بوذية لسان حال مولاتنا زينب ع

مني يدهر الحزن هاك استمع مايلي
من چان عندي اخو ابچفه ايعدل مايلي
من عنده ماي اطلبت وراح يحضر مايلي

الصوب الشريعه گصد ودگ عالصدر كف الي
وزلزل گلوب العده لمن وصل كافلي
شال النهر والجرف والماي كف الي

لاچن وسافه وندم راح وبعد مايلي


✍ام زهراء الزيداويه البصراويه

قصيدة
زينب تسأل أخيها الحسين عليهما السلام


يخويه حسين انشدنك وينه كافل اضعوني

اشوفك منحني ظهرك بكفيلي اعداك فجعوني؟
➖➖➖➖➖➖➖➖
اشوفك منحني ظهرك وتمشي خويه وتعثر
ابدلالك احس يحسين نيران الحزن تسعر 
ولونك يالولي مخطوف وحيل الخاطر امكدر.

شنهي الصار خبرني گلي ياضوه عيوني
➖➖➖➖➖➖➖
من شفتك تون يحسين ضاگت خويه دنيايه
ليش الوحدك رديت وينه حامل الرايه
گله خل يرد لينه ویعوف العلگمي ومايه

العطش يبن أمي احملنه ومااحمل تخلوني
➖➖➖➖➖➖➖➖
يگلها خويه يازينب الكافل راح من عندي
يبت امي انکسر ظهري وبقيت ابكربله وحدي
من عندي خذاه دهري راح الجان يسندني

احزام الظهري ابو فاضل ومنه اعداي حرموني
➖➖➖➖➖➖➖➖
مرسال اعتذار اليوم يخويه بيدي  ودالج
وگف مثل الجبل عباس وابد ماخيب امالج
انطه اجفوفه وعينه اوياهن روحه ضحالج

ويگلج يبت عودي هلعدوان خانوني
➖➖➖➖➖➖➖➖
لطمت عالوجه زينب يوم السمعت ابحاله
صاحت ياكفيل اختك ومنها العين هماله
ياهو من عگب عینك يخويه ادلل ابجاله

ومن بعدك يماي العين تدري اعداك يسبوني
➖➖➖➖➖➖➖➖
ماريدن يخويه الماي شجاني واطلبت منك
ماحسبت هيج يصير وعالشاطي انه افگدنك
تدريه الدهر.  ميال وللشدات اريدنك

على بالي ابد ماجان بالغربه تضيعوني
➖➖➖➖➖➖➖

✍ام زهراء الزيداويه البصراويه

الحوراء زينب عليها السلام تخاطب نهر العلكمي
➿➿➿➿➿➿
أنه زينب بت علي
جيت ادور كافلي

ارد انشدك يانهر 
وينه عباس الگمر

جيت أدور كافلي.    جيت ادور كافلي
〰️〰️〰️〰️〰️〰️
يانهر حزنانه اجيتك گوم وياي ابعجل
هل جمع من الاعادي للخيم تدريه وصل
وعگب ابو فاضل كفيلي مايظل عندي امل
يانهر گلي اشجراله گلبي عالوالي ابوجل

گوم سولفلي الجره
وينه سبع الگنطره

غيره ماواحد الي
جيت أدور كافلي    جيت ادور كافلي

♾️♾️♾️♾️♾️♾️♾️♾️
يانهر دمعات عيني تجري وگلبي انجرح
تدري من زغري حزينه ولحظه مامرني الفرح
وعمري مابين النوايب والحزن والهم سرح
وكل حلم بسيوف دهري بروحي يانهرانذبح

ابروحي ماهاد الألم
وسور دلالي انهدم

من الزغر راحو هلي
جيت أدور    كافلي    جيت ادور كافلي
♾️♾️♾️♾️♾️♾️♾️
من الزغر يانهر تدري ابلا أهل وأنه بيتم
كبرت وياي النوايب عالعمر صارت خيم
بين اه وحسره عمري خلص وقصتي بألم
واليتيم ابلايا اهله يعيش كل وكته بهضم

ابگلبي ماهاد الحزن
خلصت عمري اون

يمته اهمومي تنجلي
جيت أدور   كافلي.    جيت ادور كافلي
♾️♾️♾️♾️♾️♾️♾️♾️
مابقه كل حيل عندي يانهر حيلي انهدم
من الزغر دهر النوايب صوب گلیبي بسهم
من كثر ضيم المصايب گوه اشيلنه الجدم
يانهر سمعني صوتك    وينه شيال.    العلم

گوم وياي  ابعجل
گلبي عالوالي ابوجل

وينه گلي ادللي
جيت أدور كافلي.  جيت ادور كافلي

♾️♾️♾️♾️♾️♾️♾️♾️
يانهر ماعندي غيره وينه  عباس.  الكفيل
من الزغر ماهاد نوحي ودمعي من دم ظل يسيل
وين اروحن گلي بعده وحملي من غيره يشيل
شلون ابقه انه وحدي والحمل كلش ثگيل


يانهر حملي ثگل
والجسد باد ونحل

ياهو اليركب محملي
جيت ادور كافلي   جيت ادور كافلي
♾️♾️♾️♾️♾️♾️♾️♾️
بس جسد يانهر امشي روحي عالمصرع تحوم
عالجرف گالو كفيلي وجيتك اتعثر وگوم
من المصايب گوه امشي ثگلت جدمي  الهموم
من الحزن ماشوف مايك تجري اشوفنك دموم

دمعي وي مايك يصب
وينه دليني      الدرب


بعده بالدنيا شلي
جيت أدور كافلي   جيت ادور كافلي
♾️♾️♾️♾️♾️♾️♾️♾️

✍ام زهراء الزيداويه البصراويه

نزله للرضيع

هـــرش ﮔلبي خــــذاه بيوم فـــارﮔني
حڴي لـــو صحـــت آه يالــــولد يبني🚩

*
خـذاها اهروش ﮔلبي وصاب دلالــي
من يوم الجفـــاني أوليــدي الغالــي
يبـــرالي ردت مــو دمعـــي يبرالــي
أمــل روحي ابجفــاه أسهام صوبني

*
بجفاه أسهام صوبني وذبـح روحي
ومــا يبطل عليه لا دمعـي لا نوحي
يا جــرح اليفـــزز صفـنت اجروحي
كلف جـرح الولد كل ساعه يلچمني

*
يلچمني الولــد وجــروحـه تاذينـي
لان ردتــه تچيــه لتــالـي اسنيــني
سهم فڴــد الولـد طفــه نظر عيني
وعلــى النوح الدهر بجفاك علمني

*

علمنــي الدهــر بجفاك اجــر ونـه
يا مــاي العــذب مــا ينشبــع منه
ييمه اوياك راح انه اﮔطـع الظنه
يمن فرﮔاك يمه ابنار تضـــرمنـي

****
نــار افراﮒ هجـرك مـا اظن تطفه
اذكــر بين اديـه مـــن چنت تغـفه
يريت الصــاب نحرك ينڴطع چفه
لان منك يمــاي العين يحــــرمني

****

يحــرمني يمــاي العـين مـن طرواك
يريته ابنص دليلي سهمــك الصابك
كـــون افد لحــد نندفن انـــه ويــاك
ولحــدك يالولـــد يــا ريته اليضمني
*
الشاعر
موسى البديري

أبوذيات

مولاتي رملة صلوات الله عليها

بچت من سمعت العدوان.. حناي
بهيمه وگمت احن يالولد.. حن ناي
ابدمك بالطفوف اصبحت.. حناي
ونصبت  بيوم  نيشانك  عَزيه🚩😭

بنات  النّايبه  بالعين.. لاحن
ولا ينفع ونين اعليك.. لاحن
السيوف الاحتك بحقاد.. لاحن
دليلي وگوم تلگه جروح بيه

اشتكيت وأمري للباري.. وحسبي
وطلع مگلوب كل ضني.. وحسبي
يجاسم  جرحك بگلبي.. واحس بي
الموت  اهون  ولا بُعدك  عليه

اطفي بيش نار الدهر.. لوشاب
گلبي وبالحزن معذور.. لو شاب
افز وترخص الدمعات.. لو شاب
يمر  واذكر  شباب  الغاضريه


الشاعر رعد الجريخي

بـسم رب الحجة،..🌱
لسـتة للقنوات الـ 3k+ الدینیة..♥️

القـَناة التي قادت الشباب للتشيع:
✿ T.me/ALWILAYA
القـَناة السيد السيستاني دام ظلة
T.me/alsydalsystany
قـَناة الحشد الشعبي:
✿ T.me/Alhashd313313
قـَناة تعليم مقامات:
✿ T.me/sueiirit
قـَناة مدرسة الزهراء عليها السلام:
✿ T.me/WWWASELA33
قـَناة عشاق الفرقدين:
✿ T.me/ALFRKADINLOVERS
قـَناة قناة الولاية:
✿ T.me/ALWILAYA
قـَناة أدعية أهل البيت عليهم السلام:
✿ T.me/Azkar_alulbaiyt
قـَناة حب الحسين اجنني
✿ T.me/maesbih00cm
قـَناة مهدي آل البيت عليهم السلام
✿ T.me/Mahdi_Allbayt
قـَناة ثقافة آل البيت عليهم السلام
✿ T.me/Thaqaft_alulbayt
قـَناة عشاق ابا الفضل العباس
✿ T.me/jikojikp
قـَناة القصائد الحسينيه
✿ T.me/tyyuuiiopp
قـَناة عبرة وعظة
✿ T.me/Ebra_w_Eza
قـَناة أحباب أم البنين والعترة المحمدية
✿ T.me/NoorAlHussein313

للاشــتراك في السـتة📱
🔜 https://www.tg-me.com/KARBALLE_313

#تثبيت اللستة «ساعة» وعدم الالتزام يؤدي الى حذف القناة

قصيدة نزال بحق القاسم بن الحسن



ليـش ظالم يادهر ويانة
خذت منة اعزازنة بدنيانة
----------------------------------------
شمعة الشبان دمعتها جرت
تاكـــل بخيط العمر بالطف دوت
جاسم العريس شمعاتة طفت
ابـني ادور عليه خالي امچانة
-----------------------------------------
الجمر بالروح ما همني الجــمر
روحي مسبية بفركَتك والهجر
عمري اخذة وياك شلي بالعمر
روحي بــفراكَك تون حزنانة
----------------------------------------
الهلاهل مـوت بسيوف الحرب
وحنتك من وريدك منخضب
كَمت اطش ادموع بديار الغرب
للعرس راح الولد ماجانة
------------------------------------------
يابعد روحي يالبعمر الورد
هاك سيفك والدرع يلله استعد
رسومك الحلوات مردني مــرد
شلون احمل فـركَتك حيرانة
------------------------------------------
هذا حد دنـياي لهنا عيشتي
انه من بعدك غريبة بدنيتي
يمة خذني وياك شنهي ظلتي
بدار وحشة بيها اون سهرانة
------------------------------------------
يا رباي الراح ياتعب السنين
يمة الله وياك رايح يالحنين
نغدي انة وياك فدوة للحُسين
ليش عايش من مشـوا خلانة
----------------------------------------
يمة طب للموت عيش بكربله
للشهيد اتصير اعظم منزله
اخذ كَلبي وياك يا تالي هله
اخلافك ايموت الكَلب بأحزانة
-----------------------------------------
أسالكم الدعاء رائد الاسدي

اللهم صل على الجمال القاسمي
———————
جَاءَ يَعْقُُوبُ الى الطّفِ الحَزِينِ (ي)
فَ رَاى القاسمَ مَقْطُوعَ الوتينِ (ي)
رَبِّي عُذْراً لَمْ أَكُنْ مثلّ الحُسَينِ (ي)
كانْ يُوسفْ غَائِبَاً عني سَجينِ (ي)

ويلي ماشفنه مثل هاي الطفوف
لا ولا كطعت مناحرنه السيوف

كنتُ ادري — إنَّ يُوسُف
كان غَائِب — سوفَ يأتي

ابني ما مات وانه بعده عميت
لو مثل رملة شگلت جان شحجيت

هاهو فوق القَنّا
ياليتني كُنْتُ أنا — أينَ قاسم
راحَ قاسم
———————
غَابَ يوسُفْ بَعْدَ حِينٍ وجَدُوهُ (و)
قَاسِمٌ من بَعْدِ قَتْلٍ سَحَقُوهُ (و)
والذَبِيحُ قبلَ ذبح بَدَلوهُ (و)
سُميَّ المَذْبُوحُ هُمْ لَمْ يَذْبَحُوهُ (و)

راسه ل الله يبتهل وكله دمة
دموم وصياح وذبح وادي الضمة

أيُّ عِرسٍ — كانَ عِرسه
فوقَ رُمْحٍ — كانَ راسه

وين حنتة او وين زفته والشمع
رملة بزفته تدگ اعله الضلع

بالعِرسِ خُطَّ المصرعُ
كَسْرُ عظَامٍ أسمعُ — أينَ قاسم
راحَ قاسم
———————
أنْبِياءُ الله طُرَاً قَدْ أَتَونِي
قَدّمُوا العذر إليَّ وَبَّكُونِي
أيُّ صَبْرٍ مثلَ صبري أَعْلُِمُوني
قد تَرَاءى شَاهِدِي بين متُوني

جذع ميت نَزَل لمريم رطب
وحنه جم متن بمتن منا انضرب

إعْذِرِينَا — سَامِحِينَا
مثلُ صَبرِك — ما لَقِينَا

مثل صبرج ابد ما شفنه صبر
جينا كلنه اليوم منج نعتذر

لا لَنْ أُطِيقُ ما أرَى
بَدْرِي هَوى فَوقَ الثرَى — أينَ قاسم
راحَ قاسم
———————
في السَمَاءِ السَابِعَة إدريسُ إستَقَرَا
لَمُ يُطِقْ عَيشَ الورى قد صَارْ مُرَا
قاسمٌ للمَوتِ قد جاءَ مُصِرَّا
حَامِلا نَعْلَاً على الموتِ تَجَرا

عمي لو سابع سمه انزل واجيك
وما اعزن منحري والله عليك

يا حَلاتَك — ياجَمَالك
يا عِيونك — يا حَبيبي

كون جوه اتراب رجليك اندفن
الضاگ حبك حگه لو الله يچن

فِّيَّ جرى دمُ الحسن
في قُرْبِكَ ماذا عَدن — أينَ قاسم
راحَ قاسم
———————
حينَ مَدُوهُ وتَلُوهُ الجَبِينا
رفعَ الرأسَ ونَادَى يا حسينا
أُيُّ شَوقٍ فِيّكَ تَكْفِيهِ السنينا
عَمي أدْرِكْنِي فقد فضتُ حنينا

عمي من صحتك تره والله استحيت
بوسه والله بمنحرك عمي اشتهيت

إقْصِدُوني — إقْتِلُوني
قُربَ عَمِّي — طابَ مَوتي

شلون اشوف الخيل تسحكم واظل
الموت والله وياك احلى من العسل

َصبراً أمُوتُ غايتي
أفْدي حُسيناً مهجتي — أينَ قاسم
راحَ قاسم


ابو علي
عبد الحسن القريشي

نعي
الليله الثامنه  (القاسم)
لسان حال رمله ع


يـجـاسم يبني ربـيـتـك    ولـلشـيـب الـولـد يراد
يـزهـرة عـمـري وسنيني   ما ادري زمانـي اشـراد
اكـابـر وحـمـل جروحي    لچن ماينفع الهه اضماد
شسوي وفرگتك صعبه    والگلبي الـصبـر مـا فـاد

احـلـم بـيـك يـولـيـدي    افـز وصورتـك بـالـعـين
يالغالي انگطع رجواي     هالفجعه اجتني مـنـيـن
عفتني بحزني والدمعه   وعگبك ما رحمني البين
امــك يـا بــعــد امــك      واهلك عـرسـك متانين

چانت ضنتي اتشوفـك    عيني وبـيـدك الـحنـه
يـوم بـيـوم احـسـبـهـن     گـلـت يـكـبـر وزفـنـه
اجتنه الغاضـريـه منين    يـويلي وگطعت الضنه
يـيـمه الـمـوت اشوالـي    امـوت واخلص اتـمـنـه

دهـري زاوداني أعـلـيك    وبـعـد هيهات نتلاگـه
الـمـثـلـك ولـد ويـروح        يـتـرك نـار حـرّاگــه
ثـكـلـه وبالحزن ضليت    وروحي عليك متلاگه
يگلولي خـذاچ الـشـيب    گلتلـهـم عـلـى فـراگـه


                                   *---------------*---------------*

ابوذيات


الـلـيـالـــي خــــــــوش بـــفـــراگـــك.. يـــزتـــنـــي
وشـجــاهـــه أســـهـــام عـــدوانــــك.. يـــزتـــنـــي
يـــجـــاســــم يــــاهــــو لـگــــبــــري.. يـــزتـــنـــي

ويـــقـــره الـفـاتـــحــــة ويـــنـــصـــب عـــــزيـــــه

                           *---------------*---------------*

ظـــهـــري انـكـسـر بـــمـــصـــابـــك.. وحــنــيــت
ودمـــعـــتـــي ســــالــت بــــخـــدي.. وحــنــيــت
يـجـــاســـم خـــضـــبـــت شــيـبــي.. وحــنــيــت

بــــدمــــك والـــنــــهــــار اظـلــم عــــلــــيـــــــــه

                           *---------------*---------------*

✍خادم الحسين ع
الشاعر رعد الجريخي

الله يساعدك يحسين عالشط طايح حزامك
مذبوح وتشوف الناس دخله جفته الخيامك
زينب صوتت وتگول خويه انداست ايتامك
جن طيحت مطر عالگاع طاحت كلها گدامك

خويه اخيام منهوبه
وزينب حيل متعوبه
العاشر تنذبح شمسه
وياهو اليحمل غروبه
خويه حسين ياخويه خويه حسين ياخويه
،،،،،،،،،،،،،،،،،،،،،،،،،،،،،،،،،،،
عطشان وتريد الماي بس الماي جافينه
مذبوح وتشم اتراب مت عيني يبو سكينه
فوگك بالعبي يحسين خويه فياي سوينه
منانه الشمس والنار منا فرگه تجوينه

حاير يالأخو ابهمك
الگاع نترست بدمك
ماباقي كتر سالم
تريد اعيالك تشمك
خويه حسين ياخويه خويه حسين ياخويه
،،،،،،،،،،،،،،،،،،،،،،،،،،،،،،،،،،،
انته ابن اليشيل الباب والناس اتعرف حيلك
تاليها اعله رمله اتنام مامش سيد ايشيلك
ما اگدر اصيح اعليك بس بجفوفي أوميلك
تبجيلي انته مادري لو خويه انه البجيلك

الخيل تطشر اوصالك
وضلت بالفله اعيالك
نايم بالشمس ضامي
محد بالسحگ شالك
خويه حسين ياخويه خويه حسين ياخويه
،،،،،،،،،،،،،،،،،،،،،،،،،،،،،،،،،،،
الله يساعدك يحسين جسمك تارس الحومه
هاذ انته الغريب الضال وحده وباگو اهدومه
حشمتك يبعد العين بختك تدري مهضومه
مذبوح وبعد ياخوي مالك للخدر گومه

هاي اشلون يبن امي
وانته ابعيد مو يمي
تدري الحال من دونك
شفت الموت من همي
خويه حسين ياخويه خويه حسين ياخويه

ابوفايز الرافضي

تنويه القصيدة لخادم الحسين عليه السلام
عبد الامير السهلاني

نزال لمولاي القاسم


من نزل جاسم...علحرب عازم
حمزه والكرار....صاروا القاسم
~~~~~
طب مثل حمزه ابأحدهه ولاكه عسكرهه بغضب
غييمت دنيا المعاره ودلهـمت تمـــــــــــطر ركب
ادافعت خيل وزلمـــــــــــــهم تيهت درب الهرب
جن سمع صـــوت بجهـــنم نادت أأتوني بحطب

هو ناداها......عسكر اطاها
ابن اخو العباس...للحرب باسم
~~~~~
بصيحت اتخربط وضعهه وطب توسطهه الشهم
ساعه حمزه وساعه حيدر ظلت اتشوفه الزلم
خظعوا وظل بيهه يطوي يطشر الحومه ويلم
هذا تربات الصميده ومن علي إمدرس عزم

كلبرق مرهم.....سيفه طشرهم
والنعم ياحيد....من نسل هاشم
~~~~~
سد هو الرحمه بضربته والشمال اصبح شرك
الما يموت بسيفه حكه من اشما توازوا يختنك
ليث ابن حيدر غضمفر يسبك وما ينسبك
لو شكف سيفه بضربته اعلجماجم تنفلك

سيف يتخطف....يصف صف بصف
بعسكر ابن ازياد....ماطلع سالم


من نزل ليهه وتوزم والركب لزمت سره
طب على الحومه وكلبه اليمنه صارت ميسره
ترادمت روس ال اميه وجنه يوم الاخره
رد احد والنهروان ورد بدر والزمجره

والله لفنيهه. ...من اطب ليهه
انه ابن حيدر. ..تعرف الوادم
~~~~~~
دخنت دنيا المعاره وسيفه يجادح غضه
وهو كر ...كرت ..عضمفر جنه جده المرتضى
اترادمت روس ال ميه وعونه البمهرب حضى
جا وصل للكوفه بيهم لوله ذرعان القضى

والله ياعمي......بخدمتك دمي
من اهز سيفي....يركع الضالم
~~~~~~~
خلص اليسره وفناها ورد على اليمنى التفت
اشما شكف سيفه بزلمها اعلركاب اطافرت
جنت الطير بمطرها وهيحي قادتها اختفت
وخيل قادتها بزلمها من الرعيد اتشاگفت

كسر ظهر الخيل......جن حجر سجيل
يشبه العباس ....بالهوه يرادم
~~~~~~


عبدالامير السهلاني

ياجسام ياجسام يوليدي ياجسام
ياجسام ياجسام يوليدي ياجسام
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
اگعد يجاسم اگعـــــد مالايـــــگ اعليك النوم
اگعد يجاسم أكعـــــــــــد بيمن احلفك وتگوم
اگعد يجاسم اگعـــــــــد ممرود گلبي وملچوم
أگعد يجاسم اگعــــد ثوب العرس جبته اليوم
فرحانه عــــــود بزفتك فرحانه
والفرحــــه مادامت ييمه ويانه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شمالچ يروحي شمالچ عدلـــــه وعزيزچ مذبوح
شمالچ يروحي شمالچ ويــن التحبينــــــه يروح
شمالچ يروحي شمالــــــچ هنيال صبــرچ ياروح
شمالچ يروحي شمالچ الغالي اعله گلبچ مجروح
چاغير تعبــچ هــــذا لتعوفينه
جدام عينـــــچ ميت تشوفينه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
رايح يجاسم رايــح چابيمن اسنـــــــــد مگفاي
رايح يجاسم رايح چابيش اعـــز منـــــي الماي
رايح يجاسم رايح وانته الفكر وانتـــــه والراي
رايح يجاسم رايــــــح للموت ردتــــــــك وياي
ياحيل الهجرك موشـل حيلي
بجفاك ماميــــز نهاري وليلي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
حيهم يجاسم حيهم لحسين شـــــــد احزامك
حيهم يجاسم حيهم والموت موش ولامـــــك
حيهم يجاسم حيهم هـــدت زلــــم جدامــــك
حيهم يجاسم حيهم فـــز ياعمــــــــود خيامك
هنياله بيك حسين الف هنياله
يوليدي گوم ورجـــــع الخياله
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
بندريه