رَاح العريس و رَاح عبَّاس الولي
والليِلة يروح الأكبر عَلي 💔💔
والليِلة يروح الأكبر عَلي 💔💔
ياڪربلاء شسويتي ؟ شُبّان ماخليتي💔♥️
الليلة التاسعه من شهر محرم
ليلة إستشهاد علي الاكبر
ليله ثقيله محمله بالآلام
ليله تموت فيها أحلام ليلى
ليله ينكسر فيها قلب الحسين عليه السلام
حتى كادت روحه تفارق الحياة حزناً
على ماجرى على علي الأكبر عليه السلام
أيا ليلة التاسع تمهلي سيفجع السبط بولده علي😭😭💔
عظم الله أجورنا وأجوركم 💔💔
ليلة إستشهاد علي الاكبر
ليله ثقيله محمله بالآلام
ليله تموت فيها أحلام ليلى
ليله ينكسر فيها قلب الحسين عليه السلام
حتى كادت روحه تفارق الحياة حزناً
على ماجرى على علي الأكبر عليه السلام
أيا ليلة التاسع تمهلي سيفجع السبط بولده علي😭😭💔
عظم الله أجورنا وأجوركم 💔💔
#نعي
لمولاي علي الأكبر روحي فداه
ابـاب الـخـيـمـه ليـلـى اتـصـد لأبنـهــا
أوحـســبات الـمـفــــارگ خـــذنـــــهـا
تـخـــاف اعـلـى الـولــد ينـبـاگ منـهـا
الـكـل هــذا الـدهــر مـا غــاب عـنـهـا
تـعـبـت اعليك يبنـي وأحسـب أسنـين
وعلــيك مسـاهـره مـاغمـظـت الـعــين
حسبـالـي تــرد لأمـــــك ربـــى الــديـن
وكــل سـاعـه وگـلـت راح الـولـد ويـن
مـــا حـاسبـه أحســـــاب الـمـيــــاديـن
حـين الشـــافـهـه حســين أوسمـعـهــا
تــون اعلـى الـولـــي ويـنـزل دمـعـــهـا
أوليلـى أمن البـچـي أتـغـيـر وظـعــــها
غــص بحـســـرة أو گــــــوه دفــعــهــا
گـاللـهــا الخـطــر يـالـيـلــى چـــنــه
جـريـب أوهـل بـرزلــه أنخـاف منـه
بلـكـت لـو دعـيـتـي الـخـطــر عـنــه
يـدفـــعـه الله يـلـيـلـه ويـرجــع النه
روحـت علــي طــولــت چــنـــهــــا
وكــل اخــبـار مـا وصلـتـنــي منــها
دعــاء الـوالــده البــاري لأبـــنــــــهـا
يلـيـلـه ايـسمـعـه ويــرده الحـظـنـها
وگـفـت ليـلـى يـم بـاب المـخــيــم
وصـاحـت يـلاهــي أبـحـالي تـعـلم
اريـد اولـيـدي كـون ابـهــاي يسـلـم
ويــرد لـيـه عــدل مــــن الـمـحــتـم
أستـجـاب اللـه الـدعـاء أورد علـيـهـا
علـي الأكبــــر وصـــار ابـيــن اديـهــا
وگـــــــام ايسـولـفـلـهـا ويحـاچـيـــها
وطـلـب شـربـت أميـه اليـگـوه بـيـها
علـى الـعـــدوان خـاطــر يــرد ليـهــا
خذت مـاعـونـهـا لـيلـى أومشت بيـه
تــدور مـــــــاي للأكـبـــــــر تــرويــــه
مــاخـلــت مـچـــان المـامشــت ليــه
أوردت خــالـيــه بـمــاعـونهـا اعليـــه
مـامـقـسـوم أبـنـهـا أمــيـه تسگـيــــه
لأبـيــــــك روح يـالاكـــبــر يــرويـــك
أوبلـكـت مـاي عـنـده وشربـه يسجيك
ثجـيله الحـرب خـاف أوتكـلـف اعليك
أوتـظـعـف هـمـتـك واعــداك تـوليـــك
فـگــد الـولــد مـحــد يـحـس بـيـــه
بـس اللـولـت أوسهـرت سنـه أعلـيــه
خـل شـوفـي يــروح أعلـيــه خـــلـيه
الـعـزيـز أمـه تـحـن طـول الـدهر ليـه
طـول أبطــول حـط وي الـمـشـكــر
أوشبــگ كــل منهم الثـانـي وتحسر
مـاي أمـنـيـن أجـيـبـلـك يـالاكــبـــر
يگــله أونــار جـمــر الـگـلب تســعـر
عمــت عيـنـي يـبـويـه مـذبلـك الحر
تــوادع وي علـي ورد يمشـي بهداي
بعـد چـلـمـت علي اباله العلى الماي
عـــود آنــه يـبـــويــه ردتــك اوياي
مـن تـهـجـم علـيـه اوتـلـتـم اعـداي
نسألكم الدعاء
السيد حسين الياسري
#اللهم_عجل_لوليك_الفرج
لمولاي علي الأكبر روحي فداه
ابـاب الـخـيـمـه ليـلـى اتـصـد لأبنـهــا
أوحـســبات الـمـفــــارگ خـــذنـــــهـا
تـخـــاف اعـلـى الـولــد ينـبـاگ منـهـا
الـكـل هــذا الـدهــر مـا غــاب عـنـهـا
تـعـبـت اعليك يبنـي وأحسـب أسنـين
وعلــيك مسـاهـره مـاغمـظـت الـعــين
حسبـالـي تــرد لأمـــــك ربـــى الــديـن
وكــل سـاعـه وگـلـت راح الـولـد ويـن
مـــا حـاسبـه أحســـــاب الـمـيــــاديـن
حـين الشـــافـهـه حســين أوسمـعـهــا
تــون اعلـى الـولـــي ويـنـزل دمـعـــهـا
أوليلـى أمن البـچـي أتـغـيـر وظـعــــها
غــص بحـســـرة أو گــــــوه دفــعــهــا
گـاللـهــا الخـطــر يـالـيـلــى چـــنــه
جـريـب أوهـل بـرزلــه أنخـاف منـه
بلـكـت لـو دعـيـتـي الـخـطــر عـنــه
يـدفـــعـه الله يـلـيـلـه ويـرجــع النه
روحـت علــي طــولــت چــنـــهــــا
وكــل اخــبـار مـا وصلـتـنــي منــها
دعــاء الـوالــده البــاري لأبـــنــــــهـا
يلـيـلـه ايـسمـعـه ويــرده الحـظـنـها
وگـفـت ليـلـى يـم بـاب المـخــيــم
وصـاحـت يـلاهــي أبـحـالي تـعـلم
اريـد اولـيـدي كـون ابـهــاي يسـلـم
ويــرد لـيـه عــدل مــــن الـمـحــتـم
أستـجـاب اللـه الـدعـاء أورد علـيـهـا
علـي الأكبــــر وصـــار ابـيــن اديـهــا
وگـــــــام ايسـولـفـلـهـا ويحـاچـيـــها
وطـلـب شـربـت أميـه اليـگـوه بـيـها
علـى الـعـــدوان خـاطــر يــرد ليـهــا
خذت مـاعـونـهـا لـيلـى أومشت بيـه
تــدور مـــــــاي للأكـبـــــــر تــرويــــه
مــاخـلــت مـچـــان المـامشــت ليــه
أوردت خــالـيــه بـمــاعـونهـا اعليـــه
مـامـقـسـوم أبـنـهـا أمــيـه تسگـيــــه
لأبـيــــــك روح يـالاكـــبــر يــرويـــك
أوبلـكـت مـاي عـنـده وشربـه يسجيك
ثجـيله الحـرب خـاف أوتكـلـف اعليك
أوتـظـعـف هـمـتـك واعــداك تـوليـــك
فـگــد الـولــد مـحــد يـحـس بـيـــه
بـس اللـولـت أوسهـرت سنـه أعلـيــه
خـل شـوفـي يــروح أعلـيــه خـــلـيه
الـعـزيـز أمـه تـحـن طـول الـدهر ليـه
طـول أبطــول حـط وي الـمـشـكــر
أوشبــگ كــل منهم الثـانـي وتحسر
مـاي أمـنـيـن أجـيـبـلـك يـالاكــبـــر
يگــله أونــار جـمــر الـگـلب تســعـر
عمــت عيـنـي يـبـويـه مـذبلـك الحر
تــوادع وي علـي ورد يمشـي بهداي
بعـد چـلـمـت علي اباله العلى الماي
عـــود آنــه يـبـــويــه ردتــك اوياي
مـن تـهـجـم علـيـه اوتـلـتـم اعـداي
نسألكم الدعاء
السيد حسين الياسري
#اللهم_عجل_لوليك_الفرج
#نعي
كأني بأبو الفضل العباس
ينعى ابن أخيه علي الأكبر
عليهم السلام
كسرت گلوبنة يا بعد عمك
متگطع وذر مدري شيلمك
ابوك حسين هذا وانة يمك
راح ايموت اخيي فوكَ جسمك
طول بطول دومك انت وياي
نتشارك يعمي حتى بالماي
اجيتك يبن اخوي متيه الراي
ما تطري اعله بالي عملتك هاي
يعمي يا عزيز الروح ياكبر
عمت عيني شفت جسمك تطبر
بعد عمك متت عطشان بالحر
وجمسك يا عزيزي تارس البر
محتار بمصابك عمي بأمرين
مدري عليك اونن مدري لحسين
كسر گلبي اشوفه يديرلي العين
يبو فاضل يگلي راح الحنين
كأني بالامام الحسين يكلم ابا الفضل عليهما السلام
يگلة
يبو فاضل عزيزك راح عنك
شيل ابني يخويه ابين حضنك
لليسوه النياحه زيد ونك
ودم العين خلها اتسيل منك
يبو فاضل علي راح من ادينه
شال بعيد ابو روح الحنينيه
يخويه الگوم ابد ما راحمينه
وذر خوية الاعادي مگطعينه
على الدنيا العفا من رحت يكبر
جرح گلبي بغيابك گام يكبر
انكسرت ولكن الدلال يكبر
ما اريد انكسر جدام امية
اسالكم الدعاء رائد الاسدي
#اللهم_عجل_لوليك_الفرج
كأني بأبو الفضل العباس
ينعى ابن أخيه علي الأكبر
عليهم السلام
كسرت گلوبنة يا بعد عمك
متگطع وذر مدري شيلمك
ابوك حسين هذا وانة يمك
راح ايموت اخيي فوكَ جسمك
طول بطول دومك انت وياي
نتشارك يعمي حتى بالماي
اجيتك يبن اخوي متيه الراي
ما تطري اعله بالي عملتك هاي
يعمي يا عزيز الروح ياكبر
عمت عيني شفت جسمك تطبر
بعد عمك متت عطشان بالحر
وجمسك يا عزيزي تارس البر
محتار بمصابك عمي بأمرين
مدري عليك اونن مدري لحسين
كسر گلبي اشوفه يديرلي العين
يبو فاضل يگلي راح الحنين
كأني بالامام الحسين يكلم ابا الفضل عليهما السلام
يگلة
يبو فاضل عزيزك راح عنك
شيل ابني يخويه ابين حضنك
لليسوه النياحه زيد ونك
ودم العين خلها اتسيل منك
يبو فاضل علي راح من ادينه
شال بعيد ابو روح الحنينيه
يخويه الگوم ابد ما راحمينه
وذر خوية الاعادي مگطعينه
على الدنيا العفا من رحت يكبر
جرح گلبي بغيابك گام يكبر
انكسرت ولكن الدلال يكبر
ما اريد انكسر جدام امية
اسالكم الدعاء رائد الاسدي
#اللهم_عجل_لوليك_الفرج
#ابوذيات
لمولاي الاكبر عليه السلام
سواد العين فـاض ونشف مايه
عله إللي نزل للميدان مايه
إسم ألله يا إوليدي عسن مايه
الكدر ليك وترد محروس إليه
يهل شايل عزيز الروح وانه
إودعنه وجر إعليه وانه
منه إسهرت الليالي إعليه وانه
الكسرني الدهر بأرض الغاضريه
إصبي العين متلولح وناراه
وذهب من ناظري ضيه وناراه
بگلبي ظلت الونه وناراه
إحمست چبدي وأجر ونه خفيه
جمـر العطش بگليبي شبابه
عله إللي منحرم لذة شبابه
يمدونه عله الغبره شبابه
إنگطع منه الوصل وإنگطع بيه
يالأكبر هاك إخذ گلبي وراعه
يبني وإدرع إبصبره وراعه
وإخذ الماي من چبدي وراعه
إتغذه إبمهجتي إو شد عالمنيه
الشاعر المرحوم
الحاج كاظم المنظور الكربلائي
#اللهم_عجل_لوليك_الفرج
لمولاي الاكبر عليه السلام
سواد العين فـاض ونشف مايه
عله إللي نزل للميدان مايه
إسم ألله يا إوليدي عسن مايه
الكدر ليك وترد محروس إليه
يهل شايل عزيز الروح وانه
إودعنه وجر إعليه وانه
منه إسهرت الليالي إعليه وانه
الكسرني الدهر بأرض الغاضريه
إصبي العين متلولح وناراه
وذهب من ناظري ضيه وناراه
بگلبي ظلت الونه وناراه
إحمست چبدي وأجر ونه خفيه
جمـر العطش بگليبي شبابه
عله إللي منحرم لذة شبابه
يمدونه عله الغبره شبابه
إنگطع منه الوصل وإنگطع بيه
يالأكبر هاك إخذ گلبي وراعه
يبني وإدرع إبصبره وراعه
وإخذ الماي من چبدي وراعه
إتغذه إبمهجتي إو شد عالمنيه
الشاعر المرحوم
الحاج كاظم المنظور الكربلائي
#اللهم_عجل_لوليك_الفرج
#تراث
مقتل سيدي ومولاي علي الاكبر
صلوات الله وسلامه عليه
-تسايل بالدمع لوداع الأكبر
-ويگلبي ذوب لوداعه او تفطر
يويلي من تلاگوا عند الوداع
امشابگ طول لمن هووا للگاع
لاع ابنٍ لبيّه والأبو لاع
على ابنيّه يويلي اوداع الاگشر
يشم احسين خد ابنه او يحبه
او دمعه مثل دمع ابنه يصبه
والنار اللي ابگلب ابنه ابگلبه
يخفيها على ابنه او نوب تظهر
يگله والدمع بالعين دفاگ
ابعبره امكسره وابگلب خفاگ
يبويه اوداعة الله هذا الفراگ
يبويه اشبيدنه هذا المگدر
يبويه للسيوف اسدر او للزان
او لُوح ابغارتك واشلش الميدان
يبويه اليوم مرواحك لِلجْنان
او بالكوثر يبوي اليوم تِفطر
تحسر ويل گلبي وجذب ونّه
او منّ الماي آه انگطع ظنّه
عرف لنّ المنية دنت منّه
جره دمعه او للميدان سدّر
.
.
-شبل احسين للميدان سدّر
-او خلّه الخيل بالهامات تعثَر
سدر والكون شابچ زان واسيوف
نشّاب او نَبِل وارماح واحتوف
ما والله رجف گلبه امن الخوف
ولا وجهه من اشراگه تغيّر
هز غدارته او ذبّ العمامه
نِشر راسَه اسم الله اعله النشامه
خز اگلوبها او شرّگ الهامه
او لَف راياتها وللسّرب نشّر
عگب ما شرّگ الهامات والطاس
اجتّه ضربة العبدي على الراس
ضعف واتواردو بسيوفها الناس
شبگ عالمهر ويلي والمهر فر
.
.
-على ابن احسين يا گلبي تفطر
-شبگ علمهر ويلي والمهر فر
شبگ عالمهر لبّاله يودّيه
لبوه احسين عنّ الگوم يحميه
أويلي المهر للعدوان فر بيه
وأوچب آه بِموسط العسكر
داروا بالسيوف عليه والزان
مثل چتال سبع المات فرحان
عسى ابعيد البلا وليته العدوان
أراذل بالمعايب دوم تفخر
هذا يگطع ابسيفه وريده
او هذا بالخناجر فصّل ايده
او هذا يغط من رمحه الحديده
ابخاصرته وهو يعالج او يفْغَر
ثگل بيه الطبر وتلوج روحه 😭
اومحد عرف غير الله اجروحه
دِمَاياته على احصانه سفوحه
لمَن خرّ ابهناديها اموذّر
نده يحسين هذا الساع جدي
سگاني الماي واروى عطش چبدي
يگول اسرع تراك اليوم عندي
أويلي احسين صاح: الله واكبر
.
.
-أويلي احسين صاح: الله واكبر
-يبوي ليش هالنومه ابهالحر
گعد عنده او شافه امغمض العين
ابدمّه سابح امترّب الخدين
متواصل طبُر والرّاس نصّين
حنه ظهره على ابنيّه او تحسّر
يبويه گول منهو الشرگ راسك
ينور العين من خمّد انفاسك
يعگلي من نهَب درعك او طاسك
يروحي اشلون اشوفنّك امطبّر
يبويه من عدل راسك او رِجليك
او من غمض اعيونك واسبَل ايديك
ينور العين كل سيف الوصل ليك
گطع گلبي او لعند احشاي سدّر
يبويه من سمع يمّك ونينك
من شبحت لعند الموت عينك
للعشرين ما وصلن اسنينك
او حاتفني عليك الدهر الاگشر
اريد امسح اجروحك واشم خدك
واحط صدري على صدرك ووسدك
ما راعوا يبويه حرم جدك
واجت زينب تصيح: الله واكبر
الشاعر المرحوم محمد بن نصار
#اللهم_عجل_لوليك_الفرج
مقتل سيدي ومولاي علي الاكبر
صلوات الله وسلامه عليه
-تسايل بالدمع لوداع الأكبر
-ويگلبي ذوب لوداعه او تفطر
يويلي من تلاگوا عند الوداع
امشابگ طول لمن هووا للگاع
لاع ابنٍ لبيّه والأبو لاع
على ابنيّه يويلي اوداع الاگشر
يشم احسين خد ابنه او يحبه
او دمعه مثل دمع ابنه يصبه
والنار اللي ابگلب ابنه ابگلبه
يخفيها على ابنه او نوب تظهر
يگله والدمع بالعين دفاگ
ابعبره امكسره وابگلب خفاگ
يبويه اوداعة الله هذا الفراگ
يبويه اشبيدنه هذا المگدر
يبويه للسيوف اسدر او للزان
او لُوح ابغارتك واشلش الميدان
يبويه اليوم مرواحك لِلجْنان
او بالكوثر يبوي اليوم تِفطر
تحسر ويل گلبي وجذب ونّه
او منّ الماي آه انگطع ظنّه
عرف لنّ المنية دنت منّه
جره دمعه او للميدان سدّر
.
.
-شبل احسين للميدان سدّر
-او خلّه الخيل بالهامات تعثَر
سدر والكون شابچ زان واسيوف
نشّاب او نَبِل وارماح واحتوف
ما والله رجف گلبه امن الخوف
ولا وجهه من اشراگه تغيّر
هز غدارته او ذبّ العمامه
نِشر راسَه اسم الله اعله النشامه
خز اگلوبها او شرّگ الهامه
او لَف راياتها وللسّرب نشّر
عگب ما شرّگ الهامات والطاس
اجتّه ضربة العبدي على الراس
ضعف واتواردو بسيوفها الناس
شبگ عالمهر ويلي والمهر فر
.
.
-على ابن احسين يا گلبي تفطر
-شبگ علمهر ويلي والمهر فر
شبگ عالمهر لبّاله يودّيه
لبوه احسين عنّ الگوم يحميه
أويلي المهر للعدوان فر بيه
وأوچب آه بِموسط العسكر
داروا بالسيوف عليه والزان
مثل چتال سبع المات فرحان
عسى ابعيد البلا وليته العدوان
أراذل بالمعايب دوم تفخر
هذا يگطع ابسيفه وريده
او هذا بالخناجر فصّل ايده
او هذا يغط من رمحه الحديده
ابخاصرته وهو يعالج او يفْغَر
ثگل بيه الطبر وتلوج روحه 😭
اومحد عرف غير الله اجروحه
دِمَاياته على احصانه سفوحه
لمَن خرّ ابهناديها اموذّر
نده يحسين هذا الساع جدي
سگاني الماي واروى عطش چبدي
يگول اسرع تراك اليوم عندي
أويلي احسين صاح: الله واكبر
.
.
-أويلي احسين صاح: الله واكبر
-يبوي ليش هالنومه ابهالحر
گعد عنده او شافه امغمض العين
ابدمّه سابح امترّب الخدين
متواصل طبُر والرّاس نصّين
حنه ظهره على ابنيّه او تحسّر
يبويه گول منهو الشرگ راسك
ينور العين من خمّد انفاسك
يعگلي من نهَب درعك او طاسك
يروحي اشلون اشوفنّك امطبّر
يبويه من عدل راسك او رِجليك
او من غمض اعيونك واسبَل ايديك
ينور العين كل سيف الوصل ليك
گطع گلبي او لعند احشاي سدّر
يبويه من سمع يمّك ونينك
من شبحت لعند الموت عينك
للعشرين ما وصلن اسنينك
او حاتفني عليك الدهر الاگشر
اريد امسح اجروحك واشم خدك
واحط صدري على صدرك ووسدك
ما راعوا يبويه حرم جدك
واجت زينب تصيح: الله واكبر
الشاعر المرحوم محمد بن نصار
#اللهم_عجل_لوليك_الفرج
#نعي الى الامام الحسين عليه السلام اليوم العاشر
***
لكيت اعله التراب حسين مگلوب
نايم بالشمس والثوب مسلوب
كل ساع الحوافر تاخذه بصوب
من عدها وبده شلعان الكلوب
رحت لبن امي وبهمي اعتنيته
ومتخضب لكيته بدم لحيته
مسحت اتراب جسمه وكلبيته
ودورت اعله صبعه وما لكيته
عطشان عطشان اشلون ايموت اخوي حسين عطشان
عريان عريان اخيي اعله الترايب عفته عريان
خويه ..ويهدم الحيل يبن امي مصابك يهدم الحيل
ودوسك الخيل. كل ساع بمجان ادوسك الخيل
محد يشربك. هذا الماي بس محد يشربك
مملوخ كلبك. عمت عيني صحت مملوخ كلبك
وكف امن العتاب بسك يا كلب كف امن العتاب
نايم بالتراب. ابو طول الحلو نايم بالتراب
تعبت اخونه يشيال الرمح تعبت اخونه
بهل حال ابونه. كون ايشوفنه بهل حال ابونه
وانكسر ضهري اعله ابن امي الحنين انكسر ظهري
ماريد عمري. من عكب الاخو ماريد عمري
وشكف بالصياط اطفي بالخيم وشكف بالصياط
وتشتم بالكماط الرباب امدوهنه وتشتم بالكماط
خويه الحمل مال من بعدك صحت خويه الحمل مال
وننجر بالحبال خويه بيا وكت ننجر بالحبال
غريبات عكب حسين ضلينه غريبات
سبيات لرض الشام ودونه سبيات
*
الشاعر
تحسين الخفاجي
#اللهم_عجل_لوليك_الفرج
***
لكيت اعله التراب حسين مگلوب
نايم بالشمس والثوب مسلوب
كل ساع الحوافر تاخذه بصوب
من عدها وبده شلعان الكلوب
رحت لبن امي وبهمي اعتنيته
ومتخضب لكيته بدم لحيته
مسحت اتراب جسمه وكلبيته
ودورت اعله صبعه وما لكيته
عطشان عطشان اشلون ايموت اخوي حسين عطشان
عريان عريان اخيي اعله الترايب عفته عريان
خويه ..ويهدم الحيل يبن امي مصابك يهدم الحيل
ودوسك الخيل. كل ساع بمجان ادوسك الخيل
محد يشربك. هذا الماي بس محد يشربك
مملوخ كلبك. عمت عيني صحت مملوخ كلبك
وكف امن العتاب بسك يا كلب كف امن العتاب
نايم بالتراب. ابو طول الحلو نايم بالتراب
تعبت اخونه يشيال الرمح تعبت اخونه
بهل حال ابونه. كون ايشوفنه بهل حال ابونه
وانكسر ضهري اعله ابن امي الحنين انكسر ظهري
ماريد عمري. من عكب الاخو ماريد عمري
وشكف بالصياط اطفي بالخيم وشكف بالصياط
وتشتم بالكماط الرباب امدوهنه وتشتم بالكماط
خويه الحمل مال من بعدك صحت خويه الحمل مال
وننجر بالحبال خويه بيا وكت ننجر بالحبال
غريبات عكب حسين ضلينه غريبات
سبيات لرض الشام ودونه سبيات
*
الشاعر
تحسين الخفاجي
#اللهم_عجل_لوليك_الفرج
#نعي
امشنـــه للــــــغالي نــودعه
يمكن بـــعد مابيــــه رجعــه
يگطعون راسه وحته اصبعه
وباچر تسمعن كســــر ضلعه
سكــــنه رقيــه رملـــه ليلـه
باچر حسين يـــــروح حيله
يوگع وما واحــــــد يشيلـه
وفوگه العدو يلكـــد بخيله
باچر معاني حسيــــن تنداس
وفوگ الصدر مگعاد الارجاس
لو دارته مـــــن كل كتــر ناس
عينه تصــــــــد لصوب عباس
ونن وركضن شبگن حســين
گالن نجيب يشــبهك منيــن
وين اليحامي اخدوركم وين
لو حـــرگت النــار الصواوين
حيدر ابو كيان الفاطمي
#اللهم_عجل_لوليك_الفرج
امشنـــه للــــــغالي نــودعه
يمكن بـــعد مابيــــه رجعــه
يگطعون راسه وحته اصبعه
وباچر تسمعن كســــر ضلعه
سكــــنه رقيــه رملـــه ليلـه
باچر حسين يـــــروح حيله
يوگع وما واحــــــد يشيلـه
وفوگه العدو يلكـــد بخيله
باچر معاني حسيــــن تنداس
وفوگ الصدر مگعاد الارجاس
لو دارته مـــــن كل كتــر ناس
عينه تصــــــــد لصوب عباس
ونن وركضن شبگن حســين
گالن نجيب يشــبهك منيــن
وين اليحامي اخدوركم وين
لو حـــرگت النــار الصواوين
حيدر ابو كيان الفاطمي
#اللهم_عجل_لوليك_الفرج
اساس ٣ محرم
يلي تكود الناكه
رِدّ وأرحم المشتاكه
طفله وعليلة وحايرة وكوه أعله روحي مصبره
1
يالتحدي بالناكه أنتظر وأسمع سوالف كلبي
لا روح تحمل فركتك لا عين تكدر تربي
كل يوم بيه أيمر سنه ويزيد ضيمي وعتبي
ومرات وآنه بونتي اشكي عذابي الربي
آنه المضيعة أحبابي
محـد أجه ودك بابي
البيت صاير مكبره وكوه أعله روحي مصبره
2
يالماخذ وياك الضعن جا ماخذت دلالي
لتكول آنه معلعله العله فكد الغالي
أتأمل أترد بالأهل وحسين أشوفه أكبالي
لهسه مامستوعبه البيت منه خالي
روحي الحزن سابيها
بس الله يعلم بيها
صح لو كلت متغيره وكوه أعله روحي مصبره
3
الغربة والهم والسفر والحيرة هدن حيلي
ما أدري أشكي الدمعتي مدري الدمع يشكيلي
ردتك تعود من السفر عن كربله تحجيلي
الصبح أكضي بالهضم وبالونه يخلص ليلي
أرجع وشوف شبيه
كل حيل ماظل بيه
كل هذا وآنه امناطره وكوه أعله روحي مصبره
4
دليني وين بيا كتر مأخذ هلي دليني
من يوم بي السافرت فرهدت كل اسنيني
طف كربله بيه شعمل من اخذ شمعة عيني
آنه العليلة فاطمة ودار الغرب تاذيني
يالحادي ارحم حالي
مشتاكه أشوف الغالي
وحسين عني مادره وكوه أعله روحي مصبره
5
آنه ادري لو ضعنك يرد جا من زمان اتردلي
بس آنه أعرفك ماترد يالحادي كلبي يكلي
أهل وخواتي والابو يالحادي جانو ضلي
مني خذتهم كربله وين الذي يفزعلي
يالحادي طلعت روحي
وينه اليداوي جروحي
الغالي من أتذكره وكوه أعله روحي مصبره
6
باليقضه مدري بالحلم جن صوت يمي تعاله
ويصيح ذبحوا ركبته ونسبت كل عياله
يالحادي لن هذا بشر ناشته عن كل حاله
كلي انسلب كلي انسحك كلي افطر دلاله
كتله العشت بآماله
من غسله من شاله
معقوله حزو منحره وكوه أعله روحي مصبره
بغداد
امجد صاحب الشطري
يلي تكود الناكه
رِدّ وأرحم المشتاكه
طفله وعليلة وحايرة وكوه أعله روحي مصبره
1
يالتحدي بالناكه أنتظر وأسمع سوالف كلبي
لا روح تحمل فركتك لا عين تكدر تربي
كل يوم بيه أيمر سنه ويزيد ضيمي وعتبي
ومرات وآنه بونتي اشكي عذابي الربي
آنه المضيعة أحبابي
محـد أجه ودك بابي
البيت صاير مكبره وكوه أعله روحي مصبره
2
يالماخذ وياك الضعن جا ماخذت دلالي
لتكول آنه معلعله العله فكد الغالي
أتأمل أترد بالأهل وحسين أشوفه أكبالي
لهسه مامستوعبه البيت منه خالي
روحي الحزن سابيها
بس الله يعلم بيها
صح لو كلت متغيره وكوه أعله روحي مصبره
3
الغربة والهم والسفر والحيرة هدن حيلي
ما أدري أشكي الدمعتي مدري الدمع يشكيلي
ردتك تعود من السفر عن كربله تحجيلي
الصبح أكضي بالهضم وبالونه يخلص ليلي
أرجع وشوف شبيه
كل حيل ماظل بيه
كل هذا وآنه امناطره وكوه أعله روحي مصبره
4
دليني وين بيا كتر مأخذ هلي دليني
من يوم بي السافرت فرهدت كل اسنيني
طف كربله بيه شعمل من اخذ شمعة عيني
آنه العليلة فاطمة ودار الغرب تاذيني
يالحادي ارحم حالي
مشتاكه أشوف الغالي
وحسين عني مادره وكوه أعله روحي مصبره
5
آنه ادري لو ضعنك يرد جا من زمان اتردلي
بس آنه أعرفك ماترد يالحادي كلبي يكلي
أهل وخواتي والابو يالحادي جانو ضلي
مني خذتهم كربله وين الذي يفزعلي
يالحادي طلعت روحي
وينه اليداوي جروحي
الغالي من أتذكره وكوه أعله روحي مصبره
6
باليقضه مدري بالحلم جن صوت يمي تعاله
ويصيح ذبحوا ركبته ونسبت كل عياله
يالحادي لن هذا بشر ناشته عن كل حاله
كلي انسلب كلي انسحك كلي افطر دلاله
كتله العشت بآماله
من غسله من شاله
معقوله حزو منحره وكوه أعله روحي مصبره
بغداد
امجد صاحب الشطري
نزلة / الوداع
ودعتهم .. والصور ترست خيالي
ودعتهم .. ظلمه بعيوني الليالي
ودعتهم .. ودعتهم
*
من تكابلت اويه اخوتي بالوداع اتحيرت
كلها تتوادع طبيعي اشلون آنه اتوادعت
حسين من شفته وشبكته وفوك صدره من طحت
اسهام مكسوره بضلوعه ورمح راسه هيست
شرد اكلهم .. والدمع وحده البقالي
ودعتهم .. والصور ترست خيالي
**
حرت والله منين ألمسه جرح يتلاكه بجرح
شفت طعنه فوك طعنه ابضهره مكسور الرمح
كمت امسح دمه المنحر ثاري ياذيه المسح
آنه قبلته وأشمه من نياشين الذبح
فزعتهم .. الحرم وياي وعيالي
ودعتهم .. والصور ترست خيالي
**
آنه غطيته بعباتي تشهد اعليه السماء
لن عباتي كلها حمره من أثر ذيج الدماء
مسلب اهدومه اويه راسه بس عرفته اعله الوفاء
رافع ايده بلايا خنصر بيها مرسوم الدعاء
ناشدتهم .. والصخر يبجي اعله حالي
ودعتهم .. والصور ترست خيالي
***
والله عجبه اشلون اسولف عجبه اشتم الهوه
من رحت يم الشريعه وانضر الراعي اللوه
مدلي ذرعانه ويودع زينب اخته بالكوه
حدر جثمانه يضمهن جفين مكطوعه سوه
شاهدتهم .. واذكرت عزي ودلالي
ودعتهم .. والصور ترست خيالي
****
الوادم اتودع اهلها بالشبك لو بالسلام
وآنه اودعهم اخوتي بالتراب وبالسهام
شيله حطيت اعله وجهي حته اغطي اعله الصخام
بي اثر حرك المخيم بي رماد من الخيام
واهلي عنهم .. ينطق الساني بسؤالي
ودعتهم .. والصور ترست خيالي
***
للشاعر زيد الحدراوي
🔸🔸🔸🔸🔸🔸
ودعتهم .. والصور ترست خيالي
ودعتهم .. ظلمه بعيوني الليالي
ودعتهم .. ودعتهم
*
من تكابلت اويه اخوتي بالوداع اتحيرت
كلها تتوادع طبيعي اشلون آنه اتوادعت
حسين من شفته وشبكته وفوك صدره من طحت
اسهام مكسوره بضلوعه ورمح راسه هيست
شرد اكلهم .. والدمع وحده البقالي
ودعتهم .. والصور ترست خيالي
**
حرت والله منين ألمسه جرح يتلاكه بجرح
شفت طعنه فوك طعنه ابضهره مكسور الرمح
كمت امسح دمه المنحر ثاري ياذيه المسح
آنه قبلته وأشمه من نياشين الذبح
فزعتهم .. الحرم وياي وعيالي
ودعتهم .. والصور ترست خيالي
**
آنه غطيته بعباتي تشهد اعليه السماء
لن عباتي كلها حمره من أثر ذيج الدماء
مسلب اهدومه اويه راسه بس عرفته اعله الوفاء
رافع ايده بلايا خنصر بيها مرسوم الدعاء
ناشدتهم .. والصخر يبجي اعله حالي
ودعتهم .. والصور ترست خيالي
***
والله عجبه اشلون اسولف عجبه اشتم الهوه
من رحت يم الشريعه وانضر الراعي اللوه
مدلي ذرعانه ويودع زينب اخته بالكوه
حدر جثمانه يضمهن جفين مكطوعه سوه
شاهدتهم .. واذكرت عزي ودلالي
ودعتهم .. والصور ترست خيالي
****
الوادم اتودع اهلها بالشبك لو بالسلام
وآنه اودعهم اخوتي بالتراب وبالسهام
شيله حطيت اعله وجهي حته اغطي اعله الصخام
بي اثر حرك المخيم بي رماد من الخيام
واهلي عنهم .. ينطق الساني بسؤالي
ودعتهم .. والصور ترست خيالي
***
للشاعر زيد الحدراوي
🔸🔸🔸🔸🔸🔸
في حب الامام الحسين عليه السلام
حد الموت خدام وموالين
أبد والله ماننساك يحسين
★★★★★
لبو السجاد حد الموت خدام
شما مرت ليالي ومرت ايام
حب حسين هو معنى الاسلام
وحگ الذاريات وال ياسين
أبد والله ماننساك يحسين
★★★★★
يمأسس فكر يلصانع أمجاد
بدونك لا تظن الدنيا تنراد
روح الروح حبك يا ابو السجاد
يا غالي علينا ابن الميامين
ابد والله ماننساك يحسين
★★★★★
يلحبك سكن بالروح والذات
ما ينوصف بالچلمات هيهات
تعجز كل قواميس وعبارات
لهذا السبب بيك احنه مجانين
ابد والله ما ننساك يحسين
★★★★★
يا شمس الضحى ويا گمرة الليل
هويتنا محبتك جيل عن جيل
يبن بيت التبارك بيه جبريل
يا ابو السجاد يا مجمع النورين
ابد والله ماننساك يحسين
★★★★★
مثل الهيمه گلبي يعيش مهجور
من دونك ينور اليشع من نور
شما بينا يمر الزمن ويدور
تظل بگلوبنا لحبك نياشين
ابد والله ماننساك يحسين
★★★★★
تفك قيود عنه وتكسر اغلال
يا فخر العقيده ومصنع ابطال
بوصفك يا عباره وچلمه تنگال
توصفك يا قصيده ويا دواوين
ابد والله ما ننساك يحسين
الشاعر حسن لعيبي الحريشاوي
حد الموت خدام وموالين
أبد والله ماننساك يحسين
★★★★★
لبو السجاد حد الموت خدام
شما مرت ليالي ومرت ايام
حب حسين هو معنى الاسلام
وحگ الذاريات وال ياسين
أبد والله ماننساك يحسين
★★★★★
يمأسس فكر يلصانع أمجاد
بدونك لا تظن الدنيا تنراد
روح الروح حبك يا ابو السجاد
يا غالي علينا ابن الميامين
ابد والله ماننساك يحسين
★★★★★
يلحبك سكن بالروح والذات
ما ينوصف بالچلمات هيهات
تعجز كل قواميس وعبارات
لهذا السبب بيك احنه مجانين
ابد والله ما ننساك يحسين
★★★★★
يا شمس الضحى ويا گمرة الليل
هويتنا محبتك جيل عن جيل
يبن بيت التبارك بيه جبريل
يا ابو السجاد يا مجمع النورين
ابد والله ماننساك يحسين
★★★★★
مثل الهيمه گلبي يعيش مهجور
من دونك ينور اليشع من نور
شما بينا يمر الزمن ويدور
تظل بگلوبنا لحبك نياشين
ابد والله ماننساك يحسين
★★★★★
تفك قيود عنه وتكسر اغلال
يا فخر العقيده ومصنع ابطال
بوصفك يا عباره وچلمه تنگال
توصفك يا قصيده ويا دواوين
ابد والله ما ننساك يحسين
الشاعر حسن لعيبي الحريشاوي