لبیک یاحسین ع

(السيده رقيه ع تخاطب احد بنات الشام)

يبنيه ماعدكم ماي// والله انه عطشانه هواي
خليني اعرفج بيه// الگدامج انه ارقيه🚩😭
≈≈≈≈≈≈≈≈≈≈≈
يلواگفه اباب الاهل تتفرجين اعليه
منج اريدآ بس طلب جيبيلي بس اميه
ريجي يبس مثل الخشب جرت نفس مابيه
يبنيه من كثر العطش ترجف تره رجليه
يبنيه انتي ابحلي// بس المهم مو مثلي
يسموني المسبيه// الگدامج انه رقيه
≈≈≈≈≈≈≈≈≈≈≈
والله انه من كثر التعب بعيوني اشوفج گوه
واظح على وجهي الظما شوفي بشفافي شسوه
بس كون ابلل شفتي مو لازم اله اتروه
شوفيني كاتلني التعب ماعندج انتي امروه
قطرة عذب مو اكثر// يچويني نفسي الينجر
من النفس مجويه // الكدامج انه ارقيه
≈≈≈≈≈≈≈≈≈≈≈
بلگوه اجرنه النفس من ريتي احس تطلع نار
يبنيه گلبج مايحن حسبيني عندج خطار
بهيكل غفينه بهل كتر يسمونها عود الدار
يعني احنه جيران من امس والجار حگه على الجار
نمنه بخرابه بلا باب// صارت وسادتنه تراب
شفنه شكثر اذيه// الگدامج انه رقيه
≈≈≈≈≈≈≈≈≈≈≈
ماننطي ماي الكم تره هيج الاهل وصونه
مو بيدي يرقيه تره ماننطي شي منعونه
باجر يجي راس برمح الخارجي يسمونه
بدو الماي على الارظ خلي تشوف عيونه
تبدونه گدام حسين// وخلو يشوفه بالعين
من الاهل وصيه // الگدامج انه ارقيه
≈≈≈≈≈≈≈≈≈≈≈
مابيدي شي حكم الاهل خلاني اسد بيباني
حكم القوي عليه تره بهذا الوظع خلاني
امنيتي اجيبنلج عذب بس الابو وصاني
صادر امر من القصر خلو السبيه تعاني
يقهرني حيل ونينج // بس انتي شوفت عينج
عيون الحرس عليه//الگدامج انه ارقيه
≈≈≈≈≈≈≈≈≈≈≈
هذا التطلبينه صعب اعفيني لا مااگدر
مجبوره اردنلج طلب من عندج انه اتعذر
التنطي شي گالو تره توگف مثلهم با الحر
بچفوفها ينشد حبل تنظرب حيل وتنجر
مثلج يظربونه هيج// مااگد الله يخليج
ينشد حبل بيديه// الگدامج انه رقيه
≈≈≈≈≈≈≈≈≈≈≈

تمت _ ازهر الزيدي

يبنيه ماعدكم ماي/والله انه عطشانه هواي
خليني اعرفچ بيه /الگدامج انه رقيه 🚩😭

#نعي

ياطارش الـهَـم لـهلي حَـوّل
ولبيت هاشم عَجل إجـبـل
گلهم ضعنكم ضايگ الـذل
والشامي يحدي ويمشي رايه

طـر البـلـد وانـده يـهـاشـم
لـهـذا الـخـبر ذبوا العمايم
صلّت على حسين الصوارم
وانثلمت اركان الولاية

يا طارش اهـلـي وهُـمَّ أعلـم
سبيي الخدر أكلف امن الـدم
عدهم ضعـن بـالشـام خـيّم
لا والي عنده ولا اكو راية

يـا طــارشـي أخـبرهم ولـونا
وبـكـل صـلافـة انسـبّ ابونا
لابــن الـدعــيّـة طـبــبــونــا
ولقصره جابونا سبايا

اچـهـب بنـي عـمرو وتحفّه
گـلـهم ضعنكم طلع وسفه
شَوف المرة عد اهلي كلفة
بالصحرة والحامي العباية

خبّر هلـي عـن حـال خـدري
ميّة غدى امن الضيم عمري
مو سبيي لا بخوانـي كـسـري
وما يصلح الجابر لهاية

مـــثـل العـبـيد امگـيـديـنـا
وبــحـبـل واحـد چـاتـفـيـنـا
مــا نــگــدر انـشـاگف بدينا
آية انچتفنا بظهر آية

خـبّـرهـــم اجـنــايز اهـلـنـا
بــالـبـر بـگـن واحــنا رحـلنا
لا لــيـهـا صحـنـا ولا نـحـبنا
بكل ونّه نتألّم اهواية

كـلـمن نعـى ميته ويغسله
وحــسـيـنّـه مـحـد وصـلّـه
لا من گـرابـه ولا مـن اهـله
عاري الترس خدري فيايه

عــامـود هـاذ الكـون عاري
مـذبـوح صبـراً بالصحـاري
عـطـشـان وبـ حَرّ الظهاري
وفايض على الثقلين مايه

يا طارش اهلـي لـو بچـولي
وبصوت اهل حسرة نعولي
بـالعــجـل مـعنـاها دعولي
يظهر المهدي وتعله راية

يدري بمصاب الشام الاگشر
ومن سوگ گوة لسوگ نفـتر
يدعي لروحـه بـعـجـل يظهر
ولثارنا يفيض الدمايا

كرار رحمن

#اللهم_عجل_لوليك_الفرج

نعي مفجع
السيده زينب ع
اتخاطب الأمام الحسين ع


شـفـتـك يخويه بخيل مديوس
مسلّـب يـذخـري بـغيـر ملبوس
بذاري الـتـرب وبـحـر الشموس
وضـل الـدمـع بـالعين محبوس


بـاچـر اعـوفـك وصـعـد النـوگ
صـعـدت سبيه ومـاضن اتلـوگ
غـربـه التگـود الضعن وتسـوگ
وهـدم الـعـلـيـه بـنـار مـحـروگ


ادري يخويـه بفـرگتي أتـطـول
جـابـو هـزل ومسرّجه اخيـول
ريـت الـعـذر يحسين مـقـبـول
اشعندك وصيه ولختك أتگـول

*-----------------------*-------------------*
✍خـادم الـحـسيـن ع
الشاعر رعد الجريخي

#نعي

ياسايگ النوگ ما تگدر تمر ابهلي
اني چبيرة بخت لتباوع المحملي
اني اخوي الشمس واني الگمر كافي
آمر وأنهه چنت وبس اسمع ادللي
بدولابه فرني الدهر وخله ادموعي اتهلي
انه رايده منك طلب سويه لله وإلي
توصل مضارب مضر واعله ناگتك تعتلي
وتصيح يهل الشيم يولاد حمزه وعلي
الكم حرارير شفت ضلن بلايه ولي

#اللهم_عجل_لوليك_الفرج

مرسوم هاشمي ،، عباس بن علي حماي الخدر ،، حماي الخدر

-------------------------------------------

من المدينه وللنهر
بعد السبي وبعد السفر
وكت الحرب وكت الخطر
عباس حامي ويبقى حامي

لو حتى سحگو جثته
ولو اخته ميت شافته
هم يرجع اترف رايته
يصبح نهر لو چان ضامي

عباس وحيدر شخصيته
والفارس نعرف تاليته
چا غير العفيه امربيته
صارتله اعگاله وخاچيته

يطبر وام عون اتسميله



------------------------------------

يا طوله المحلي الحرب
فولاذ شايل مو گلب
ما ينعرف فوگ الحُجب
محد يعرف اسرار دوره

تكليف من حيدر علي
يعني الامر من العلي
صار الختم بيد الولي
وحست آميه بهل خطوره

صاحو بس هذا السواهه
وادم علوادم خلاهه
لمهه وطشرهه ولماهه
بعباس الحومه شمحلاهه

زامط خاله من صار الطف

--------------------------------------

بچفوفه سيف الواقعه
هم خافظه وهم رافعه
بيها العساكر سامعه
طب للقتال وبيده رايه

ما تنحسب موتى شكثر
نيشان خلى بكل شبر
اذا جاء كفال الخدر
والسوره تكمل آيه آيه

صاحو وين الميت وينه ؟
حتى الصاحي امغمض عينه
عباس أمبيد رجلينه
شماله الخيال امگبلينه

من صاحو هد عم سكينه

----------------------------------------


قابض على نحور الزلم
لم الحرب لم الهِدم
شبيهه العساكر تنثلم ؟
گالو صَحَت ظلمه سمانه ؟


گالو زَعل گالو عُبر
صار الركض مدة شهر
هذا الحصل بالمختصر
واحد يگل للثاني اجانه

الما يركض ميت والثاني
ضم روحه ويصرخ مو آني
هسه انه لهاي شجاباني
الله اليستر ها شافاني ؟

ما تگضي بچلمة موش آنه

---------------------------------------


دگ الزلم دگ أگهوه
حرم على الريه الهوى
شبيهه البشر شردو سوى
ها جاهم العباس جاهم

هيچ انكتب حان الاجل
سيف القدر للطف وصل
هذا الجرى وهذا الحصل
خله الرمل يصبح غطاهم

هذا ابن المرهب عدوانه
خله ايضم راسه ابن فلانه
ما تنفع فزعه وعوانه
كثرو لهلوادم دفانه

يذبج والجربه اعله متونه


كلمات الخادم / رعد الفريجي
ثوابها الى روح والدتي

حسين حسين حسين
--------------------------

شحچي وكلشي خانگني هذا الليل اذانــي
اختك هايبعد اختك همـــك غير الوانـــــــي
اودعك واني من دونك احلف والله مو اني
يحسين الفجر يحسين مدري لوين وداني

ناس وخيل ،، ماظل حيل ،، باچر ياخذ انفاسي
بلوه حسين ،، نركض وين ،، فوگ الرمله عباسي

حسين حسين حسين
-----------------------

ارد اوگف على حيلي وما شــــالني رجليه
باچر انته تحت الخيل واختك انـــــا مسبيه
جسمك بيه قيامه جروح بالالف وتسعميه
راسك علرمح مرفوع واني بصطره معميه

تلهب نار ،، تبچي زغار ،، وانته بلا نفس خويه
اصد مذبوح ،، وانته الروح ،، واصيحن يا علي بويه

حسين حسين حسين

،،،،،،،،،،،،،،،،،،،،،،

اگلك وينك الحگلي ســــــاكت يـــــا ضوه يعيوني
يلنايم دليلي يصيح وين اخــــــواني عافــــــــوني
اوصل يمك بيا حال لا زيــــــــــــــــــنب ولا لوني
لا تنشدني خويه ارجوك ضربو وجهي وامتوني

شامت گال ،، ماكو ارجال ،، ظلو برحمة چفوفي
يا زهراء ،، يمه احاه ،، اندبچ يم حسن شوفي


حسين حسين حسين
----------------------------------

وين الخنصر المگطوع يلنايم على الغبـــــــره
بيك اچم ضلع مكسور هيچ تشوفك الزهـــــره
انته بصدرك القرءان چا ليش انخسف صـدره
هذا الحافر الملعون گلــــــــوله شسحگ حدره

ساحگ نور ،، دمعي ايفور ،، من شفت الولي ونحره
آخ شلون ،، عميه عيون ،، وسفه وطشرو صدره

حسين حسين حسين

،،،،،،،،،،،،،،،،،،


اختكم هــــــــــــــا تسمعونــــــي يلجبتوني وياكم
لا راس بجسد موجــــــود لا جربه ولا الــــــواكم
عبد الله الطفل جسام الاكبر ما لگيــــــــــــــــناكم
ودوني اعلى شاطي الموت كافل خدري ما جاكم

ها عباس ،، هاي الناس ،، درب الشام ما يرحم
كون تشوف ،، كون چفوف ،، ما تحصل بعد نحلم

حسين حسين حسين


للخادم  / رعـــد الفريــــجي

الأمام السجاد ( ع)



.        ذكـريـاتـه جـروح بالـطـف والـسـبي
         وشينسّي الـمـنـچـوي ابـنـار الـعـبـي

هذا حاله وهذا وضعه * عمره يخلص دمعه دمعه

                              *---------------*---------------*

ابـتـدت رحـلـة عـذابـه اويـه الـسـبـايـه
وچـانـت الـقـصـه طـويـلـه ابـلا نـهـايـه
عـمّـتـه بـعـينـه نظرهه و صـعبـه هـايـه
تـركـض و نـار الـعـده  بـطـرف الـعبـايه

عاشر اجفونه المخيم والدمع
وصارت اسنينه تشابه للشمع

هيچي عايش چـنـه  شمعه

                              *---------------*---------------*

بـگـلـبـه نـيـران المخيم صـعـبـه تطفــه
وبـمـحرم يجـري دمـعـه ويـبـدي طـفّـه
يـذكــر ايــام الـمـآسـي وذاكـه ضـرفــه
الـعـليـل وهـذا حـالـه شـلـون اوصـفـه

الخلـص بدمعاتـه ايـام الـعـمـر   
الذكرياته احبال وسياط الشمر

الذكره صـعبـه و هم تـوجّـعـه

                              *---------------*---------------*

صـورة  الطـف ابـخـيـالـه و تـجـري عينه
و الاشــد جـرح  الـسـبـي الـهـيّـج حنينـه
اگـبـالـه ويـشـوف الشـمـر يحدي الضعينه
و فـوگ عـلـتـه ونـار حـزنـه  امـچـتـفـيـنه

اتحمل الشمات واحزان وغرب  
والعقيله اگباله وسفه وتنضرب

خصمه  سبهه  و ما يمنعه

                              *---------------*---------------*

حـالتـه بذيچ الصحـاري شحچي عـنـهـه
ايـشـاهـد الروس الغوالي اقـمـار چنـهــه
وعـمـتـه زيـنـب شـاركاهه بكل حـزنـهــه
امـچـتـفينـه ويمشي گـوه وي ضـعـنـهــه

صوره للخيمه نظرهه وللحرگ   
و للمتون اليجرن ادموم وزرگ

الـيِـمـه اخـتـه وعـمتـه  تـنعـه

                              *---------------*---------------*

الـجـامـعـه الحزت رگـبتـه اتقص مصابـه
ورحـلـة الـشـام أوگـفّـتـه بـنـص خـرابــه
خـارجـي ايـگـولـون عـنـه والـلـه جـابـــه
صـبـت عـيـونــه مـثــل صـب السـحـابـه

يسمع السب وجرّوحه اتلچّمن    
وجارن اعليه المصايب والزمن

بكل سـنـه امـحـرم  يفـجـعـه

                              *---------------*---------------*

يـذكـر الـشـام وجـروحه بـكـل مـسـيـه
و مـا يـشـاهـد غـيـر مسلوبه و سـبـيـه
سـاگـنـه  بـروحـه بـقـت لـوعـة  رقـيــه
يـَمـه مـاتـت بالـخـرابـه و طـفـلـه هـيـه

لـلـمـمـات وعـايـش  بنار الالم    
ودمعته لحسين ولراعي العلم

الشاهد  اهله  گباله  صرعَه

                              *---------------*---------------*

✍  خادم الحسين ع
      الشاعر رعد الچريخي

ذكرياته جروح بالطف والسبي
وشينسى المنچوي بنار العبي
هذا حاله وهذا وضعه
عمره يخلص دمعه دمعه 🚩

زينب ورقيه

والله ياعمه  بعــد مــابيـه حـيل
وين اروحن من بعد عين الكفيل

عمه يارقيه ..... عالجرا شبيديه
ويــن اروحن ..... ويـــن اروحن
****

يسولفن بيـــناتهن بس بالبواچي
اتذكرن عباس ابو حلو المحاچي
عمه لو مــوجود ماسلـبــــوا تراچـــي
وعالجرح ياوسفه گلب الحره تاچي

عمـــه غربه والضــعن مابـــي هلي
وياهـــو بعده يگلي خـــويه أدللي

نادت السبيه ..... عالجرا شبيديه
ويـــن اروحن ..... ويــن ا روحن
****

عمـــه ياعمه ابتــعد عنـــي الاوده
وهو يدري بروحي والدلال عنده
ظل مچانك خالي چا ياهو اليسده
خـــويه ياعـبـاس هاي شلـــون شـــــده

والله بغــيابك بعــد ماعنـدي روح
ولــو تنام العين تلچــمها الجـــروح

تجرح المسيه ..... عالجرا شبديه
ويــــن اروحن ..... ويــــن اروحن
****

تگلها خلينه يا زينب نمشي يمه
نحـلفه بالـزهره يرد والـحره امـه
ماكو ياعباس خيمه ودنيا ظلمه
والعساكر خويه ابد مابيها رحمه

شلون نوصل والحرس خيل وزلم
نــصيح من بعــيد وبصــوت الهــظــم

وين ابو الحــميه .. عالــجــرا شبديه
ويـــن اروحـن ..... ويـــن اروحــن 
*

تگله وينـــك  يابوفاضل  ياحيــــاتي
خويه شوف السوط مطبوع  بعباتي
ومن جلوس الليله صليت الصلاتي
والسبـــب ياخــــويه كـــثرن نــايبـــاتـــي

نايـــم انـــت وانا عــــذبــــني الدمـع
والحزن عاشرني من يوم الضلع

بصرخة الزچيه .. عالــجرا شبديه  
ويـــــن اروحـن ..... ويــــن اروحـن
*

عمه نمشي الوالدي ونمر بالاكبر
ونمـــشي للعريس ماظنـــه يتعذر
نگلــهم العــباس عــالشـاطي تـــوذر
ياهو بعد اللي كفلنه اعليـــنه ينــغر

عمه ماتوا كل هلي وكل اخوتي
ومحد بحـالي دره وبمـحنــتـــي

انـــا والاذيــــــه ..... عالجرا شبديه
ويــن اروحن ..... ويـــن اروحن
***

عمه ابــوفاضل وسف گطعوا يمينه
وگطعوا اشماله وبعد صابوله عينه
يعـــنـــي ايســنه بعـد لا مـا يجــيـنه
يعنــي انا اتكــفلت هـــاي الضــعــينـــه

نمشي وي الحادي ياحيف بزجر
ومــن بعـــد عباس يبــرالي الشــمر

والگلب ضحيه .. عالجرا شبديه
ويـــــن اروحن .... ويــــن اروحـن
****

وين ابوفاضل ينشدون اليتامى
ويندعون العمـــهم يرد  بسـلامه
عمه چانت رايـــته لـــينه علامـه
هسه لا رايه ولا صوت الحسامه

هاي هيا وراح اروح اويه الغرب
ابلا كفيلي وحشه يادنيا الدرب

مايجي اليه .. عالجرا شبديه
ويــــن اروحن .. ويــــن اروحن


الشاعر فاروق الغنامي

ادعولــــــي بالخدمة

ادعولي ادعولي .. ابقى خادم للحسين
ادعولي ادعولي .. ماتـغـيرني السنين
ــــــــــــــــــــــــــــــــــــــــــــــــــــ

ادعولي ابقى خادم الهاي القضيه
وبيكم انا التقي ونلطم سويه
نواسي للحره العقيله الهاشميه
وبسجل حسين تكتبنه الزچيه

هنيـالي هنـيـالي .. يم امـير المؤمنين
ادعولي ادعولي .. ابقى خادم للحسين
ــــــــــــــــــــــــــــــــــــــــــــــــــــــ

والله اتشرف اذا سموني خادم
خادم اهل البيت خادم للفواطم
واگف اباب الخدامه ودمعي ساجم
واسمع شيقره جليل ويقره باسم

وياهم وياهم .. انا اردد بالونين 
ادعولي ادعولي .. ابقى خادم للحسين
ــــــــــــــــــــــــــــــــــــــــــــــــــــــــ

بالخدامه اتمنى اگظيها حياتي
حتى يحضرني الخدمته في مماتي
ومنكر اليسئل على صومي وصلاتي
يستحي امنيشوف لطمي على اغاتي

يهنيني يهنيني .. على لطمي والادين
ادعولي ادعولي .. ابقى خادم للحسين
ـــــــــــــــــــــــــــــــــــــــــــــــــــــــ

ياسلام الله على حسين وخدمته
انا مجنون وعلى الفطره عشگته
اشكر الله واشكر الهاذي نعمته
من شملني بحب ابو اليمه ورحمته

وتشكر وتشكر .. الله رب العالمين
ادعولي ادعولي .. ابقى خادم للحسين
ـــــــــــــــــــــــــــــــــــــــــــــــــــــــ

اخدم الزوارك انا وهله بيهم
بيدي اوكلهم وبيدي اغسل اديهم
وبيدي اغطيهم واظل اسهر عليهم
والصبح يدعولي وانا ادعي ليهم

وياكم وياكم .. اخذوا شوگي والحنين
ادعولي ادعولي .. ابقى خادم للحسين
ـــــــــــــــــــــــــــــــــــــــــــــــــــــــ

على هالخدمه اظل وهذا رجواي
خادم زغيرون لو مر بيه مشاي
شرف اغسل للجدوره لو اصب چاي
كلها خدمه والمهم معروف مسعاي

بالجنه بالجنه .. لو خدمت الزائرين
ادعولي ادعولي .. ابقى خادم للحسين
ــــــــــــــــــــــــــــــــــــــــــــــــــــــــ

واليشكك بالشعائر هذا وينه
على هالخدمه تعودنه وربينه
لايحاول خل يصحح خطأ دينه
نلطم بعاشور نخدم بأربعينه

بالقمه بالقمه .. ودوم من الفائزين
ادعولي ادعولي ..ابقى خادم للحسين

الشاعر فاروق الغنامي

السلام على زينب ام المصائب



مشت زينب غريبه ومحد وياها
فقط بس العليل بروحه واساها
زينب والسجاد اوياها

*-------------*-----------*-------------*

بدرب الموت والخوف ومئاسيها
مشت واخوانها ماصاحو اعليها
واويلي أعله زينب والحزن بيها
محتاره بظعنها وظلم حاديها

بحباله الظالم مشاها
*------------*-------------*------------*
مشت وعيونها أعلى اخوانها اربيه
ومن هول المصاب تكول مو هيه
على العباس صاحت عاين اعليه
وعلى حسين الكظى وماضاك الميه

ضلت تنحب وي بلواها
*-------------*-------------*--------------*

مشت زينب غريبه والعدى شمات
ياحيف الزجيه بالبراري تبات
ماكو حسين يمها اليحظر الشدات
والكافل طريح وضل عالمسنات

والكافل مايتعناها
*--------------*-------------*--------------*
تون زينب لاهلها وسكته ونتها
وحبال العدى لو ناحت اتعتها
زينب بالمداين صعبه قصتها
وياها الظعن زود مصيبتها

أطفال تنوح وتنحاها
*------------*-------------*-------------*
تصيح بصوت يمه الزهره الحكيني
غريبه ومحد من أهلي يباريني
يمه من الهظم ضلت تصب عيني
بدال اخواني صار الشمر يوليني

زينب تنحب وين اعضاها
*-----------*-------------*-----------*


محمد دعبل النوري


  

مشت زينب غريبه ومحد وياها

محمد النوري

الشاعر محمد البنداوي