــقيه غير مبرئ للذمه من يحذف اســـــــــماء الشاعــــــــــرات..

https://www.tg-me.com/typkj

نعي لسيده معصومه ع
ـــــــــــــــــــــــــــــــــــــــــــــــــــ
ماكو جرح مايشفه او يطيب
اوجرح الاخو ماصحله إطبيب
احاه يالكضه ويه الميت. غريب

ونت عليه والمدمع يسيل

جرح الاخو بنص الدليل

وخلافه اظلن بس . للعويل

✍🏻ام مرتضى الحواسي


┈┉┅━━❀❀━━┉┉┈
خلاف الاخو يهمل دمعها
وصاحت يخويه وماسمعها
لو يدري جا كام وتبعها
ـ ــ، ــــ،،،،، ــــــــــ

خال الولد يفداه عمري

ريته يرد ويكلي اصبري

انه جايج بت امي ابشري
*✍🏻 أم عبــــــــــد اللـــــــــه العـــــــــابدي*

┈┉┅━━❀❀━━┉┉

افراگ الأخوا مارد دليلي
امشي بغرب مهدوم حيلي
عليه صار شطوله ليلي


كون ابحلم ردتك تجيني
للموت مابطل ونيني
من الدمع ورمت عيني

✍🏻ام علي المالكي

┈┉┅━━❀❀━━┉┉┈
تكله يخوية اصبر شلون

انهضلي يالردتك الي عون

ماظن يخويه فراكك يهون

....
يلجم دليلي الشال عني

وينك ترد بعدك كتلني

وإنكطع منك ليش ضني

...
✍️الشاعرة نـبأ

┈┉┅━━❀❀━━┉┉┈
مالحكت اتوادع وياك
سهرت الليالي خلاف عيناك
وحك والدي مااكدر انساك


بعد عين الابو انته التجيه
يالشوفتك عنت عليه

بنص الدرب جتني المنيه

✍🏻ام جعفر الايرواني

┈┉┅━━❀❀━━┉┉┈
دمعـــي دمـــه للوالـي همال
شبه الجمر فوگ الوجن سال
ابعــيد الــدرب عديـته بميال


ابــعــد علـي الجــابــت امــي
صـار الــدهر بســـهامـه يرمي
وعگبه البچي والنوح سهمـي


✍️ام عدنان سياحي


┈┉┅━━❀❀━━┉┉┈
ابن ليش تعذراني
لمن نخيتة ما اجاني
مايدري بية لونساني

طول الدرب الهج باسمه
حسبت اوصله واظمه

ويم الاخو اكعد واكلمه

✍🏻ام كــــــــرار شكر

┈┉┅━━❀❀━━┉┉┈
لفگد الاخو بالگلب نيران
وخصوص لو چان من الاحنان
واعليه صبح حيلي نحلان
✍️ ام مهدي الفرطوسي

┈┉┅━━❀❀━━┉┉┈
تمــــــ✍🏻ـــــت القصـــــــيده بأقلام الشاعرات فـــــــــ✍🏻ـــــــي رابطـــــــة القلـــــ💔ومكتوب النــــ🤲ــــقيه غير مبرئ للذمه من يحذف اســـــــــماء الشاعــــــــــرات..

https://www.tg-me.com/typkj

فزاعيه للزهراء عليها السلام
┈┉┅━━❀❀━━┉┉┈
اليوم شالت ام حسن
واولادهه حزنانه

┈┉┅━━❀❀━━┉┉┈
مصابج يزهره مكلفه

هاليوم شايل الوفه

شالت الكلها عاطفه

بت النبي الريحانه

*✍🏻أم عبــــــــــد اللـــــــــه العـــــــــابدي*
┈┉┅━━❀❀━━┉┉┈
ام ابيها ام الحسن
متحمله آلام ومحن
غدار وياها الزمن

وامصابها البچانه

*الحاجه ام احـــ✍ـــمد الحچامي*

┈┉┅━━❀❀━━┉┉┈
زينب على امها بجت

بالظيم خلتني
ومشت

والدار من عدها صفت

ظلمه وتهل عينانه

ام✍🏻 جعفر الايراني

┈┉┅━━❀❀━━┉┉┈

بضعة نبينة الطاهره

سالت دماهه عالثره



وظلوع منهة مكسره

متألمه وجعانه
ام كرار ✍🏻شكـــــــــر
┈┉┅━━❀❀━━┉┉┈
ماننسه كسر اظلوعها

وظلت تسيل ادموعها

طفوها حيف اشموعها

نبچي وبتها ويانه

ام ✍🏻علي المالكي

┈┉┅━━❀❀━━┉┉┈
تمــــــ✍🏻ـــــت القصـــــــيده بأقلام الشاعرات فـــــــــ✍🏻ـــــــي رابطـــــــة القلـــــ💔ــــوب النــــ🤲ــــقيه غير مبرئ للذمه من يحذف اســـــــــماء الشاعــــــــــرات..

https://www.tg-me.com/typkj

نعي للسيده معصومه عليها السلام

┈┉┅━━❀❀━━┉┉┈
لفگد الاخو نيران تسعر
من غيبته گلبي تفسر
ماشوف وجهه الله واكبر


غبت عني يخويه والبعد طال
تره افراگ الولي ياناس چتال
هو تچوتي او حَمَّل اوشال

*الحاجه ام احـــ✍ـــمد الحچامي*
┈┉┅━━❀❀━━┉┉┈

شال وتركني محمله هموم
وكليبي من طرواه محروم
يا يوم اشوفه بعد يا يوم

وين التچيه الجابته امي
ولي يشاركني بهمي
كون العيون عليه تعمي

┈┉┅━━❀❀━━┉┉┈
يحفار گبره يامعدل
خافن على وجهه يتبدل
روحه عزيزه وراسه عَدِل

من شوف بيتك تعمه عيني
ظلمه المنازل تبچيني
للموت مايبطل ونيني

راح الحنين وگطع بيه
محد بعد ينشد عليه
خال الولد خال البنيه

اعاين للصور وتروح روحي
يبن امي ملچومه اجروحي
افراگك كتلني وكثر
نوحي

✍🏻ام علي المالكي
┈┉┅━━❀❀━━┉┉┈
تكله افراك الولي جتال ياناس
ياهيبتي ويا رفعة الراس

يايوم الاخو بنص الكلب جاس
ــــــــــــ
اريد ابجي عليه واعميها العيون

على الشال وتركني شلون بشلون

حملني خويه ويه اليحملون
ـــــــــــ
اخذني وياه وحملني يدفان

اشتسوه المره من غير الأخوان

شالو اخوتي الكلهم احنان
ـــــــــ
شال وعلينه ابعد ضعنهم
مكدر وضل خالي نزلهم
وسفه الدهر مني اخذهم


ام ✍🏻زين العابدين لمحمداويه
┈┉┅━━❀❀━━┉
شال وتركني محمله هموم
وكليبي من طرواه محروم
يا يوم اشوفه بعد يا يوم

وين التچيه الجابته امي
والي يشاركني بهمي
كون العيون عليه تعمي

✍🏻ام كــــــــرار شكــــــــر
┈┉┅━━❀❀━━
تمــــــ✍🏻ـــــت القصـــــــيده بأقلام الشاعرات فـــــــــ✍🏻ـــــــي رابطـــــــة القلـــــ💔ــــوب النــــ🤲ــــقيه غير مبرئ للذمه من يحذف اســـــــــماء الشاعــــــــــرات..

https://www.tg-me.com/typkj